A Luk koe‑noogo 9

A Zeezi tʋma karen-biis piig la a yiibu

(Mat 10.5-15, Mark 6.7-13)

1A Zeezi boola karen-biis piig la a yiibã n kõ-b pãnga la noor tɩ b rig zĩn-dãmba, la b maag bãad-dãmba. 2A Zeezi tʋma bãmb tɩ b tɩ moon Wẽnnaam soolem koɛɛga, la b maag bãad-dãmba. 3A Zeezi yeel-b lame yaa: «Da rɩk-y bũmb y kẽnda yĩng ye. Da zɩ-y dasaar bɩ korgo, buri wall ligd ye. La y ra zɩ fut a yiib‑yiib ye. 4Yãmb sẽn sig zak ning pʋgẽ, bɩ y pa be n tãag y sẽn na n yi be n looge. 5#Tʋʋm 13.51, Luk 10.4-11La zĩig ning fãa nebã sẽn ka reeg yãmba, y sã n wa n yit tẽn-kãngã, bɩ y pĩms y naoã tom tɩ yɩ kaset b yĩnga.» 6A Zeezi karen-biisã loogame n kẽng tẽng‑tẽnga, n moond koe-noogã, la b maagd neb zĩiga fãa.

A Zãmbatiis kũum

(Mat 14.1-12, Mark 6.14-29)

7A#Mat 16.14, Mark 8.28, Luk 9.19Erood sẽn yaa Gʋvɛrneerã dag n wʋma bũmb nins fãa sẽn dag n maandã, la a rag n ka mi yẽnda sẽn na n tags tɩ bũmb ning ye. Bala, neb kẽer dag n yetame t'a Zã vʋʋgame n yi kũum sʋka, 8tɩ kẽer yetẽ tɩ Wẽnnaam no-rɛɛsdbã sẽn zĩnd pĩndã ned a ye n vʋʋge. 9La a Erood yeelame: «Mam kɩtame tɩ b fiuug a Zã zugu. Dẽ, ned ning mam sẽn wʋmd tɩ b gomd a yell woto wã yaa ãnda soaba?» La yẽnda rag n baoodame n dat n yãnd a Zeezi.

A Zeezi dɩlga neb tus a nu

(Mat 14.13-21, Mark 6.30-44, Zã 6.1-14)

10Tẽn-tʋmdbã sẽn lebg n wa, b togsa a Zeezi bũmb nins fãa bãmb sẽn maanã. A Zeezi peega bãmb n yi kɛɛng n kẽng tẽng a yembr sẽn boond tɩ Betsayɩda sẽnẽ. 11La neb kʋʋngã bãngame n pʋg bãmba. A Zeezi reeg-b lame n gom ne-b Wẽnnaam soolem yelle, la b maag neb nins sẽn dag n dat maagrã me.

12Wĩndgã sẽn kɩlle, karen-biis piig la a yiibã kolgame n yeel a Zeezi yaa: Kɩt-y tɩ neb kʋʋngã loog n kẽng tẽn-bãoonegẽ wã ne pʋtã sẽn pẽ ka wã n tɩ paam gãag zĩisi, la b paam dɩɩbo. Bala, tõnd sẽn beẽ wã yaa we-rasempʋɩɩga. 13A Zeezi yeela karen-biisã tɩ bãmb mensã kõ nebã rɩɩb tɩ b rɩ. La b leokame n yeele: Tõnd ka tar sẽn yɩɩd bur a nu ne zĩm a yiib ye. Sã n ka tɩ tõnd mens na n kẽngame n tɩ ra rɩɩb nin-kãensã fãa yĩnga. 14La nebã sẽn dag n be be wã kolga raop tus a nu. A Zeezi yeela b karen-biisã tɩ b kɩt tɩ nebã zĩnd sull-sulli, neb pis-nunu. 15Karen-biisã maana a woto n kɩt tɩ b fãa zĩndi. 16A Zeezi reega bur a nu wã ne zĩm a yiibã n nak n ges yĩngr n ning-b barka, n yaool n kao burã ne zĩmã n kõ karen-biisã tɩ b pʋɩ neb kʋʋngã. 17Bãmb fãa rɩɩme n tɩge, la b wʋka gɩrsã sẽn kellã n pid pet piig la a yiibu. Bur a nu ne zĩm a yiibu.

A Pɩyɛɛr kaseto

(Mat 16.13-20, Mark 8.27-29)

18Daar a ye, a Zeezi rag n bee zĩig neb sẽn ka be, n pʋʋsdẽ, la karen-biisã rag n bee ne bãmba. A Zeezi soka b karen-biisã yaa: Neb kʋʋngã yetame tɩ mam yaa ãnda? 19#Mat 14.1,2, Mark 6.14,15, Luk 9.7,8Bãmb leokame tɩ kẽer yetame t'a Zãmbatiisi, tɩ kẽer yetẽ t'a Eli, tɩ kẽer yetẽ tɩ Wẽnnaam no-rɛɛsdbã sẽn zĩnd pĩndã ned a ye sẽn vʋʋge. 20#Zã 6.68,69La a Zeezi soka bãmb yaa: La yãmba, yãmb yetame tɩ mam yaa ãnda? A Pɩyɛɛr leokame: «Yãmb yaa Kiris sẽn yi Wẽnnaam nengẽ.» 21A Zeezi keooga bãmb neere, n yeel-b tɩ b ra saag n togs ned yõwã ye.

A Zeezi togsa bãmb kũum yelle

(Mat 16.21-28, Mark 8.31, 9.1)

22A Zeezi gomame n paas n yeel tɩ yaa tɩlɛ tɩ Ninsaal Bi-riblã nams wʋsgo, tɩ kãsem-dãmbã ne maan-kʋʋdbã kãsem-dãmbã la tõog karen-saam-dãmbã kɩɩs bãmba n kʋ-ba, la tɩ rasem a tãab daare bãmb na vʋʋge.

23 # Mat 10.38, Luk 14.27 Dẽ, a Zeezi yeela b fãa yaa: ned sã n dat n tũ maam, bɩ a kɩɩs a mengã ratem, n tʋk a da-pɩk daar fãa n pʋg maam. 24#Mat 10.39, Luk 17.33, Zã 12.25Sɩd me, ned ning fãa sẽn dat n kogl a vɩɩm, a vɩɩm na sãame. La ned ning sẽn na n bas a vɩɩm mam yĩnga, a na n leb n paam-a lame. 25Ned sã n paam dũni bũmb fãa, n yaool n menem wall a sãam a menga, a yõod bee yɛ ne-a? 26Sɩd me, ned sã n zoe mam yãnde, la mam goamã yãnde, Ninsaal Bi-riblã sã n wa n wa ne b ziirã, la b ba wã ziiri, ne malegs-sõamyã, b na n zoee yẽnda me yãnde. 27Mam yeta yãmb sɩd-sɩd tɩ neb nins sẽn be ka wã kẽer ka na n ki hal tɩ b yãnd Wẽnnaam soolmã.

A Zeezi neng tedgre

(Mat 17.1-8, Mark 9.2-8)

28Sẽn kolg rasem a nii, a Zeezi sẽn gom gom-kãensã zugẽ, bãmb peega a Pɩyɛɛr ne a Zã la a Zak n dʋ tãngã zug n na n pʋʋse. 29La bãmb sẽn pʋʋsd wakate, b nengã yalẽ tedgame, la bãmb futã lebga peels n pɩnda. 30La gese, raop a yiib n wa n gom ne a Zeezi. Dag n yaa a Moyiis ne a Eli, 31n puk b meng ne ziiri, n gomd ne a Zeezi b kũumã b sẽn na n ki Zeruzalɛmã yelle. 32Gõeem rag n namsda a Pɩyɛɛr ne a tũud-n-taasã, la bãmb neendame#9.32 Neende: rat n yeelame tɩ b basa gõeem n yãnd a Zeezi. n yãnd a Zeezi ziirã ne raop a yiibã sẽn da be ne bãmbã. 33Wakat ning raopã sẽn bas a Zeezi n loogdẽ wã, a Pɩyɛɛr yeela a Zeezi yaa: «Karen-saamba, yaa sõama tɩ tõnd pa ka. D tilg fu-rot a tãabo: a yembr yãmb yĩnga, a yembr a Moyiis yĩnga, a yembr a Eli yĩnga.» Yẽnda rag n ka mi a sẽn gomd bũmb ningã ye. 34La yẽnda sẽn gomd a woto, sawadg waa n luda bãmba, la a Moyiis rãmb sẽn kẽed sawadgẽ wã, rabeem yõka bãmba. 35#Eza 42.1, Mat 3.17, 12.18, Mark 1.11, Luk 3.22#2Pɩy 1.17,18La koɛɛg yii sawadgẽ wã n yeele: Ada yaa mam Bi-ribl mam sẽn yãke, bɩ y kelg-a. 36La koɛɛgã sẽn gom a woto n sɛ, a Zeezi rag n yɛsa b yembre. Karen-biisã kell n sĩndame n ka togs ned bũmb ning bãmb sẽn yã wã da-kãens ye.

A Zeezi maaga biig zĩn sẽn tare

(Mat 17.14-21, Mark 9.14-29)

37Vẽkembeoogo, bãmb sẽn yi tãngã zug n sigi, neb kʋʋng wʋsg waa n sega a Zeezi. 38La gese, neb kʋʋngã sʋka, dao a ye n zĩnd be n zẽk a koɛɛg n yeele: Karen-saamba, m kot-y lame tɩ y ges m bi-riblã. Bala, yaa m bi-yende. 39Zĩn n kẽed-a, la a sã n kẽ-a bala, a kelemdame, la zĩnã kɩtdame t'a sobg n gʋɩgsdẽ, tɩ tãntãn-puudã yita. A sã n na n wa n yi n bas biigã, rẽ t'a nams-a-la wʋsgo, n pogl-a. 40Mam bõosa yãmb karen-biisã tɩ b rig-a, la b ka tõog ye. 41A Zeezi yeelame yaa: Neb sẽn ka tẽebo, la sẽn yaa nin-wẽnse, mam na n paa ne yãmb la m maan sũ-mar ne yãmb tɩ ta wakat bʋgo? Tall f biigã n wa ne ka. 42La biigã sẽn kolgdã, zĩnã lub-a-la tẽnga, n nams-a wʋsgo. La a Zeezi lenga zĩn-dẽgdã, n maag biigã n kɩs-a a ba. 43La nebã fãa yɛɛsame, b sẽn yã Wẽnnaam pãn-kãsengã yĩngã.

A Zeezi leb n goma b kũumã yelle

(Mat 17.22-23, Mark 9.30-32)

Nebã sẽn ket n tagsd bũmb nins fãa a Zeezi sẽn maanã yell ne yɛɛsgo, a Zeezi yeela b karen-biisã yaa: 44Yãmba, yok-y y tʋb n kelg gom-kãensã sõama: b na n yõka Ninsaal Bi-riblã n kõ nebã. 45La karen-biisã rag n ka wʋmd gom-kãng võor ye. A rag n solga ne bãmba, sẽn na n yɩlg tɩ b ra bãng a võorã ye. La b rag n yɛɛsdame n ka rat n sok a Zeezi bõn-kãng wɛɛngẽ ye.

Ãnda n yaa kãseng n yɩɩda?

(Mat 18.1-5, Mark 9.33-37)

46 # Luk 22.24 Nokoeemd yika bãmb sʋka, tɩ b rat n bãng sẽn yaa-a kãseng n yɩɩd bãmb sʋkã. 47A Zeezi sẽn mi bãmb sũyã tagsgã, b peega bi-bilf n zĩnig-a b sɛɛgẽ 48#Mat 10.40, Luk 10.16, Zã 13.20n yeel karen-biisã yaa: «Ned ning fãa sẽn na n deeg bi-bilf‑kãngã mam yʋʋrã yĩnga, yaa mam mengã la a reeg yã. La ned ning fãa sẽn deeg maam, a reegda sẽn tʋmã maamã. Bala, ned ning sẽn yaa-a yao-zʋʋg yãmb sʋkã, yaa yẽnda soab n yaa kãsenga.»

Ned ning sẽn ka kis yãmb yaa yãmb dẽnda

(Mark 9.38-40)

49A Zã gomame n yeele: «Karen-saamba, tõnd yãnda rao sẽn digd zĩn-dãmb ne yãmb yʋʋre, la tõnd gɩdg-a lame, a sẽn ka naag tõnd n tũud yãmbã yĩnga.» 50A Zeezi leok-a lame n yeele: «Ra gɩdg-y-yã-a ye. Bala, ned sã n ka kis yãmba, a bee ne yãmba.»

A Zeezi lenga a Zak ne a Zã

51Wakat ning b sẽn tog n zẽk a Zeezi tɩ b kẽng arzãnã sẽn kolge, bãmb tolg n yãka yam n na n kẽng Zeruzalɛm. 52B tʋma neb tɩ b reng bãmb taoore. La b kẽngame n tɩ kẽ Samaari n na n segl bũmb fãa a Zeezi yĩnga. 53La nebã ka reeg a Zeezi ye, bãmb sẽn dag n dabd Zeruzalɛmã yĩnga. 54#2Rĩm 1.9-16Bãmb karen-biis a Zak ne a Zã sẽn yã woto, b yeelame yaa: «Zu-soaba, yãmb datame tɩ d kɩt tɩ bugum yi yĩngr n sig n dɩ-b bɩ?» 55La a Zeezi wẽnemdame n leng bãmb [n yeele: «Yãmb ka mi sɩɩg ning sẽn tar yãmbã ye. 56Bala, Ninsaal Bi-riblã ka wa tɩ sãam ninsaalbã vɩɩm ye, la yaa tɩ fãag-ba.»] La bãmb kẽnga tẽng a to.

Ned sã n dat n yɩ a Zeezi karen-biiga

(Mat 8.18-22)

57Bãmb sẽn be sorẽ n dabda, ned n yeel a Zeezi yaa: «Mam na n tũu yãmb n kẽng zĩig ning fãa yãmb sẽn na n kẽngẽ». 58A Zeezi leok-a lame: «Waas tara bogdo, la liuuli sẽn yɩgdã tara tʋgdo, la Ninsaal Bi-riblã ka tar zĩig sẽn na n gãneg a zug ye.» 59A Zeezi yeela ned a to: «Tũ maam.» La yẽnda leoka a Zeezi yaa: «bas-y-m nand tɩ m tɩ mum m ba la m wa.» 60La a Zeezi leok-a lame n yeele: «Bas kũumã tɩ b mum b kũum, la foom, kẽng n moon Wẽnnaam soolem koɛɛgã.» 61#1Rĩm 19.20Ned a to leb n yeelame: «Zu-soaba mam na n tũu yãmba, la, sak-y tɩ m deng n tɩ pʋʋs m zakã rãmb wẽnd-na-taas la m wa.» 62A Zeezi leoka yẽnda yaa: «Ned sã n gãd wãk rũng sẽn tata, la a rat n wẽnemd n ges a poorẽ, yẽnda ka zems ne Wẽnnaam soolmã ye.»

Currently Selected:

A Luk koe‑noogo 9: MPBU

Highlight

Copy