A Mark koe‑noogo 11
11
A Zeezi kẽeda Zeruzalɛm ne waoogre
(Mat 21.1-11, Luk 19.28-40, Zã 12.12-19)
1Bãmb sẽn kolg Zeruzalɛm n pẽneg Bɛtfaaze la Betani, oliiv tɩɩs tãngã sẽnẽ, a Zeezi tʋma b karen-biis a yiib n yeel-b yaa: 2«Kẽng-y tẽng ning sẽn be-a yãmb taoorã. Yãmb sã n kẽ tẽngã bala, y na n yãnda bõn-bil sẽn loe, ned sẽn nan ka zomb-a ye. Lok-y-yã-a n wa ne ka. 3Ned sã n sok yãmb tɩ yaa bõe tɩ yãmb maand a woto? Bɩ y leok-a tɩ yaa Zu-soabã n dat-a, la bãmb na n kɩtame tɩ b leb n tall-a n wa ka moas-moasã bala.»
4Bãmb karen-biisã kẽngame n tɩ yã bõn-bil sẽn loe zak noore, sorã kɩrenga, la bãmb lok-a lame. 5Neb kẽer sẽn be beenẽ soka bãmb yaa: «Yãmb maanda bõe? Yaa bõe tɩ yãmb lokd bõn-bilã?» 6Bãmb leoka wa a Zeezi sẽn dag n yeel bãmbã, la b basa bãmb tɩ b looge. 7Bãmb waa ne bõn-bilã a Zeezi nengẽ, n palg-a b futu, la a Zeezi zomb-a lame. 8Neb wʋsg yɛɛda b fut sorã zugu, tɩ kẽer gãneg tɩɩs vãad b sẽn kao pʋt pʋsẽ. 9#Yɩɩn 118.25,26Neb nins sẽn be a Zeezi taoorã ne neb nins sẽn pʋgd bãmbã dag n kelemdame n yetẽ:
«Hozaana! Bark bee ned ning sẽn
wat ne Zu-soabã yʋʋrã zugu!
10Bark bee soolem ning sẽn wat-a wã, tõnd ba a Davɩɩd soolmã zugu. Hozaana hal saasẽ!»
11A Zeezi taa Zeruzalɛm n kẽ wẽnd doogẽ wã. La bãmb sẽn ges bũmbã fãa n sa, rẽ tɩ zĩigã sobgame. Bãmb yii be ne b karen-biisã piig la a yiibã n kẽng Betani.
Kankang paama kãab-wẽnga
(Mat 21.18-22)
12Vẽkembeoog yibeoogo, bãmb sẽn yit Betani, kom dag n tara a Zeezi. 13La b sẽn tool n yãnd kankang sẽn tar vãad yɩɩga, bãmb kẽngame n na n tɩ ges b sã n na paam bũmb beenẽ. La b sẽn kolge, b ka yã bũmb ye, yaa vãad bala. Bala, kankam wakat nan ka ta ye. 14Dẽ, bãmb yeela kankangã yaa: «Ned kõn leb n dɩ fo biis yɛs ye, abada.» La bãmb karen-biisã wʋmame.
A Zeezi riga koaasdb wẽnd doogẽ wã
(Mat 21.12-17, Luk 19.45-48, Zã 2.13-22)
15Bãmb taa Zeruzalɛm, la a Zeezi sẽn kẽ wẽnd doogã zakẽ, b sɩngame n dig neb nins sẽn be beenẽ n koosdẽ, la neb nins sẽn be beenẽ n daadẽ wã. La b leeba ligd tekdbã taabl-dãmba, ne wan‑koaasdbã goeelse. 16La bãmb ka sak tɩ ned baa a yembr zã teoog n pɩʋʋg wẽnd doogã zak ye. 17#Eza 56.7, Zer 7.11Bãmb zãmsa nebã n yeele: «Rẽ yĩnga, b ka gʋls tɩ b na n boola mam doogã tɩ pʋʋsg roog buud fãa yĩng sɩda? La yãmb maan-a lame t'a lebg wagda geongo.»
18Maan-kʋʋdbã kãsem-dãmbã ne tõog karen-saam-dãmbã wʋma a Zeezi gomdã, la b baoo sor ning b sẽn na n tũ n kʋ-ba. Bãmb dag n zoeta a Zeezi, bala, b zãmsgã rag n kẽe neb kʋʋngã sõama.
19La zĩ-sobd sẽn ta, a Zeezi yii tẽngã ne b karen-biisã.
Kankangã kʋɩɩme
20La yibeoogo, bãmb sẽn loogdã, b yãnda kankangã sẽn kʋɩ ne a yẽgã fãa. 21A Pɩyɛɛr sẽn tẽeg bũmb ning sẽn dag n maanã, a yeela a Zeezi yaa: «Karen-saamba, ges-y-yã! Kankangã yãmb sẽn dag n kãab wẽngã, a kʋɩɩme.» 22A Zeezi yeela bãmba: «Maan-y tẽeb ne Wẽnnaam. 23#Mat 17.20, 1Kor 13.2Mam yeta yãmb sɩda, tɩ ned sã n yeel tãn-kãngã t'a serg a sẽn beẽ wã n kẽ ko-kãsengã pʋga, la a sã n ka sãmb a sũurã pʋgẽ, la a sã n tẽ tɩ bũmb ning yẽnda sẽn yeelã na n yɩɩme, Wẽnnaam na n kɩtame tɩ yɩ a woto.» 24Yaa woto yĩng tɩ mam yet yãmba: «Bũmb ning fãa yãmb sẽn na pʋʋs n kose, bɩ y tẽ tɩ y reeg-a lame, la yãmb na yã t'a pidsame.» 25#Mat 6.14,15Yãmb sã n yas yĩngr n pʋʋsdẽ, yãmb sã n tara yell ne neda, bɩ y kõ-a sugri, tɩ yãmb ba sẽn be arzãnã me kõ yãmb sugr y beegrã yĩnga. 26[La yãmb sã n ka kõ sugri, yãmb ba sẽn be arzãnã me ka na n kõ yãmb sugr y beegrã yĩng ye.]
A Zeezi reega b noorã yɛɛnẽ?
(Mat 21.23-27, Luk 20.1-8)
27Bãmb leb n kẽnga Zeruzalɛm yɛsa, la a Zeezi sẽn gõod wẽnd doogẽ wã, maan-kʋʋdbã kãsem-dãmbã ne tõog karen-saam-dãmbã, ne kãsem-dãmbã waa bãmb nengẽ n sok-b yaa: 28«Yãmb maanda bõn-kãens ne no-bʋgo, la ãndã n kõ yãmb noor tɩ y maane?» 29A Zeezi leoka bãmb yaa: «Mam na n soka yãmb sokr a yembre. Leok-y maam tɩ mam na yaool n togs yãmb mam sẽn paam noorã zĩig ning n maand bõn-kãensã. 30A Zã lisgã yii arzãn bɩ, bɩ ninsaalb nengẽ? Leok-y maam.» 31La bãmb yẽsa ne taab a woto: «Tõnd sã n leok t'a yii arzãna, bãmb na n yeelame tɩ la yaa wãn tɩ tõnd ka tẽ-a? 32La tõnd sã n yeel t'a yii ninsaalb nengẽ, ha! Bãmb dag n zoeta nebã, bala, nebã rag n tẽedame t'a Zã sɩd yaa Wẽnnaam no-rɛɛs hakɩɩka. 33Dẽ, bãmb leoka a Zeezi: «Tõnd ka mi ye.» La a Zeezi yeela bãmba: «Mam me kõn togs yãmb mam sẽn paam noorã zĩig ning n maand bõn-kãensã ye.»
Currently Selected:
A Mark koe‑noogo 11: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Mark koe‑noogo 11
11
A Zeezi kẽeda Zeruzalɛm ne waoogre
(Mat 21.1-11, Luk 19.28-40, Zã 12.12-19)
1Bãmb sẽn kolg Zeruzalɛm n pẽneg Bɛtfaaze la Betani, oliiv tɩɩs tãngã sẽnẽ, a Zeezi tʋma b karen-biis a yiib n yeel-b yaa: 2«Kẽng-y tẽng ning sẽn be-a yãmb taoorã. Yãmb sã n kẽ tẽngã bala, y na n yãnda bõn-bil sẽn loe, ned sẽn nan ka zomb-a ye. Lok-y-yã-a n wa ne ka. 3Ned sã n sok yãmb tɩ yaa bõe tɩ yãmb maand a woto? Bɩ y leok-a tɩ yaa Zu-soabã n dat-a, la bãmb na n kɩtame tɩ b leb n tall-a n wa ka moas-moasã bala.»
4Bãmb karen-biisã kẽngame n tɩ yã bõn-bil sẽn loe zak noore, sorã kɩrenga, la bãmb lok-a lame. 5Neb kẽer sẽn be beenẽ soka bãmb yaa: «Yãmb maanda bõe? Yaa bõe tɩ yãmb lokd bõn-bilã?» 6Bãmb leoka wa a Zeezi sẽn dag n yeel bãmbã, la b basa bãmb tɩ b looge. 7Bãmb waa ne bõn-bilã a Zeezi nengẽ, n palg-a b futu, la a Zeezi zomb-a lame. 8Neb wʋsg yɛɛda b fut sorã zugu, tɩ kẽer gãneg tɩɩs vãad b sẽn kao pʋt pʋsẽ. 9#Yɩɩn 118.25,26Neb nins sẽn be a Zeezi taoorã ne neb nins sẽn pʋgd bãmbã dag n kelemdame n yetẽ:
«Hozaana! Bark bee ned ning sẽn
wat ne Zu-soabã yʋʋrã zugu!
10Bark bee soolem ning sẽn wat-a wã, tõnd ba a Davɩɩd soolmã zugu. Hozaana hal saasẽ!»
11A Zeezi taa Zeruzalɛm n kẽ wẽnd doogẽ wã. La bãmb sẽn ges bũmbã fãa n sa, rẽ tɩ zĩigã sobgame. Bãmb yii be ne b karen-biisã piig la a yiibã n kẽng Betani.
Kankang paama kãab-wẽnga
(Mat 21.18-22)
12Vẽkembeoog yibeoogo, bãmb sẽn yit Betani, kom dag n tara a Zeezi. 13La b sẽn tool n yãnd kankang sẽn tar vãad yɩɩga, bãmb kẽngame n na n tɩ ges b sã n na paam bũmb beenẽ. La b sẽn kolge, b ka yã bũmb ye, yaa vãad bala. Bala, kankam wakat nan ka ta ye. 14Dẽ, bãmb yeela kankangã yaa: «Ned kõn leb n dɩ fo biis yɛs ye, abada.» La bãmb karen-biisã wʋmame.
A Zeezi riga koaasdb wẽnd doogẽ wã
(Mat 21.12-17, Luk 19.45-48, Zã 2.13-22)
15Bãmb taa Zeruzalɛm, la a Zeezi sẽn kẽ wẽnd doogã zakẽ, b sɩngame n dig neb nins sẽn be beenẽ n koosdẽ, la neb nins sẽn be beenẽ n daadẽ wã. La b leeba ligd tekdbã taabl-dãmba, ne wan‑koaasdbã goeelse. 16La bãmb ka sak tɩ ned baa a yembr zã teoog n pɩʋʋg wẽnd doogã zak ye. 17#Eza 56.7, Zer 7.11Bãmb zãmsa nebã n yeele: «Rẽ yĩnga, b ka gʋls tɩ b na n boola mam doogã tɩ pʋʋsg roog buud fãa yĩng sɩda? La yãmb maan-a lame t'a lebg wagda geongo.»
18Maan-kʋʋdbã kãsem-dãmbã ne tõog karen-saam-dãmbã wʋma a Zeezi gomdã, la b baoo sor ning b sẽn na n tũ n kʋ-ba. Bãmb dag n zoeta a Zeezi, bala, b zãmsgã rag n kẽe neb kʋʋngã sõama.
19La zĩ-sobd sẽn ta, a Zeezi yii tẽngã ne b karen-biisã.
Kankangã kʋɩɩme
20La yibeoogo, bãmb sẽn loogdã, b yãnda kankangã sẽn kʋɩ ne a yẽgã fãa. 21A Pɩyɛɛr sẽn tẽeg bũmb ning sẽn dag n maanã, a yeela a Zeezi yaa: «Karen-saamba, ges-y-yã! Kankangã yãmb sẽn dag n kãab wẽngã, a kʋɩɩme.» 22A Zeezi yeela bãmba: «Maan-y tẽeb ne Wẽnnaam. 23#Mat 17.20, 1Kor 13.2Mam yeta yãmb sɩda, tɩ ned sã n yeel tãn-kãngã t'a serg a sẽn beẽ wã n kẽ ko-kãsengã pʋga, la a sã n ka sãmb a sũurã pʋgẽ, la a sã n tẽ tɩ bũmb ning yẽnda sẽn yeelã na n yɩɩme, Wẽnnaam na n kɩtame tɩ yɩ a woto.» 24Yaa woto yĩng tɩ mam yet yãmba: «Bũmb ning fãa yãmb sẽn na pʋʋs n kose, bɩ y tẽ tɩ y reeg-a lame, la yãmb na yã t'a pidsame.» 25#Mat 6.14,15Yãmb sã n yas yĩngr n pʋʋsdẽ, yãmb sã n tara yell ne neda, bɩ y kõ-a sugri, tɩ yãmb ba sẽn be arzãnã me kõ yãmb sugr y beegrã yĩnga. 26[La yãmb sã n ka kõ sugri, yãmb ba sẽn be arzãnã me ka na n kõ yãmb sugr y beegrã yĩng ye.]
A Zeezi reega b noorã yɛɛnẽ?
(Mat 21.23-27, Luk 20.1-8)
27Bãmb leb n kẽnga Zeruzalɛm yɛsa, la a Zeezi sẽn gõod wẽnd doogẽ wã, maan-kʋʋdbã kãsem-dãmbã ne tõog karen-saam-dãmbã, ne kãsem-dãmbã waa bãmb nengẽ n sok-b yaa: 28«Yãmb maanda bõn-kãens ne no-bʋgo, la ãndã n kõ yãmb noor tɩ y maane?» 29A Zeezi leoka bãmb yaa: «Mam na n soka yãmb sokr a yembre. Leok-y maam tɩ mam na yaool n togs yãmb mam sẽn paam noorã zĩig ning n maand bõn-kãensã. 30A Zã lisgã yii arzãn bɩ, bɩ ninsaalb nengẽ? Leok-y maam.» 31La bãmb yẽsa ne taab a woto: «Tõnd sã n leok t'a yii arzãna, bãmb na n yeelame tɩ la yaa wãn tɩ tõnd ka tẽ-a? 32La tõnd sã n yeel t'a yii ninsaalb nengẽ, ha! Bãmb dag n zoeta nebã, bala, nebã rag n tẽedame t'a Zã sɩd yaa Wẽnnaam no-rɛɛs hakɩɩka. 33Dẽ, bãmb leoka a Zeezi: «Tõnd ka mi ye.» La a Zeezi yeela bãmba: «Mam me kõn togs yãmb mam sẽn paam noorã zĩig ning n maand bõn-kãensã ye.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.