A Mark koe‑noogo 12
12
Reezẽ tɩɩs pʋʋg koaadb yel-bũndi
(Mat 21.33-46, Luk 20.9-19)
1 #
Eza 5.1,2 Dẽ poore, a Zeezi sɩngame n tão bãmb yel-bũnd n yeele: «Dao a yembr n dag n sel a reezẽ tɩɩse, n wẽ yãgr n gũbg-a, n tuk reezẽ rãam wẽkr boko la a me gãosgo. La yẽnda gũnug-a-la ne reezẽ tɩ‑koaadba la a bas n tog sore. 2La bõn-bɩʋʋng sẽn ta, yẽnda tʋma tʋmtʋmd reezẽ tɩ‑koaadbã nengẽ t'a tɩ reeg a pʋɩɩr n wa n kõ-a. 3La bãmb yõka yẽnda n pãbe, n dig-a t'a lebg a nug-zaala. 4La yẽnda leb n tʋma tʋmtʋmd a to bãmb nengẽ, la b pãba yẽ zugã n yaal-a. 5Yẽnda tʋma a tãab soaba, la b kʋʋ yẽnda. La yẽnda tʋma neb a taab wʋsgo, la b pãba kẽere, n kʋ kẽere. 6Nin-yend tãa n dag n ket yẽnda sẽn tõe n tʋme: A bi-ribl‑nongre. Yẽnda yaool n tʋma yẽnda n tagsdẽ: ‹B na n waooga mam biigã.› 7La reezẽ tɩ‑koaadb kãens yẽsa ne taab n yeele: ‹Yaa yõwã n na n soog a ba wã paoongã. Wa-y tɩ d kʋ-a tɩ paoongã lebg tõnd dẽnda.› 8La bãmb yõka yẽnda n kʋ, n yiis-a reezẽ tɩɩs pʋʋgẽ wã n lob kɛɛnga. 9Woto wã, reezẽ tɩɩs pʋʋgã soab na n maana bõe? Yẽnda na n waame n kʋ reezẽ tɩ‑koaadb kãense, la a rɩk pʋʋgã n gũnug koaadb a taaba. 10#Yɩɩn 118.22,23Yãmb nan ka karem gʋls-sõamyã koe-kãngã la?
Kugr ninga tãn-metbã sẽn zãgsã
lebga roogã pãng kugri,
a soakã zĩigẽ wã.
11Yaa Zu-soabã n kɩt t'a yɩ a woto,
la a yaa bõn-kãseng tõnd nifẽ.»
Gãosg sẽn be reezẽ tɩɩs pʋʋgẽ.
12Maan-kʋʋdbã kãsem-dãmbã ne tõog karen-saam-dãmbã la kãsem-dãmbã da rat n yõka a Zeezi, la b zoee kʋʋngã. B bãngame tɩ yaa bãmb yell la a Zeezi gom yel-bũndã pʋgẽ. La b basa a Zeezi n looge.
Zemsame tɩ yao rĩm a Sezaar yõor yaoodo?
(Mat 22.15-22, Luk 20.19-26)
13Bãmb tʋma Fariizẽ-dãmbã kẽer ne a Erood poorẽ dãmb kẽer tɩ b tɩ maan sɩlem n kɩt t'a Zeezi gom n yõk b meng n kõ-ba. 14B waa n yeela a Zeezi a woto: «Karen-saamba, tõnd miime tɩ yãmb yaa sɩd soaba, la tɩ yãmb ka zoet ned baa a yembr ye. Bala, yãmb ka tũusd neb ye. La yãmb zãmsda nebã Wẽnnaam sorã ne sɩda. Dẽ yĩnga, noor beeme tɩ yao rĩm a Sezaar yõor yaood bɩ? Tõnd tog n yaoome bɩɩ, bɩ d ka tog n yao?» 15A Zeezi sẽn mi b zãmbã leoka bãmb yaa: «Yaa bõe tɩ yãmb makd maam? Wa-y ne lagf a yembr tɩ m gese.» 16La b talla a yembr n wa n kõ bãmba. La a Zeezi sok-b lame yaa: «Maasmã ne yʋʋrã yaa ãnda rẽnda?» Bãmb leokame: «Yaa rĩm a Sezaar rẽnda.» 17Dẽ, a Zeezi yeela bãmb yaa: «Lebs-y rĩm a Sezaar bũmb nins sẽn yaa rĩm a Sezaar dẽnda, la y lebs Wẽnnaam bũmb nins sẽn yaa Wẽnnaam dẽnda.» A Zeezi leokrã yɛɛsa bãmba.
Sokr kũum vʋʋgr poorẽ
(Mat 22.23-33, Luk 20.27-40)
18 #
Tʋʋm 23.8
Sadusẽ rãmb me waa a Zeezi nengẽ, bãmb da yetame tɩ kũum ka tõe n vʋʋg ye. Saduusẽ-dãmba sẽn yet tɩ kũum vʋʋgr ka be wã waa a Zeezi nengẽ n sok bãmb a woto: 19#Tõ 25.5«Karen-saamba, a Moyiis rag n gʋlsame n yeel tõnd tɩ ned sã n ki n bas a paga, n ka tar biiga, bɩ a ba-biig reeg a pagã n dog kamb a ba-biigã yĩnga.» 20Raop a yopoe n dag n be n yaa ba-biisi. Kẽem soabã peega paga, la a kiime n ka paam biig ye. 21Yiib soabã reega pʋg‑kõorã, la yẽ me kiime n ka paam biig ye. Tãab soabã me yɩɩ a woto. 22Bãmb b yopoe wã ned baa a yembr ka paam biig ye. Bãmb fãa sẽn ki, pagã me yaool n kiime. 23Kũum vʋʋgr wakate, pagã na n yɩɩ ãnda soab paga? Bala, yẽ yɩɩ bãmb b yopoe wã fãa paga.» 24A Zeezi leoka bãmba: «Ka yãmb sẽn ka wʋmd gʋls-sõamyã, wall Wẽnnaam pãngã võor yĩng la yãmb tudg-y sɩda? 25Bala, kũum vʋʋgr wakate, raop ka na n leb n dɩgs pagba, pagb me ka na n kuil sɩdba. Bãmb na n yɩɩ wa malegsã sẽn be arzãnã. 26#Yik 3.6La ne kũum vʋʋgrã yelle, yãmb nan ka karem a Moyiis sebrã pʋgẽ, Wẽnnaam sẽn gom ne a Moyiis tuugã sẽn wit bugmã sɛɛgẽ n yetẽ wã la?: «Mam yaa a Abrahaam Wẽnnaam, a Izak Wẽnnaam la a Zakoob Wẽnnaam.» 27Wẽnnaam ka kũum Wẽnnaam ye, b yaa nin-vɩɩs Wẽnnaam. Ad yãmb tudgrã yaa kãsenga!»
Tõog sẽn yaa kãseng n yɩɩda
(Mat 22.34-40, Luk 10.25-28)
28Tõog karen-saamb a yembr sẽn wʋm bãmb goamã, la a sẽn yã t'a Zeezi leoka bãmb ne yamã, a kolgame n sok bãmb yaa: «Tõodã fãa sʋka, bʋg n yɩɩda?» 29#Tõ 6.4,5A Zeezi leokame n yeele: «Pipi soabã la woto: Israyɛlle, kelge, Sẽn-Ka-Saab yaa tõnd Wẽnnaam, Sẽn-Ka-Saab yaa b yembr bal tãa. 30Bɩ f nong Sẽn-Ka-Saab sẽn yaa fo Wẽnnaamã ne f sũur fãa, la f yalẽ fãa la f yamã fãa la ne f pãngã fãa. 31#Mk 19.18Tõog ning sẽn pʋgd-a yẽnda la woto: Nong f to wa f menga.» Tõog ka be sẽn yɩɩd bãmbã ye. 32#Tõ 4.35Tõog karen-saambã yeela bãmb yaa: «Karen-saamba, y gomd yaa sɩda. Wẽnnaam sɩd yaa b yembr tãa, la a to ka be kal bãmb bala, 33#Ooz 6.6la tɩ nong bãmb ne f sũur fãa la f yam fãa la f pãng fãa, la tɩ nong f to wa f menga, a yɩɩda maand sẽn yõogd bugum la maand a taabã fãa.» 34#Luk 10.25-28A Zeezi sẽn yã tɩ yẽnda leoka ne yam, b yeel-a lame: «Fo ka zãr ne Wẽnnaam soolem ye.» La ned baa a yembr ka saag n leb n sok bãmb bũmb ye.
Kiris yaa ãnda biiga?
(Mat 22.41-46, Luk 20.41-44)
35A Zeezi sẽn zãmsd nebã wẽnd doogẽ wã, b sokame: Yɩta a wãn tɩ tõog karen-saam-dãmbã yetẽ tɩ Kiris yaa a Davɩɩd biiga? 36#Yɩɩn 110.1Sɩɩg-sõng kɩtame t'a Davɩɩd meng yeele: «Zu-soabã yeela mam Zu-soabã yaa: Zĩnd mam dɩtgo, hal tɩ m wa kɩt tɩ f tab f bɛɛbã ne f nao.» 37A Davɩɩd meng boonda bãmb tɩ Zu-soaba. Dẽ, bãmb na n yɩɩ a wãn n leb n yɩ a Davɩɩd biiga? La neb kʋʋng wʋsg kelga bãmb ne sũ-noogo.
A Zeezi gomda tõog karen-saam-dãmbã yelle
(Mat 23.1-16, Luk 11.37-54, 20.45-47)
38Zãmsgã pʋgẽ, a Zeezi yeela nebã yaa: Gũus-y y mens ne tõog karen-saam-dãmbã sẽn nong n gõ ne fu-bɛda, n dat tɩ nebã pʋʋsd bãmb raas pʋsã. 39Bãmb baooda waoogr zaoods karen-dotẽ la rɩɩb zĩisẽ. 40Bãmb gʋsda pʋg‑kõap paoongo, la b pʋʋsd pʋʋs-wogd nebã gesg yĩnga. Bãmb na n paama sɩbgr sẽn ya toog n yɩɩd a taabã.
Pʋg‑kõor kõo kũuni
(Luk 21.1-4)
41A Zeezi zĩndame tɩ b nengã tees ligdã ningr zĩigẽ, tɩ b get kʋʋngã sẽn ningd ligdã to‑to. Arzegs rãmb wʋsg n dag ningd ligd wʋsgo. 42Pʋg‑kõor a yembr sẽn yaa naong soab me n wa n ning lagd-bãooneg a yiib sẽn zems tãma. 43La a Zeezi boola b karen-biisã n yeel-ba: «Mam yeta yãmb sɩd-sɩd tɩ pʋg‑kõ-kãngã sẽn yaa naong soabã kõome n yɩɩd neb nins fãa sẽn ning ligd ligdã koglgẽ wã. 44Bala, bãmb ned kam fãa tʋm n yõngame n ningi, la yẽ sẽn ka tarã, a pɩɩsa a meng zãng n kɩse, hal a rɩɩb ligdi.»
Currently Selected:
A Mark koe‑noogo 12: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Mark koe‑noogo 12
12
Reezẽ tɩɩs pʋʋg koaadb yel-bũndi
(Mat 21.33-46, Luk 20.9-19)
1 #
Eza 5.1,2 Dẽ poore, a Zeezi sɩngame n tão bãmb yel-bũnd n yeele: «Dao a yembr n dag n sel a reezẽ tɩɩse, n wẽ yãgr n gũbg-a, n tuk reezẽ rãam wẽkr boko la a me gãosgo. La yẽnda gũnug-a-la ne reezẽ tɩ‑koaadba la a bas n tog sore. 2La bõn-bɩʋʋng sẽn ta, yẽnda tʋma tʋmtʋmd reezẽ tɩ‑koaadbã nengẽ t'a tɩ reeg a pʋɩɩr n wa n kõ-a. 3La bãmb yõka yẽnda n pãbe, n dig-a t'a lebg a nug-zaala. 4La yẽnda leb n tʋma tʋmtʋmd a to bãmb nengẽ, la b pãba yẽ zugã n yaal-a. 5Yẽnda tʋma a tãab soaba, la b kʋʋ yẽnda. La yẽnda tʋma neb a taab wʋsgo, la b pãba kẽere, n kʋ kẽere. 6Nin-yend tãa n dag n ket yẽnda sẽn tõe n tʋme: A bi-ribl‑nongre. Yẽnda yaool n tʋma yẽnda n tagsdẽ: ‹B na n waooga mam biigã.› 7La reezẽ tɩ‑koaadb kãens yẽsa ne taab n yeele: ‹Yaa yõwã n na n soog a ba wã paoongã. Wa-y tɩ d kʋ-a tɩ paoongã lebg tõnd dẽnda.› 8La bãmb yõka yẽnda n kʋ, n yiis-a reezẽ tɩɩs pʋʋgẽ wã n lob kɛɛnga. 9Woto wã, reezẽ tɩɩs pʋʋgã soab na n maana bõe? Yẽnda na n waame n kʋ reezẽ tɩ‑koaadb kãense, la a rɩk pʋʋgã n gũnug koaadb a taaba. 10#Yɩɩn 118.22,23Yãmb nan ka karem gʋls-sõamyã koe-kãngã la?
Kugr ninga tãn-metbã sẽn zãgsã
lebga roogã pãng kugri,
a soakã zĩigẽ wã.
11Yaa Zu-soabã n kɩt t'a yɩ a woto,
la a yaa bõn-kãseng tõnd nifẽ.»
Gãosg sẽn be reezẽ tɩɩs pʋʋgẽ.
12Maan-kʋʋdbã kãsem-dãmbã ne tõog karen-saam-dãmbã la kãsem-dãmbã da rat n yõka a Zeezi, la b zoee kʋʋngã. B bãngame tɩ yaa bãmb yell la a Zeezi gom yel-bũndã pʋgẽ. La b basa a Zeezi n looge.
Zemsame tɩ yao rĩm a Sezaar yõor yaoodo?
(Mat 22.15-22, Luk 20.19-26)
13Bãmb tʋma Fariizẽ-dãmbã kẽer ne a Erood poorẽ dãmb kẽer tɩ b tɩ maan sɩlem n kɩt t'a Zeezi gom n yõk b meng n kõ-ba. 14B waa n yeela a Zeezi a woto: «Karen-saamba, tõnd miime tɩ yãmb yaa sɩd soaba, la tɩ yãmb ka zoet ned baa a yembr ye. Bala, yãmb ka tũusd neb ye. La yãmb zãmsda nebã Wẽnnaam sorã ne sɩda. Dẽ yĩnga, noor beeme tɩ yao rĩm a Sezaar yõor yaood bɩ? Tõnd tog n yaoome bɩɩ, bɩ d ka tog n yao?» 15A Zeezi sẽn mi b zãmbã leoka bãmb yaa: «Yaa bõe tɩ yãmb makd maam? Wa-y ne lagf a yembr tɩ m gese.» 16La b talla a yembr n wa n kõ bãmba. La a Zeezi sok-b lame yaa: «Maasmã ne yʋʋrã yaa ãnda rẽnda?» Bãmb leokame: «Yaa rĩm a Sezaar rẽnda.» 17Dẽ, a Zeezi yeela bãmb yaa: «Lebs-y rĩm a Sezaar bũmb nins sẽn yaa rĩm a Sezaar dẽnda, la y lebs Wẽnnaam bũmb nins sẽn yaa Wẽnnaam dẽnda.» A Zeezi leokrã yɛɛsa bãmba.
Sokr kũum vʋʋgr poorẽ
(Mat 22.23-33, Luk 20.27-40)
18 #
Tʋʋm 23.8
Sadusẽ rãmb me waa a Zeezi nengẽ, bãmb da yetame tɩ kũum ka tõe n vʋʋg ye. Saduusẽ-dãmba sẽn yet tɩ kũum vʋʋgr ka be wã waa a Zeezi nengẽ n sok bãmb a woto: 19#Tõ 25.5«Karen-saamba, a Moyiis rag n gʋlsame n yeel tõnd tɩ ned sã n ki n bas a paga, n ka tar biiga, bɩ a ba-biig reeg a pagã n dog kamb a ba-biigã yĩnga.» 20Raop a yopoe n dag n be n yaa ba-biisi. Kẽem soabã peega paga, la a kiime n ka paam biig ye. 21Yiib soabã reega pʋg‑kõorã, la yẽ me kiime n ka paam biig ye. Tãab soabã me yɩɩ a woto. 22Bãmb b yopoe wã ned baa a yembr ka paam biig ye. Bãmb fãa sẽn ki, pagã me yaool n kiime. 23Kũum vʋʋgr wakate, pagã na n yɩɩ ãnda soab paga? Bala, yẽ yɩɩ bãmb b yopoe wã fãa paga.» 24A Zeezi leoka bãmba: «Ka yãmb sẽn ka wʋmd gʋls-sõamyã, wall Wẽnnaam pãngã võor yĩng la yãmb tudg-y sɩda? 25Bala, kũum vʋʋgr wakate, raop ka na n leb n dɩgs pagba, pagb me ka na n kuil sɩdba. Bãmb na n yɩɩ wa malegsã sẽn be arzãnã. 26#Yik 3.6La ne kũum vʋʋgrã yelle, yãmb nan ka karem a Moyiis sebrã pʋgẽ, Wẽnnaam sẽn gom ne a Moyiis tuugã sẽn wit bugmã sɛɛgẽ n yetẽ wã la?: «Mam yaa a Abrahaam Wẽnnaam, a Izak Wẽnnaam la a Zakoob Wẽnnaam.» 27Wẽnnaam ka kũum Wẽnnaam ye, b yaa nin-vɩɩs Wẽnnaam. Ad yãmb tudgrã yaa kãsenga!»
Tõog sẽn yaa kãseng n yɩɩda
(Mat 22.34-40, Luk 10.25-28)
28Tõog karen-saamb a yembr sẽn wʋm bãmb goamã, la a sẽn yã t'a Zeezi leoka bãmb ne yamã, a kolgame n sok bãmb yaa: «Tõodã fãa sʋka, bʋg n yɩɩda?» 29#Tõ 6.4,5A Zeezi leokame n yeele: «Pipi soabã la woto: Israyɛlle, kelge, Sẽn-Ka-Saab yaa tõnd Wẽnnaam, Sẽn-Ka-Saab yaa b yembr bal tãa. 30Bɩ f nong Sẽn-Ka-Saab sẽn yaa fo Wẽnnaamã ne f sũur fãa, la f yalẽ fãa la f yamã fãa la ne f pãngã fãa. 31#Mk 19.18Tõog ning sẽn pʋgd-a yẽnda la woto: Nong f to wa f menga.» Tõog ka be sẽn yɩɩd bãmbã ye. 32#Tõ 4.35Tõog karen-saambã yeela bãmb yaa: «Karen-saamba, y gomd yaa sɩda. Wẽnnaam sɩd yaa b yembr tãa, la a to ka be kal bãmb bala, 33#Ooz 6.6la tɩ nong bãmb ne f sũur fãa la f yam fãa la f pãng fãa, la tɩ nong f to wa f menga, a yɩɩda maand sẽn yõogd bugum la maand a taabã fãa.» 34#Luk 10.25-28A Zeezi sẽn yã tɩ yẽnda leoka ne yam, b yeel-a lame: «Fo ka zãr ne Wẽnnaam soolem ye.» La ned baa a yembr ka saag n leb n sok bãmb bũmb ye.
Kiris yaa ãnda biiga?
(Mat 22.41-46, Luk 20.41-44)
35A Zeezi sẽn zãmsd nebã wẽnd doogẽ wã, b sokame: Yɩta a wãn tɩ tõog karen-saam-dãmbã yetẽ tɩ Kiris yaa a Davɩɩd biiga? 36#Yɩɩn 110.1Sɩɩg-sõng kɩtame t'a Davɩɩd meng yeele: «Zu-soabã yeela mam Zu-soabã yaa: Zĩnd mam dɩtgo, hal tɩ m wa kɩt tɩ f tab f bɛɛbã ne f nao.» 37A Davɩɩd meng boonda bãmb tɩ Zu-soaba. Dẽ, bãmb na n yɩɩ a wãn n leb n yɩ a Davɩɩd biiga? La neb kʋʋng wʋsg kelga bãmb ne sũ-noogo.
A Zeezi gomda tõog karen-saam-dãmbã yelle
(Mat 23.1-16, Luk 11.37-54, 20.45-47)
38Zãmsgã pʋgẽ, a Zeezi yeela nebã yaa: Gũus-y y mens ne tõog karen-saam-dãmbã sẽn nong n gõ ne fu-bɛda, n dat tɩ nebã pʋʋsd bãmb raas pʋsã. 39Bãmb baooda waoogr zaoods karen-dotẽ la rɩɩb zĩisẽ. 40Bãmb gʋsda pʋg‑kõap paoongo, la b pʋʋsd pʋʋs-wogd nebã gesg yĩnga. Bãmb na n paama sɩbgr sẽn ya toog n yɩɩd a taabã.
Pʋg‑kõor kõo kũuni
(Luk 21.1-4)
41A Zeezi zĩndame tɩ b nengã tees ligdã ningr zĩigẽ, tɩ b get kʋʋngã sẽn ningd ligdã to‑to. Arzegs rãmb wʋsg n dag ningd ligd wʋsgo. 42Pʋg‑kõor a yembr sẽn yaa naong soab me n wa n ning lagd-bãooneg a yiib sẽn zems tãma. 43La a Zeezi boola b karen-biisã n yeel-ba: «Mam yeta yãmb sɩd-sɩd tɩ pʋg‑kõ-kãngã sẽn yaa naong soabã kõome n yɩɩd neb nins fãa sẽn ning ligd ligdã koglgẽ wã. 44Bala, bãmb ned kam fãa tʋm n yõngame n ningi, la yẽ sẽn ka tarã, a pɩɩsa a meng zãng n kɩse, hal a rɩɩb ligdi.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.