A Mark koe‑noogo 13
13
Bãn sẽn wilgd wakat saabo
(Mat 24.1-28, Luk 21.5-24)
1A Zeezi sẽn yit wẽnd doogẽ wã, bãmb karen-biig a yembr yeela bãmb yaa: «Karen-saamba, ges-y roogã kugã neerlem la meebã!» 2A Zeezi leoka yẽnda: «Fo nee ro-kãsems kãensã? Kugr baa a yembr kõn pa a to zug b sẽn kõn leeb n lub ye.»
3A Zeezi zĩnda oliiv tɩɩs tãngã zugu, tɩ b nengã tees wẽnd doogã. La neb sẽn ka be ne bãmbã, a Pɩyɛɛr ne a Zak la a Zã la Ãndere kosa a Zeezi yaa: 4«Wilg-y tõnd bõn-kãng sẽn na n wa wakat ninga, la bãnd sẽn na n wilg bõn-kãens fãa saab wakate.»
5La a Zeezi sɩngame n yeel bãmba: «Gũus-y y mens neer tɩ ned da tudg yãmb ye. 6Bala, neb wʋsg na n dɩka mam yʋʋr n wa n yeel tɩ bãmb yaa maam, la b na n tudga neb wʋsgo. 7Yãmb sã n wʋm zabr rãamde, la y wʋm zabr kibare, bɩ y ra yɛɛs ye, bala, yaa tɩlɛ tɩ bõn-kãens fãa zĩndi, la rẽ nan ka wakat saab nand ye. 8Tẽng a ye rãmb na n yika zabr ne tẽng a to rãmba, tɩ soolem a ye rãmb yik ne soolem a to rãmba. La tẽn-digimdg na n zĩnda zĩig-zĩiga, la kom na n zĩndame. Bõn-kãens fãa na n yɩɩ wa rogem toog sɩngr bala.
9 #
Mat 10.17-20, Luk 12.11,12 Gũus-y y mense. Neb na n yõga yãmb n kẽng bʋʋd zĩisẽ, la b na n pãba yãmb karen-dot pʋse. Neb na n yõga yãmb n kẽng Gʋvɛrneer dãmb la rĩm-dãmb taoor mam yĩnga, tɩ bãmb paam n wʋm kasetã. 10Yaa tɩlɛ tɩ koe-noogã reng n moon tẽmsã fãa pʋse. 11B sã n yõg yãmb n kẽnd bʋʋd zĩigẽ, bɩ y ra maan yɩɩr ne yãmb sẽn na n tɩ yeel tɩ bũmb ning ye. Togs-y bũmb ning Wẽnnaam sẽn na n wilg yãmb wakat-kãngã, bala, ka yãmb n na n gom ye, yaa Sɩɩg-sõngo. 12Ned na n yõka a ba-biig n kɩs tɩ b kʋ. Ba na n yõka a biig n kɩse, tɩ Kambã yik ne b ba-rãmb la b ma-rãmba, n kɩt tɩ b kʋ-ba. 13#Mat 10.22Nebã fãa na n kisga yãmb mam yʋʋrã yĩnga, la ned ning fãa sẽn na yals kãenkãe hal tɩ wakat ta na paam fãagre.
14 #
Dãn 9.27, 11.31, 12.11 Yãmb sã n wa n yãnd ‹sãoong bõn-wẽngã› t'a be zĩig ning sẽn ka zems t'a beẽ wã (bɩ sẽn karemd-a wã wʋm a võor sõama) woto, bɩ neb nins sẽn be Zʋʋde soolmẽ wã zoe n dʋ tãmsã, 15#Luk 17.31tɩ ned ning sẽn be a roog zug ra sig n kẽ a roogẽ n na n dɩk bũmb ye. 16La bɩ ned ning sẽn be a pʋʋgẽ ra lebg n tɩ rɩk a fuug ye. 17Pagb nins sẽn tʋta la sẽn yẽsemd kamb na yã toog da-kãens daare. 18Pʋʋs-y tɩ bõn-kãens ra yɩ waood wẽnd ye. 19#Dãn 12.1, Vẽn 7.14Bala, tood nins sẽn na n zĩnd da-kãens daarã, sẽn sɩng ne Wẽnnaam sẽn naan dũni hal tɩ ta moasã, a buud nan ka zĩnd ye, la tood a woto buud kõn leb n zĩnd ye, abada. 20Zu-soabã sã n dag n ka boogẽ da-kãens sõorã, ned baa a yembr dag n kõn põs ye. La nin-tũusdsã bãmb sẽn tũusã yĩnga, bãmb booga da-kãens sõore. 21Dẽ, ned sã n yeel yãmb tɩ Kiris bee ka, wall b bee ka sẽnẽ, bɩ y ra tẽ-a ye. 22Bala, neb sẽn yagd zĩrẽ tɩ b yaa Kirisi, la neb sẽn yagd zĩrẽ tɩ bãmb yaa Wẽnnaam no-rɛɛsdb na n yikame n maan bãn la bõn-yɛɛsdse, tɩ b sã n tõe, bɩ b tudg nin-tũusdsã. 23Gũus-y y mense. Mam pĩnd n togsa yãmb bũmba fãa.»
Ninsaal Bi-riblã waoongo
(Mat 24.29-35, Luk 21.25-36)
24 #
Eza 13.10, Zow 2.10, 4.15, Vẽn 6.12,
Eza 13.10, Eze 32.7 Wakat-kãnga, to-kãng zugẽ, wĩntoogã na n sobgame la kiuugã kõn kõ a vẽenem yɛs ye. 25#Eza 34.4, Vẽn 6.13, Zow 2.10Ãdsã na n yii yĩngr n dʋʋge, la saasẽ pãens rãmbã na n digimdame. 26#Dãn 7.13, Vẽn 1.7Dẽ poore, nebã na n yãnda «Ninsaal Bi-riblã sẽn wat ne sawato, ne pãn-kãsenga, la ne ziiri. 27La bãmb na n tʋma b malegsã, n tigs b nin-tũusdsã sẽn be dũni kɩrems a naasã, hal dũni tɛk tɩ ta yĩngr tɛka. 28Ges-y kankang n paam zãmsgo: a sã n tão wil-poal n tobdẽ, yãmb miime tɩ sig-noor kolgdame. 29Woto me, yãmb sã n yãnd tɩ bõn-kãens maandẽ, bɩ y bãng tɩ Ninsaal Bi-riblã waoong kolgame, la b waame n sa. 30Mam yeta yãmb sɩda, tɩ zamaan‑kãngã kõn looge, hal tɩ bõn-kãens fãa paam pidsgu. 31Yĩngr la tẽng na looge, la mam goamã kõn tol n loog ye, abada.
32 #
Mat 24.36
Sã n yaa ne da-kãng daare la a wakatã, ned baa a yembr ka mi ye: Malegs sẽn be arzãn ka mi, bi-riblã me ka mi. Yaa m ba bal n mi.
33Gũus-y neere. Neend-y-yã, bala, yãmb ka mi ra-kãng sẽn na n wa wakat ning ye. 34#Luk 12.36-38A na n yɩɩ wa rao sẽn togd sore, n bas a yir ne a tʋmtʋmdba, n wilg ned kam fãa a tʋʋmde la a yeel zag-no-gũudã t'a gũ. 35Woto yĩnga, neend-yã, tɩ yãmb ka mi wakat ning yirã soab sẽn na n wa wã ye. Tõe n yɩɩ zĩ-sobdo, wall yʋn-sʋka, wall no-kɛleng wakate, wall yibeoogo. 36Maan-y rabeem tɩ b ra ling n wa n mik tɩ yãmb gõeeme ye. 37Bũmb ning mam sẽn yet yãmbã, mam yet-a-la nebã fãa: Neend-y-yã.»
Currently Selected:
A Mark koe‑noogo 13: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Mark koe‑noogo 13
13
Bãn sẽn wilgd wakat saabo
(Mat 24.1-28, Luk 21.5-24)
1A Zeezi sẽn yit wẽnd doogẽ wã, bãmb karen-biig a yembr yeela bãmb yaa: «Karen-saamba, ges-y roogã kugã neerlem la meebã!» 2A Zeezi leoka yẽnda: «Fo nee ro-kãsems kãensã? Kugr baa a yembr kõn pa a to zug b sẽn kõn leeb n lub ye.»
3A Zeezi zĩnda oliiv tɩɩs tãngã zugu, tɩ b nengã tees wẽnd doogã. La neb sẽn ka be ne bãmbã, a Pɩyɛɛr ne a Zak la a Zã la Ãndere kosa a Zeezi yaa: 4«Wilg-y tõnd bõn-kãng sẽn na n wa wakat ninga, la bãnd sẽn na n wilg bõn-kãens fãa saab wakate.»
5La a Zeezi sɩngame n yeel bãmba: «Gũus-y y mens neer tɩ ned da tudg yãmb ye. 6Bala, neb wʋsg na n dɩka mam yʋʋr n wa n yeel tɩ bãmb yaa maam, la b na n tudga neb wʋsgo. 7Yãmb sã n wʋm zabr rãamde, la y wʋm zabr kibare, bɩ y ra yɛɛs ye, bala, yaa tɩlɛ tɩ bõn-kãens fãa zĩndi, la rẽ nan ka wakat saab nand ye. 8Tẽng a ye rãmb na n yika zabr ne tẽng a to rãmba, tɩ soolem a ye rãmb yik ne soolem a to rãmba. La tẽn-digimdg na n zĩnda zĩig-zĩiga, la kom na n zĩndame. Bõn-kãens fãa na n yɩɩ wa rogem toog sɩngr bala.
9 #
Mat 10.17-20, Luk 12.11,12 Gũus-y y mense. Neb na n yõga yãmb n kẽng bʋʋd zĩisẽ, la b na n pãba yãmb karen-dot pʋse. Neb na n yõga yãmb n kẽng Gʋvɛrneer dãmb la rĩm-dãmb taoor mam yĩnga, tɩ bãmb paam n wʋm kasetã. 10Yaa tɩlɛ tɩ koe-noogã reng n moon tẽmsã fãa pʋse. 11B sã n yõg yãmb n kẽnd bʋʋd zĩigẽ, bɩ y ra maan yɩɩr ne yãmb sẽn na n tɩ yeel tɩ bũmb ning ye. Togs-y bũmb ning Wẽnnaam sẽn na n wilg yãmb wakat-kãngã, bala, ka yãmb n na n gom ye, yaa Sɩɩg-sõngo. 12Ned na n yõka a ba-biig n kɩs tɩ b kʋ. Ba na n yõka a biig n kɩse, tɩ Kambã yik ne b ba-rãmb la b ma-rãmba, n kɩt tɩ b kʋ-ba. 13#Mat 10.22Nebã fãa na n kisga yãmb mam yʋʋrã yĩnga, la ned ning fãa sẽn na yals kãenkãe hal tɩ wakat ta na paam fãagre.
14 #
Dãn 9.27, 11.31, 12.11 Yãmb sã n wa n yãnd ‹sãoong bõn-wẽngã› t'a be zĩig ning sẽn ka zems t'a beẽ wã (bɩ sẽn karemd-a wã wʋm a võor sõama) woto, bɩ neb nins sẽn be Zʋʋde soolmẽ wã zoe n dʋ tãmsã, 15#Luk 17.31tɩ ned ning sẽn be a roog zug ra sig n kẽ a roogẽ n na n dɩk bũmb ye. 16La bɩ ned ning sẽn be a pʋʋgẽ ra lebg n tɩ rɩk a fuug ye. 17Pagb nins sẽn tʋta la sẽn yẽsemd kamb na yã toog da-kãens daare. 18Pʋʋs-y tɩ bõn-kãens ra yɩ waood wẽnd ye. 19#Dãn 12.1, Vẽn 7.14Bala, tood nins sẽn na n zĩnd da-kãens daarã, sẽn sɩng ne Wẽnnaam sẽn naan dũni hal tɩ ta moasã, a buud nan ka zĩnd ye, la tood a woto buud kõn leb n zĩnd ye, abada. 20Zu-soabã sã n dag n ka boogẽ da-kãens sõorã, ned baa a yembr dag n kõn põs ye. La nin-tũusdsã bãmb sẽn tũusã yĩnga, bãmb booga da-kãens sõore. 21Dẽ, ned sã n yeel yãmb tɩ Kiris bee ka, wall b bee ka sẽnẽ, bɩ y ra tẽ-a ye. 22Bala, neb sẽn yagd zĩrẽ tɩ b yaa Kirisi, la neb sẽn yagd zĩrẽ tɩ bãmb yaa Wẽnnaam no-rɛɛsdb na n yikame n maan bãn la bõn-yɛɛsdse, tɩ b sã n tõe, bɩ b tudg nin-tũusdsã. 23Gũus-y y mense. Mam pĩnd n togsa yãmb bũmba fãa.»
Ninsaal Bi-riblã waoongo
(Mat 24.29-35, Luk 21.25-36)
24 #
Eza 13.10, Zow 2.10, 4.15, Vẽn 6.12,
Eza 13.10, Eze 32.7 Wakat-kãnga, to-kãng zugẽ, wĩntoogã na n sobgame la kiuugã kõn kõ a vẽenem yɛs ye. 25#Eza 34.4, Vẽn 6.13, Zow 2.10Ãdsã na n yii yĩngr n dʋʋge, la saasẽ pãens rãmbã na n digimdame. 26#Dãn 7.13, Vẽn 1.7Dẽ poore, nebã na n yãnda «Ninsaal Bi-riblã sẽn wat ne sawato, ne pãn-kãsenga, la ne ziiri. 27La bãmb na n tʋma b malegsã, n tigs b nin-tũusdsã sẽn be dũni kɩrems a naasã, hal dũni tɛk tɩ ta yĩngr tɛka. 28Ges-y kankang n paam zãmsgo: a sã n tão wil-poal n tobdẽ, yãmb miime tɩ sig-noor kolgdame. 29Woto me, yãmb sã n yãnd tɩ bõn-kãens maandẽ, bɩ y bãng tɩ Ninsaal Bi-riblã waoong kolgame, la b waame n sa. 30Mam yeta yãmb sɩda, tɩ zamaan‑kãngã kõn looge, hal tɩ bõn-kãens fãa paam pidsgu. 31Yĩngr la tẽng na looge, la mam goamã kõn tol n loog ye, abada.
32 #
Mat 24.36
Sã n yaa ne da-kãng daare la a wakatã, ned baa a yembr ka mi ye: Malegs sẽn be arzãn ka mi, bi-riblã me ka mi. Yaa m ba bal n mi.
33Gũus-y neere. Neend-y-yã, bala, yãmb ka mi ra-kãng sẽn na n wa wakat ning ye. 34#Luk 12.36-38A na n yɩɩ wa rao sẽn togd sore, n bas a yir ne a tʋmtʋmdba, n wilg ned kam fãa a tʋʋmde la a yeel zag-no-gũudã t'a gũ. 35Woto yĩnga, neend-yã, tɩ yãmb ka mi wakat ning yirã soab sẽn na n wa wã ye. Tõe n yɩɩ zĩ-sobdo, wall yʋn-sʋka, wall no-kɛleng wakate, wall yibeoogo. 36Maan-y rabeem tɩ b ra ling n wa n mik tɩ yãmb gõeeme ye. 37Bũmb ning mam sẽn yet yãmbã, mam yet-a-la nebã fãa: Neend-y-yã.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.