A Mark koe‑noogo 14
14
B baooda weer n na n kʋ a Zeezi
(Mat 26.1-5, Luk 22.1-2, Zã 11.45-53)
1 #
Yik 12.1-27
Ra keta rasem a yiib tɩ ta Pak tigrã, la bur sẽn ka rã-bɩll tigrã. La maan-kʋʋdbã kãsem-dãmbã ne tõog karen-saam-dãmbã dag n baooda sɩlem ning bãmb sẽn na n maan n paam n yõk a Zeezi n kɩt tɩ b kʋ. 2La b yeelame tɩ b ra maan tigrã wakate, tɩ rãmbg ra wa n zĩnd nebã sʋk ye.
Pag kiiga tɩdar kaam a Zeezi zugu
(Mat 26.6-13, Zã 12.1-8)
3 #
Luk 7.37,38 A Zeezi sẽn be Betani n zĩ yĩng soab a Sɩmo roogẽ n dɩtẽ, pag a yembr n wa be n tar albatre tʋk sẽn pid ne naar halaal tɩdar kaam, a raab sẽn yaa toogo. La a wãaga tʋkã n kiig kaamã a Zeezi zugu. 4Bãmb karen-biis kẽer sũy yikame tɩ b gom ne taab n yeel tɩ yaa bõe tɩ b sãam tɩdar kaamã? 5Tɩ b ra tõe n koos-a-la deniye kobs-tã n kõ naong rãmba. La b yẽgma ne pagã. 6La a Zeezi yeel-b lame: Bas-y-yã-a laafɩ. Bõe tɩ yãmb namsd-a? A maana maam yel-sõmde. 7#Tõ 15.11Bala, naong rãmb na n kell n bee ne yãmb wakat fãa, la yãmb tõe n maan-b‑la neer y sẽn dat wakate. La mam ka na n be ne yãmb daar fãa ye. 8Pagã maana a sẽn tõe. A pĩnd n ninga mam yĩngã tɩdar kaam m mumb yĩnga. 9Mam yeta yãmb sɩda tɩ dũni tɛk fãa, zĩig ning fãa b sẽn na n moon koe-no-kãngã, b na n togsa bũmb ning pagã sẽn maanã, a tẽegr yĩnga.
A Zʋdaas Iskaryo zãmba a Zeezi
(Mat 26.14-16, Luk 22.3-6)
10A Zʋdaas Iskaryo sẽn yaa a Zeezi karen-biis piig la a yiibã ned a yembr kẽnga maan-kʋʋdbã kãsem-dãmb nengẽ n tɩ yeel-b t'a na n yõka a Zeezi n kõ-ba. 11Koe-kãng yɩ-b-la noogo, tɩ b kãab-a ligdi. La a Zʋdaas baoo weer ning a sẽn na paam n yõk bãmb n kõ.
A Zeezi rɩta Pak ne b karen-biisã
(Mat 26.17-29, Luk 22.7-23, Zã 13.21-30, 1Kor 11.23-26)
12Bur sẽn ka rã-bɩll tigrã pipi daar sẽn yaa Pakã pe-bilã kʋʋb raare, a Zeezi karen-biisã soka bãmb tɩ b ratame tɩ bãmb kẽng n tɩ segl Pakã tigr rɩɩb yɛ bãmb yĩnga. 13La a Zeezi tʋma b karen-biis a yiib n yeel-ba: Kẽng-y tẽngã pʋgẽ, la yãmb na n sega rao sẽn zɩt koom ne yʋʋre. Pʋg-y yẽnda. 14La a sẽn na n kẽ zak ningã, bɩ y yeel yirã soab tɩ karen-saamb sokdame yaa: «Zĩig bee yɛ mam sẽn na n dɩ Pakã tigr ne m karen-biisã?» 15La a na n wilga yãmb do-kãseng sẽn be roog zugu, sẽn segle, tɩ teed fãa be a pʋgẽ. Yaa be la yãmb na n segl pakã tõnd yĩnga. 16Karen-biisã loogame n kẽng tẽngã pʋgẽ, la b mikame tɩ bũmba fãa yɩɩ wa a Zeezi sẽn da yeelã, la b segla Pakã tigrã.
17Zĩ-sobd sẽn ta, bãmb waa ne b karen-biisã piig la a yiibã. 18#Yɩɩn 41.10Bãmb sẽn zĩ n dɩtẽ, a Zeezi yeelame: Yãmb ned a yembr sẽn dɩt ne maamã n na n zãmb maam. 19Sũ-sãang sɩng n yõka bãmb tɩ b sok a Zeezi yembr-yembre: Yaa maam? 20A Zeezi leoka bãmba: Yaa yãmb piig la a yiibã ned a yembr sẽn tʋmd a nug ne maam laagẽ wã. 21Ninsaal Bi-riblã na n kii wa b sẽn gʋls b yellã to-to wã. La rao ning sẽn na n yõk-a bãmb n kõ wã na n paama toogo. Rao-kãng ma sã n dag n ka rogẽ yã-a n são.
22Rɩɩbã wakate, a Zeezi rɩka bur n ning bark n kao n kõ bãmb n yeele: «Deeg-y n dɩ-y-yã. Yõwã yaa mam yĩngã.» 23Dẽ poore, bãmb dɩka bõn-yũudla, n ning-a bark n kõ b karen-biisã, la b fãa yũume. 24#Yik 24.8, Zer 31.31-34La a Zeezi yeela bãmb yaa: «Yõwã yaa mam zɩɩm, kãab-paalg zɩɩm sẽn daag neb wʋsg yĩnga.» 25Mam yeta yãmb sɩda, tɩ mam kõn leb n yũ reezẽ rãam yɛs hal tɩ ta daar ning mam sẽn na n yũ a paalg Wẽnnaam soolmẽ wã ye.
A Zeezi pĩnd n togsa a Pɩyɛɛr kɩɩsgo
(Mat 26.30-35, Luk 22.31-34, Zã 13.36-38)
26Bãmb sẽn yɩɩl yɩɩlã n sɛ, bãmb kẽnga oliiv tɩɩs tãngã zugu.
27 #
Zaka 13.7
A Zeezi yeela b karen-biisã yaa: Yãmb fãa na n targ n basa maam. Tɩ bõe a gʋlsa a woto: «Mam na n wẽe pe-kɩɩmã, la piisã na n sãeegame.» 28#Mat 28.16La mam sã n vʋʋge, mam na n denga yãmb taoor Galɩle. 29A Pɩyɛɛr yeela bãmb yaa: «Baa nebã fãa sã n targ n bas yãmba, mam yẽ kõn targ ye.» 30A Zeezi leoka yẽnda: «Mam yeta foom sɩda, tɩ rũndã, yʋngã bala, sẽn deng no-raoog kɛleng a yiib soabã, foom, fo na n kɩɩsa naoor a tãab tɩ f ka mi maam ye.» 31La a Pɩyɛɛr yeela ne pãng n yɩɩd pĩnda: «Baa sã n yaa tɩlɛ tɩ mam naag yãmb n ki, mam kõn kɩɩs tɩ m ka mi yãmb ye.» La bãmb fãa me yeela a woto.
A Zeezi pʋʋsg Zetsemaane
(Mat 26.36-46, Luk 22.39-46)
32Bãmb taa zĩig a yembr sẽn boond tɩ Zetsemaane. La a Zeezi yeela b karen-biisã tɩ b zĩnd ka tɩ bãmb kẽng n tɩ pʋʋs la b wa. 33B peega a Pɩyɛɛr ne a Zak la a Zã tɩ b tũ bãmba. A Zeezi sɩngame n paam sũur zɩ-kãsenga. 34Bãmb yeela a Pɩyɛɛr dãmb yaa: «Sũ-sãang n tar maam hal n dat n kʋ maam. Pa-y ka n neende#14.34 Neende: yaa moorã gom‑bil sẽn dat n yeel tɩ f ra bas tɩ gõeem yõk‑f ye..» 35Dẽ, a Zeezi kẽnga taoor bilfu, n vãbend tẽng n pʋʋs n yeel tɩ sã n dag n tõeẽ bɩ to-kãngã da paam bãmb ye. 36Bãmb yeelame: «Abba, m ba, yãmb tõee bũmb fãa. Yiis-y bõn-yũudl‑kãngã mam taoore. Baoosgo, da maan-y mam daab ye, maan-y y raabo.» 37A Zeezi waa b karen-biisã nengẽ n mik tɩ b gõeeme. La bãmb yeela a Pɩyɛɛr yaa: «Sɩmo, fo gõeeme la? Fo ka tõe n neend lɛɛr a yembre? 38Neend-y la y pʋʋse n da wa n lʋɩ makr pʋg ye. Sɩɩgã ratame, la yĩngã pãng paoodame.» 39A Zeezi leb n zãaga bilf n tɩ pʋʋs wa pĩndã bala. 40Bãmb leb n waa n mikame tɩ b karen-biisã gõeeme yɛsa, bala, gõeemã rag n tar-b-la wʋsgo. La b karen-biisã ka mi b sẽn na n leok bãmb tɩ bũmb ning ye. 41A Zeezi leb n waa naoor a tãab soab n yeel bãmb yaa: «Kell n gũs-y moasã n vʋʋse. Maan n sɛɛme. Wakatã taame. Ges-y-yã, b zãmba Ninsaal Bi-riblã n kõ yel-wẽn maandbã. 42Yik-y tɩ d kẽnge. Ned ning sẽn na n zãmb-a maam n yõk n kõ wã kolgdame.»
A Zeezi yõkre
(Mat 26.47-56, Luk 22.47-53, Zã 18.2-11)
43A Zeezi sẽn nan ket n gomda, a Zʋdaas sẽn yaa bãmb karen-biisã piig la a yiibã ned a yembr waame, la a waa ne neb kʋʋng sẽn zãad sʋʋs la rasaba, maan-kʋʋdbã kãsem-dãmbã ne tõog karen-saam-dãmbã ne kãsem-dãmbã sẽn tʋme. 44Ned ning sẽn na n zãmb a Zeezi wã dag n kõo bãmb bãnd n yeel tɩ ned ning yẽnda sẽn na n mokã, yaa nin‑kãng la a Zeezi. Bɩ b yõk-a, n gũ-a neer n tall‑a n looge. 45A Zʋdaas sẽn ta bala, a kolga a Zeezi n yeel-ba «karen-saamba», la a mok-ba. 46Neb a taabã yõka a Zeezi. A Zʋdaas waa ne sodaase.
47Ned a yembr sẽn dag n be beenẽ wõoga a sʋʋg n kɛ maan-kʋʋd kãsmã tʋmtʋmd n fiuug a tʋbre. 48A Zeezi goma ne-b n yeele: «Yãmb waa ne sʋʋs la roay n na n yõk maam wa m yaa fãada! 49#Luk 19.47, 21.37Mam dag n bee ne yãmb daar fãa n zãmsd nebã wẽnd doogẽ wã, la yãmb ka yõk maam ye. La yaa tɩ gʋls-sõamyã na paam pidsgu.»
50La bãmb karen-biisã fãa basa bãmb n zoe.
51Bi-bɩɩg a yembr n dag n lob fu-goabg bal n tũ bãmba. 52La b gãda yẽnda t'a bas a fu-goabgã n zoe beelle.
A Zeezi bee kaoreng yɛl bʋ-bʋʋdbã taoore
(Mat 26.57-68, Luk 22.54-55, Zã 18.13-15)
53Bãmb talla a Zeezi n kẽng maan-kʋʋdbã kãsem yiri, zĩig ning maan-kʋʋdbã kãsem-dãmbã fãa la kãsem-dãmbã ne tõog karen-saam-dãmbã sẽn tigmã. 54A Pɩyɛɛr pʋgla bãmb yɩɩg-yɩɩga, n ta maan-kʋʋdbã kãsem zakẽ n zĩnd ne tʋmtʋmdbã n woot bugum.
55Maan-kʋʋdbã kãsem-dãmbã ne kaoreng yɛl bʋ-bʋʋdbã fãa baoo kaset dãmb sẽn na n dõd a Zeezi n kɩt tɩ b kʋ-ba, la b ka yã ye. 56Bala, neb wʋsg yaga zĩrẽ n dõd bãmba la b kasetã ka zems taab ye. 57Neb kẽer yik n kɩsa kaset zĩrẽ ne bãmb yell n yeel tɩ bãmb wʋma a Zeezi sẽn yeele: 58#Zã 2.19«Mam na n sãama Wẽnd-do-kãngã ninsaalb nus sẽn me wã, n lebs n me a to ninsaalb nus sẽn ka me, dasem a tãab pʋgẽ.» 59La baa ne yel-kãnga, bãmb kasetã ka zems taab ye. 60Dẽ, maan-kʋʋdbã kãsem yika tigingã sʋk n sok a Zeezi yaa: «Yãmb ka leokd tɩ bũmb la? Yaa bõe rõadg la nebã rõt yãmbã?» 61A Zeezi sĩndame n ka leok tɩ bũmb ye. Maan-kʋʋdbã kãsem leb n soka bãmb yɛsa: «Yaa yãmb la Kiris, Wẽnnaam sẽn yaa bark soabã Bi-riblã bɩ?» 62#Dãn 7.13A Zeezi leokame n yeele: «Mam sɩd yaa Kirisi. La yãmb na n yãnda Ninsaal Bi-riblã sẽn zao Sẽn-Tõe-yã-Fãa wã rɩtgo, la b sẽn wat ne sawato.» 63Dẽ, maan-kʋʋdbã kãsem pãrsa a fut n yeele: «Tõnd leb n rata kaset rãmb n maan bõe? 64#Mk 24.16Yãmb wʋma b sẽn gom n paoog Wẽnnaamã. Yãmb tagsda a wãna?» La nebã fãa kaoo bãmb bʋʋd n yeel tɩ b zemsa kũum. 65Neb kẽer sɩngame n tʋbs bãmb kolkoodo, n pil bãmb neng ne peend n pãb bãmb ne nug-gila, n yeel bãmb yaa: «Togs-y bãngr goamã.»
La tʋmtʋmdbã deega a Zeezi n laal bãmb pegse.
A Pɩyɛɛr kɩɩsame t'a ka mi a Zeezi ye
(Mat 26.69-75, Luk 22.56-62, Zã 18.17-18)
66A Pɩyɛɛr sẽn zĩ zakã pʋgẽ wã, maan-kʋʋdbã kãsem tʋmtʋmd-poak n wa be. 67A sẽn yãnd a Pɩyɛɛr sẽn woot bugmã, a ges-a lame n yeel-a: «Yãmb me rag n bee ne Nazarɛt dao a Zeezi.» 68Yẽnda kɩɩsame n yeele: «Mam ka mi ye. Mam ka bãng fo sẽn dat n togs bũmb ningã ye.» La a yiime n kẽng zãongẽ wã. [La no-raoog kelmame]. 69Tʋmtʋmd-poakã sẽn yã yẽnda, a leb n sɩngame n wilg neb nins sẽn be beenẽ wã t'a Pɩyɛɛr yaa a Zeezi neda. 70La a Pɩyɛɛr leb n kɩɩsame tɩ ka sɩd ye. Sẽn yɩ bilfu, neb nins sẽn be beenẽ wã yeela a Pɩyɛɛr yaa: «Fo sẽ yaa bãmb neda, bala, fo yaa Galɩle neda!» 71La a sɩngame n kãab a meng n wẽen n yeele: «Mam ka mi rao ning yãmb sẽn gomd a yellã ye.» 72Wakat-kãng bala, no-raoog kelma naoor a yiib soaba. La a Pɩyɛɛr tẽega gomd ning a Zeezi sẽn dag n yeel yẽnda wã: «Sẽn deng no-raoog sẽn na n kelem naoor a yiibu, fo na n kɩɩsa naoor a tãab tɩ f ka mi maam ye.» La a sẽn tagse, a yãbame.
Currently Selected:
A Mark koe‑noogo 14: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Mark koe‑noogo 14
14
B baooda weer n na n kʋ a Zeezi
(Mat 26.1-5, Luk 22.1-2, Zã 11.45-53)
1 #
Yik 12.1-27
Ra keta rasem a yiib tɩ ta Pak tigrã, la bur sẽn ka rã-bɩll tigrã. La maan-kʋʋdbã kãsem-dãmbã ne tõog karen-saam-dãmbã dag n baooda sɩlem ning bãmb sẽn na n maan n paam n yõk a Zeezi n kɩt tɩ b kʋ. 2La b yeelame tɩ b ra maan tigrã wakate, tɩ rãmbg ra wa n zĩnd nebã sʋk ye.
Pag kiiga tɩdar kaam a Zeezi zugu
(Mat 26.6-13, Zã 12.1-8)
3 #
Luk 7.37,38 A Zeezi sẽn be Betani n zĩ yĩng soab a Sɩmo roogẽ n dɩtẽ, pag a yembr n wa be n tar albatre tʋk sẽn pid ne naar halaal tɩdar kaam, a raab sẽn yaa toogo. La a wãaga tʋkã n kiig kaamã a Zeezi zugu. 4Bãmb karen-biis kẽer sũy yikame tɩ b gom ne taab n yeel tɩ yaa bõe tɩ b sãam tɩdar kaamã? 5Tɩ b ra tõe n koos-a-la deniye kobs-tã n kõ naong rãmba. La b yẽgma ne pagã. 6La a Zeezi yeel-b lame: Bas-y-yã-a laafɩ. Bõe tɩ yãmb namsd-a? A maana maam yel-sõmde. 7#Tõ 15.11Bala, naong rãmb na n kell n bee ne yãmb wakat fãa, la yãmb tõe n maan-b‑la neer y sẽn dat wakate. La mam ka na n be ne yãmb daar fãa ye. 8Pagã maana a sẽn tõe. A pĩnd n ninga mam yĩngã tɩdar kaam m mumb yĩnga. 9Mam yeta yãmb sɩda tɩ dũni tɛk fãa, zĩig ning fãa b sẽn na n moon koe-no-kãngã, b na n togsa bũmb ning pagã sẽn maanã, a tẽegr yĩnga.
A Zʋdaas Iskaryo zãmba a Zeezi
(Mat 26.14-16, Luk 22.3-6)
10A Zʋdaas Iskaryo sẽn yaa a Zeezi karen-biis piig la a yiibã ned a yembr kẽnga maan-kʋʋdbã kãsem-dãmb nengẽ n tɩ yeel-b t'a na n yõka a Zeezi n kõ-ba. 11Koe-kãng yɩ-b-la noogo, tɩ b kãab-a ligdi. La a Zʋdaas baoo weer ning a sẽn na paam n yõk bãmb n kõ.
A Zeezi rɩta Pak ne b karen-biisã
(Mat 26.17-29, Luk 22.7-23, Zã 13.21-30, 1Kor 11.23-26)
12Bur sẽn ka rã-bɩll tigrã pipi daar sẽn yaa Pakã pe-bilã kʋʋb raare, a Zeezi karen-biisã soka bãmb tɩ b ratame tɩ bãmb kẽng n tɩ segl Pakã tigr rɩɩb yɛ bãmb yĩnga. 13La a Zeezi tʋma b karen-biis a yiib n yeel-ba: Kẽng-y tẽngã pʋgẽ, la yãmb na n sega rao sẽn zɩt koom ne yʋʋre. Pʋg-y yẽnda. 14La a sẽn na n kẽ zak ningã, bɩ y yeel yirã soab tɩ karen-saamb sokdame yaa: «Zĩig bee yɛ mam sẽn na n dɩ Pakã tigr ne m karen-biisã?» 15La a na n wilga yãmb do-kãseng sẽn be roog zugu, sẽn segle, tɩ teed fãa be a pʋgẽ. Yaa be la yãmb na n segl pakã tõnd yĩnga. 16Karen-biisã loogame n kẽng tẽngã pʋgẽ, la b mikame tɩ bũmba fãa yɩɩ wa a Zeezi sẽn da yeelã, la b segla Pakã tigrã.
17Zĩ-sobd sẽn ta, bãmb waa ne b karen-biisã piig la a yiibã. 18#Yɩɩn 41.10Bãmb sẽn zĩ n dɩtẽ, a Zeezi yeelame: Yãmb ned a yembr sẽn dɩt ne maamã n na n zãmb maam. 19Sũ-sãang sɩng n yõka bãmb tɩ b sok a Zeezi yembr-yembre: Yaa maam? 20A Zeezi leoka bãmba: Yaa yãmb piig la a yiibã ned a yembr sẽn tʋmd a nug ne maam laagẽ wã. 21Ninsaal Bi-riblã na n kii wa b sẽn gʋls b yellã to-to wã. La rao ning sẽn na n yõk-a bãmb n kõ wã na n paama toogo. Rao-kãng ma sã n dag n ka rogẽ yã-a n são.
22Rɩɩbã wakate, a Zeezi rɩka bur n ning bark n kao n kõ bãmb n yeele: «Deeg-y n dɩ-y-yã. Yõwã yaa mam yĩngã.» 23Dẽ poore, bãmb dɩka bõn-yũudla, n ning-a bark n kõ b karen-biisã, la b fãa yũume. 24#Yik 24.8, Zer 31.31-34La a Zeezi yeela bãmb yaa: «Yõwã yaa mam zɩɩm, kãab-paalg zɩɩm sẽn daag neb wʋsg yĩnga.» 25Mam yeta yãmb sɩda, tɩ mam kõn leb n yũ reezẽ rãam yɛs hal tɩ ta daar ning mam sẽn na n yũ a paalg Wẽnnaam soolmẽ wã ye.
A Zeezi pĩnd n togsa a Pɩyɛɛr kɩɩsgo
(Mat 26.30-35, Luk 22.31-34, Zã 13.36-38)
26Bãmb sẽn yɩɩl yɩɩlã n sɛ, bãmb kẽnga oliiv tɩɩs tãngã zugu.
27 #
Zaka 13.7
A Zeezi yeela b karen-biisã yaa: Yãmb fãa na n targ n basa maam. Tɩ bõe a gʋlsa a woto: «Mam na n wẽe pe-kɩɩmã, la piisã na n sãeegame.» 28#Mat 28.16La mam sã n vʋʋge, mam na n denga yãmb taoor Galɩle. 29A Pɩyɛɛr yeela bãmb yaa: «Baa nebã fãa sã n targ n bas yãmba, mam yẽ kõn targ ye.» 30A Zeezi leoka yẽnda: «Mam yeta foom sɩda, tɩ rũndã, yʋngã bala, sẽn deng no-raoog kɛleng a yiib soabã, foom, fo na n kɩɩsa naoor a tãab tɩ f ka mi maam ye.» 31La a Pɩyɛɛr yeela ne pãng n yɩɩd pĩnda: «Baa sã n yaa tɩlɛ tɩ mam naag yãmb n ki, mam kõn kɩɩs tɩ m ka mi yãmb ye.» La bãmb fãa me yeela a woto.
A Zeezi pʋʋsg Zetsemaane
(Mat 26.36-46, Luk 22.39-46)
32Bãmb taa zĩig a yembr sẽn boond tɩ Zetsemaane. La a Zeezi yeela b karen-biisã tɩ b zĩnd ka tɩ bãmb kẽng n tɩ pʋʋs la b wa. 33B peega a Pɩyɛɛr ne a Zak la a Zã tɩ b tũ bãmba. A Zeezi sɩngame n paam sũur zɩ-kãsenga. 34Bãmb yeela a Pɩyɛɛr dãmb yaa: «Sũ-sãang n tar maam hal n dat n kʋ maam. Pa-y ka n neende#14.34 Neende: yaa moorã gom‑bil sẽn dat n yeel tɩ f ra bas tɩ gõeem yõk‑f ye..» 35Dẽ, a Zeezi kẽnga taoor bilfu, n vãbend tẽng n pʋʋs n yeel tɩ sã n dag n tõeẽ bɩ to-kãngã da paam bãmb ye. 36Bãmb yeelame: «Abba, m ba, yãmb tõee bũmb fãa. Yiis-y bõn-yũudl‑kãngã mam taoore. Baoosgo, da maan-y mam daab ye, maan-y y raabo.» 37A Zeezi waa b karen-biisã nengẽ n mik tɩ b gõeeme. La bãmb yeela a Pɩyɛɛr yaa: «Sɩmo, fo gõeeme la? Fo ka tõe n neend lɛɛr a yembre? 38Neend-y la y pʋʋse n da wa n lʋɩ makr pʋg ye. Sɩɩgã ratame, la yĩngã pãng paoodame.» 39A Zeezi leb n zãaga bilf n tɩ pʋʋs wa pĩndã bala. 40Bãmb leb n waa n mikame tɩ b karen-biisã gõeeme yɛsa, bala, gõeemã rag n tar-b-la wʋsgo. La b karen-biisã ka mi b sẽn na n leok bãmb tɩ bũmb ning ye. 41A Zeezi leb n waa naoor a tãab soab n yeel bãmb yaa: «Kell n gũs-y moasã n vʋʋse. Maan n sɛɛme. Wakatã taame. Ges-y-yã, b zãmba Ninsaal Bi-riblã n kõ yel-wẽn maandbã. 42Yik-y tɩ d kẽnge. Ned ning sẽn na n zãmb-a maam n yõk n kõ wã kolgdame.»
A Zeezi yõkre
(Mat 26.47-56, Luk 22.47-53, Zã 18.2-11)
43A Zeezi sẽn nan ket n gomda, a Zʋdaas sẽn yaa bãmb karen-biisã piig la a yiibã ned a yembr waame, la a waa ne neb kʋʋng sẽn zãad sʋʋs la rasaba, maan-kʋʋdbã kãsem-dãmbã ne tõog karen-saam-dãmbã ne kãsem-dãmbã sẽn tʋme. 44Ned ning sẽn na n zãmb a Zeezi wã dag n kõo bãmb bãnd n yeel tɩ ned ning yẽnda sẽn na n mokã, yaa nin‑kãng la a Zeezi. Bɩ b yõk-a, n gũ-a neer n tall‑a n looge. 45A Zʋdaas sẽn ta bala, a kolga a Zeezi n yeel-ba «karen-saamba», la a mok-ba. 46Neb a taabã yõka a Zeezi. A Zʋdaas waa ne sodaase.
47Ned a yembr sẽn dag n be beenẽ wõoga a sʋʋg n kɛ maan-kʋʋd kãsmã tʋmtʋmd n fiuug a tʋbre. 48A Zeezi goma ne-b n yeele: «Yãmb waa ne sʋʋs la roay n na n yõk maam wa m yaa fãada! 49#Luk 19.47, 21.37Mam dag n bee ne yãmb daar fãa n zãmsd nebã wẽnd doogẽ wã, la yãmb ka yõk maam ye. La yaa tɩ gʋls-sõamyã na paam pidsgu.»
50La bãmb karen-biisã fãa basa bãmb n zoe.
51Bi-bɩɩg a yembr n dag n lob fu-goabg bal n tũ bãmba. 52La b gãda yẽnda t'a bas a fu-goabgã n zoe beelle.
A Zeezi bee kaoreng yɛl bʋ-bʋʋdbã taoore
(Mat 26.57-68, Luk 22.54-55, Zã 18.13-15)
53Bãmb talla a Zeezi n kẽng maan-kʋʋdbã kãsem yiri, zĩig ning maan-kʋʋdbã kãsem-dãmbã fãa la kãsem-dãmbã ne tõog karen-saam-dãmbã sẽn tigmã. 54A Pɩyɛɛr pʋgla bãmb yɩɩg-yɩɩga, n ta maan-kʋʋdbã kãsem zakẽ n zĩnd ne tʋmtʋmdbã n woot bugum.
55Maan-kʋʋdbã kãsem-dãmbã ne kaoreng yɛl bʋ-bʋʋdbã fãa baoo kaset dãmb sẽn na n dõd a Zeezi n kɩt tɩ b kʋ-ba, la b ka yã ye. 56Bala, neb wʋsg yaga zĩrẽ n dõd bãmba la b kasetã ka zems taab ye. 57Neb kẽer yik n kɩsa kaset zĩrẽ ne bãmb yell n yeel tɩ bãmb wʋma a Zeezi sẽn yeele: 58#Zã 2.19«Mam na n sãama Wẽnd-do-kãngã ninsaalb nus sẽn me wã, n lebs n me a to ninsaalb nus sẽn ka me, dasem a tãab pʋgẽ.» 59La baa ne yel-kãnga, bãmb kasetã ka zems taab ye. 60Dẽ, maan-kʋʋdbã kãsem yika tigingã sʋk n sok a Zeezi yaa: «Yãmb ka leokd tɩ bũmb la? Yaa bõe rõadg la nebã rõt yãmbã?» 61A Zeezi sĩndame n ka leok tɩ bũmb ye. Maan-kʋʋdbã kãsem leb n soka bãmb yɛsa: «Yaa yãmb la Kiris, Wẽnnaam sẽn yaa bark soabã Bi-riblã bɩ?» 62#Dãn 7.13A Zeezi leokame n yeele: «Mam sɩd yaa Kirisi. La yãmb na n yãnda Ninsaal Bi-riblã sẽn zao Sẽn-Tõe-yã-Fãa wã rɩtgo, la b sẽn wat ne sawato.» 63Dẽ, maan-kʋʋdbã kãsem pãrsa a fut n yeele: «Tõnd leb n rata kaset rãmb n maan bõe? 64#Mk 24.16Yãmb wʋma b sẽn gom n paoog Wẽnnaamã. Yãmb tagsda a wãna?» La nebã fãa kaoo bãmb bʋʋd n yeel tɩ b zemsa kũum. 65Neb kẽer sɩngame n tʋbs bãmb kolkoodo, n pil bãmb neng ne peend n pãb bãmb ne nug-gila, n yeel bãmb yaa: «Togs-y bãngr goamã.»
La tʋmtʋmdbã deega a Zeezi n laal bãmb pegse.
A Pɩyɛɛr kɩɩsame t'a ka mi a Zeezi ye
(Mat 26.69-75, Luk 22.56-62, Zã 18.17-18)
66A Pɩyɛɛr sẽn zĩ zakã pʋgẽ wã, maan-kʋʋdbã kãsem tʋmtʋmd-poak n wa be. 67A sẽn yãnd a Pɩyɛɛr sẽn woot bugmã, a ges-a lame n yeel-a: «Yãmb me rag n bee ne Nazarɛt dao a Zeezi.» 68Yẽnda kɩɩsame n yeele: «Mam ka mi ye. Mam ka bãng fo sẽn dat n togs bũmb ningã ye.» La a yiime n kẽng zãongẽ wã. [La no-raoog kelmame]. 69Tʋmtʋmd-poakã sẽn yã yẽnda, a leb n sɩngame n wilg neb nins sẽn be beenẽ wã t'a Pɩyɛɛr yaa a Zeezi neda. 70La a Pɩyɛɛr leb n kɩɩsame tɩ ka sɩd ye. Sẽn yɩ bilfu, neb nins sẽn be beenẽ wã yeela a Pɩyɛɛr yaa: «Fo sẽ yaa bãmb neda, bala, fo yaa Galɩle neda!» 71La a sɩngame n kãab a meng n wẽen n yeele: «Mam ka mi rao ning yãmb sẽn gomd a yellã ye.» 72Wakat-kãng bala, no-raoog kelma naoor a yiib soaba. La a Pɩyɛɛr tẽega gomd ning a Zeezi sẽn dag n yeel yẽnda wã: «Sẽn deng no-raoog sẽn na n kelem naoor a yiibu, fo na n kɩɩsa naoor a tãab tɩ f ka mi maam ye.» La a sẽn tagse, a yãbame.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.