Dan 12
12
Biikoo giala-nyɔmiɛ̃
1 #
Mat 24.21; Mar 13.19; SNS 7.14; 12.7 Lon a dia dí-a wole lɛ wusoo á pɛ kɛnɛn:
Bɛa biikoo li, Mikayeli á re yui,
lon a dia dí-a wolen
goledɛnaa lɛ á re yui,
a din nə die n doe n tɔrɔn lɛn lɛ.
Bɛa biikoo lɛ n die
goɛ̃ nɔmaa gole biikoo lɛa,
nɔmaa mɛn miã bɛ́ a tɔn yɛ wa,
a saa tɔrɔn tá kanaa biikoo ganaa,
a da dɔ bɛa biikoo lɛ ganaa.
Bɛa biikoo li,
n zaman lɛ á re kirisibiɛ,
min mɛnɛn tumaa tɔ
bɛ́ kiɛ̃-n sɛ́wɔ kɛ nɛ,
bɛn tá re kirisibiɛ.
2 #
Iza 26.19; Mat 25.46; Zaã 5.29 Ǹ mɛnɛn bɛ́ nyuù we tán tii li,
bɛn gigiã yii á re kiɛ.
Ǹ tɛn yii á re kiɛ
ǹ nyin nyabaã yɛ,
ǹ tɛn dɔ yii á re kiɛ,
ǹ sìi laanka nɔmaa duduu yɛ.
3Min mɛnɛn bɛ́ sii doɛ̃,
bɛn tá re tɛ pii
ka lon gɔ̀nɔn kɛ bɛ́ lɔn.
Min mɛnɛn nə zaman damata
daraa peperebaa ganaa,
bɛn tá re tɛ pii
ka leeren bɛ́ lɔn yǎa duduu.
4 #
SNS 22.10
Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.
5Masɛ Danayeli bɛ́ tɔn golee-n giɛ, bɛ̀ min paa kɔsɔ á ke golee-n walan doo: goon nə tà lɛ a lɛkoro goon ganaa, goon kɛ na a lɛkoro kɔsɔ kɛ ganaa. 6Ǹ goon tɔ́n nɔ̀n da giĩ kɛ la mɔnaa gole ná a ganaa, golee-n tà lɛ a mu lalan: «Bɛa kaãbaa ǹ sii kakan lɛn man die nyɛɛ biĩ?» 7#SNS 10.5; SNS 12.14 Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.
8Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?» 9Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa. 10#SNS 22.11 Min gigiã á re fuu yii. Bɛa fuu kɛ lɛ á re toɛ ǹ nə ǹ sii tele, *gɔ̀ ná a ba ǹ ganaa wa, ǹ nə́ yoreen ne. Min baraan man die ǹ sii zɛnɛɛ ka baraabaa nɛ, ǹ kɔn ba re a giala miɛ wa. Sɛnɛ, sii-dɔ̃lin tá re a giala miɛ. 11#Dan 9.27; 11.31; Mat 24.15; Mar 13.14 A saa baraabaraa a wúlu kɛ a boe lɛ-diɛ ganaa, a da kaa basaã kɔ ǹ sii bɔnɛɛ kɛ a zɛnaa lɛ, bɛ n die goɛ̃ lɛawaa duu goon ka biɛpaa ka pɔmanangɔrɔ (1 290). 12Min mɛn bɛ́ re sii sii a ganaa, yǎa a wo dɔ lɛawaa duu goon ka biɛsɔɔ ka pɔsɔɔwensooro (1 335), bɛa dɛnaa wɔ á re bǐɛ̃ koe! 13Nsɛ Danayeli, goã la kɛnɛn, yǎa a woe kiɛ a giala-nyɔmiɛ̃ lɛ. N tá re n susui, n tɔn yoo n nə n saraa si biikoo giala-nyɔmiɛ̃ waáraa.»
Currently Selected:
Dan 12: SBPE2011
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.