BBN 10
10
(8) Bisinin soo boo
1Dɛnaa pɛ Muizu-n doo: «Wo wɔ *Faarahɔn li. A giala, ma din ni má a laanka a kiodɛnan too kaka kɔ, ń giɛ ma tá ma din nyaa ǹ siin zɛnɛɛ ǹ bii. 2Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»
3Muizu laanka Aarɔn woo wɔ Faarahɔn li, ǹ nə́ pɛ-n kɛnɛn:
– Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ. 4Bɛ̀ ń tá tɔn nə n piɛ̃, n ba toɛ maa zaman lɛ á soe woe wa, biɛ̃ dinin gɔrɔ, man die bisinin diɛ n bǎã yii ni. 5Ǹ tá re gána lɛ kuĩ taãn-taãnɛ, yii ná a ba a bǎã kooro yii wa. Màn gialakun mɛn nə n si á goã, la gii ná a ziziɛ̃ wa, maǹ die bɛ soɛ̃. Kaa dan mɛnɛn bɛ́ don, ǹ ba re màn toɛ bɛ kɔ́n ganaa wa. 6Ǹ tá re n kionən piɛ̃, ka n kiodɛnan tumaa a kionən ne, ka gána lɛ a minin tumaa a kionən ne. Ka din laanka ka digolon dinin bɛ́ ǹ màn mɛn yɛ wa, a kũ ǹ tá kanaa ganaa a da kaa pelo lɛ, bɛ n die n zɛnɛɛ.»
Muizu soo á n bɔ Faarahɔn li, á wusoo á woo. 7Faarahɔn a kiodɛnan lɛn nə́ pɛ nɛ kɛnɛn: «Giĩ kɛ n die bɔ̀n diɛ wɔ ganaa yǎa biĩ doo? A toa giĩn kɛn nə wo dí nya ǹ Dɛnaa Lawa nɛ. N ba tɔn doɛ̃ mà Ezipti gána n bɔ̀n biɛ woe wa?»
8Ǹ nə́ wusoo ǹ nə́ lɛ dia Muizu laanka Aarɔn la Faarahɔn li, á pɛ ǹ nɛ: «Ka soo, ka wo dí nya kaa Dɛnaa Lawa lɛ nɛ. Sɛnɛ, die doamaa-n ka woo ne?»
9Muizu pɛ: «Wɔ n die woe ka wɔa nɛnyaanan nɛ, ka wɔa min golen ne, wɔa giĩn laanka wɔa lɔn nɛ, wɔa sèren ne, wɔa bòen ne, ka wɔa diin ni. A giala, wɔ n die zii tɔ we don bii, wɔ zɔ́n zɛnaa wɔa Dɛnaa tɔ a lɛa.»
10Faarahɔn pɛ ǹ nɛ kɛnɛn: «Dɛnaa goã kun ka-n le. Ma á re toɛ ka soo ka kaa nɛnyaanan nɛ ke? A n foaã nɛ, yiri baraa-n ka á boe. 11A re n zɛnɛɛ miɛ̃ wa. Á soɛ ka dinin giĩn nə woo, ka dí nya Dɛnaa nɛ, ka laadoo n bɛ dinsɔɔ̃ ganaa.»
Bɛ kio, ǹ nə́ ǹ loo ǹ nə́ ǹ bɔ Faarahɔn li.
12Dɛnaa pɛ Muizu ni: «N gɔn saa lon n dia Ezipti gána la, n lɛ dia bisinin la, ǹ yoo ǹ kɔ Ezipti gána lɛ, ǹ gána lɛ a màn-kɔsiɛ tumaa sɔ̃, ǹ mɛn tumaa nə n si la gii la á goã.»
13Muizu ná a bàlà lɛ saa lon, á dia gána lɛ la. Dɛnaa piɛ̃ bɔ lɛ̀giala-n á dia gána lɛ la, bɛa pinaa kɛ lɛ din tumaa gɔ́ɔ̃ nɛ: penleen laanka tèlò ne. Lɛ̀ waa á daa yaa, bɛ̀ piɛ̃ lɛ na á daa ka bisinin ni. 14#SNS 9.2-3 Bisinin lɛn nə́ yoo ǹ nə́ kɔ gána lɛ paǹ tumaa lɛ, ǹ nə́ mɛ bǎã tumaa nɛ. Bɛa bisinin kɛn lɛn mɔnaabaa miã tɔrɔ tɔn yɛ bɛ nyɛɛn wa, a re yii a kio dɔn wa. 15Ǹ nə́ n kɔ gána lɛ a tán tumaa lɛ, bǎã tumaa tì kɔ. Ǹ nə́ gána lɛ a màn-kɔsiɛ tumaa sɔ̃, ka a da nɛn tumaa nɛ, mànan mɛnɛn nə n si la gii lɛ la ǹ nə́ goã. Da luu buruu kɔ́n goã wa, màn buruu kɔ́n dɔ goã tɔɔn gɔ buu ni ǹ bǎãn nɛ, gána lɛ paǹ kɔ́n nɛ wa.
16Faarahɔn nə́ n nanaa á lɛ dia Muizu laanka Aarɔn la, á pɛ ǹ nɛ: «Má sã má wɔ kaa Dɛnaa Lawa lɛ lon, ma wɔ ka dinin dɔn lon. 17Kanna kəni, man ka nyankoe, máa ka maa sã toa ma-n doo. Ka kaa Dɛnaa Lawa lɛ nyankɔ, a bǐɛ̃ kɔ a dɔlɔ baraa kɛ saa a bɔ ma mìi ni.»
18Muizu soo á n bɔ Faarahɔn li, á woo Dɛnaa nyankɔ. 19Dɛnaa piɛ̃ lɛ bɔyaa, á baa piɛ̃ kaka kɔ́n lɛa, boe lɛ̀nyɛɛnɛ, bɛ́ bisinin lɛn goa, á ǹ nyɛnaa á woo ǹ ne Sawɛɛ tà lɛ-a. Bisin goon din goã Ezipti gána lɛ paǹ kɔ́n nɛ wa. 20Sɛnɛ, Dɛnaa toa Faarahɔn too kaka kɔ, a Izirayeli nɛnyaanan lɛn toa ǹ nə́ soo, ǹ nə́ woo wa.
(9) Wɔlɔ a tii boo
21Dɛnaa pɛ Muizu ni: «N gɔn saa lon, màn mɛn bɛ́ toɛ, wɔlɔ tii Ezipti gána lɛ paǹ tumaa nɛ. Wɔlɔ tii yǎa minin nə n gɔn talɛɛ.»
22 #
Loe 105.28; SNS 16.10 Muizu nə́ n gɔn saa lon. Lɛawaa sɔɔ gɔ́ɔ̃ nɛ, wɔlɔ tii ka biribiri Ezipti gána lɛ paǹ tumaa ganaa. 23Lɛawaa sɔɔ gɔ́ɔ̃ nɛ, min kɔ́n yii ba ǹ dɔɔ̃n ganaa wa, min dɔ nə n zɔ̃ á n bɔ a bǎã-n wa. Sɛnɛ, wɔlɔ fúlu goã Izirayeli nɛnyaanan lɛn sɛn giã ǹ bǎã nɛ. 24Faarahɔn lɛ dia Muizu la, á pɛ nɛ: «Ka woo, ka dí nya Dɛnaa lɛ nɛ. Ka á re boe la ka wo ka kaa lɔn laanka kaa nyɛnyaanan nɛ. Sɛnɛ, kaa tɔɔn kɛn sɛn, kaa sèren ne, kaa bòen ne, ka kaa diin ni, bɛn ba woe wa. Sɛnɛ, kaa nɛnyaanan tá boe la ǹ wo kun ka nɛ.»
25Muizu pɛ kɛnɛn: «Haayii. N din nə die wúlu mànan kɛn koe wɔ la, wɔ bɔ wɔa Dɛnaa Lawa nɛ, a bɔ kooro laanka a tã lenlen wɔn kɛn? 26Wɔa tɔɔn man die woe kun wɔ nɛ, tɔɔ lɛ kɔ́n ba goɛ̃ wa. A giala, wɔ n die màn boe ǹ dinin lɛn bii, wɔ dí nya wɔa Lawa lɛ nɛ. Bɛ̀ wɔ bie wɔ dɔ walan wa, wɔ bɛ́ re màn mɛn koe Lawa la, wɔ dɔn dinin ba bɛ doɛ̃ wa.»
27Sɛnɛ, Dɛnaa toa Faarahɔn too kaka kɔ, a lɛ kɔ á toa Izirayeli nɛnyaanan lɛn nə́ soo, ǹ nə́ woo wa. 28Faarahɔn pɛ Muizu ni: «Soo! N baran toa wɔ yii kɔn yɛ doo wa. Wɔ yii bɛ́ re wusii a kɔn yɛ ǹ mɛn pinaa, n gɛ̀ pinaa dɔ n bɛ-n gɔrɔ.»
29Muizu pɛ-n kɛnɛn: «Ka n din pɛ lɔn, wɔ yii á re kɔn yii doo wa!»
Currently Selected:
BBN 10: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
BBN 10
10
(8) Bisinin soo boo
1Dɛnaa pɛ Muizu-n doo: «Wo wɔ *Faarahɔn li. A giala, ma din ni má a laanka a kiodɛnan too kaka kɔ, ń giɛ ma tá ma din nyaa ǹ siin zɛnɛɛ ǹ bii. 2Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»
3Muizu laanka Aarɔn woo wɔ Faarahɔn li, ǹ nə́ pɛ-n kɛnɛn:
– Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ. 4Bɛ̀ ń tá tɔn nə n piɛ̃, n ba toɛ maa zaman lɛ á soe woe wa, biɛ̃ dinin gɔrɔ, man die bisinin diɛ n bǎã yii ni. 5Ǹ tá re gána lɛ kuĩ taãn-taãnɛ, yii ná a ba a bǎã kooro yii wa. Màn gialakun mɛn nə n si á goã, la gii ná a ziziɛ̃ wa, maǹ die bɛ soɛ̃. Kaa dan mɛnɛn bɛ́ don, ǹ ba re màn toɛ bɛ kɔ́n ganaa wa. 6Ǹ tá re n kionən piɛ̃, ka n kiodɛnan tumaa a kionən ne, ka gána lɛ a minin tumaa a kionən ne. Ka din laanka ka digolon dinin bɛ́ ǹ màn mɛn yɛ wa, a kũ ǹ tá kanaa ganaa a da kaa pelo lɛ, bɛ n die n zɛnɛɛ.»
Muizu soo á n bɔ Faarahɔn li, á wusoo á woo. 7Faarahɔn a kiodɛnan lɛn nə́ pɛ nɛ kɛnɛn: «Giĩ kɛ n die bɔ̀n diɛ wɔ ganaa yǎa biĩ doo? A toa giĩn kɛn nə wo dí nya ǹ Dɛnaa Lawa nɛ. N ba tɔn doɛ̃ mà Ezipti gána n bɔ̀n biɛ woe wa?»
8Ǹ nə́ wusoo ǹ nə́ lɛ dia Muizu laanka Aarɔn la Faarahɔn li, á pɛ ǹ nɛ: «Ka soo, ka wo dí nya kaa Dɛnaa Lawa lɛ nɛ. Sɛnɛ, die doamaa-n ka woo ne?»
9Muizu pɛ: «Wɔ n die woe ka wɔa nɛnyaanan nɛ, ka wɔa min golen ne, wɔa giĩn laanka wɔa lɔn nɛ, wɔa sèren ne, wɔa bòen ne, ka wɔa diin ni. A giala, wɔ n die zii tɔ we don bii, wɔ zɔ́n zɛnaa wɔa Dɛnaa tɔ a lɛa.»
10Faarahɔn pɛ ǹ nɛ kɛnɛn: «Dɛnaa goã kun ka-n le. Ma á re toɛ ka soo ka kaa nɛnyaanan nɛ ke? A n foaã nɛ, yiri baraa-n ka á boe. 11A re n zɛnɛɛ miɛ̃ wa. Á soɛ ka dinin giĩn nə woo, ka dí nya Dɛnaa nɛ, ka laadoo n bɛ dinsɔɔ̃ ganaa.»
Bɛ kio, ǹ nə́ ǹ loo ǹ nə́ ǹ bɔ Faarahɔn li.
12Dɛnaa pɛ Muizu ni: «N gɔn saa lon n dia Ezipti gána la, n lɛ dia bisinin la, ǹ yoo ǹ kɔ Ezipti gána lɛ, ǹ gána lɛ a màn-kɔsiɛ tumaa sɔ̃, ǹ mɛn tumaa nə n si la gii la á goã.»
13Muizu ná a bàlà lɛ saa lon, á dia gána lɛ la. Dɛnaa piɛ̃ bɔ lɛ̀giala-n á dia gána lɛ la, bɛa pinaa kɛ lɛ din tumaa gɔ́ɔ̃ nɛ: penleen laanka tèlò ne. Lɛ̀ waa á daa yaa, bɛ̀ piɛ̃ lɛ na á daa ka bisinin ni. 14#SNS 9.2-3 Bisinin lɛn nə́ yoo ǹ nə́ kɔ gána lɛ paǹ tumaa lɛ, ǹ nə́ mɛ bǎã tumaa nɛ. Bɛa bisinin kɛn lɛn mɔnaabaa miã tɔrɔ tɔn yɛ bɛ nyɛɛn wa, a re yii a kio dɔn wa. 15Ǹ nə́ n kɔ gána lɛ a tán tumaa lɛ, bǎã tumaa tì kɔ. Ǹ nə́ gána lɛ a màn-kɔsiɛ tumaa sɔ̃, ka a da nɛn tumaa nɛ, mànan mɛnɛn nə n si la gii lɛ la ǹ nə́ goã. Da luu buruu kɔ́n goã wa, màn buruu kɔ́n dɔ goã tɔɔn gɔ buu ni ǹ bǎãn nɛ, gána lɛ paǹ kɔ́n nɛ wa.
16Faarahɔn nə́ n nanaa á lɛ dia Muizu laanka Aarɔn la, á pɛ ǹ nɛ: «Má sã má wɔ kaa Dɛnaa Lawa lɛ lon, ma wɔ ka dinin dɔn lon. 17Kanna kəni, man ka nyankoe, máa ka maa sã toa ma-n doo. Ka kaa Dɛnaa Lawa lɛ nyankɔ, a bǐɛ̃ kɔ a dɔlɔ baraa kɛ saa a bɔ ma mìi ni.»
18Muizu soo á n bɔ Faarahɔn li, á woo Dɛnaa nyankɔ. 19Dɛnaa piɛ̃ lɛ bɔyaa, á baa piɛ̃ kaka kɔ́n lɛa, boe lɛ̀nyɛɛnɛ, bɛ́ bisinin lɛn goa, á ǹ nyɛnaa á woo ǹ ne Sawɛɛ tà lɛ-a. Bisin goon din goã Ezipti gána lɛ paǹ kɔ́n nɛ wa. 20Sɛnɛ, Dɛnaa toa Faarahɔn too kaka kɔ, a Izirayeli nɛnyaanan lɛn toa ǹ nə́ soo, ǹ nə́ woo wa.
(9) Wɔlɔ a tii boo
21Dɛnaa pɛ Muizu ni: «N gɔn saa lon, màn mɛn bɛ́ toɛ, wɔlɔ tii Ezipti gána lɛ paǹ tumaa nɛ. Wɔlɔ tii yǎa minin nə n gɔn talɛɛ.»
22 #
Loe 105.28; SNS 16.10 Muizu nə́ n gɔn saa lon. Lɛawaa sɔɔ gɔ́ɔ̃ nɛ, wɔlɔ tii ka biribiri Ezipti gána lɛ paǹ tumaa ganaa. 23Lɛawaa sɔɔ gɔ́ɔ̃ nɛ, min kɔ́n yii ba ǹ dɔɔ̃n ganaa wa, min dɔ nə n zɔ̃ á n bɔ a bǎã-n wa. Sɛnɛ, wɔlɔ fúlu goã Izirayeli nɛnyaanan lɛn sɛn giã ǹ bǎã nɛ. 24Faarahɔn lɛ dia Muizu la, á pɛ nɛ: «Ka woo, ka dí nya Dɛnaa lɛ nɛ. Ka á re boe la ka wo ka kaa lɔn laanka kaa nyɛnyaanan nɛ. Sɛnɛ, kaa tɔɔn kɛn sɛn, kaa sèren ne, kaa bòen ne, ka kaa diin ni, bɛn ba woe wa. Sɛnɛ, kaa nɛnyaanan tá boe la ǹ wo kun ka nɛ.»
25Muizu pɛ kɛnɛn: «Haayii. N din nə die wúlu mànan kɛn koe wɔ la, wɔ bɔ wɔa Dɛnaa Lawa nɛ, a bɔ kooro laanka a tã lenlen wɔn kɛn? 26Wɔa tɔɔn man die woe kun wɔ nɛ, tɔɔ lɛ kɔ́n ba goɛ̃ wa. A giala, wɔ n die màn boe ǹ dinin lɛn bii, wɔ dí nya wɔa Lawa lɛ nɛ. Bɛ̀ wɔ bie wɔ dɔ walan wa, wɔ bɛ́ re màn mɛn koe Lawa la, wɔ dɔn dinin ba bɛ doɛ̃ wa.»
27Sɛnɛ, Dɛnaa toa Faarahɔn too kaka kɔ, a lɛ kɔ á toa Izirayeli nɛnyaanan lɛn nə́ soo, ǹ nə́ woo wa. 28Faarahɔn pɛ Muizu ni: «Soo! N baran toa wɔ yii kɔn yɛ doo wa. Wɔ yii bɛ́ re wusii a kɔn yɛ ǹ mɛn pinaa, n gɛ̀ pinaa dɔ n bɛ-n gɔrɔ.»
29Muizu pɛ-n kɛnɛn: «Ka n din pɛ lɔn, wɔ yii á re kɔn yii doo wa!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.