BBN 9
9
(5) Tɔɔn busu baraa
1Dɛnaa pɛ Muizu-n doo:
– Wo wɔ *Faarahɔn li, n pɛ nɛ: «Dɛnaa lɛ, Ebrəən Lawa lɛa, a n pii: Toa maa zaman lɛ soo, a wo dí nya masɛ nɛ. 2Bɛ̀ n tá tɔn nə n piɛ̃ ka maa zaman lɛ a toa walan boo ne, bɛ̀ n tá tɔn nə n gɔn parɛɛ ǹ ganaa, 3masɛ Dɛnaa á re n tɔɔn dii, n sùin ni, n dundunun ni, n nyɔɔmaan nɛ, n diin ni, n sèren ne ka n bòen ne. Man die zɛnɛɛ ka tɔɔn busu babaraa nɛ. 4Masɛ Dɛnaa á re bɔkɔnlɛ we Izirayeli nɛnyaanan tɔɔn laanka Ezipti gána minin wɔn bii ni. Màn ba re giɛ̃ Izirayeli nɛnyaanan wɔn bii wa.»
5Dɛnaa din biikoo bɔ á koa á pɛ: «Biɛ̃ Dɛnaa á re bɛ zɛnɛɛ gána lɛ nɛ.»
6A lɛawaa sonbore, Dɛnaa sii lɛ zɛnaa miɛ̃. Ezipti gána minin tɔɔn tumaa gã, sɛnɛ, tɔɔ goon toto din gã Izirayeli nɛnyaanan wɔn bii wa. 7Faarahɔn minin dia ǹ nə́ woo ga, Izirayeli nɛnyanan tɔɔ goon din gã wa. Sɛnɛ, Faarahɔn too goã a kakabaa gɔ́ɔ̃ nɛ, a toa zaman lɛ soo á woo wa.
(6) Boreen bɔ minin ganaa boo
8Dɛnaa pɛ Muizu laanka Aarɔn nɛ: «Ka kùsì tiriki wùsu gɔn yii paa bɔ, Muizu die a zũ lon Faarahɔn yɔrɔ-a. 9Bɛa wùsu kɛ lɛ bɛ́ re n diɛ wɔlɔ la Ezipti gána paǹ yii-n ke, a n die boreen boe minbuiinin laanka tɔɔn ganaa, ǹ tá re n lɛ boe ǹ baayɛrɛn baa.»
10 #
SNS 16.2
Ǹ nə́ kùsì tiriki wùsu lɛ bɔ, ǹ nə́ golee Faarahɔn yɔrɔ-a, Muizu zũ lon. Á boreen bɔ minbuiinin laanka tɔɔn ganaa, ǹ nə́ puru ǹ nə́ baayɛrɛn baa. 11Boreen lɛn lɛa, kɔ́lɔnbaalin kɛn nə boo la, ǹ nə́ golee masɛ Muizu yɔrɔ-a wa, a giala, boreen man nə́ goã ǹ dininmaan laanka gána minin lɛn tumaa ganaa. 12Sɛnɛ, Dɛnaa toa Faarahɔn too kaka kɔ, a n too kɔ ma laanka Aarɔn lon wa, ka Dɛnaa din bɛ́ á goã á pɛ masɛ Muizu-n lɔn.
(7) La gii a daa
13Dɛnaa pɛ Muizu-n kɛnɛn doo:
– Yoo baayɛlɛ yiisoo, n wo Faarahɔn yɔrɔ-a, n pɛ nɛ: Dɛnaa lɛ, Ebrəən Lawa lɛa, bɛ n pii: «Toa maa zaman lɛ soo a wo dí nya ma nɛ. 14A giala, kanna kəni, man die maa dɔlɔ siin lɛn tumaa yɔrɔ diɛ n dinmaa dɔ la, ka n kiodɛnan nɛ, ka n gána minin ni, màn mɛn bɛ́ toɛ, n dɔ̃ mà min kɔ́n ba tán la, á n zoɛ̃ kɔn ka masɛ Lawa-n wa. 15Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa. 16#Rɔm 9.17 Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ. 17N nə n tɔn nə n laɛ, n piɛ̃ ka maa zaman lɛ a soo a woo ne. 18Biɛ̃ kɛnɛn yirəə, man die la gii baraa kiɛ ka gɔn kɔ́n nɛ, a kũ Ezipti gána lɛ a giala kɔ ganaa a da pelo yaa, bɛ miã tɔn nə n zɛnaa wa. 19Kanna kəni, minin dia ǹ wo n tɔɔn kaa duru ǹ bǎã nɛ, ka n don gɔ́ɔ̃ ǹ mànan tumaa nɛ. Minbuiinin laanka tɔɔn mɛnɛn bɛ́ re goɛ̃ don, ǹ nə́ n ba re goɛ̃ da piɛ wolen lɛa wa, la gii n die kiɛ bɛn la, ǹ gã.»
20Faarahɔn din a kiodɛnan lɛn bii, ǹ mɛn nyɛ́ɛ baa Dɛnaa a boo lɛ nɛ, bɛ ná a dí-nyalin laanka a tɔɔn kaa kionən ne. 21Ǹ mɛn bɛ́ a Dɛnaa a boo lɛ si parsii boo lɛa wa, bɛ na a dí-nyalin laanka a tɔɔn kaa kion wa. 22Dɛnaa pɛ Muizu-n kəni: «N gɔn saa lon, màn mɛn bɛ́ toɛ, la gii kaa màn tumaa la Ezipti gána kɛ nɛ, a minbuiinin ni, a tɔɔn nɛ ka a màn-kɔsiɛ din tumaa nɛ.»
23A ná a bàlà lɛ saa lon, yǎa Dɛnaa zii kɔ la a ginii laanka la gii la. La a paraa daa yǎa tán, Dɛnaa la gii kaa Ezipti gána la. 24#SNS 8.7; 16.21 La gii n kiɛ, la a paraa n we li, a baraa kɔ ka yɔrɔ mɛn nɛ, Ezipti gána tɔn na a miã yɛ wa, a kũ a gánabaa giala kɔ ganaa. 25Ezipti gána lɛ paǹ tumaa nɛ, la gii lɛ don mànan tumaa dɛ, minbuiinin ni ka tɔɔn nɛ, la gii lɛ tán màn-kɔsiɛ tumaa dɛ, ka dan tumaa nɛ. 26La gii lɛ na a kaa Gosɛnɛ bǎã dinsɔɔ̃-n wa, Izirayeli nɛnyaanan man nə́ goã walan.
27Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa. 28Ka Dɛnaa lɛ nyankɔ. La a paraa lɛ laanka la gii lɛ la yii ni. Ma á re toɛ ka woo, ka a re beleboe kànaa doo wa.»
29Muizu pɛ nɛ: «Bɛ̀ ma soo kiwi lɛ lɛ-a lɔn gɔrɔ, ma á re n gɔnɔn goɛ lon, ma gòã-kũ da Dɛnaa ganaa. La a paraa lɛ á re golee, la gii a re kiɛ doo wa, màn mɛn bɛ́ toɛ, n dɔ̃ mà tán kɛ lɛ n Dɛnaa wɔ lɛa. 30Sɛnɛ, ma á doɛ̃, máa n laanka n kiodɛnan nɛ, máa ka tɔn nyɛ́ɛ baa Dɛnaa Lawa-n bɔrɔ wa.» 31Buu laanka mìi goã màn-kɔsiɛ mɛn tumaa ganaa bɛa biikoo lɛ li, bɛ tumaa ziziɛ̃. 32Màn-kɔsiɛn mɛnɛn bɛ́ nyɔɔbiɛ, bɛn nə́ ziziɛ̃ wa.
33Muizu soo á n bɔ Faarahɔn li, á n bɔ kiwi lɛ dɔ gɔ́ɔ̃ nɛ, á n gɔnɔn goa lon, á gòã-kũ da Dɛnaa ganaa. La a paraa laanka la gii lɛ golee. La lɛ dɔ kaa doo wa. 34Faarahɔn bɛ́ á yɛ mà la lɛ golee, ka la a paraa nɛ ka la gii kɛ dɔ nɛ, a laanka a kiodɛnan nə́ n too kaka kɔ doo, á wusoo á baraa zɛnaa. 35Faarahɔn too lɛ goã kaka miɛ̃, a toa Izirayeli nɛnyaanan lɛn nə soo ǹ nə́ woo wa, ka Dɛnaa din bɛ́ á goã, á pɛ Muizu-n lɔn.
Currently Selected:
BBN 9: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
BBN 9
9
(5) Tɔɔn busu baraa
1Dɛnaa pɛ Muizu-n doo:
– Wo wɔ *Faarahɔn li, n pɛ nɛ: «Dɛnaa lɛ, Ebrəən Lawa lɛa, a n pii: Toa maa zaman lɛ soo, a wo dí nya masɛ nɛ. 2Bɛ̀ n tá tɔn nə n piɛ̃ ka maa zaman lɛ a toa walan boo ne, bɛ̀ n tá tɔn nə n gɔn parɛɛ ǹ ganaa, 3masɛ Dɛnaa á re n tɔɔn dii, n sùin ni, n dundunun ni, n nyɔɔmaan nɛ, n diin ni, n sèren ne ka n bòen ne. Man die zɛnɛɛ ka tɔɔn busu babaraa nɛ. 4Masɛ Dɛnaa á re bɔkɔnlɛ we Izirayeli nɛnyaanan tɔɔn laanka Ezipti gána minin wɔn bii ni. Màn ba re giɛ̃ Izirayeli nɛnyaanan wɔn bii wa.»
5Dɛnaa din biikoo bɔ á koa á pɛ: «Biɛ̃ Dɛnaa á re bɛ zɛnɛɛ gána lɛ nɛ.»
6A lɛawaa sonbore, Dɛnaa sii lɛ zɛnaa miɛ̃. Ezipti gána minin tɔɔn tumaa gã, sɛnɛ, tɔɔ goon toto din gã Izirayeli nɛnyaanan wɔn bii wa. 7Faarahɔn minin dia ǹ nə́ woo ga, Izirayeli nɛnyanan tɔɔ goon din gã wa. Sɛnɛ, Faarahɔn too goã a kakabaa gɔ́ɔ̃ nɛ, a toa zaman lɛ soo á woo wa.
(6) Boreen bɔ minin ganaa boo
8Dɛnaa pɛ Muizu laanka Aarɔn nɛ: «Ka kùsì tiriki wùsu gɔn yii paa bɔ, Muizu die a zũ lon Faarahɔn yɔrɔ-a. 9Bɛa wùsu kɛ lɛ bɛ́ re n diɛ wɔlɔ la Ezipti gána paǹ yii-n ke, a n die boreen boe minbuiinin laanka tɔɔn ganaa, ǹ tá re n lɛ boe ǹ baayɛrɛn baa.»
10 #
SNS 16.2
Ǹ nə́ kùsì tiriki wùsu lɛ bɔ, ǹ nə́ golee Faarahɔn yɔrɔ-a, Muizu zũ lon. Á boreen bɔ minbuiinin laanka tɔɔn ganaa, ǹ nə́ puru ǹ nə́ baayɛrɛn baa. 11Boreen lɛn lɛa, kɔ́lɔnbaalin kɛn nə boo la, ǹ nə́ golee masɛ Muizu yɔrɔ-a wa, a giala, boreen man nə́ goã ǹ dininmaan laanka gána minin lɛn tumaa ganaa. 12Sɛnɛ, Dɛnaa toa Faarahɔn too kaka kɔ, a n too kɔ ma laanka Aarɔn lon wa, ka Dɛnaa din bɛ́ á goã á pɛ masɛ Muizu-n lɔn.
(7) La gii a daa
13Dɛnaa pɛ Muizu-n kɛnɛn doo:
– Yoo baayɛlɛ yiisoo, n wo Faarahɔn yɔrɔ-a, n pɛ nɛ: Dɛnaa lɛ, Ebrəən Lawa lɛa, bɛ n pii: «Toa maa zaman lɛ soo a wo dí nya ma nɛ. 14A giala, kanna kəni, man die maa dɔlɔ siin lɛn tumaa yɔrɔ diɛ n dinmaa dɔ la, ka n kiodɛnan nɛ, ka n gána minin ni, màn mɛn bɛ́ toɛ, n dɔ̃ mà min kɔ́n ba tán la, á n zoɛ̃ kɔn ka masɛ Lawa-n wa. 15Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa. 16#Rɔm 9.17 Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ. 17N nə n tɔn nə n laɛ, n piɛ̃ ka maa zaman lɛ a soo a woo ne. 18Biɛ̃ kɛnɛn yirəə, man die la gii baraa kiɛ ka gɔn kɔ́n nɛ, a kũ Ezipti gána lɛ a giala kɔ ganaa a da pelo yaa, bɛ miã tɔn nə n zɛnaa wa. 19Kanna kəni, minin dia ǹ wo n tɔɔn kaa duru ǹ bǎã nɛ, ka n don gɔ́ɔ̃ ǹ mànan tumaa nɛ. Minbuiinin laanka tɔɔn mɛnɛn bɛ́ re goɛ̃ don, ǹ nə́ n ba re goɛ̃ da piɛ wolen lɛa wa, la gii n die kiɛ bɛn la, ǹ gã.»
20Faarahɔn din a kiodɛnan lɛn bii, ǹ mɛn nyɛ́ɛ baa Dɛnaa a boo lɛ nɛ, bɛ ná a dí-nyalin laanka a tɔɔn kaa kionən ne. 21Ǹ mɛn bɛ́ a Dɛnaa a boo lɛ si parsii boo lɛa wa, bɛ na a dí-nyalin laanka a tɔɔn kaa kion wa. 22Dɛnaa pɛ Muizu-n kəni: «N gɔn saa lon, màn mɛn bɛ́ toɛ, la gii kaa màn tumaa la Ezipti gána kɛ nɛ, a minbuiinin ni, a tɔɔn nɛ ka a màn-kɔsiɛ din tumaa nɛ.»
23A ná a bàlà lɛ saa lon, yǎa Dɛnaa zii kɔ la a ginii laanka la gii la. La a paraa daa yǎa tán, Dɛnaa la gii kaa Ezipti gána la. 24#SNS 8.7; 16.21 La gii n kiɛ, la a paraa n we li, a baraa kɔ ka yɔrɔ mɛn nɛ, Ezipti gána tɔn na a miã yɛ wa, a kũ a gánabaa giala kɔ ganaa. 25Ezipti gána lɛ paǹ tumaa nɛ, la gii lɛ don mànan tumaa dɛ, minbuiinin ni ka tɔɔn nɛ, la gii lɛ tán màn-kɔsiɛ tumaa dɛ, ka dan tumaa nɛ. 26La gii lɛ na a kaa Gosɛnɛ bǎã dinsɔɔ̃-n wa, Izirayeli nɛnyaanan man nə́ goã walan.
27Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa. 28Ka Dɛnaa lɛ nyankɔ. La a paraa lɛ laanka la gii lɛ la yii ni. Ma á re toɛ ka woo, ka a re beleboe kànaa doo wa.»
29Muizu pɛ nɛ: «Bɛ̀ ma soo kiwi lɛ lɛ-a lɔn gɔrɔ, ma á re n gɔnɔn goɛ lon, ma gòã-kũ da Dɛnaa ganaa. La a paraa lɛ á re golee, la gii a re kiɛ doo wa, màn mɛn bɛ́ toɛ, n dɔ̃ mà tán kɛ lɛ n Dɛnaa wɔ lɛa. 30Sɛnɛ, ma á doɛ̃, máa n laanka n kiodɛnan nɛ, máa ka tɔn nyɛ́ɛ baa Dɛnaa Lawa-n bɔrɔ wa.» 31Buu laanka mìi goã màn-kɔsiɛ mɛn tumaa ganaa bɛa biikoo lɛ li, bɛ tumaa ziziɛ̃. 32Màn-kɔsiɛn mɛnɛn bɛ́ nyɔɔbiɛ, bɛn nə́ ziziɛ̃ wa.
33Muizu soo á n bɔ Faarahɔn li, á n bɔ kiwi lɛ dɔ gɔ́ɔ̃ nɛ, á n gɔnɔn goa lon, á gòã-kũ da Dɛnaa ganaa. La a paraa laanka la gii lɛ golee. La lɛ dɔ kaa doo wa. 34Faarahɔn bɛ́ á yɛ mà la lɛ golee, ka la a paraa nɛ ka la gii kɛ dɔ nɛ, a laanka a kiodɛnan nə́ n too kaka kɔ doo, á wusoo á baraa zɛnaa. 35Faarahɔn too lɛ goã kaka miɛ̃, a toa Izirayeli nɛnyaanan lɛn nə soo ǹ nə́ woo wa, ka Dɛnaa din bɛ́ á goã, á pɛ Muizu-n lɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.