BBN 12
12
Kiɛ̃mala ǹ zɔ́n boo
1 #
LWS 23.5; MNS 9.1-5; 28.16; TDP 16.1-2 Dɛnaa pɛ Muizu laanka Aarɔn nɛ Ezipti gána lɛ nɛ: 2«Mui kɛ n die goɛ̃ mui bibinaa lɛa ka gɔn. Ka n die lɛ̀ giala koe a din lɛ nɛ. 3Ka a yɔrɔ pɛ Izirayeli nɛnyaanan zaman lɛ-n kɛnɛn: Mui kɛ lɛ a lɛawaa fù, kion gogoonmaa tɔɔ bɔ a dɛ. 4Bɛ̀ kion mɛn tá boɛɛn tɔɔ bɔ ganaa, a minin nə́ ǹ ba boe la, ǹ tɔɔ sɔ̃ ǹ nya wa, a kɔn ma ka ǹ miãkɛnɛn nɛ, a kɔnpɛ a zaman lɛ nɛ, ǹ boo la ǹ tɔɔ bɔ a kɔnpɛ ka ǹ soɛ̃ nɛ. Ka bɛ́ re boe tɔɔ mɛn la ka sɔ̃ ka nya, ka bɛ bɔ. 5Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii. 6Ka bɔ ka koa yǎa mui kɛ lɛ a lɛawaa fulusii. Izirayeli nɛnyaanan zaman lɛ tumaa na a wɔ bɔlɔ kuru wasa yii siɛ̃ waáraa. 7Ka a mà bɔ, ka bɛ́ re a siĩ soɛ̃ kion mɛn nɛ, ka bɛa mà lɛ lɔ kion lɛ a kiɛnlɛ gɔnɔn ganaa, a wàã li ǹ wɔ màn paa kɛ laanka lon wɔ kɛ nɛ. 8Tɔɔ lɛ siĩ nə n paparɛ, a n sɔ̃ bɛa tèlò lɛ nɛ, ka buuru ni, yɔ bù ná a ba li wa, ka buu kɔɔsɛn nɛ. 9A siĩ kɔ́n a fumaa baran wɔ ka lɛ-n wa, ka baran kɔrɛ ka mu dɔ-n wa. Sɛnɛ, yǎa a paparɛɛ, a mìi ni, a keren ne ka a màn baaran nɛ. 10Ka baran màn kɔ́n toa baayɛlɛ wa. Bɛ̀ ǹ mɛn nə n si á goã, ka tã. 11Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»
12Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa. 13Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.
14 #
BBN 23.15; 34.18; LWS 23.6-8; MNS 28.17-25; TDP 16.3-8 Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»
Yɔ bùbaã buuru zɔ́n
15Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li. 16Lɛawaa bibinaa lɛ li, ka tá re n lɛ soekɔn ka Lawa guguru kɔ. A lɛawaa sɔbaabaa ǹ wɔ pinaa doo, ka wusoo ka zɛnaa miɛ̃. Bɛa lɛawaan kɛn lɛn li, min baran dí kɔ́n nya wa, yǎa kaa màn-bii dinsɔɔ̃, bɛ á boe la a n zɛnaa.
17Ka *yɔ bùbaã buuru zɔ́n kɛ tamaa, a giala, bɛa pinaa taãn-taãn lɛ nɛ, má soo kaa zaman lɛ nɛ má bɔ Ezipti gána nɛ. Ka bɛa pinaa kɛ tamaa ka baa zɔ́n lɛa lɛ̀ woo lɛ̀. A na á sii baa, sii mɛn bɛ́ a sàabiɛ doo wa. 18Mui bibinaa lɛ a lɛawaa fulusiibaa ǹ wɔ pinaa, wasamiɛ̃nɛ, ka buuru sɔ̃ yɔ bù ná a ba li wa, yǎa a woe doe mui lɛ a lɛawaa fuəwengoon dɔ a wasamiɛ̃n ganaa. 19Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li. 20Buuru yoo wole, yɔ bù n li, bɛ baran wɔ ka lɛ-n wa. Ta ka n bǎã woo bǎã, ka buuru sɔ̃ yɔ bù ná a ba li wa.»
Kiɛ̃mala ǹ zɔ́n bibinaa boo
21Muizu lɛ dia Izirayeli nɛnyaanan min golen tumaa la, á pɛ ǹ nɛ:
– Ka wo ga tɔɔn li kaa tanlɛn wɔn lɛa, ka ǹ dɛ *Kiɛ̃mala ǹ zɔ́n mànan lɛa. 22Ka *izopi luu yiikɔn saa, ka sã mà li tan nɛ, ka lɔ kiɛnlɛ-a ǹ gɔnɔn ganaa, a lon wɔ laanka a wàã li ǹ wɔn nɛ. Kaa min kɔ́n baran soo a n bɔ a kion wa, yǎa baayɛlɛ. 23#Ebr 11.28 Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.
24Ka bɛ din tumaa tamaa, ka zɛnaa. Boo ne, á n pɛ ka dinin manɛ ka kaa nɛnyaanan nɛ yǎa duduu. 25Dɛnaa din bɛ́ á pɛ mà asɛ á re gána mɛn koe ka la, bɛ̀ ka dɔ bɛ nɛ ǹ mɛn waáraa, ka landa sii kɛ tamaa. 26Bɛ̀ kaa nɛnyaanan nə́ nɔ̀n da mà landa sii ke, ka á zɛnɛɛ, mà a n wàa giala pii, 27ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.»
Zaman lɛ kaa tán, á Lawa guguru kɔ. 28Izirayeli nɛnyaanan lɛn nə́ tɔn woo kəni, ǹ nə́ yoo dí li, ǹ nə́ sii tumaa zɛnaa tɛrɛɛnɛ, ka Dɛnaa bɛ́ á pɛ Muizu laanka Aarɔn nɛ lɔn.
(10) Nɛgiĩ bibinaan gã boo
29 #
BBN 4.22-23
Làan nɛ, Dɛnaa bɔ̀n da Ezipti minin nɛgiĩ bibinaan tumaa ganaa. A kũ *Faarahɔn din a nɛgiĩ bibinaa kɛ ganaa, ǹ mɛn doamaa bɛ́ a kii baa a kio lɛ-n, a wo kòso nɛ wɔ yaa, ka tɔɔn wɔn tumaa nɛ. 30Faarahɔn yoo bɛa tèlò kɛ lɛ nɛ, ka a kiodɛnan laanka Ezipti gána minin tumaa nɛ. Wuu gole bɔ Ezipti gána nɛ, a giala, kion goã, mà min ná a gã a-n wa. 31Á lɛ dia Muizu laanka Aarɔn la tèlò-n, á pɛ: «Ka soo, ka n bɔ maa gána minin li, ka laanka Izirayeli nɛnyaanan lɛn nɛ. Ka woo ka dí nya kaa Dɛnaa lɛ nɛ, ka ka bɛ́ ka pɛ lɔn. 32Kaa tɔɔn lɛn, kaa sèren ne, kaa bòen ne, kaa diin ni, ka ǹ loo ka ka bɛ́ ka pɛ lɔn. Haya! Ka sawaa kɔn-a ǹ fòo da ma nɛ, ka woo.»
33Ezipti gána minin lɛn nə́ zaman lɛ nyankɔ, ǹ nə́ zii kɔ ǹ la fufuu, mà ǹ soo ǹ nə bɔ gána lɛ nɛ. Maǹ taasɛ mà ǹsɛn tumaa n die giɛ̃. 34Zaman lɛ nɔmaa á yoo ka a buuru wùsu yia nɛ bɛ̀ a ná a tɔn yoo wa. Ǹ nə́ ǹ wùsu yia ǹ mànan yii ǹ mɔnaan nɛ, ǹ nə́ ǹ kaa ǹ wìi li. 35#BBN 3.21-22 Izirayeli nɛnyaanan lɛn nə́ ǹ sii zɛnaa, á kɔnpɛ ka Muizu a boo ne. Ǹ nə́ wɔrɔgiala mànan nyankɔ Ezipti minin lɛn la, ka sana mànan nɛ, ka mɔnaa dadaran nɛ. 36Dɛnaa zaman lɛ gɛrɛsiɛ bɔ Ezipti gána minin lɛn lon, ǹ nə́ lɛ kɔ, ǹ nə́ ǹ màn nyankoen lɛn kɔ ǹ la. Maǹ nə́ Ezipti gána minin lɛn gɔn yu bɛa yɔrɔ kɛ lɛ la.
Soo Ezipti gána-n boo
37Izirayeli nɛnyaanan lɛn nə́ soo Ramusɛsi kiwi, ǹ nə́ woo Sukɔti. Ǹ nə́ woo dɔ giĩ duu biɛsɔrɔ (600 000) kɛ miã, nɛnyaanan nə́ ǹ ba a-n wa. 38Tɔrɔ kɔsɔ minin nə́ goã kunun ǹ ni giãgiã, tɔɔ giãgiã nɛ, sèren ne, bòen ne, ka diin ni. 39Ǹ soo ka buuru wùsu yia mɛn nɛ Ezipti gána nɛ, ǹ nə́ bɛ da mɔ̀mɔ lɛa, yɔ bù ná a ba li wa, a giala, a yoo wa. Ǹ bɛ́ ǹ bie ǹ nə́ n yɔrɔ bɔ, ǹ nə́ tɔ́n nə ǹ loo Ezipti gána lɛ-n wa, ǹ boo la ǹ nə́ màn-bii saa wa.
40 #
SGK 15.13; Gal 3.17 Izirayeli nɛnyaanan lɛn man nə́ lɛ̀ biɛsii ka pɔsɔɔ (430) zɛnaa Ezipti gána nɛ. 41Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ. 42Dɛnaa din na á n yii dɔraa bɛa tèlò kɛ lɛ nɛ, á soo ka a zaman lɛ nɛ, á bɔ Ezipti gána nɛ. Bɛa tèlò kɛ lɛ n Dɛnaa wɔ lɛa, Izirayeli nɛnyaanan doamaa nɛ, lɛ̀ woo lɛ̀, ǹ nə n yii dɔraa bɛa tèlò kɛ lɛ nɛ, ǹ tamaa.
Kiɛ̃mala ǹ zɔ́n lɛ a zɛnaa ǹ gɔn
43Dɛnaa pɛ Muizu laanka Aarɔn nɛ:
«Kiɛ̃mala ǹ zɔ́n lɛ a zɛnaa ǹ gɔn nə́ ke:
- Tii kɔ́n ba re màn lɛ bii wa.
44- Bɛ̀rɛ woo bɛ̀rɛ, ka pii ka wɔrɔ nɛ, ka kuru bɔrɔ, a tɔn boo la a màn lɛ bii.
45- Tii mɛn bɛ́ giã nɛ ka bii, hinlaa min mɛn bɛ́ dí nyɛɛ giɛ wɔrɔ li, bɛn doamaa bie ka zɔ́n man-bii kɛ-n wa.
46 #
MNS 9.12; Zaã 19.36 - Siĩ lɛ nə n soɛ̃ kion goon gɔ́ɔ̃ nɛ. Min baran soo ka a lɛkoro-n kanaa wa.
- Ka baran a wen yiyiɛ wa.
47- Izirayeli minin tumaa doamaa nɛ, ǹ bɛa zɔ́n kɛ lɛ zɛnaa.
48- Gùli mɛn bɛ́ giã nɛ ka li, bɛ̀ bɛ́ pɛ, mà asɛ n die zɔ́n lɛ zɛnɛɛ, a na a kion a giĩ tumaa kuru bɔrɔ. Á re boe la kəni, a n mɔrɔ a zɔ́n lɛ zɛnaa, a n die goɛ̃ ka Izirayeli min bɛ́ lɔn. Sɛnɛ, kurii baãnaa kɔ́n baran zɔ́n lɛ zɛnaa wa.
49- Sii zɛnaa ǹ yɔrɔ kɛ lɛ n Izirayeli minin wɔ lɛa, ka tiin mɛnɛn dɔn bɛ́ giã nɛ ka li.»
50Izirayeli nɛnyaanan tumaa zɛnaa miɛ̃. Ǹ nə́ zɛnaa á kɔnpɛ ka Dɛnaa a boo kɛ nɛ, á pɛ Muizu laanka Aarɔn nɛ. 51Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.
Currently Selected:
BBN 12: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
BBN 12
12
Kiɛ̃mala ǹ zɔ́n boo
1 #
LWS 23.5; MNS 9.1-5; 28.16; TDP 16.1-2 Dɛnaa pɛ Muizu laanka Aarɔn nɛ Ezipti gána lɛ nɛ: 2«Mui kɛ n die goɛ̃ mui bibinaa lɛa ka gɔn. Ka n die lɛ̀ giala koe a din lɛ nɛ. 3Ka a yɔrɔ pɛ Izirayeli nɛnyaanan zaman lɛ-n kɛnɛn: Mui kɛ lɛ a lɛawaa fù, kion gogoonmaa tɔɔ bɔ a dɛ. 4Bɛ̀ kion mɛn tá boɛɛn tɔɔ bɔ ganaa, a minin nə́ ǹ ba boe la, ǹ tɔɔ sɔ̃ ǹ nya wa, a kɔn ma ka ǹ miãkɛnɛn nɛ, a kɔnpɛ a zaman lɛ nɛ, ǹ boo la ǹ tɔɔ bɔ a kɔnpɛ ka ǹ soɛ̃ nɛ. Ka bɛ́ re boe tɔɔ mɛn la ka sɔ̃ ka nya, ka bɛ bɔ. 5Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii. 6Ka bɔ ka koa yǎa mui kɛ lɛ a lɛawaa fulusii. Izirayeli nɛnyaanan zaman lɛ tumaa na a wɔ bɔlɔ kuru wasa yii siɛ̃ waáraa. 7Ka a mà bɔ, ka bɛ́ re a siĩ soɛ̃ kion mɛn nɛ, ka bɛa mà lɛ lɔ kion lɛ a kiɛnlɛ gɔnɔn ganaa, a wàã li ǹ wɔ màn paa kɛ laanka lon wɔ kɛ nɛ. 8Tɔɔ lɛ siĩ nə n paparɛ, a n sɔ̃ bɛa tèlò lɛ nɛ, ka buuru ni, yɔ bù ná a ba li wa, ka buu kɔɔsɛn nɛ. 9A siĩ kɔ́n a fumaa baran wɔ ka lɛ-n wa, ka baran kɔrɛ ka mu dɔ-n wa. Sɛnɛ, yǎa a paparɛɛ, a mìi ni, a keren ne ka a màn baaran nɛ. 10Ka baran màn kɔ́n toa baayɛlɛ wa. Bɛ̀ ǹ mɛn nə n si á goã, ka tã. 11Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»
12Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa. 13Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.
14 #
BBN 23.15; 34.18; LWS 23.6-8; MNS 28.17-25; TDP 16.3-8 Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»
Yɔ bùbaã buuru zɔ́n
15Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li. 16Lɛawaa bibinaa lɛ li, ka tá re n lɛ soekɔn ka Lawa guguru kɔ. A lɛawaa sɔbaabaa ǹ wɔ pinaa doo, ka wusoo ka zɛnaa miɛ̃. Bɛa lɛawaan kɛn lɛn li, min baran dí kɔ́n nya wa, yǎa kaa màn-bii dinsɔɔ̃, bɛ á boe la a n zɛnaa.
17Ka *yɔ bùbaã buuru zɔ́n kɛ tamaa, a giala, bɛa pinaa taãn-taãn lɛ nɛ, má soo kaa zaman lɛ nɛ má bɔ Ezipti gána nɛ. Ka bɛa pinaa kɛ tamaa ka baa zɔ́n lɛa lɛ̀ woo lɛ̀. A na á sii baa, sii mɛn bɛ́ a sàabiɛ doo wa. 18Mui bibinaa lɛ a lɛawaa fulusiibaa ǹ wɔ pinaa, wasamiɛ̃nɛ, ka buuru sɔ̃ yɔ bù ná a ba li wa, yǎa a woe doe mui lɛ a lɛawaa fuəwengoon dɔ a wasamiɛ̃n ganaa. 19Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li. 20Buuru yoo wole, yɔ bù n li, bɛ baran wɔ ka lɛ-n wa. Ta ka n bǎã woo bǎã, ka buuru sɔ̃ yɔ bù ná a ba li wa.»
Kiɛ̃mala ǹ zɔ́n bibinaa boo
21Muizu lɛ dia Izirayeli nɛnyaanan min golen tumaa la, á pɛ ǹ nɛ:
– Ka wo ga tɔɔn li kaa tanlɛn wɔn lɛa, ka ǹ dɛ *Kiɛ̃mala ǹ zɔ́n mànan lɛa. 22Ka *izopi luu yiikɔn saa, ka sã mà li tan nɛ, ka lɔ kiɛnlɛ-a ǹ gɔnɔn ganaa, a lon wɔ laanka a wàã li ǹ wɔn nɛ. Kaa min kɔ́n baran soo a n bɔ a kion wa, yǎa baayɛlɛ. 23#Ebr 11.28 Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.
24Ka bɛ din tumaa tamaa, ka zɛnaa. Boo ne, á n pɛ ka dinin manɛ ka kaa nɛnyaanan nɛ yǎa duduu. 25Dɛnaa din bɛ́ á pɛ mà asɛ á re gána mɛn koe ka la, bɛ̀ ka dɔ bɛ nɛ ǹ mɛn waáraa, ka landa sii kɛ tamaa. 26Bɛ̀ kaa nɛnyaanan nə́ nɔ̀n da mà landa sii ke, ka á zɛnɛɛ, mà a n wàa giala pii, 27ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.»
Zaman lɛ kaa tán, á Lawa guguru kɔ. 28Izirayeli nɛnyaanan lɛn nə́ tɔn woo kəni, ǹ nə́ yoo dí li, ǹ nə́ sii tumaa zɛnaa tɛrɛɛnɛ, ka Dɛnaa bɛ́ á pɛ Muizu laanka Aarɔn nɛ lɔn.
(10) Nɛgiĩ bibinaan gã boo
29 #
BBN 4.22-23
Làan nɛ, Dɛnaa bɔ̀n da Ezipti minin nɛgiĩ bibinaan tumaa ganaa. A kũ *Faarahɔn din a nɛgiĩ bibinaa kɛ ganaa, ǹ mɛn doamaa bɛ́ a kii baa a kio lɛ-n, a wo kòso nɛ wɔ yaa, ka tɔɔn wɔn tumaa nɛ. 30Faarahɔn yoo bɛa tèlò kɛ lɛ nɛ, ka a kiodɛnan laanka Ezipti gána minin tumaa nɛ. Wuu gole bɔ Ezipti gána nɛ, a giala, kion goã, mà min ná a gã a-n wa. 31Á lɛ dia Muizu laanka Aarɔn la tèlò-n, á pɛ: «Ka soo, ka n bɔ maa gána minin li, ka laanka Izirayeli nɛnyaanan lɛn nɛ. Ka woo ka dí nya kaa Dɛnaa lɛ nɛ, ka ka bɛ́ ka pɛ lɔn. 32Kaa tɔɔn lɛn, kaa sèren ne, kaa bòen ne, kaa diin ni, ka ǹ loo ka ka bɛ́ ka pɛ lɔn. Haya! Ka sawaa kɔn-a ǹ fòo da ma nɛ, ka woo.»
33Ezipti gána minin lɛn nə́ zaman lɛ nyankɔ, ǹ nə́ zii kɔ ǹ la fufuu, mà ǹ soo ǹ nə bɔ gána lɛ nɛ. Maǹ taasɛ mà ǹsɛn tumaa n die giɛ̃. 34Zaman lɛ nɔmaa á yoo ka a buuru wùsu yia nɛ bɛ̀ a ná a tɔn yoo wa. Ǹ nə́ ǹ wùsu yia ǹ mànan yii ǹ mɔnaan nɛ, ǹ nə́ ǹ kaa ǹ wìi li. 35#BBN 3.21-22 Izirayeli nɛnyaanan lɛn nə́ ǹ sii zɛnaa, á kɔnpɛ ka Muizu a boo ne. Ǹ nə́ wɔrɔgiala mànan nyankɔ Ezipti minin lɛn la, ka sana mànan nɛ, ka mɔnaa dadaran nɛ. 36Dɛnaa zaman lɛ gɛrɛsiɛ bɔ Ezipti gána minin lɛn lon, ǹ nə́ lɛ kɔ, ǹ nə́ ǹ màn nyankoen lɛn kɔ ǹ la. Maǹ nə́ Ezipti gána minin lɛn gɔn yu bɛa yɔrɔ kɛ lɛ la.
Soo Ezipti gána-n boo
37Izirayeli nɛnyaanan lɛn nə́ soo Ramusɛsi kiwi, ǹ nə́ woo Sukɔti. Ǹ nə́ woo dɔ giĩ duu biɛsɔrɔ (600 000) kɛ miã, nɛnyaanan nə́ ǹ ba a-n wa. 38Tɔrɔ kɔsɔ minin nə́ goã kunun ǹ ni giãgiã, tɔɔ giãgiã nɛ, sèren ne, bòen ne, ka diin ni. 39Ǹ soo ka buuru wùsu yia mɛn nɛ Ezipti gána nɛ, ǹ nə́ bɛ da mɔ̀mɔ lɛa, yɔ bù ná a ba li wa, a giala, a yoo wa. Ǹ bɛ́ ǹ bie ǹ nə́ n yɔrɔ bɔ, ǹ nə́ tɔ́n nə ǹ loo Ezipti gána lɛ-n wa, ǹ boo la ǹ nə́ màn-bii saa wa.
40 #
SGK 15.13; Gal 3.17 Izirayeli nɛnyaanan lɛn man nə́ lɛ̀ biɛsii ka pɔsɔɔ (430) zɛnaa Ezipti gána nɛ. 41Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ. 42Dɛnaa din na á n yii dɔraa bɛa tèlò kɛ lɛ nɛ, á soo ka a zaman lɛ nɛ, á bɔ Ezipti gána nɛ. Bɛa tèlò kɛ lɛ n Dɛnaa wɔ lɛa, Izirayeli nɛnyaanan doamaa nɛ, lɛ̀ woo lɛ̀, ǹ nə n yii dɔraa bɛa tèlò kɛ lɛ nɛ, ǹ tamaa.
Kiɛ̃mala ǹ zɔ́n lɛ a zɛnaa ǹ gɔn
43Dɛnaa pɛ Muizu laanka Aarɔn nɛ:
«Kiɛ̃mala ǹ zɔ́n lɛ a zɛnaa ǹ gɔn nə́ ke:
- Tii kɔ́n ba re màn lɛ bii wa.
44- Bɛ̀rɛ woo bɛ̀rɛ, ka pii ka wɔrɔ nɛ, ka kuru bɔrɔ, a tɔn boo la a màn lɛ bii.
45- Tii mɛn bɛ́ giã nɛ ka bii, hinlaa min mɛn bɛ́ dí nyɛɛ giɛ wɔrɔ li, bɛn doamaa bie ka zɔ́n man-bii kɛ-n wa.
46 #
MNS 9.12; Zaã 19.36 - Siĩ lɛ nə n soɛ̃ kion goon gɔ́ɔ̃ nɛ. Min baran soo ka a lɛkoro-n kanaa wa.
- Ka baran a wen yiyiɛ wa.
47- Izirayeli minin tumaa doamaa nɛ, ǹ bɛa zɔ́n kɛ lɛ zɛnaa.
48- Gùli mɛn bɛ́ giã nɛ ka li, bɛ̀ bɛ́ pɛ, mà asɛ n die zɔ́n lɛ zɛnɛɛ, a na a kion a giĩ tumaa kuru bɔrɔ. Á re boe la kəni, a n mɔrɔ a zɔ́n lɛ zɛnaa, a n die goɛ̃ ka Izirayeli min bɛ́ lɔn. Sɛnɛ, kurii baãnaa kɔ́n baran zɔ́n lɛ zɛnaa wa.
49- Sii zɛnaa ǹ yɔrɔ kɛ lɛ n Izirayeli minin wɔ lɛa, ka tiin mɛnɛn dɔn bɛ́ giã nɛ ka li.»
50Izirayeli nɛnyaanan tumaa zɛnaa miɛ̃. Ǹ nə́ zɛnaa á kɔnpɛ ka Dɛnaa a boo kɛ nɛ, á pɛ Muizu laanka Aarɔn nɛ. 51Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.