BBN 13
13
Dí-pɛ, Izirayeli a nɛgiĩ bibinaan wɔ paǹ li
1Dɛnaa pɛ Muizu ni:
2 #
MNS 3.13; Luk 2.23 – Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.
3A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa. 4Pelo ne ka á soe, mui bibinaa kɛ lɛ nɛ. 5Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ. 6Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa sɔbaabaa ǹ wɔ pinaa die a zɔ́n baa, ka zɛnaa Dɛnaa a lɛa. 7Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. Min yii baran mɛ yɔ bù buuru ganaa wa. Min yii baran mɛ yɔ bù ganaa gána lɛ din tumaa gɔ́ɔ̃-n wa.
8Bɛa zɔ́n kɛ lɛ li, ka die ka bɛa sii kɛ lɛ a daraa kɔ kaa nɛnyaanan la. Ka pɛ ǹ nɛ: «Dɛnaa bɛ́ á bǐɛ̃ zɛnaa wɔ nɛ, á soo wɔ nɛ á wɔ bɔ Ezipti gána nɛ, bɛ lɛ a lɛa nɛ.» 9Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ. 10Lɛ̀ woo lɛ̀, ka bɛa dí-pɛ kɛ lɛ a sii zɛnaa a kɔnpɛ a lɛawaa nɛ.
11Bɛ̀ Dɛnaa daa Kanaan gána kɛ kɔ ka la, ka a bɛ́ á n lɛ kɔ ka la lɔn, á kɔ ka digolon dɔn la, 12#BBN 34.19-20; Luk 2.23 ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ. 13Sɛnɛ, dundun nɛ binaa mɛn bɛ́ sa lɛa, ka bɛ lonkɔ ka sère ne. Bɛ̀ ka a lonkɔ wa, ka a mìi yu a dungiala ganaa, a gã. Nɛgiĩ binaa din tumaa kaa nɛnyaanan bii, ka wusoo ka bɛn mìi bɔ. 14Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ. 15Sonbore, *Faarahɔn bɛ́ n too kaka koe, a ná a ba toɛ wɔ tá soe woe wa, Dɛnaa na á Ezipti gána a nɛgiĩ binaa tumaa dɛ, ǹ nə́ gã. A kũ minbuiinin wɔn ganaa, a wo tɔɔn wɔn yaa. Bɛ lɛ na á toa, wɔa tɔɔn nɛ binaa mɛn tumaa bɛ́ gɔ̀lɔ̀n lɛa, wɔ tá bɛ dii *wúlu màn lɛa Dɛnaa nɛ. Minbuiinin nɛgiĩ binaan kɛn, wɔ n bɛn mìi boe.» 16Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.
Lawa din na a zaman lɛ a tɔ-wɔ nyɛɛnaa ǹ bɔ lɔn
17Faarahɔn bɛ́ á toa zaman lɛ soo, Lawa nə́ ǹ nyɛɛnaa ǹ bɔ. A Filisiti minin gána a zii kɛ kũ ǹ ni wa, a laan bɛa zii lɛ goã kunu. Lawa yɛ mà bɛ̀ zaman lɛ dɔ̃ mà a doamaa nɛ a zia da, mà a yiri á re n bɔyɛɛ, mà á re wusii a wo Ezipti gána nɛ. 18Lawa zaman lɛ yɔrɔ bɔyaa á dia Sawɛɛ tà diə gole la. Izirayeli nɛnyaanan lɛn man nə́ soo, ǹ nə́ n bɔ Ezipti gána-n ka màn gigiã nɛ.
19 #
SGK 50.25; Zoz 24.32 Muizu nə́ ǹ digolo Zozɛfu wen goa. A giala, Zozɛfu dinmaa na á goã á laa Izirayeli nɛnyaanan lɛn ganaa, mà ǹ nə n liɛ, mà ǹ tá re woe ka asɛ wen ne. Á pɛ ǹ nɛ: «Sàabaa ba la wa, Lawa á die bǐɛ̃ zɛnɛɛ ka nɛ. Bɛa biikoo li, ka masɛ wen waa, ka ǹ bɔ kànaa.»
20Ǹ nə́ soo Sukɔti kiwi, ǹ nə́ woo golee Etamu kiwi, diə gole lɛkoro-a. 21Dɛnaa dinmaa na á goã ǹ nyɛɛnaa ǹ boe. Lɛawaa li, tɛmaa bara goon nə ǹ nyɛɛnɛ, zii nyɛɛ ǹ nɛ. Tèlò-n tɛ bara goon ne, a n wɔlɔ fúli ǹ ni. Bɛa yɔrɔ kɛ lɛ la, maǹ nə́ goã boe la ǹ nə́ tɔ we penleen laanka tèlò. 22Lɛawaa li, tɛmaa bara lɛ goã n boe zaman lɛ lalan wa. Tèlò-n dɔn, tɛ lɛ dɔ goã n boe wa.
Currently Selected:
BBN 13: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
BBN 13
13
Dí-pɛ, Izirayeli a nɛgiĩ bibinaan wɔ paǹ li
1Dɛnaa pɛ Muizu ni:
2 #
MNS 3.13; Luk 2.23 – Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.
3A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa. 4Pelo ne ka á soe, mui bibinaa kɛ lɛ nɛ. 5Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ. 6Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa sɔbaabaa ǹ wɔ pinaa die a zɔ́n baa, ka zɛnaa Dɛnaa a lɛa. 7Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. Min yii baran mɛ yɔ bù buuru ganaa wa. Min yii baran mɛ yɔ bù ganaa gána lɛ din tumaa gɔ́ɔ̃-n wa.
8Bɛa zɔ́n kɛ lɛ li, ka die ka bɛa sii kɛ lɛ a daraa kɔ kaa nɛnyaanan la. Ka pɛ ǹ nɛ: «Dɛnaa bɛ́ á bǐɛ̃ zɛnaa wɔ nɛ, á soo wɔ nɛ á wɔ bɔ Ezipti gána nɛ, bɛ lɛ a lɛa nɛ.» 9Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ. 10Lɛ̀ woo lɛ̀, ka bɛa dí-pɛ kɛ lɛ a sii zɛnaa a kɔnpɛ a lɛawaa nɛ.
11Bɛ̀ Dɛnaa daa Kanaan gána kɛ kɔ ka la, ka a bɛ́ á n lɛ kɔ ka la lɔn, á kɔ ka digolon dɔn la, 12#BBN 34.19-20; Luk 2.23 ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ. 13Sɛnɛ, dundun nɛ binaa mɛn bɛ́ sa lɛa, ka bɛ lonkɔ ka sère ne. Bɛ̀ ka a lonkɔ wa, ka a mìi yu a dungiala ganaa, a gã. Nɛgiĩ binaa din tumaa kaa nɛnyaanan bii, ka wusoo ka bɛn mìi bɔ. 14Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ. 15Sonbore, *Faarahɔn bɛ́ n too kaka koe, a ná a ba toɛ wɔ tá soe woe wa, Dɛnaa na á Ezipti gána a nɛgiĩ binaa tumaa dɛ, ǹ nə́ gã. A kũ minbuiinin wɔn ganaa, a wo tɔɔn wɔn yaa. Bɛ lɛ na á toa, wɔa tɔɔn nɛ binaa mɛn tumaa bɛ́ gɔ̀lɔ̀n lɛa, wɔ tá bɛ dii *wúlu màn lɛa Dɛnaa nɛ. Minbuiinin nɛgiĩ binaan kɛn, wɔ n bɛn mìi boe.» 16Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.
Lawa din na a zaman lɛ a tɔ-wɔ nyɛɛnaa ǹ bɔ lɔn
17Faarahɔn bɛ́ á toa zaman lɛ soo, Lawa nə́ ǹ nyɛɛnaa ǹ bɔ. A Filisiti minin gána a zii kɛ kũ ǹ ni wa, a laan bɛa zii lɛ goã kunu. Lawa yɛ mà bɛ̀ zaman lɛ dɔ̃ mà a doamaa nɛ a zia da, mà a yiri á re n bɔyɛɛ, mà á re wusii a wo Ezipti gána nɛ. 18Lawa zaman lɛ yɔrɔ bɔyaa á dia Sawɛɛ tà diə gole la. Izirayeli nɛnyaanan lɛn man nə́ soo, ǹ nə́ n bɔ Ezipti gána-n ka màn gigiã nɛ.
19 #
SGK 50.25; Zoz 24.32 Muizu nə́ ǹ digolo Zozɛfu wen goa. A giala, Zozɛfu dinmaa na á goã á laa Izirayeli nɛnyaanan lɛn ganaa, mà ǹ nə n liɛ, mà ǹ tá re woe ka asɛ wen ne. Á pɛ ǹ nɛ: «Sàabaa ba la wa, Lawa á die bǐɛ̃ zɛnɛɛ ka nɛ. Bɛa biikoo li, ka masɛ wen waa, ka ǹ bɔ kànaa.»
20Ǹ nə́ soo Sukɔti kiwi, ǹ nə́ woo golee Etamu kiwi, diə gole lɛkoro-a. 21Dɛnaa dinmaa na á goã ǹ nyɛɛnaa ǹ boe. Lɛawaa li, tɛmaa bara goon nə ǹ nyɛɛnɛ, zii nyɛɛ ǹ nɛ. Tèlò-n tɛ bara goon ne, a n wɔlɔ fúli ǹ ni. Bɛa yɔrɔ kɛ lɛ la, maǹ nə́ goã boe la ǹ nə́ tɔ we penleen laanka tèlò. 22Lɛawaa li, tɛmaa bara lɛ goã n boe zaman lɛ lalan wa. Tèlò-n dɔn, tɛ lɛ dɔ goã n boe wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.