SGK 14
14
Abramu laanka kiin kɔnɔn boo, ka Mɛlkizedɛki ni
1Bɛa wasa lɛ nɛ, Baabiloniin kii Amurafeli ni, ka Elaazaaran kii Ariɔki ni, Elamun kii Kedɔrlomɛɛrɛ nɛ ka Guimun kii Tidiali ni, 2bɛn nə́ yoo ka zia nɛ Sodɔmun kii Beraa ganaa, Gomɔɔrɔn kii Birsaa nɛ, Admaa kii Sinaabu ni, Seboyimun kii Semebɛɛrɛ nɛ, ka Belaan kii ni. Belaa lɛ nɛ ǹ tá bíi Sowara. 3Ma kiin mɛnɛn pɛ sisia, bɛn tumaa doamaa nɛ ǹ wo kɔn yǎa nyankɔrɔ basa kɛ nɛ Sidimu. Yìsi mu kɔ̀ kɛ lɛ a baa sii wa, bɛ lɛ n walan sisia. 4Bɛa kiin lɛn wɔ na á goã Kedɔrlomɛɛrɛ wɔ gɔ́ɔ̃ nɛ yǎa lɛ̀ fulupaa. Sɛnɛ, a lɛ̀ fulusɔɔbaa ǹ wɔ, ǹ nə́ n piã. 5A lɛ̀ fulusiibaa ǹ wɔ, Kedɔrlomɛɛrɛ laanka ǹ miã kiin mɛnɛn bɛ́ kun ni, ǹ nə́ daa kɔ Astaarɔti-Karnayimu kiwi lɛ, ǹ nə́ Refaa tɔrɔn dɛ walan. Bɛ kio, ǹ nə́ Zuzu tɔrɔn dɛ Hamu kiwi. Ǹ nə́ Emu tɔrɔn dɛ Kiriata a diə fúlu ni. 6Ǹ nə́ Hori tɔrɔn dɛ ǹ dinin kiwi a kelen la Seyiri kiwi, yǎa Ɛlpaaran kunu diə gole ganaa. 7Bɛ kio, ǹ bɛ́ Ɛn-Mispaa bɛ giala mà Kadɛsi, ǹ nə́ n bɔyaa ǹ nə́ daa walan, ǹ nə́ Amalɛki tɔrɔn bǎã tumaa ziziɛ̃. Amɔɔrɔ tɔrɔn mɛnɛn dɔn dinin bɛ́ giã-n Hasasɔn-Tamaara, ǹ nə́ bɛn dɔn dɛ.
8Bɛa biikoo li Sodɔmu kiwi a kii ni, Gomɔɔrɔ kiwi wɔ nɛ, Admaa kiwi wɔ nɛ, Seboyimu kiwi wɔ nɛ, Belaa mɛn bɛ́ ǹ nə́ bíi Sowara, ka bɛa kiwi a kii ni, ǹ tumaa soo ka ǹ zia nɛn nɛ nyankɔrɔ basa lɛ-n Sidimu. 9Ǹ nə́ yoo ka zia nɛ Elamun kii Kedɔrlomɛɛrɛ laanka Guimun kii Tidiali ganaa, ka Baabiloniin kii Amurafeli laanka Elaazaaran kii Ariɔki ni. Kii màn sii n kɔn ka kii sooro ne. 10Sidimu bǎã lɛ tumaa na á goã nyankɔrɔ lɛa, tii gondɛnaa ná a nɛ. Sodɔmun kii lɛ laanka Gomɔɔrɔn wɔ lɛ bɛ́ baa sii, ǹ nə́ bɔ ǹ nə́ kaa nyankɔrɔ nɛ, ǹ gialakunun nə́ baa si, ǹ nə́ woo n duru kelen la. 11Gɔ̀lɔ̀n lɛn nə́ Sodɔmu laanka Gomɔɔrɔ minin gɔn màn tumaa si ǹ la, ǹ nə́ woo ne kɔnlɛ ka ǹ màn mɛn tumaa koa ǹ bii ǹ wɔ lɛa. 12Ǹ nə́ Abramu ǹ dɔɔ̃ngiĩ a nɛ Lɔti dɔ kũ, ǹ ná a gɔn mànan tumaa goa, ǹ nə́ woo. A giala, a dɔ na á goã giã-n Sodɔmu.
13Baa si a la wole goon daa, á bɛa boo lɛ pɛ Ebrəən giĩ Abramu ni. Abramu na á goã giã-n Amɔɔrɔn giĩ Manbre a dan kɛn bǎã nɛ. Manbre n Eskɔli laanka Anɛɛrɛ ǹ dɔɔ̃n lɛa. Bɛa min sɔɔ lɛ tumaa n kun ka Abramu ni. 14Abramu bɛ́ á ǹ dɔɔ̃n lɛa kuĩ boo ma ǹ mɛn waáraa, a dí-nyalin mɛnɛn nə yɛ a kion, ǹ nə́ boe ziabaa la, á bɛn min biɛsɔɔ ka fulukiwisi (318) goa, á kiin lɛn loo yǎa Dan kiwi. 15A ná a minin lɛn tala kɔn kuru gigiã, ǹ nə́ bɔ ǹ nə́ kɔ zɔ́ɔn lɛn lɛ tèlò basa li. Ǹ nə́ ǹ loo yǎa Hobaa, Damaasi a gɔsɛ a lɛ̀gɔn la, ǹ nə́ ǹ dɛ. 16Á ǹ gɔn màn tumaa si á n bɔyaa nɛ. Á daa ka ǹ dɔɔ̃n Lɔti dɔ laanka a gɔn mànan nɛ. Á daa ka lɔn dɔn laanka kòso nɛ kɔsɔn nɛ.
17Abramu bɛ́ á gɔ̀lɔ̀ baa Kedɔrlomɛɛrɛ laanka a tá kun wole kiin lɛn ganaa, a bɛ́ n bɔyɛɛ die ǹ mɛn waáraa, Sodɔmun kii lɛ woo n da lɛ, Sawe kiwi a nyankɔrɔ basa kɛ nɛ ǹ nə́ bíi "Kii a Yankɔrɔ Basa". 18#Ebr 7.1-10 Mɛlkizedɛki mɛn bɛ́ á goã Salɛmu kiwi a kii lɛa, Lon a Lawa a wúlu-bɔle dɔ lɛa, bɛ́ daa màn-bii laanka yɔ nɛ. 19Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu. 20Asɛ mɛn bɛ́ á n zɔ́ɔn wɔ n gɔn, a tɔ die a bɔ.»
Abramu mànan lɛn tumaa a fùbaa ǹ wɔ bɔ, á kɔ la.
21Sodɔmun kii lɛ tɔ́n pɛ Abramu ni: «Minin lɛn sɛn kɔ, n mànan kɛn toa n gɔn.»
22Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa. 23Ma nə n liɛ, ma ba re màn kɔ́n sii n la wa, haalɛ a gɛ̀sɛ, haalɛ a kɔsɔ biɛ! Bɛ n toɛ n ba re boe la n pɛ biɛ̃ mà nsɛ nə ń toa Abramu màndɛnaa baa wa. 24Màn kɔ́n ba masɛ bǎã-n wa, yǎa maa minin kɛn màn-bii dinsɔɔ̃. Sɛnɛ, min mɛnɛn nə ma da zii, Anɛɛrɛ laanka Eskɔli ni ka Manbre ne, bɛn dininmaan tá re ǹ wɔ gii sii.»
Currently Selected:
SGK 14: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
SGK 14
14
Abramu laanka kiin kɔnɔn boo, ka Mɛlkizedɛki ni
1Bɛa wasa lɛ nɛ, Baabiloniin kii Amurafeli ni, ka Elaazaaran kii Ariɔki ni, Elamun kii Kedɔrlomɛɛrɛ nɛ ka Guimun kii Tidiali ni, 2bɛn nə́ yoo ka zia nɛ Sodɔmun kii Beraa ganaa, Gomɔɔrɔn kii Birsaa nɛ, Admaa kii Sinaabu ni, Seboyimun kii Semebɛɛrɛ nɛ, ka Belaan kii ni. Belaa lɛ nɛ ǹ tá bíi Sowara. 3Ma kiin mɛnɛn pɛ sisia, bɛn tumaa doamaa nɛ ǹ wo kɔn yǎa nyankɔrɔ basa kɛ nɛ Sidimu. Yìsi mu kɔ̀ kɛ lɛ a baa sii wa, bɛ lɛ n walan sisia. 4Bɛa kiin lɛn wɔ na á goã Kedɔrlomɛɛrɛ wɔ gɔ́ɔ̃ nɛ yǎa lɛ̀ fulupaa. Sɛnɛ, a lɛ̀ fulusɔɔbaa ǹ wɔ, ǹ nə́ n piã. 5A lɛ̀ fulusiibaa ǹ wɔ, Kedɔrlomɛɛrɛ laanka ǹ miã kiin mɛnɛn bɛ́ kun ni, ǹ nə́ daa kɔ Astaarɔti-Karnayimu kiwi lɛ, ǹ nə́ Refaa tɔrɔn dɛ walan. Bɛ kio, ǹ nə́ Zuzu tɔrɔn dɛ Hamu kiwi. Ǹ nə́ Emu tɔrɔn dɛ Kiriata a diə fúlu ni. 6Ǹ nə́ Hori tɔrɔn dɛ ǹ dinin kiwi a kelen la Seyiri kiwi, yǎa Ɛlpaaran kunu diə gole ganaa. 7Bɛ kio, ǹ bɛ́ Ɛn-Mispaa bɛ giala mà Kadɛsi, ǹ nə́ n bɔyaa ǹ nə́ daa walan, ǹ nə́ Amalɛki tɔrɔn bǎã tumaa ziziɛ̃. Amɔɔrɔ tɔrɔn mɛnɛn dɔn dinin bɛ́ giã-n Hasasɔn-Tamaara, ǹ nə́ bɛn dɔn dɛ.
8Bɛa biikoo li Sodɔmu kiwi a kii ni, Gomɔɔrɔ kiwi wɔ nɛ, Admaa kiwi wɔ nɛ, Seboyimu kiwi wɔ nɛ, Belaa mɛn bɛ́ ǹ nə́ bíi Sowara, ka bɛa kiwi a kii ni, ǹ tumaa soo ka ǹ zia nɛn nɛ nyankɔrɔ basa lɛ-n Sidimu. 9Ǹ nə́ yoo ka zia nɛ Elamun kii Kedɔrlomɛɛrɛ laanka Guimun kii Tidiali ganaa, ka Baabiloniin kii Amurafeli laanka Elaazaaran kii Ariɔki ni. Kii màn sii n kɔn ka kii sooro ne. 10Sidimu bǎã lɛ tumaa na á goã nyankɔrɔ lɛa, tii gondɛnaa ná a nɛ. Sodɔmun kii lɛ laanka Gomɔɔrɔn wɔ lɛ bɛ́ baa sii, ǹ nə́ bɔ ǹ nə́ kaa nyankɔrɔ nɛ, ǹ gialakunun nə́ baa si, ǹ nə́ woo n duru kelen la. 11Gɔ̀lɔ̀n lɛn nə́ Sodɔmu laanka Gomɔɔrɔ minin gɔn màn tumaa si ǹ la, ǹ nə́ woo ne kɔnlɛ ka ǹ màn mɛn tumaa koa ǹ bii ǹ wɔ lɛa. 12Ǹ nə́ Abramu ǹ dɔɔ̃ngiĩ a nɛ Lɔti dɔ kũ, ǹ ná a gɔn mànan tumaa goa, ǹ nə́ woo. A giala, a dɔ na á goã giã-n Sodɔmu.
13Baa si a la wole goon daa, á bɛa boo lɛ pɛ Ebrəən giĩ Abramu ni. Abramu na á goã giã-n Amɔɔrɔn giĩ Manbre a dan kɛn bǎã nɛ. Manbre n Eskɔli laanka Anɛɛrɛ ǹ dɔɔ̃n lɛa. Bɛa min sɔɔ lɛ tumaa n kun ka Abramu ni. 14Abramu bɛ́ á ǹ dɔɔ̃n lɛa kuĩ boo ma ǹ mɛn waáraa, a dí-nyalin mɛnɛn nə yɛ a kion, ǹ nə́ boe ziabaa la, á bɛn min biɛsɔɔ ka fulukiwisi (318) goa, á kiin lɛn loo yǎa Dan kiwi. 15A ná a minin lɛn tala kɔn kuru gigiã, ǹ nə́ bɔ ǹ nə́ kɔ zɔ́ɔn lɛn lɛ tèlò basa li. Ǹ nə́ ǹ loo yǎa Hobaa, Damaasi a gɔsɛ a lɛ̀gɔn la, ǹ nə́ ǹ dɛ. 16Á ǹ gɔn màn tumaa si á n bɔyaa nɛ. Á daa ka ǹ dɔɔ̃n Lɔti dɔ laanka a gɔn mànan nɛ. Á daa ka lɔn dɔn laanka kòso nɛ kɔsɔn nɛ.
17Abramu bɛ́ á gɔ̀lɔ̀ baa Kedɔrlomɛɛrɛ laanka a tá kun wole kiin lɛn ganaa, a bɛ́ n bɔyɛɛ die ǹ mɛn waáraa, Sodɔmun kii lɛ woo n da lɛ, Sawe kiwi a nyankɔrɔ basa kɛ nɛ ǹ nə́ bíi "Kii a Yankɔrɔ Basa". 18#Ebr 7.1-10 Mɛlkizedɛki mɛn bɛ́ á goã Salɛmu kiwi a kii lɛa, Lon a Lawa a wúlu-bɔle dɔ lɛa, bɛ́ daa màn-bii laanka yɔ nɛ. 19Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu. 20Asɛ mɛn bɛ́ á n zɔ́ɔn wɔ n gɔn, a tɔ die a bɔ.»
Abramu mànan lɛn tumaa a fùbaa ǹ wɔ bɔ, á kɔ la.
21Sodɔmun kii lɛ tɔ́n pɛ Abramu ni: «Minin lɛn sɛn kɔ, n mànan kɛn toa n gɔn.»
22Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa. 23Ma nə n liɛ, ma ba re màn kɔ́n sii n la wa, haalɛ a gɛ̀sɛ, haalɛ a kɔsɔ biɛ! Bɛ n toɛ n ba re boe la n pɛ biɛ̃ mà nsɛ nə ń toa Abramu màndɛnaa baa wa. 24Màn kɔ́n ba masɛ bǎã-n wa, yǎa maa minin kɛn màn-bii dinsɔɔ̃. Sɛnɛ, min mɛnɛn nə ma da zii, Anɛɛrɛ laanka Eskɔli ni ka Manbre ne, bɛn dininmaan tá re ǹ wɔ gii sii.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.