SGK 15
15
Lawa lɛ kɔ kɔn la mɛn doa kɔn ka Abramu ni
1Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»
2-3Abramu ná a lɛ si á pɛ: «Dɛnaa Lawa, n màn kɔ masɛ la là n ka wàa nɛ? Masɛ á ke woe giɛ̃ miɛ̃, nɛ ná a ba ma lon wa. N bɛ́ n nɛ kɔ ma la wa, Damaasin Eliezɛrɛ mɛn bɛ́ bɛ̀rɛ lɛa maa kion, bɛ lɛ n die maa kíɛ̃ siɛ.»
4Dɛnaa tɔ́n pɛ-n kɛnɛn: «Bɛ bie re n kíɛ̃ siɛ wa dɛ. N din gɔ́ɔ̃gɔ́ɔ̃ ǹ nɛ n die n kíɛ̃ siɛ.»
5 #
Rɔm 4.18; Ebr 11.12 Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»
6 #
Rɔm 4.3; Gal 3.6; Zaaki 2.23 Abramu nə́ n foo doa Dɛnaa Lawa ganaa. Bɛ lɛ na á toa, Dɛnaa Lawa kũ min pepere lɛa. 7Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»
8Abramu pɛ: «Dɛnaa Lawa, man die n biɛ lɔn ma dɔ̃, má á re maa wɔ biɛ?»
9Lawa pɛ nɛ: «Ga lɛ̀ sɔɔ dii luu li, ka lɛ̀ sɔɔ bòe dan nɛ, ka lɛ̀ sɔɔ sère gɔ̀lɔ̀ nɛ, n da ǹ kɔ ma la, ka wuruun ni ka zɛrɛkantoan ten ne.»
10Abramu daa ka bɛa mànan lɛn tumaa nɛ. Á ǹ yu kɔn papaa, á ǹ tumaa a lɛkara yɔrɔ dia ǹ miã la. A bàanan lɛn sɛn yu kɔn wa. 11Bàanan mɛnɛn bɛ́ siĩ mui, bɛn nə́ daa pã màn geren lɛn ganaa, sɛnɛ, Abramu nə́ ǹ loo.
12 #
Zɔb 4.13-14
Wasa bɛ́ re miɛ̃, nyuù gole Abramu saa. Bɛa biikoo li, nyɛ́ɛ babaraa gole kũ. 13#BBN 1.1-14; NDS 7.6 Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ. 14#BBN 12.40-41; NDS 7.7 Sɛnɛ, ǹ bɛ́ re bɛ̀rɛbaa ǹ dí nyɛɛ tɔrɔ mɛn nɛ, ma á re dɔlɔ boe bɛ ganaa. Bɛ kio, ma á re soe ǹ ne walan ka gɔn màn gigiã nɛ. 15Sɛnɛ, nsɛ Abramu á re zizi koe, n gã ka yii-nyɛɛ nɛ, ǹ nə n gere bĩ. 16N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»
17Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni. 18#NDS 7.5 Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa: 19Kenii minin kiwi na a nɛ, Kenizi minin wɔ nɛ, Kadimon minin wɔ nɛ, 20Ɛti tɔrɔn wɔ nɛ, Perɛzi minin wɔ nɛ, Refaa minin wɔ nɛ, 21Amɔɔrɔ tɔrɔn nɛ, Kanaan minin ni, Girgazi tɔrɔn nɛ, ka Zebuzu tɔrɔn nɛ.»
Currently Selected:
SGK 15: SBPE2011
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
SGK 15
15
Lawa lɛ kɔ kɔn la mɛn doa kɔn ka Abramu ni
1Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»
2-3Abramu ná a lɛ si á pɛ: «Dɛnaa Lawa, n màn kɔ masɛ la là n ka wàa nɛ? Masɛ á ke woe giɛ̃ miɛ̃, nɛ ná a ba ma lon wa. N bɛ́ n nɛ kɔ ma la wa, Damaasin Eliezɛrɛ mɛn bɛ́ bɛ̀rɛ lɛa maa kion, bɛ lɛ n die maa kíɛ̃ siɛ.»
4Dɛnaa tɔ́n pɛ-n kɛnɛn: «Bɛ bie re n kíɛ̃ siɛ wa dɛ. N din gɔ́ɔ̃gɔ́ɔ̃ ǹ nɛ n die n kíɛ̃ siɛ.»
5 #
Rɔm 4.18; Ebr 11.12 Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»
6 #
Rɔm 4.3; Gal 3.6; Zaaki 2.23 Abramu nə́ n foo doa Dɛnaa Lawa ganaa. Bɛ lɛ na á toa, Dɛnaa Lawa kũ min pepere lɛa. 7Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»
8Abramu pɛ: «Dɛnaa Lawa, man die n biɛ lɔn ma dɔ̃, má á re maa wɔ biɛ?»
9Lawa pɛ nɛ: «Ga lɛ̀ sɔɔ dii luu li, ka lɛ̀ sɔɔ bòe dan nɛ, ka lɛ̀ sɔɔ sère gɔ̀lɔ̀ nɛ, n da ǹ kɔ ma la, ka wuruun ni ka zɛrɛkantoan ten ne.»
10Abramu daa ka bɛa mànan lɛn tumaa nɛ. Á ǹ yu kɔn papaa, á ǹ tumaa a lɛkara yɔrɔ dia ǹ miã la. A bàanan lɛn sɛn yu kɔn wa. 11Bàanan mɛnɛn bɛ́ siĩ mui, bɛn nə́ daa pã màn geren lɛn ganaa, sɛnɛ, Abramu nə́ ǹ loo.
12 #
Zɔb 4.13-14
Wasa bɛ́ re miɛ̃, nyuù gole Abramu saa. Bɛa biikoo li, nyɛ́ɛ babaraa gole kũ. 13#BBN 1.1-14; NDS 7.6 Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ. 14#BBN 12.40-41; NDS 7.7 Sɛnɛ, ǹ bɛ́ re bɛ̀rɛbaa ǹ dí nyɛɛ tɔrɔ mɛn nɛ, ma á re dɔlɔ boe bɛ ganaa. Bɛ kio, ma á re soe ǹ ne walan ka gɔn màn gigiã nɛ. 15Sɛnɛ, nsɛ Abramu á re zizi koe, n gã ka yii-nyɛɛ nɛ, ǹ nə n gere bĩ. 16N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»
17Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni. 18#NDS 7.5 Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa: 19Kenii minin kiwi na a nɛ, Kenizi minin wɔ nɛ, Kadimon minin wɔ nɛ, 20Ɛti tɔrɔn wɔ nɛ, Perɛzi minin wɔ nɛ, Refaa minin wɔ nɛ, 21Amɔɔrɔ tɔrɔn nɛ, Kanaan minin ni, Girgazi tɔrɔn nɛ, ka Zebuzu tɔrɔn nɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.