SGK 36

Ezawu tɔrɔn

1Ezawu mɛn bɛ́ ǹ nə́ bíi Edɔmu, bɛ tɔrɔn man ka kɛn nɛ. 2#SGK 26.34 Ezawu na á Kanaan minin nɛnyaanan wɔ lɔn lɛa: Ɛti tɔrɔ Elɔn a nɛlɔ Adaa nɛ, ka Anaa a nɛlɔ Olibamaa nɛ. Ivii tɔrɔ Sibiɔn a nɔ̀ɔn nɛ. 3#SGK 28.9 Á Isimayeli a nɛlɔ Basimaati dɔ saa. Nebayɔti ǹ miãnɛn nɛ ka bɛ nɛ. 4Adaa na á Elifaazi yɛ Ezawu ni, Basimaati dɔ́ Reweli yɛ nɛ. 5Olibamaa na á Yewusu laanka Yalamu yɛ nɛ, ka Kooraa nɛ. Ezawu nɛnyaanan mɛnɛn yɛ Kanaan gána nɛ, ǹ dinin lɛn man ka bɛn nɛ.

6Ezawu yoo ka a lɔn nɛ, a nɛgiĩn laanka a nɛlɔn nɛ, a kion minin tumaa laanka a tɔɔ mànan tumaa nɛ, a gɔn màn mɛn tumaa yɛ Kanaan gána nɛ, á yoo ka a din tumaa nɛ, á woo gána kɔsɔ nɛ, á n bɔ ǹ diɛ̃giĩ Zakɔba yɔrɔ-a. 7A giala, mà ǹ gɔn màn lɛ mɔnaa á la yii ni, ǹ ba boe la ǹ giã kɔn li wa. Ǹ goã giã-n bǎã mɛn nɛ, bɛa tɛ á n boe la, á ǹ tumaa a tɔɔn màn bii ǹ bǎã boe wa. 8Ezawu lɛ ǹ tá bíi Edɔmu, bɛ giã Seyiri a kelen la.

9Edɔmu minin digolo Ezawu mɛn bɛ́, á goã giã-n Seyiri a kelen la, bɛ tɔrɔn man ka kɛn nɛ: 10-13Ezawu a lɔ Adaa na á Elifaazi yɛ. Elifaazi dɔ wɔn man ka kɛn nɛ: Teman, Omaara, Sefoo, Gatamu, ka Kenaazi ni. Lɔ kɔsɔ mɛn tɔ bɛ́ Timinaa, á nɛgiĩ kɔsɔ yɛ bɛ la, a ná a tɔ kɔ Amalɛki.

Ezawu a lɔ Basimaati na á Reweli yɛ. Reweli dɔ wɔn man ka kɛn nɛ: Nahati, Zeraa, Saamaa, ka Miizaa nɛ.

14Ezawu a lɔ Olibamaa mɛn bɛ́ Anaa a nɛlɔ lɛa, á n Sibiɔn a nɔ̀ɔn lɛa, bɛ na á Yewusu yɛ, ka Yalamu laanka Kooraa nɛ.

15Tɔrɔn mɛnɛn nə bɔ Ezawu a nɛgiĩ bibinaa Elifaazi ni bɛn man ka kɛn nɛ: Temaa, Omaara, Sefoo, Kenaazi, 16Kooraa, Gatamu, Amalɛki. Bɛn man nə́ goã giã-n Edɔmu gána nɛ. Ezawu a lɔ Adaa tɔrɔn man ka bɛn nɛ.

17Tɔrɔn mɛnɛn nə bɔ Ezawu a nɛgiĩ Reweli ni, bɛn man ka kɛn nɛ: Nahati, Zeraa, Saamaa, Miizaa. Maǹ nə́ goã giã-n Edɔmu gána nɛ. Ezawu a lɔ Basimaati tɔrɔn man ka bɛn nɛ.

18Tɔrɔn mɛnɛn nə bɔ Ezawu laanka a lɔ Olibamaa nɛ, bɛn man ka kɛn nɛ: Yewusu, Yalamu, Kooraa. Olibamaa lɛ na á goã Anaa a nɛlɔ lɛa.

19Ezawu tɔrɔn man ka bɛn nɛ, ǹ nə́ goã Edɔmu minin goledɛnan lɛa.

Edɔmu gána a min bibinaan

20-21Hori tɔrɔ Seyiri nɛnyaanan mɛnɛn yɛ, bɛn lɛn man Edɔmu gána lɛ a dɛnan lɛa, Hori tɔrɔn kiin manɛ: Lotan nɛ, Sobali ni, Sibiɔn nɛ, Anaa nɛ, Diizɔn laanka Esɛɛrɛ nɛ ka Diizan nɛ.

22Lotan a nɛnyaanan man ka Hori laanka Emamu ni. Lotan miãnɛn nə ka Timinaa nɛ.

23Sobali a nɛnyaanan man ka kɛn nɛ: Alivan nɛ, Manahati ni, Ebali ni, Sefoo ne ka Onaamu ni.

24Sibiɔn a nɛnyaanan man ka kɛn nɛ: Ayia laanka Anaa nɛ. Bɛa Anaa lɛ na á mu fuu yɛ don, bɛ̀ a bɛ́ ǹ di Sibiɔn a dundunun lɛduĩ. 25Anaa a nɛnyaanan man ka kɛn nɛ: Diizɔn laanka a nɛlɔ Olibamaa nɛ. 26Diizan a nɛnyaanan man ka kɛn nɛ: Emudan nɛ, Esiban nɛ, ka Yitran laanka Keran nɛ.

27Esɛɛrɛ a nɛnyaanan man ka kɛn nɛ: Bilan nɛ, Zaawan nɛ ka Akan nɛ.

28Diizan a nɛnyaanan man ka Usu laanka Aran nɛ.

29-30Hori tɔrɔn mɛnɛn nə goã kiin lɛa Edɔmu gána nɛ, bɛn lɛn man ka Lotan nɛ, Sobali ni, Sibiɔn nɛ, Anaa nɛ, Diizɔn nɛ Esɛɛrɛ nɛ ka Diizan nɛ.

31Kiin mɛnɛn nə giã Edɔmu gána mìi la, bɛ̀ min bɛ́ a tɔn giã Izirayeli nɛnyaanan mìi la kii lɛa bɔrɔ wa, bɛn tɔn man ka kɛn nɛ: 32Behɔrɔ a nɛgiĩ Belaa mɛn bɛ́ boe Dinabaa kiwi. 33A gɛ̀ kio, Zeraa a nɛgiĩ Yobabu mɛn bɛ́ boe Bosraa kiwi, bɛ́ giã a bǎã nɛ. 34Yobabu a gɛ̀ kio, Teman gána min Usamu giã a bǎã nɛ. 35Usamu a gɛ̀ kio, Bedadi a nɛ Adaadi giã a bǎã nɛ. Asɛ lɛ a kiwi tɔ n Aviti. A din lɛ na á Madiã minin dɛ Moabu gána nɛ. 36Adaadi a gɛ̀ kio, Samulaa mɛn bɛ́ boe Masirekaa kiwi, bɛ́ giã a bǎã nɛ. 37Samulaa a gɛ̀ kio, Sawulu mɛn bɛ́ boe Rehobɔti kiwi, Efrati tà lɛ-a, bɛ́ giã a bǎã nɛ. 38Sawulu a gɛ̀ kio, Akibɔɔrɔ a nɛgiĩ Bali-Aanan giã a bǎã nɛ. 39Bɛa gɛ̀ kio, Hadaara mɛn bɛ́ boe Pawuu kiwi, bɛ́ giã a bǎã nɛ. Asɛ a lɔ na á goã ka Matredi a nɛlɔ Metabeli ni, Mezaadi a nɔ̀ɔnlɔ nɛ.

40-43Ezawu tɔrɔn kiin tɔn man ka kɛn nɛ: Timinaa, Alivaa, Yetɛti, Olibamaa, Elaa, Pinɔn, Kenaazi, Teman, Mibusaara, Madiyeli, Iramu. Ǹ nə́ didie tɔ kɔ a giã ǹ bǎã ganaa Edɔmu gána lɛ nɛ. Ezawu lɛ n Edɔmu minin digolo lɛa.

Currently Selected:

SGK 36: SBPE2011

Highlight

Copy