MNS 26
26
1 #
MNS 1.1-46
Dɛnaa Lawa boo da Muizu ni, ka Aarɔn a nɛgiĩ Eleyazaara Lawa a wúlu-bɔle kɛ nɛ, á pɛ: 2«Ka Izirayeli zaman lɛ a min tumaa nimi sumu lɛ yii li. Min mɛnɛn tumaa lɛ̀ fuə bɛ́ nɛ, ka lɛ̀ fuə ka kio ne, ǹ nə́ boe zia baa la, ka ǹ nimi.»
3Muizu laanka Lawa a wúlu-bɔle Eleyazaara lɛ tɔ́n boo da zaman lɛ nɛ, Moabu gána a nyankɔrɔ lɛ kɛ nɛ, Zurdɛ̃ tà lɛ-a, Zerikoo kiwi yɔrɔ-a, ǹ nə́ pɛ: 4«Giĩn mɛnɛn lɛ̀ fuə bɛ́ nɛ, ka lɛ̀ fuə ka kio ne, maǹ die bɛn nimii, ka Dɛnaa Lawa goã á pɛ Muizu-n lɔn.»
Izirayeli tɔrɔn mɛnɛn nə goã ǹ nə́ soo Ezipti gána nɛ, bɛn man ka kɛn nɛ: 5Bibinaa nɛ, Zakɔba a nɛgiĩ bibinaa Urubɛn a tanlɛn manɛ. Tanlɛn mɛnɛn nə bɔ Urubɛn lɛ a nɛnyaanan nɛ, bɛn lɛn kaa kun nə Urubɛn tanlɛn lɛn lɛa:
Enɔki a tanlɛ minin manɛ,
Paluu a tanlɛ minin ni,
6Ɛsirɔn a tanlɛ minin ni,
ka Karmii a tanlɛ minin ni.
7Bɛn lɛn man Urubɛn tɔrɔn tanlɛn lɛa, ǹ minin man min duu pusiwensɔɔ ka biɛsɔbaa ka pɔsɔɔ (43 730).
8Eliabu ke, Paluu tɔrɔ goon lɛa, 9bɛa nɛnyaanan man nə́ goã ka Nemuweli ni, ka Datan laanka Abiramu ni. Datan lɛ laanka Abiramu lɛ nɛ, bɛa minin kɛn lɛn ma ǹ min yii guguru-an lɛa zaman lɛ bii, ǹ dinin kɛn lɛn man nə́ goã ǹ nə́ yoo Muizu laanka Aarɔn gialaa. Maǹ nə́ goã kun ka Koree a kiodɛnan kɛn nɛ, bɛ̀ bɛn bɛ́ n gòãn dii Dɛnaa Lawa ganaa biikoo mɛn li. 10Tán nə́ tɔ́n nə n lɛ bũ, á n lɛ tɔrɔ ǹ ganaa, ka Koree dɔ nɛ. Koree a kiodɛnan lɛn bɛ́ ǹ nə́ gã, tɛ bɛ́ á min biɛpaa ka posooro (250) lɛ kũ ǹ yii n koo, bɛ nə́ n baa sii a kɔnboe lɛa, zaman gialakun lɛ gɔn. 11Sɛnɛ Koree a nɛnyaanan sɛn nə goã ǹ nə́ gã bɛa biikoo lɛ li wa.
12Simiɔn a tanlɛn man ke, tanlɛ yii li:
Nemuweli a tanlɛ minin manɛ, boe Nemua Ɛyeli ni,
Yamin a tanlɛ minin manɛ, boe Yamin ni,
13Zeraa a tanlɛ minin manɛ, boe Zeraa nɛ,
ka Sawuyeli a tanlɛ minin ni, boe Sawuyeli ni.
14Simiɔn tɔrɔn tanlɛn minin lɛn man ka bɛn nɛ. Maǹ min duu fuəwenpaa ka biɛpaa (22 200).
15Gaadi a tanlɛn man ke, tanlɛ yii li:
Sefɔn a tanlɛ minin manɛ, boe Sefɔn nɛ,
Hagi a tanlɛ minin manɛ boe Hagi ni,
Suuni a tanlɛ minin manɛ boe Suuni ni,
16Ɔzinii a tanlɛ minin manɛ boe Ɔzinii ni,
Erii a tanlɛ minin manɛ, boe Erii ni,
17Arɔdi a tanlɛ minin manɛ, boe Arɔdi ni,
ka Arelii a tanlɛ minin ni, boe Arelii ni.
18Gaadi tɔrɔn tanlɛn minin man nə́ goã ka bɛn nɛ, ǹ kaa kun min duu pusi ka biɛsooro (40 500).
19-21Zudaa a tanlɛn man ke, tanlɛ yii li:
Selaa a tanlɛ minin manɛ, boe Selaa nɛ,
Perɛzi a tanlɛ minin manɛ, boe Perɛzi ni,
ka Zeraa a tanlɛ minin ni, boe Zeraa nɛ.
Perɛzi a tanlɛn man ke:
Ɛsirɔn a tanlɛ minin manɛ, boe Ɛsirɔn nɛ,
Amulu a tanlɛ minin manɛ, boe Amulu ni.
Ɛrɛ laanka Onan Zudaa a nɛnyaanan lɛa, ǹ nə́ gã Kanaan gána nɛ. 22Zudaa a tanlɛn lɛn man ka bɛn nɛ, ǹ kaa kun min duu pɔsɔbaawensɔrɔ ka biɛsooro (76 500).
23Isakaara a tanlɛn man ke, tanlɛ yii li:
Toolaa a tanlɛ minin manɛ, boe Toolaa nɛ,
ka Puwa a tanlɛ minin ni, boe Puwa nɛ.
24Yasuubu a tanlɛ minin manɛ, boe Yasuubu ni,
Simurɔn a tanlɛ minin manɛ, boe Simurɔn nɛ.
25Isakaara a tanlɛ minin man ka bɛn nɛ, ǹ kaa kun min duu pɔsɔrɔwensii ka biɛsɔɔ (64 300).
26Zabulɔn a tanlɛn man ke, tanlɛ yii li:
Serɛdi a tanlɛ minin manɛ, boe Serɛdi ni,
Elɔn a tanlɛ minin manɛ, boe Elɔn nɛ,
ka Yalayeli a tanlɛ minin ni, boe Yalayeli ni.
27Zabulɔn a tanlɛn man ka bɛn nɛ, ǹ kaa kun min duu pɔsɔrɔ ka biɛsooro (60 500).
28Zozɛfu a nɛgiĩn, Manaasee laanka Efrayimu ni, bɛn tanlɛn man ke, tanlɛ yii li: 29Manaasee a tanlɛn man ke:
Makiiri a tanlɛ minin manɛ, boe Makiiri ni.
Makiiri na á Galaati yɛ. Galaati a tanlɛ minin man nə́ bɔ Galaati ni.
30Galaati a tanlɛn man ke:
Iyezɛɛrɛ a tanlɛ minin manɛ, boe Iyezɛɛrɛ nɛ,
Elɛki a tanlɛ minin manɛ, boe Elɛki ni,
31Asiriyeli a tanlɛ minin manɛ, boe Asiriyeli ni,
Sɛkemu a tanlɛ minin manɛ, boe Sɛkemu ni,
32Semidaa a tanlɛ minin manɛ, boe Semidaa nɛ,
ka Hefɛɛrɛ a tanlɛ minin ni, boe Hefɛɛrɛ nɛ.
33Hefɛɛrɛ a nɛgiĩ Selofaadi ke, bɛ nɛginin yɛ wa, yǎa nɛlɔn dininsɔɔ̃nɔn. A nɛlɔn lɛn tɔn nə́ ke: Malaa nɛ, Noa nɛ, Milkaa nɛ, ka Tirsaa nɛ.
34Manaasee a tanlɛn man ka bɛn nɛ, ǹ kaa kun nə min duu posoorowenpaa ka biɛsɔbaa (52 700).
35Efrayimu a tanlɛn man ke tanlɛ yii li:
Suutelaa a tanlɛ minin manɛ, boe Suutelaa nɛ,
Bekɛɛrɛ a tanlɛ minin manɛ, boe Bekɛɛrɛ nɛ,
ka Taani a tanlɛ minin ni, boe Taani ni.
36Suutelaa dɔ a tanlɛn man ka Eran a tanlɛ minin kɛn nɛ, boe Eran nɛ.
37Efrayimu tɔrɔn tanlɛ minin lɛn man ka bɛn nɛ, ǹ kaa kun min duu pɔsɔɔwenpaa ka biɛsooro (32 500). Minin nimii lɛ gɔ́ɔ̃ nɛ, tanlɛ yii li, Zozɛfu tɔrɔn lɛn man ka bɛn nɛ.
38Bɛnzamɛn a tanlɛn man ke tanlɛ yii li:
Belaa a tanlɛ minin kɛn manɛ, boe Belaa nɛ,
Asibeli a tanlɛ minin kɛn manɛ, boe Asibeli ni,
Ayiramu a tanlɛ minin manɛ, boe Ayiramu ni,
39Sefufamu a tanlɛ minin manɛ, boe Sefufamu ni,
ka Ufamu a tanlɛ minin ni, boe Ufamu ni.
40Belaa a nɛnyaanan man ka Arde laanka Naaman nɛ.
Arde a tanlɛ minin man boe Arde ne,
Naaman a tanlɛ minin dɔn man boe Naaman nɛ.
41Minin nimii lɛ gɔ́ɔ̃ nɛ, tanlɛ yii li, Bɛnzamɛn a tanlɛn man ka bɛn nɛ, ǹ kaa kun na á goã min duu pusiwensooro ka biɛsɔrɔ (45 600).
42Dan a tanlɛn man ke, tanlɛ yii li:
Suhamu a tanlɛ minin dininsɔɔ̃nɔn manɛ, maǹ boe Suhamu ni. Minin nimii lɛ gɔ́ɔ̃ nɛ, tanlɛ yii li, Dan tɔrɔn tanlɛ n ka bɛ lɛ nɛ.
43Suhamu a tanlɛ minin lɛn tumaa a kaa kun nə min duu pɔsɔrɔwensii, ka biɛsii (64 400).
44Asɛɛrɛ a tanlɛn man ke, tanlɛ yii li:
Yimnaa a tanlɛ minin manɛ, boe Yimnaa nɛ,
Yisiwi a tanlɛ minin manɛ, boe Yisiwi ni,
ka Beriya a tanlɛ minin ni, boe Beriya nɛ.
45Tanlɛn mɛnɛn nə bɔ Beriya tɔrɔn nɛ, bɛn nə́ ke: Hebɛɛrɛ a tanlɛ minin manɛ, boe Hebɛɛrɛ nɛ, ka Malkiyeli a tanlɛ minin ni, boe Malkiyeli ni.
46Asɛɛrɛ lɛ a nɛlɔ goon goã, a tɔ ń Seraa.
47Asɛɛrɛ a tanlɛn man nə́ goã ka bɛn lɛn nɛ, ǹ kaa kun min duu posoorowensɔɔ ka biɛ sii (53 400).
48Nɛfutalii a tanlɛn man ke, tanlɛ yii li:
Yaseli a tanlɛ minin manɛ, boe Yaseli ni,
Gunii a tanlɛ minin manɛ, boe Gunii ni,
49Yesɛrɛ a tanlɛ minin manɛ, boe Yesɛrɛ nɛ,
ka Silɛmu a tanlɛ minin ni, boe Silɛmu ni.
50Minin nimii lɛ gɔ́ɔ̃ nɛ, tanlɛ yii li, Nɛfutalii a tanlɛn lɛn man nə́ goã ka bɛn nɛ, ǹ kaa kun na á goã min duu pusiwensooro ka biɛsii (45 400).
51Ǹ Izirayeli minin mɛnɛn nimi, ǹ kaa kun nə́ dɔ min duu biɛsɔrɔ ka duu goon, ka biɛsɔbaa ka pɔsɔɔ (601 730).
Kanaan gána lɛ a gii ǹ gɔn
52 #
MNS 34.13; Zoz 14.1-2 Dɛnaa Lawa boo da Muizu ni, á pɛ nɛ: 53«Ka die ka gána lɛ gii tɔrɔn lɛn manɛ, a kɔnpɛ ka tɔrɔ lɛ gogoonmaa a minbuiin lɛ nɛ. 54Bɛ̀ tɔrɔ lɛ mɛn a zaman tá didi, n bɛ wɔ gii baa gole. Bɛ̀ tɔrɔ lɛ mɛn a zaman ba didi wa, n bɛ gii baa kiɛɛrɛ. Ka tɔrɔ lɛ gogoonmaa gii bɔ, a kɔnpɛ ka a zaman nɛ. 55Sɛnɛ, ka die ka n pã ka gána lɛ gii, a kɔnpɛ ka tɔrɔ lɛ gogoonmaa a zaman nɛ. 56Bǎãn mɛnɛn bɛ́ re doe tɔrɔ dadaran lɛn laanka tɔrɔ bisinin lɛn ganaa, ǹ wɔ gii lɛa, bɛn woo ǹ bǎã n die n doɛ̃ ka pã nɛ.»
Levii tɔrɔn nimii a paabaa ǹ wɔ
57 *Levii tɔrɔn lɛn bii, ǹ tanlɛn mɛnɛn nimi bɛn nə́ ke: Gɛrsɔn a tanlɛ minin manɛ, boe Gɛrsɔn nɛ, Keyati a tanlɛ minin manɛ, boe Keyati ni, ka Merarii a tanlɛ minin ni, boe Merarii ni. 58Levii a tanlɛn nə́ ke: Libnii a tanlɛ nɛ, Ebrɔn a tanlɛ nɛ, Malii a tanlɛ nɛ, Musi a tanlɛ nɛ, ka Koree a tanlɛ nɛ. Keyati na á Amuramu yɛ. 59Amuramu a lɔ tɔ na á goã Zokebɛdi. Levii a nɛlɔ n ka Zokebɛdi lɛ nɛ, a na á yɛ Ezipti gána nɛ. Zokebɛdi lɛ na á nɛ sɔɔ yɛ á kɔ Amuramu la. Bɛa nɛnyaanan lɛn man ka Aarɔn nɛ, Muizu ni, ka bɛn miãnɛn Miriyamu kɛ nɛ. 60#MNS 3.2 Aarɔn a nɛ n sii á yɛ: Nadaabu ni, Abiu ni, Eleyazaara nɛ, ka Itamaara nɛ. 61#LWS 10.1-2; MNS 3.4 Nadaabu laanka Abiu sɛn nə gã, bɛ̀ ǹ bɛ́ ǹ nə́ woo ka tɛ soore ne Dɛnaa Lawa yɔrɔ-a. 62Ǹ Levii tɔrɔn mɛnɛn nimi giĩn lɛa, a kũ mui goon nɛn ganaa a wo lon, ǹ nə́ dɔ min duu fuəwensɔɔ (23 000). Sonbore, ǹ goã ǹ nə́ Levii tɔrɔn lɛn sɛn nimi kun ka Izirayeli minin gialakunun lɛn nə wa, a giala Levii a tanlɛn lɛn gii goã kunun ǹ ni wa.
Minin nimii lɛ a boo gɔn nyɔmiɛ̃
63Muizu laanka Lawa a wúlu-bɔle Eleyazaara bɛ́ ǹ nə́ Izirayeli minin lɛn nimi Moabu a nyankɔrɔ lɛ nɛ, Zurdɛ̃ tà lɛ-a, Zerikoo kiwi yɔrɔ-a, ǹ minin mɛnɛn nimi, ǹ dinin lɛn man ka kɛn nɛ. 64Muizu laanka Aarɔn goã ǹ nə́ Izirayeli minin mɛnɛn nimi Sinayii diə gole-n ke, haalɛ bɛn min goon din goã kunun ǹ ni wa. 65#MNS 14.26-35 A giala, Dɛnaa Lawa na á goã á pɛ ǹsɛn wɔ paǹ li, mà maǹ die giɛ̃ diə gole kɛ nɛ, a giala yii li. Á ke Sonbore, ǹ min goon nə goã wa, bɛ̀ á n bɔ Yefune a nɛgiĩ Kalɛbu laanka Nunu a nɛgiĩ Zozoe ne.
Currently Selected:
MNS 26: SBPE2011
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.