SNS 15
15
Koe giala-nyɔmɔɔ sɔbaa boo
1Má wusoo má sii kɔsɔ yɛ á n din nyaa lon doo, a n foo biɛ na ǹ sii gole lɛa: Lon a dia dí-a wole sɔbaa nɛ, ǹ nə́ koe sɔbaa kũ ǹ gunun. Koen lɛn, a giala-nyɔmɔɔn man bɛn nɛ, a giala mà ǹ dinin man die Lawa foo yoo ǹ siin lɛn giala nyɔmiɛ.
2Má tɔ́n bǎã goon yɛ ka yìsi mu gole bɛ́ lɔn, ǹ nə́ damalon kɔ lɛ, tɛ n lɔloɛ nɛ a ganaa. Min mɛnɛn nə gɔ̀lɔ̀baa si Tɔɔ lɛ la, má wusoo má bɛn yɛ, ǹsɛn lɛn man nə́ n piã ka a nyín guguru kɔ nɛ, ǹ nə́ n piã ka a tɔ kɛ dɔ nɛ, ǹ nə́ kiɛ̃ minin ganaa màn nimii lɛ lɛa. Ǹ nə́ goã golee-n mu kɛ lɛ genli, ka Lawa a tùtun nə́ ǹ gɔn. 3#BBN 15.1 Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii:
«Dɛnaa Lawa Pàãyiidɛnaa,
n nya ǹ dín tá dadara,
ǹ gamaa ba min boe wa.
Tɔrɔ din tumaa a kii,
n sii yɔrɔ bɔ n pepere,
a n taãn dɔ lɛa.
4 #
Loe 86.9; Zer 10.7 Dɛnaa, die na a re nyɛ́ɛ biɛ n nɛ wa?
Die na a re n guguru koe wa?
A giala mà n dinsɔɔ̃ n sonbore.
Tɔrɔ din tumaa á re die n yɔrɔ-a,
ǹ tumaa á re n guguru koe.
A giala mà n peperebaa nə́ n din nyaa foaã sisia.»
5 #
BBN 38.21
Bɛ kio, Lawa a mɔnaa zìã mɛn bɛ́ lon, má yɛ bɛ nə́ n lɛ bũ. 6Lon a dia dí-a wole sɔbaa mɛn bɛ́, ka koe bɔ ǹ màn sɔbaa nə́ ǹ gɔn, bɛn nə́ soo Lawa a Kion kɛ nɛ. Dɔnkɛ fufu tɛ-pɛlen manə ǹ ganaa, ka sana maabɛlɛ-n yii ni ǹ binbin ni. 7Tɔɔ yiikoonaa pàãdɛnaa sii kɛ goon sana kaaran yii sɔbaa kɔ lon a dia dí-a wole sɔbaa kɛ la, kaaranan lɛn piɛ̃maa nɛ, ka Lawa a foo-yoo ne, asɛ mɛn bɛ́ a yii n koo baraabaraa yǎa duduu. 8#BBN 40.34; Kiin1 8.10,11; KZS2 5.13,14; Iza 6.4 Bɛ ganaa, Lawa a Kion lɛ pã ka tɛmaa nɛ, Lawa a gugurubaa laanka a pàãyiidɛnaabaa a lɛa. Min kɔ́n boo la, á wɔ Lawa a kion lɛ-n wa, yǎa lon a dia dí-a wole sɔbaan kɛn, ǹ nə́ woo ǹ koe sɔbaa kɛ bɔ ǹ nə́ nya.
Currently Selected:
SNS 15: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
