Havangit 1
1
1Makpirami hivullirmi Theophilus titirautigijatka Jesusim havaangit ilihautjutaillu hivun'nganin 2majurviata uplua naattugu. Pitquivangman apasulminun pilluaqhimajunun Anirnikkun Nakuujukkun. 3Tapkununga inminik takupkaivaktuq uumajumik tuqutqaaqhuni naunaitkutilingmiglu hagjairvigigamigit upluni 40ni Godim atan'nguvia uqautigiplugu tapkununga. 4Jesus tapkunaniittuni Jerusalemin aullaqtailivagain utaqqiquplugit Godim irnirum aittutaanun, uqaqhuni, “Tamna tuhaavaktaraluaqhi uvamnin. 5John baptaiqhivaktuq imarmi iliffi baptaiqtaujumaaqtuhi Anirnikkun Nakuujukkun qakugunnuaq.” 6Talva tapkua katimaliramik apirijaat, “Ataniiq, tatja ilvit tunihiniaqqiin atan'nguvingnik Israelmiunun?” 7Jesusim kiujain, “Angutingma pijakhaita tikinniarutainnik ilihimanngitkaluaqtuhi. Inminik ataniungman.
8“Hakugikniqaqhungujuhi Anirnim Nakuujum tikitpahi; talva uniutjiniaqtuhi piplunga Jerusalemiunun, Jutiamiunullu, Samariamiunullu nunaum kiglianun tikilluhi.”
9Taimaa uqarami, tapkua qun'ngiaqtillugit majuqtitaujuq takunnaiqhuni nuvujamun tapkunanga. 10Aahiin qunmun qungiaqtillugit majuqtillugu Jesus, tatjainnaq angutik atigihimajuk qakuqtanik nangiqatigijain. 11Tapkua uqaqtuk, “Galilimiittuhi, huuq qunmun aarluqqihi? Tamna Jesus qilangmun aullaqtitaujuq, qaitqingniaqtuq aullarvikhaminik takujaffingnik tatja aturlugu.”
Currently Selected:
Havangit 1: AQ
Highlight
Share
Copy
Want to have your highlights saved across all your devices? Sign up or sign in
