Luke 2

1Taiffumani ataniqpak Augustus pitquijuq inuit nunaniittun tamainni naunaiqtauquplugit atingit titiraqtaulutik. 2Taimailivaktuq Quirinius ataniutillugu Syriami. 3Inuit tamarmik igluqarvingminun aullaqtun naunaiqtauquplugit. 4Josephtauq igluqarvingminun Nazarethmin Galileemin aquijuq Judeamun, Davidim igluqarvianun Bethlehemmik taijaujumut. Joseph Davidim qitungainun ilaugami. 5Naunaiktauquplugu aquijuk nuliakhangalu Mary tamna hingaitillugu. 6Takananiitillugik arnam irniurvikhanga tikinman, 7nutaraniktuq angunmik. Aahiin, kalikumun nimiramiuk nutarani nirjutim nirivianun ilijaa, iglut hiniktarviit inikhairmata tapkununga. 8Taffumani nunami natirnami imnailgit imnailiqiliqtun unuktillugu. 9Aahiin Atan'ngum iharulingata hagjairvigijait, Atan'nguplu qaumaningata qaumapkarmatik, iqhittaqpiaqtun.

10Ilaa unniutigiffi alianaqpiaqtumik tuhaanaqtukhaq inungnun tamainun; 11uplumi Davidim igluqarviani Annautji aningman, Ataniq Christiujuq tamna. 12Imaatun naunaitkutiginiaqtaqhi qatqarniaraffiuk nutaraq nimiqhimajuq kalikumik, nalapluni nirijutim niriviani. 13Tatjainnarlu iharulgit amigaiqpiaqtut hagjaiqhutik God qujagijaat uqaquhutik, 14“God kingitqijaujumi nakuugijauli, nunamilu inuit naammakpaglutik Godim quviahuutigikpagit.”

29Ataniiq, pipkailutin tuququplunga nakuujumik; uqautivagangma; 30ljikun annautjikham takugapku; tilivagan inungniitquplugu. 31Qaummaqtitquplugit nalujun; nakuuquplugu inuktingnun Israelmiunun.

41Jesus angajuqqanilu ukiuq tamaan aquivaktut Jerusalemun Qaangiutivinguraangan. 42Jesuslu ukiuqarman 12nik tamarmik aquijun pitquhiqtik malikhugu. 43Qaangiutiviglu inirman, utiuliqtillugit inuuhuktuq qimaktaujuq Jerusalemi. Angajuqqangitali ilihimanngittaraluangat taamna, 44mallauhimmaarnahugigamitku aullaqtut upluraaluk qiniriaqtuqhugu ilamingni. 45Tapkunanili qatqannginamitku Jerusalemun utirmijun qiniriaqtuqhugu tatpaani. 46Taimaa iinnaqqaqhutik upluni pingahuni taffuminga inuuhuktumik qatqaqtainnaqtun angaatjuvikpagjuami ilihautjijit akunngani ikhivainnaqtillugu naalakhuni apiqhuiqpiaqhunilu tapkuninga. 47Tamarmiglu tuhaagamitku inuuhuktuq arliguttaktun kangiqhivangman apiqhuiqpiarmallu nakuujumik. 48Angajuqqangilli arlittakpiaramik arnangata uqallautijaa, “Irnira huuq taimailiuqqitiguk?” Ilaa ihumaalukpiaramnuk qiniriaktuqpagaptigin angutivillu. 49Jesusiplu uqautijaik, “Huuq qiniqpinga? Ilihimangillatiik uvanga Angutingma igluaniittukhaugama?” 50Taimaa kiujaugamik kangiqhilimaiqtugaluak. 51Jesusiplu aulaqatigigamigik angajuqqani Nazarethmun tikittut tapkuak tuhaavigiplugik. Arnangali tapkuninga uummanmini itqaumavaktuq. 52Jesuslu angigliliqpaktuq ajuiqpiarami nakuugijaupluni Godmin inungnillu.

Currently Selected:

Luke 2: AQ

Highlight

Copy