Romans 6
6
3Ilihimajungnakhijuhi uminga. Baptaiqtitaugapta ilagiikupluta Christ Jesus atauhiqtun baptaiqtaunikkun ilagiingnaqtaraluaqqut taffuma tuqutjutattauq. 4Talva baptaiqtauniptigun iluviqqatauhimavaktugut taffumani uummatiptingni tuqutauqatauqupluta inuutqikqupluta nutaamik. Atjikkutariplugu Christ, tamna tuqungajumin makititauvangman angunmi hakugikningagun alianaktukkun. 5Uvagulli ilagiguptigu tamna Jesusim tuquningagun atjikkutaanik ilaginiaqtaqqut makititauluta taffumani Jesusmi. 6Unalu ilihimajaqqut—inuuhiqqut utuqqangajuq tuquqataujugaluaq Christim hanniagutaagun, huinniqqinim hakugingninga piijaktauquplugu uvagut kivgaqtuiqupluta huinniqqinirmun. 7Inugli tuqugumi kivgaktuitainnaktuq huinniqinim hakugingninganun. 8Uvagut Christmi tuquqatauvagapta ukpiqtugut inuuqatauhungugapta taffumani. 9Ilihimajugut, Christ tuqungajunin makititauhimagami tuqutqigunaiktuq; tuquniq hakugikpangman taffumani. 10Christ tuqunman, tuquningagun pijjutigijait huinniqqiniit. Huinniqqiniq nungutpiaktuq. 11Aahiin Christ inuulirami inuuhimaliqtuq Godmun. 17God quanaqpiaqtuq. Iliffi kivgaqtuinnaqpaktuhi huinniqinirmun hivungani. Uummatiffingnilli tuhaatainnaraffi ukpirniup ilihautjutaanun. 18Talva ipiiqtauvaktuhi huinniqinirmin kivgaqtutjariqupluhi ihuaqtumun. 19Uqaliqtunga kangiqhimajumik ihumaffingnun. Qangarjuak timihi atuinnaqpaktahi kivgaqtutun halumaittunun pitquhivagaffi nakuunngittumik. Tatjali timihi tunitjavahi kivgaqtuquplugit ilumuuqtumun, halummaqtitauluhi. 20Ilaa kivgaqturaffi huinniqinirmun ilumuuqtun hugijuitpiaqtahi. 21Talva tapkunanga pivaktaffingnin kanngunaqtunin qanuq ikajuqtauvakpihi? Tapkua tamarmik tuqunnaqtumik piqaqtun. 22Tatjali iliffi huinniqinirmin ipiiqtauhimagaffi kivgaqtuinnaqtuhi Godmun. Ikajuqtikhaqaqtuhi halummaqtitaupluhi inuuhirmik nungulaittumik piqaqupluhi. 23Huinniqinikkun akiliuhiaqtugun tuqumik. Christ Jesuskun Ataniptigun. Aittuhiallajugut inuuhirmik nungulaittumik akiittumik.
Currently Selected:
Romans 6: AQ
Highlight
Share
Copy
Want to have your highlights saved across all your devices? Sign up or sign in
