Iasat ENAITURUK
ENAITURUK
Ore embuku oo Iasat oo lkipaareta naa embuku nalimu ilomon supati ootisira Luka. Ore entoki sapuk tena buku naa eutunoto e neikuna lkipaareta le Yesu pee erikoo enkiyang'et e Nkai meidapashai ilomon supati le Yesu “Te Yerusalem, o te Yudea pooki o Samaria, o ineeiting'ie enkop”. (1.8) Enkatini ena naipirare embulunoto e sirit e Kristo eiteru tiatua Ilyahudi nelo o metaa enkirukoto e nkop pooki. Ore sii olasirani lena buku, keyieu apa oleng neitijing'aa ilaisumak pooki nchere ore enkirukoto e Kristo neme mbaa naaipirta inchankarri naagilunore enkitoria oo Roma, ore enkipirta enkirukoto enye naa enkitabaroto enkirukoto oo Lyahudi.
Keidimi aatoor embuku oo Iasat kat uni: eutu nena orot uni embularoto oo sirito kumok anaa pee eidapashari ilomon supati ooipirta Yesu eikunari inji: (1) Enkiterunoto elikioroto e Kristo te Yerusalem ina kata pee eilep Yesu alo Keper; (2) Embularoto natijing'a kulie wuejitin e Palestina; o (3) pee eidapashari ororei ajing enaiposha e polos o metabaiki enkop oo Roma.
Ore entoki e tipat te mbuku oo Iasat naa enkiaas e Nkiyang'et Sinyati, ina naewuo te ngolon ajing ilairukok te Yerusalem te nkolong e Pentekoste, nelo Enkiyang'et Sinyati dukuya arikoo neitagol esirit e Nkai o ilarikok lenyena too mbaa enking'asia naasira tena buku. Ore ilomon ootolimutuo lelo apa le Kristo le sirit e dukuya, nesira tena buku aaitodolu aajo keeta apa ilo rorei engolon too ltauja loo lairukok o enchula pooki e sirit e Nkai.
Iorot oo Matuan
Erretenare pee elikiori ororei 1.1-26
a. Enkitanapata nabayie e Yesu o siligi oishorua 1.1-14
b. Olotijing'a erishata e Yudas 1.15-26
Shakenisho te Yerusalem 2.1–8.3
Shakenisho te Yudea o Samaria 8.4–12.25
Enkisiaayiare e Paulo 13.1–28.31
a. Elototo e Paulo e dukuya e likioroto 13.1–14.28
b. Entumo sapuk te Yerusalem 15.1-35
c. Elototo e Paulo e are e likioroto 15.36–18.22
d. Elototo e Paulo e uni e likioroto 18.23–21.16
e. Paulo eena te Yerusalem o Kaisaria, o te Roma 21.17–28.31
Currently Selected:
Iasat ENAITURUK: BIBLIACATHO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018