Jẹnẹsisi 15
15
Isi Nke Mmisẹn
Nkwa Osolobuẹ Kwe Ebram
1Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.” 2Kanị Ebram nọ sị, “Osolobuẹ nwọnni m, k'i k'e yedẹ m nwan — bụ amụnị m nwa? Ẹlẹ Ẹliẹza onyẹ alị Damaskọsụ jẹnkọ d'a kwarị ukuu m?” 3Ebram nọzị sị, “Y'e yeni m nwa; igbọn rị iwe m, y'a k'a kwarị ukuu m.”
4Kanị Osolobuẹ nọ sị Ebram, “Okẹnnyẹni akwakọ ukuu i! Nwa ẹfọ ị sikọ d'a kwa ukuu i.” 5Ọ nọ wepụha Ebram ihun-ezi, sị a, “Lee ẹnya elu-igwere, n'ị hụn ụzọ gụn kokisẹ ndị rị elu omẹni n'ị sa ẹka gụn wẹ.” Ọ nọzị sị a, “Ẹrịra kẹ ụmụ ị k'e bu ọda.” 6Ebram nọ kweri ihiẹn Osolobuẹ gwa a, Osolobuẹ nọ gi ẹ sị ọ wụ onyẹ ezi-omumẹ.
7Osolobuẹ nọzị sị a, “Mmẹ wụ Osolobuẹ hụn gha Uru rị alị ndị Kal'di Babilọnụ wepụha ị kẹni m ye i alịnị weri.” 8Kanị Ebram a sị a, “Euu Osolobuẹ nwọnni m, nanị m'e dọn marịn n'o sikọ d'a wụrụ nke m?”
9Ya kẹ Osolobuẹ nọ sị a, “Wẹhẹni m efin ohu rị ahụa ẹtọ lẹ onyẹnnyẹ-ewu ohu rị ahụa ẹtọ lẹ ebulu ohu rị ahụa ẹtọ, lẹzi nduru ohu lẹ oluikuku ohu.” 10Ebram nọ wẹhẹn'ẹ ihiẹn ndịnị ile, kpọwasọnmẹ wẹ ẹbụọ ahanmahan ẹbụọ ahanmahan, dọnmẹ azụụn ẹka-nni wẹ ile nkọ ohu, dọnmẹ azụụn ẹka-ekpẹn wẹ ile nkọ ohu; kanị, ọ kpọwanị nnụnụ ndị ahụn. 11Udele hụ a bịa nị wẹ ri anụ ndị ahụn, Ebram hụ a chụpụ wẹ.
12Ogẹn anwụn gi danma, okẹn ụran nọ buru Ebram; idẹnmizi, egun nọ tụma a ọda-ọda, ẹnya nọ gba a ishi kitikpọ. 13Osolobuẹ nọ sị Ebram, “Ya we i ẹnya nị ụmụ ị sikọ d'e bi kẹ abịamabịa imẹ alị wụlẹni alị wẹ. Wẹ k'a wụ igbọn ebahụn; wẹ k'a bịangbu wẹ ọrọgbọ ahụa nnụ. 14Kanị, m k'e ye ndị alị ahụn wẹ k'e fe afụnfụn. Omẹgụ a pụha wẹ, okẹn akụ-lẹ-ụba kẹ wẹ sikọ d'e gi pụha. 15Yụ nwẹn, ị k'a ka ẹgẹdi ọhụnma-ọhụnma, nwụn ọnwụn-ẹhi, e li wẹ i. 16O ru agbọ nke ẹnọ, a lụakinhẹn wẹ ebeni, makẹni njọ ndị Amọ, ndị alịnị, eke jun mkpu.”
17Ogẹn anwụn gi dangụ, ọhịhị a gbagụ, idẹnmizi, ite ẹnwụnrụn rị a gha imẹ ẹ a lọpụha lẹ ọwaa rị e nwun ọkụn nọ ghafe ẹgbata ikpọn anụ ẹbụbụọ ndị ahụn.
18Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi — 19alị ndị Kẹni, ndị Kẹnizi, ndị Kad'mọnụ, 20ndị Hẹti, ndị Pẹrẹzi, ndị Rẹfa 21ndị Amọ, ndị Kenaanị, ndị Gẹgashị lẹ ndị Jebusu.”
Currently Selected:
Jẹnẹsisi 15: ikkBI
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Jẹnẹsisi 15
15
Isi Nke Mmisẹn
Nkwa Osolobuẹ Kwe Ebram
1Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.” 2Kanị Ebram nọ sị, “Osolobuẹ nwọnni m, k'i k'e yedẹ m nwan — bụ amụnị m nwa? Ẹlẹ Ẹliẹza onyẹ alị Damaskọsụ jẹnkọ d'a kwarị ukuu m?” 3Ebram nọzị sị, “Y'e yeni m nwa; igbọn rị iwe m, y'a k'a kwarị ukuu m.”
4Kanị Osolobuẹ nọ sị Ebram, “Okẹnnyẹni akwakọ ukuu i! Nwa ẹfọ ị sikọ d'a kwa ukuu i.” 5Ọ nọ wepụha Ebram ihun-ezi, sị a, “Lee ẹnya elu-igwere, n'ị hụn ụzọ gụn kokisẹ ndị rị elu omẹni n'ị sa ẹka gụn wẹ.” Ọ nọzị sị a, “Ẹrịra kẹ ụmụ ị k'e bu ọda.” 6Ebram nọ kweri ihiẹn Osolobuẹ gwa a, Osolobuẹ nọ gi ẹ sị ọ wụ onyẹ ezi-omumẹ.
7Osolobuẹ nọzị sị a, “Mmẹ wụ Osolobuẹ hụn gha Uru rị alị ndị Kal'di Babilọnụ wepụha ị kẹni m ye i alịnị weri.” 8Kanị Ebram a sị a, “Euu Osolobuẹ nwọnni m, nanị m'e dọn marịn n'o sikọ d'a wụrụ nke m?”
9Ya kẹ Osolobuẹ nọ sị a, “Wẹhẹni m efin ohu rị ahụa ẹtọ lẹ onyẹnnyẹ-ewu ohu rị ahụa ẹtọ lẹ ebulu ohu rị ahụa ẹtọ, lẹzi nduru ohu lẹ oluikuku ohu.” 10Ebram nọ wẹhẹn'ẹ ihiẹn ndịnị ile, kpọwasọnmẹ wẹ ẹbụọ ahanmahan ẹbụọ ahanmahan, dọnmẹ azụụn ẹka-nni wẹ ile nkọ ohu, dọnmẹ azụụn ẹka-ekpẹn wẹ ile nkọ ohu; kanị, ọ kpọwanị nnụnụ ndị ahụn. 11Udele hụ a bịa nị wẹ ri anụ ndị ahụn, Ebram hụ a chụpụ wẹ.
12Ogẹn anwụn gi danma, okẹn ụran nọ buru Ebram; idẹnmizi, egun nọ tụma a ọda-ọda, ẹnya nọ gba a ishi kitikpọ. 13Osolobuẹ nọ sị Ebram, “Ya we i ẹnya nị ụmụ ị sikọ d'e bi kẹ abịamabịa imẹ alị wụlẹni alị wẹ. Wẹ k'a wụ igbọn ebahụn; wẹ k'a bịangbu wẹ ọrọgbọ ahụa nnụ. 14Kanị, m k'e ye ndị alị ahụn wẹ k'e fe afụnfụn. Omẹgụ a pụha wẹ, okẹn akụ-lẹ-ụba kẹ wẹ sikọ d'e gi pụha. 15Yụ nwẹn, ị k'a ka ẹgẹdi ọhụnma-ọhụnma, nwụn ọnwụn-ẹhi, e li wẹ i. 16O ru agbọ nke ẹnọ, a lụakinhẹn wẹ ebeni, makẹni njọ ndị Amọ, ndị alịnị, eke jun mkpu.”
17Ogẹn anwụn gi dangụ, ọhịhị a gbagụ, idẹnmizi, ite ẹnwụnrụn rị a gha imẹ ẹ a lọpụha lẹ ọwaa rị e nwun ọkụn nọ ghafe ẹgbata ikpọn anụ ẹbụbụọ ndị ahụn.
18Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi — 19alị ndị Kẹni, ndị Kẹnizi, ndị Kad'mọnụ, 20ndị Hẹti, ndị Pẹrẹzi, ndị Rẹfa 21ndị Amọ, ndị Kenaanị, ndị Gẹgashị lẹ ndị Jebusu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.