Jẹnẹsisi 22
22
Isi Nke Ẹbụọ Kwasị Ọgụn
Osolobuẹ Sị Ebraham Gi Nwa A Chụn Ẹjan
1Ihiẹn ndịnị e mẹgụ, Chuku nọ lele Ebraham: ọ hị a, “Ebraham!”
Ebraham nọ sị a, “Lee m ebeni.”
2Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.” 3Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.
4Hụn mẹ ẹ akpọhịn ẹtọ Ebraham buli ijẹn ahụn, ọ nọ weli ẹnya elu, lecheni ebahụn. 5Ya kẹ Ebraham nọ sị ikorọbịa ahụn ya lẹ wẹ wị, “Ụnụ lẹ jaki nọdị ebeni, nị mmẹ lẹ nwatanị shi ibẹka hụ; ẹnyi fegụ ofufe, ẹnyi e kinhẹn azụụn d'e kunrunzi ụnụ.”
6Ya Ebraham nọ bu nkụn wẹ jẹnkọ d'e gi chụn ẹjan buye Aziki nwa a, ya lẹ enwẹn ẹ nọ weri ọkụn lẹ ẹbeke; ya lẹ Aziki nọ wịrị jẹnmẹ. 7Aziki a hị nẹdi ẹ oku, sị, “Baba-ee!” Ya ọ nọ sị a, “Ee, nwa m!” Aziki nọ sị a, “Baba, ẹnyi bu ọkụn lẹ nkụn. Elebe atụnrụn ẹnyi e gi chụn ẹjan w'a dụn ọkụn rị?” 8Ya Ebraham nọ sị a, “Nwa m, Chuku k'e gi ẹka a wepụha atụnrụn ahụn wẹ k'e gi chụnyen'ẹ ẹjan w'a dụn ọkụn.” Ya wẹ nọ jẹnsọnmẹ.
9E ru wẹ ebahụn Chuku gwa Ebraham, ya Ebraham nọ rụn ukpo nchụn-ẹjan, kpashimẹ ọkụn elu ukpo ahụn. Ọ nọ kẹnmẹ Aziki nwa a, bu ẹ che elu nkụn ahụn o gi kpashimẹ ọkụn elu ukpo ahụn. 10Ya Ebraham nọ tịnpụ ẹka, weri ẹbeke, n'o gi gbu nwa a. 11Ya kẹ mmọn-ozi Osolobuẹ nọ gha elu-igwee hị a, “Ebraham! Ebraham!!” Ya Ebraham nọ za, “Elee m ebeni!”
12Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.” 13Ya Ebraham nọ weshi isi elu, ọ nọ hụn ebulu mpịn a fatọ akụ-ọfịa rị ebẹhụ. Ọ nọ jẹn d'e buru ẹ, gi ẹ chụnyeni Osolobuẹ ẹjan wẹ dụn ọkụn hụn o te k'e gi nwa a chụn. 14Ya Ebraham nọ kpọ ẹfan ebahụn “Osolobuẹ K'e Wẹhẹ.” Ya haịn wẹ gi e ku ẹ d'e ru tanị nị “Wẹ ru elu ugu Osolobuẹ, o wẹhẹ.”
15Mmọn ozi Osolobuẹ nọ gha elu igwee hị Ebraham oku nke mgbe ẹbụọ, 16sị Ebraham, “Mmẹ wụ Osolobuẹ e kungụọ enwẹn m, nị, ufiri ihiẹnni i mẹ, ufiri nị y'a jụnị nị y'e yekọ m nwa ị, akpụ nwa ohu i nwọn, 17m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ; 18ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”
19Ya Ebraham nọ kinhẹn azụụn d'e kunrun ikorọbịa ya lẹ wẹ wị, wẹ ile nọ lashi Biẹshẹba. Ya Ebraham nọ bibie Biẹshẹba.
Ebọn Rebika
20Ogẹn ihiẹn ndịnị gi mẹgụ, ọ nọbe, ozi nọ bịanị Ebraham, sị, “Mil'ka a mụgụọnị Nahọ nwẹnẹ i ụmụ.” 21Nwa ibuzọ a wụ Uzu; ẹfan nwẹnẹ Uzu wụ Buzu; ọzọ wụ Kẹmuẹlụ hụn wụ nẹdi ndị Aram; 22ndị ọzọ wụ Kẹsẹdi, Hazọ, Pidashị, Jid'lafụ lẹ Bẹtuẹlụ. 23(Bẹtuẹlụ wụ nẹdi Rebika.) Madụ ẹsatọnị kẹ Mil'ka mụnị Nahọ nwẹnẹ Ebraham.
24Mgba Nahọ w'a kpọ Rẹwuma mụyezikwọnị Nahọ ụmụ ẹnọ. Ẹfan wẹ wụ Tẹba, Gaham, Tahashi lẹ Maaka.
Currently Selected:
Jẹnẹsisi 22: ikkBI
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Jẹnẹsisi 22
22
Isi Nke Ẹbụọ Kwasị Ọgụn
Osolobuẹ Sị Ebraham Gi Nwa A Chụn Ẹjan
1Ihiẹn ndịnị e mẹgụ, Chuku nọ lele Ebraham: ọ hị a, “Ebraham!”
Ebraham nọ sị a, “Lee m ebeni.”
2Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.” 3Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.
4Hụn mẹ ẹ akpọhịn ẹtọ Ebraham buli ijẹn ahụn, ọ nọ weli ẹnya elu, lecheni ebahụn. 5Ya kẹ Ebraham nọ sị ikorọbịa ahụn ya lẹ wẹ wị, “Ụnụ lẹ jaki nọdị ebeni, nị mmẹ lẹ nwatanị shi ibẹka hụ; ẹnyi fegụ ofufe, ẹnyi e kinhẹn azụụn d'e kunrunzi ụnụ.”
6Ya Ebraham nọ bu nkụn wẹ jẹnkọ d'e gi chụn ẹjan buye Aziki nwa a, ya lẹ enwẹn ẹ nọ weri ọkụn lẹ ẹbeke; ya lẹ Aziki nọ wịrị jẹnmẹ. 7Aziki a hị nẹdi ẹ oku, sị, “Baba-ee!” Ya ọ nọ sị a, “Ee, nwa m!” Aziki nọ sị a, “Baba, ẹnyi bu ọkụn lẹ nkụn. Elebe atụnrụn ẹnyi e gi chụn ẹjan w'a dụn ọkụn rị?” 8Ya Ebraham nọ sị a, “Nwa m, Chuku k'e gi ẹka a wepụha atụnrụn ahụn wẹ k'e gi chụnyen'ẹ ẹjan w'a dụn ọkụn.” Ya wẹ nọ jẹnsọnmẹ.
9E ru wẹ ebahụn Chuku gwa Ebraham, ya Ebraham nọ rụn ukpo nchụn-ẹjan, kpashimẹ ọkụn elu ukpo ahụn. Ọ nọ kẹnmẹ Aziki nwa a, bu ẹ che elu nkụn ahụn o gi kpashimẹ ọkụn elu ukpo ahụn. 10Ya Ebraham nọ tịnpụ ẹka, weri ẹbeke, n'o gi gbu nwa a. 11Ya kẹ mmọn-ozi Osolobuẹ nọ gha elu-igwee hị a, “Ebraham! Ebraham!!” Ya Ebraham nọ za, “Elee m ebeni!”
12Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.” 13Ya Ebraham nọ weshi isi elu, ọ nọ hụn ebulu mpịn a fatọ akụ-ọfịa rị ebẹhụ. Ọ nọ jẹn d'e buru ẹ, gi ẹ chụnyeni Osolobuẹ ẹjan wẹ dụn ọkụn hụn o te k'e gi nwa a chụn. 14Ya Ebraham nọ kpọ ẹfan ebahụn “Osolobuẹ K'e Wẹhẹ.” Ya haịn wẹ gi e ku ẹ d'e ru tanị nị “Wẹ ru elu ugu Osolobuẹ, o wẹhẹ.”
15Mmọn ozi Osolobuẹ nọ gha elu igwee hị Ebraham oku nke mgbe ẹbụọ, 16sị Ebraham, “Mmẹ wụ Osolobuẹ e kungụọ enwẹn m, nị, ufiri ihiẹnni i mẹ, ufiri nị y'a jụnị nị y'e yekọ m nwa ị, akpụ nwa ohu i nwọn, 17m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ; 18ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”
19Ya Ebraham nọ kinhẹn azụụn d'e kunrun ikorọbịa ya lẹ wẹ wị, wẹ ile nọ lashi Biẹshẹba. Ya Ebraham nọ bibie Biẹshẹba.
Ebọn Rebika
20Ogẹn ihiẹn ndịnị gi mẹgụ, ọ nọbe, ozi nọ bịanị Ebraham, sị, “Mil'ka a mụgụọnị Nahọ nwẹnẹ i ụmụ.” 21Nwa ibuzọ a wụ Uzu; ẹfan nwẹnẹ Uzu wụ Buzu; ọzọ wụ Kẹmuẹlụ hụn wụ nẹdi ndị Aram; 22ndị ọzọ wụ Kẹsẹdi, Hazọ, Pidashị, Jid'lafụ lẹ Bẹtuẹlụ. 23(Bẹtuẹlụ wụ nẹdi Rebika.) Madụ ẹsatọnị kẹ Mil'ka mụnị Nahọ nwẹnẹ Ebraham.
24Mgba Nahọ w'a kpọ Rẹwuma mụyezikwọnị Nahọ ụmụ ẹnọ. Ẹfan wẹ wụ Tẹba, Gaham, Tahashi lẹ Maaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.