Luku 9
9
Isi Nke Itenẹi
Jesu E Zi Ndị-ozi Ẹ Pụ-ichẹn D'e Zi Ozi Alị-eze
(Mat 10.5-15; Mak 6.7-13)
1Jesu kpọkikomẹ ndị nsọnmazụụn a mmẹbụọ#9.1 Ndị-ozi Ẹ Pụ-ichẹn Ndị Apọstụ., ye wẹ ikẹn hụn eje-mmọn ile e gi rị okpuru wẹ lẹ hụn wẹ e gi zụọ ọrịa. 2Ya ọ nọ zi wẹ d'e zi ozi Alị-eze Osolobuẹ lẹni wẹ d'a zụọ ndị emu rị a kụ. 3Ọ nọ sị wẹ, “Ụnụ jẹnkọnị, ewerilẹ ni ihiẹn ọwụlẹ: kẹ ọkpọ kẹ ẹkpa kẹ ihiẹn-oriri kẹ egho; ewerilẹ ni ẹwuru ọzọ cheni hụn ụnụ yi. 4Ụlọ ọwụlẹ nabanhan ụnụ, nọdị nị ebahụn d'e ru mgbe ụnụ gha obodo hụ pụ. 5Ebe ọwụlẹ wẹ nọlẹni nabanhan ụnụ, ụnụ pụkọnị obodo hụ, kpukpupụ nị ẹjan rị ụnụ ụkụ n'ọ wụrụ ihiẹn wẹ e gi shịagbu wẹ ẹri.” 6Ndị nsọnmazụụn hụ nọ jẹnmẹ, a ghasọnmẹ wẹ ụmụ-alị ichẹn-ichẹn, e zi oziọma, a zụọ ọrịa ebe ile wẹ ru.
Obi Eruzini Eze Galili Wụ Hẹrọdụ Alị
(Mat 14.1-12; Mak 6.14-29)
7Ogẹn Hẹrọdụ, hụn rị a kị ẹgbẹrẹ Galili gi nụ ihiẹn ile rị e mẹni, obi eruzin'ẹ alị kaka. Makẹni o nwọn ndị rị a sị nị Jọnụ hụn e mẹ mirin-Chuku a ghagụọ ọnwụn lihi, 8ndị ọzọ sị nị Ẹlaịja a pụhagụọ, ndị ọzọ sịzị nị onyẹ ohu imẹ ndị-amụma mbụ e lihigụọ. 9Hẹrọdụ nọ sị, “Mmẹ bepụ Jọnụ isi; onyẹ wụzị nwan onyẹni m rị a nụ otiti ẹ?” Ya ọ nọ chọma n'ọ hụn Jizọsị.
Jesu E Ye Igunrun Hi-ogbe Ihiẹn-oriri
(Mat 14.13-21; Mak 6.30-44; Jọn 6.1-14)
10Ndị-ozi hụ pụ-ichẹn a lụaha ebe wẹ jẹn d'e zi ozi Alị-eze, wẹ nọ gwa Jesu ihiẹn ile wẹ mẹ. Ọ nọ gi nzuzue weri wẹ pụ, wẹ nọ shi obodo w'a kpọ Bẹtisaịda. 11Kanị ogẹn igunrun ndị ahụn gi nụ a, wẹ nọ rusọnmẹ ẹ. Ọ nọ nabanhan wẹ, gwa wẹ oku Alị-eze Osolobuẹ, zụọ ndị hụn chọ nzụọrị.
12Ogẹn anwụn gi rọma, ndị nsọnmazụụn a mmẹbụọ hụ nọ bịa d'e kunrun ẹ, sị a, “Sị igunrunni lama, nị wẹ jẹn obodo ndị mẹ ẹkẹrẹ-ẹkẹrẹ lẹ alị-ọfịa rị ẹgbẹrẹni d'a chọrị ebe wẹ k'a ranhịn lẹ ihiẹn-oriri, makẹni onwọnni onyẹ bi ebeni ẹnyi rị.” 13Kanị Jizọsị nọ sị ndị nsọnmazụụn a, “Yeni wẹ ihiẹn-oriri.”
Ndị nsọnmazụụn a nọ sị a, “Ogbe brẹdi isẹn lẹ azụn ẹbụọ sụọ kẹ ẹnyi nwọn, mmanị ẹnyi jẹnkọ d'e ṅọnni ndịnị ile ihiẹn-oriri.” 14Wẹ ku ẹrịra makẹni ndị rị ebẹhụ rị ihiẹn nọ kẹ ikẹnnyẹ nnụ-uku isẹn#9.14 Ọgụn iri kwasị nnụ-mmẹbụọ. (5,000).
Ya ọ nọ sị ndị nsọnmazụụn a, “Sị nị wẹ nọdị ọkụdụ-ọkụdụ, ihiẹn nọ kẹ iri-kwasị-ọgụnnaị, iri-kwasị-ọgụnnaị.” 15Ndị nsọnmazụụn a nọ mẹ ẹ, ndị hụ ile nọ nọdị alị ẹrịra. 16Jesu nọ weri ogbe brẹdi isẹn hụ lẹ azụn ẹbụọ hụ, lee ẹnya elu-igwee, kpanmịn Osolobuẹ; ya ọ nọ bebe wẹ, weye ndị nsọnmazụụn a nị wẹ kesọnmẹni igunrun hụ. 17Wẹ ile nọ rijunchanrịn ẹfọ. E kpọnkikomẹ wẹ irinrin ẹ, o jun ụkpalị mmẹbụọ.
Pita E Ku Onyẹ Jesu Wụ
(Mat 16.13-19; Mak 8.27-29)
18Ụhụọhịn ohu, Jesu sụọ nọdị e mẹ ekpere. Ndị nsọnmazụụn a nọkunmẹ ẹ. Ọ nọ sị wẹ, “Onyẹ kẹ wẹ sị nị ịya kẹ m wụ?” 19Wẹ nọ sị, “O nwọn ndị sị ị wụ Jọnụ hụn e mẹ mirin-Chuku; ndị ọzọ sị ị wụ Ẹlaịja; ndị ọzọ sị ị wụ onyẹ amụma mbụ-mbụ hụn gha nwan ọnwụn lihi.”
20Ọ nọ nwan sị wẹ, “Ụnụ nwẹn, onyẹ kẹ ụnụ sị nị ịya kẹ m wụ?” Pita nọ za, “Ịyụ wụ Kraịstị, Onyẹ-nzụọpụha ahụn Osolobuẹ Tumẹ.”
Jesu E Ku Ẹ N'o K'a Ta Afụnfụn, Nwụnhụn, Lihizi
(Mat 16.20-28; Mak 8.30—9.1)
21Ya Jizọsị nọ dọ wẹ ẹka-ntịn wẹ agwakwọlẹ onyẹ ọwụlẹ ihiẹnni. 22Ọ nọzị sị wẹ, “Nwa nke Ịhịan jẹnkọ d'a tarịrị okẹn afụnfụn ẹka ndị-isi lẹ ndị-isi nchụn-ẹjan lẹ ndị-nkuzi Iwu. Wẹ sikọ d'a jụ a, gbu ẹ, kanị, nke akpọhịn ẹtọ Osolobuẹ e weli ẹ.”
23Ọ nọ sị wẹ, “Onyẹ chọ n'o sọn m, ya jụ enwẹn ẹ, buru#9.23 Ogẹn ahụn, ndị Rom e gi obe wẹ gi osisi mẹmẹ e gbu onyẹ wẹ ma ikpe-ọnwụn. Onyẹ hụ e buru obe ẹ, sọnmẹ ndị-agha jẹnkọ d'a kpọgbun'ẹ. Wẹ kpọmagụ a elu-obe, a nọdị wẹ ebẹhụ e che nche d'e ru n'ọ nwụnhụn. obe ẹ ụhụọhịn ile, sọnmẹ m. 24Makẹni onyẹ chọ n'o ghe isi ẹ, isi ẹ a tọ a; kanị, onyẹ hụn gi ufiri m tuhu ndụn a k'e nwọnhẹn ẹ. 25Elee erere k'ọ bannị ịhịan, omẹni o nwọnchanrịngụ ụwa ile, ya lẹ enwẹn ẹ e tuhu?
26“Makẹni, onyẹ mẹ ifẹnrẹn mmẹ lẹ oku-ọnụ m, mmẹ wụ Nwa nke Ịhịan sikọ d'e mẹzi ifẹnrẹn ẹ ogẹn m'e gi gi ọghọ m lẹ nke Chuku-Nẹdi lẹ nke ndị mmọn-ozi nsọ bịa. 27M rị a gwa ụnụ ezioku, imẹ ndị turu ebeni o nwọn ndị jẹnkọlẹni d'a nwụnhụn d'e ru ni a hụn wẹ Alị-eze Osolobuẹ.”
Kẹ Jizọsị Dọn Nwọnhutọ
(Mat 17.1-8; Mak 9.2-8)
28Ọ rị ihiẹn nọkẹ akpọhịn ẹsatọ Jesu ku ihiẹn ndịnị, ọ nọ weri Pita lẹ Jọnụ lẹ Jemisi shi elu ugu d'e mẹ ekpere. 29Ebe ọ rị e mẹ ekpere, ihun ẹ nọ nwọnhutọ, ẹkwa o yi nọ gbukemẹ. 30Idẹnmizi ya lẹ ikẹnnyẹ ẹbụọ nọ kumẹ oku. Ikẹnnyẹ ẹbụọ hụ wụ Mozizi lẹ Ẹlaịja; 31wẹ gi ọghọ elu-igwee pụha, e ku oku ọnwụn Jizọsị hụn o sikọ d'a nwụn imẹ Jerusalẹm gi mẹzu uche Osolobuẹ.
32Ụran te gi Pita lẹ ibe ẹ ya lẹ wẹ wị, kanị ogẹn o gi fọn wẹ ẹnya kẹ wẹ gi hụn ọghọ Jizọsị lẹ ikẹnnyẹ ẹbụọ ahụn turuyenin'ẹ. 33Ogẹn ikẹnnyẹ ẹbụọ hụ gi gha ebe Jesu rị pụkọ, Pita nọ sị Jesu, “Di-nwọnni-ẹnyi, ọ rịka mma nị ẹnyi nọdịchanrịn ebeni! Nị ẹnyi tụn ọdụ ẹtọ: nke i wụ ohu, nke Mozizi wụ ohu, nke Ẹlaịja wụ ohu.” (Pita amarịn ihiẹn o rị e ku.) 34Okuni rịkwọ Pita ọnụ kẹ orukpu pụha d'e kpumẹ wẹ. Egun tụ ndị nsọnmazụụn ẹtọ hụ ogẹn orukpu hụ gi rị e kpumẹ wẹ. 35Olu nọ gha imẹ orukpu hụ sị, “Ọnwan wụ Nwa m, Onyẹ hụn m họrị, gọnn'ẹ ntịn!” 36Ogẹn olu hụ gi kugụ, Jesu sụọ kẹ wẹ hụnzị.
Ndị nsọnmazụụn a ẹtọ hụ ekupụhanị ihiẹnni wẹ hụn ogẹn hụ wẹ gi hụn a; onwọnni onyẹ wẹ gwa ihiẹn wẹ hụn.
Jesu A Zụọ Nwata Eje-mmọn Rị Imẹ Ẹ
(Mat 17.14-21; Mak 9.14-29)
37Eki e fọn, ogẹn Jesu lẹ ndị nsọnmazụụn a ẹtọ ahụn gi gha elu ugu hụ hidan, igunrun hi-ogbe nọ bịa d'e kunrun Jesu. 38Okẹnnyẹ ohu nọ gha imẹ igunrun hụ yi, “Onyẹ-nkuzi! Dodo, lee nwa m! Ịya sụọ kẹ m mụ! 39O nwọn eje-mmọn e kwọndọnn'ẹ. O kwọndọn ẹ, ọ dọbepụ oro, ụfọfọ a gbọma a ọnụ; a ra yen'ẹ efe; ẹhụ ẹhụ k'ọ rụsọnmẹ ẹ! 40A rịọlẹ m ndị nsọnmazụụn ị nị wẹ chụpụ a, asanị wẹ ẹka.” 41Jesu nọ, sị, “Eje-agbọ nwọnlẹni okukwe! Elebe mmẹ lẹ ụnụ k'a nọru?! Elebe kẹ m k'e dinruni ụnụ ndidin?!” Ya ọ nọ sị okẹnnyẹ hụ, “Wẹhẹ nwa ị ebeni.” 42Ogẹn nwata-okẹnnyẹ ahụn gi pụla, eje-mmọn hụ nọ we ẹ gbe alị, dọma a. Kanị Jesu nọ jụgbọ eje-mmọn hụ, zụọ nwata hụ, we ẹ ye nẹdi ẹ. 43Ogẹn ndị ahụn gi hụn ikẹn Osolobuẹ, ọ tụ wẹ ẹnya ọda-ọda.
Jizọsị E Kudọnzi Oku Ọnwụn A
(Mat 17.22-23; Mak 9.30-32)
Hụn ahụn ihiẹn ile Jesu rị e mẹ rịkwọ a tụ ịhịan ile ẹnya, ọ nọ sị ndị nsọnmazụụn a, 44“Azọkwọlẹ ni ihiẹnni m jẹnkọ d'a gwa ụnụ kikẹnni: Wẹ sikọ d'e re Nwa nke Ịhịan ye wẹ.” 45Kanị ndị nsọnmazụụn a aghọtanị oku hụ. Wẹ zuemẹni wẹ ya, amamgbe w'a ghọta a, kanị egun anịnị wẹ jụ a ihiẹn o gi ẹ ku.
Onyẹ Kachanrịn Ibe Ẹ
46Onwọn ogẹn ndị nsọnmazụụn Jesu gi rị a dọ onyẹ kachanrịnnị imẹ wẹ. 47Jizọsị a marịngụọ ihiẹn wẹ rị e ro imẹ obi wẹ, ya kẹ ọ nọ wezụhan nwa-ndu ohu ebe ọ rị, 48ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”
Onyẹ Ghalẹni A Nọkin Ụnụ Ụzọ Rị Azụụn Nke Ụnụ
(Mak 9.38-40)
49Ya kẹ Jọnụ nọ sị Jizọsị, “Di-nwọnni-ẹnyi, ẹnyi hụn okẹnnyẹ ohu rị e gi ẹfan ị a chụpụ eje-mmọn, ẹnyi nọ sị a kụsị a, makẹni ara sọn ẹnyi.” 50Kanị Jesu nọ sị wẹ, “Akụsịlẹ n'a, makẹni onyẹ ghalẹni a nọkin ụnụ ụzọ rị azụụn nke ụnụ.”
Obodo Jụ Jesu
51O rumẹ ogẹn wẹ e gi we Jizọsị shi elu-igwee, ọ nọ buchanrịn ihun zinmẹ Jerusalẹm, o leni ẹnya azụụn. 52Ọ nọ zi ndị o zi burun'ẹ ụzọ. Wẹ nọ banye obodo ohu rị Sameria d'a kwademẹn'ẹ ihiẹn. 53Kanị ekwerini wẹ n'ọ banhan makẹni Jerusalẹm kẹ ẹnya a rị. 54Ogẹn ndị nsọnmazụụn a wụ Jemisi lẹ Jọnụ gi hụn ihiẹnni, wẹ nọ sị, “Di-nwọnni-ẹnyi, y'a chọghọ nị ẹnyi gha elu-igwee kpọtu ọkụn n'o ripụ wẹ [kẹ Ẹlaịja dọn mẹ]?” 55Kanị Jesu nọ gbehutọ, jụgbọ wẹ, sị, [“Ụnụ amarịn ụdị obi ụnụ nwọn.” 56Mmẹ wụ Nwa nke Ịhịan abịanị d'e gbu ịhịan, kama, m bịa d'a zụọpụha wẹ.] Ya lẹ wẹ nọ shi alị ọzọ mẹ ẹkẹrẹ.
Ndị Hụn Chọ Nị Wẹ Sọnmẹ Jizọsị
(Mat 8.19-22)
57Ogẹn wẹ gi jẹnkọ, okẹnnyẹ ohu nọ sị Jesu, “M k'e sọn i ebe ọwụlẹ i jẹnkọ.” 58Jesu nọ sị a, “Ufu nwọn okporo; nnụnụ nwọnzikwọ ẹkụụ; kanị mmẹ wụ Nwa nke Ịhịan enwọn ebe m'e buche isi.”
59Jesu sị okẹnnyẹ ọzọ, “Sọnmẹ m.” Kanị okẹnnyẹ hụ nọ sị, “Diọkpa, nị m d'e ligụ nẹdi m.” 60Ya Jesu nọ sị, “Hapụ ndị nwụnhụnnị nị wẹ li ndị nke wẹ nwụnhụnnị. Ịyụ nwẹn, jẹnmẹ d'e zi ozi Alị-eze Osolobuẹ.”
61Onyẹ ọzọ sịzị, “Diọkpa, m jẹnkọ d'e sọn i, kalẹ, nị m d'a gwagụ ezi-lẹ-ụlọ m, ‘Nọdị nị ọhụnma.’ ” 62Kanị Jizọsị nọ sị a, “Onyẹ hụn e bu ẹka e che ọrụn e lee ẹnya azụụn efuruni Alị-eze Osolobuẹ.”
Currently Selected:
Luku 9: ikkBI
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Luku 9
9
Isi Nke Itenẹi
Jesu E Zi Ndị-ozi Ẹ Pụ-ichẹn D'e Zi Ozi Alị-eze
(Mat 10.5-15; Mak 6.7-13)
1Jesu kpọkikomẹ ndị nsọnmazụụn a mmẹbụọ#9.1 Ndị-ozi Ẹ Pụ-ichẹn Ndị Apọstụ., ye wẹ ikẹn hụn eje-mmọn ile e gi rị okpuru wẹ lẹ hụn wẹ e gi zụọ ọrịa. 2Ya ọ nọ zi wẹ d'e zi ozi Alị-eze Osolobuẹ lẹni wẹ d'a zụọ ndị emu rị a kụ. 3Ọ nọ sị wẹ, “Ụnụ jẹnkọnị, ewerilẹ ni ihiẹn ọwụlẹ: kẹ ọkpọ kẹ ẹkpa kẹ ihiẹn-oriri kẹ egho; ewerilẹ ni ẹwuru ọzọ cheni hụn ụnụ yi. 4Ụlọ ọwụlẹ nabanhan ụnụ, nọdị nị ebahụn d'e ru mgbe ụnụ gha obodo hụ pụ. 5Ebe ọwụlẹ wẹ nọlẹni nabanhan ụnụ, ụnụ pụkọnị obodo hụ, kpukpupụ nị ẹjan rị ụnụ ụkụ n'ọ wụrụ ihiẹn wẹ e gi shịagbu wẹ ẹri.” 6Ndị nsọnmazụụn hụ nọ jẹnmẹ, a ghasọnmẹ wẹ ụmụ-alị ichẹn-ichẹn, e zi oziọma, a zụọ ọrịa ebe ile wẹ ru.
Obi Eruzini Eze Galili Wụ Hẹrọdụ Alị
(Mat 14.1-12; Mak 6.14-29)
7Ogẹn Hẹrọdụ, hụn rị a kị ẹgbẹrẹ Galili gi nụ ihiẹn ile rị e mẹni, obi eruzin'ẹ alị kaka. Makẹni o nwọn ndị rị a sị nị Jọnụ hụn e mẹ mirin-Chuku a ghagụọ ọnwụn lihi, 8ndị ọzọ sị nị Ẹlaịja a pụhagụọ, ndị ọzọ sịzị nị onyẹ ohu imẹ ndị-amụma mbụ e lihigụọ. 9Hẹrọdụ nọ sị, “Mmẹ bepụ Jọnụ isi; onyẹ wụzị nwan onyẹni m rị a nụ otiti ẹ?” Ya ọ nọ chọma n'ọ hụn Jizọsị.
Jesu E Ye Igunrun Hi-ogbe Ihiẹn-oriri
(Mat 14.13-21; Mak 6.30-44; Jọn 6.1-14)
10Ndị-ozi hụ pụ-ichẹn a lụaha ebe wẹ jẹn d'e zi ozi Alị-eze, wẹ nọ gwa Jesu ihiẹn ile wẹ mẹ. Ọ nọ gi nzuzue weri wẹ pụ, wẹ nọ shi obodo w'a kpọ Bẹtisaịda. 11Kanị ogẹn igunrun ndị ahụn gi nụ a, wẹ nọ rusọnmẹ ẹ. Ọ nọ nabanhan wẹ, gwa wẹ oku Alị-eze Osolobuẹ, zụọ ndị hụn chọ nzụọrị.
12Ogẹn anwụn gi rọma, ndị nsọnmazụụn a mmẹbụọ hụ nọ bịa d'e kunrun ẹ, sị a, “Sị igunrunni lama, nị wẹ jẹn obodo ndị mẹ ẹkẹrẹ-ẹkẹrẹ lẹ alị-ọfịa rị ẹgbẹrẹni d'a chọrị ebe wẹ k'a ranhịn lẹ ihiẹn-oriri, makẹni onwọnni onyẹ bi ebeni ẹnyi rị.” 13Kanị Jizọsị nọ sị ndị nsọnmazụụn a, “Yeni wẹ ihiẹn-oriri.”
Ndị nsọnmazụụn a nọ sị a, “Ogbe brẹdi isẹn lẹ azụn ẹbụọ sụọ kẹ ẹnyi nwọn, mmanị ẹnyi jẹnkọ d'e ṅọnni ndịnị ile ihiẹn-oriri.” 14Wẹ ku ẹrịra makẹni ndị rị ebẹhụ rị ihiẹn nọ kẹ ikẹnnyẹ nnụ-uku isẹn#9.14 Ọgụn iri kwasị nnụ-mmẹbụọ. (5,000).
Ya ọ nọ sị ndị nsọnmazụụn a, “Sị nị wẹ nọdị ọkụdụ-ọkụdụ, ihiẹn nọ kẹ iri-kwasị-ọgụnnaị, iri-kwasị-ọgụnnaị.” 15Ndị nsọnmazụụn a nọ mẹ ẹ, ndị hụ ile nọ nọdị alị ẹrịra. 16Jesu nọ weri ogbe brẹdi isẹn hụ lẹ azụn ẹbụọ hụ, lee ẹnya elu-igwee, kpanmịn Osolobuẹ; ya ọ nọ bebe wẹ, weye ndị nsọnmazụụn a nị wẹ kesọnmẹni igunrun hụ. 17Wẹ ile nọ rijunchanrịn ẹfọ. E kpọnkikomẹ wẹ irinrin ẹ, o jun ụkpalị mmẹbụọ.
Pita E Ku Onyẹ Jesu Wụ
(Mat 16.13-19; Mak 8.27-29)
18Ụhụọhịn ohu, Jesu sụọ nọdị e mẹ ekpere. Ndị nsọnmazụụn a nọkunmẹ ẹ. Ọ nọ sị wẹ, “Onyẹ kẹ wẹ sị nị ịya kẹ m wụ?” 19Wẹ nọ sị, “O nwọn ndị sị ị wụ Jọnụ hụn e mẹ mirin-Chuku; ndị ọzọ sị ị wụ Ẹlaịja; ndị ọzọ sị ị wụ onyẹ amụma mbụ-mbụ hụn gha nwan ọnwụn lihi.”
20Ọ nọ nwan sị wẹ, “Ụnụ nwẹn, onyẹ kẹ ụnụ sị nị ịya kẹ m wụ?” Pita nọ za, “Ịyụ wụ Kraịstị, Onyẹ-nzụọpụha ahụn Osolobuẹ Tumẹ.”
Jesu E Ku Ẹ N'o K'a Ta Afụnfụn, Nwụnhụn, Lihizi
(Mat 16.20-28; Mak 8.30—9.1)
21Ya Jizọsị nọ dọ wẹ ẹka-ntịn wẹ agwakwọlẹ onyẹ ọwụlẹ ihiẹnni. 22Ọ nọzị sị wẹ, “Nwa nke Ịhịan jẹnkọ d'a tarịrị okẹn afụnfụn ẹka ndị-isi lẹ ndị-isi nchụn-ẹjan lẹ ndị-nkuzi Iwu. Wẹ sikọ d'a jụ a, gbu ẹ, kanị, nke akpọhịn ẹtọ Osolobuẹ e weli ẹ.”
23Ọ nọ sị wẹ, “Onyẹ chọ n'o sọn m, ya jụ enwẹn ẹ, buru#9.23 Ogẹn ahụn, ndị Rom e gi obe wẹ gi osisi mẹmẹ e gbu onyẹ wẹ ma ikpe-ọnwụn. Onyẹ hụ e buru obe ẹ, sọnmẹ ndị-agha jẹnkọ d'a kpọgbun'ẹ. Wẹ kpọmagụ a elu-obe, a nọdị wẹ ebẹhụ e che nche d'e ru n'ọ nwụnhụn. obe ẹ ụhụọhịn ile, sọnmẹ m. 24Makẹni onyẹ chọ n'o ghe isi ẹ, isi ẹ a tọ a; kanị, onyẹ hụn gi ufiri m tuhu ndụn a k'e nwọnhẹn ẹ. 25Elee erere k'ọ bannị ịhịan, omẹni o nwọnchanrịngụ ụwa ile, ya lẹ enwẹn ẹ e tuhu?
26“Makẹni, onyẹ mẹ ifẹnrẹn mmẹ lẹ oku-ọnụ m, mmẹ wụ Nwa nke Ịhịan sikọ d'e mẹzi ifẹnrẹn ẹ ogẹn m'e gi gi ọghọ m lẹ nke Chuku-Nẹdi lẹ nke ndị mmọn-ozi nsọ bịa. 27M rị a gwa ụnụ ezioku, imẹ ndị turu ebeni o nwọn ndị jẹnkọlẹni d'a nwụnhụn d'e ru ni a hụn wẹ Alị-eze Osolobuẹ.”
Kẹ Jizọsị Dọn Nwọnhutọ
(Mat 17.1-8; Mak 9.2-8)
28Ọ rị ihiẹn nọkẹ akpọhịn ẹsatọ Jesu ku ihiẹn ndịnị, ọ nọ weri Pita lẹ Jọnụ lẹ Jemisi shi elu ugu d'e mẹ ekpere. 29Ebe ọ rị e mẹ ekpere, ihun ẹ nọ nwọnhutọ, ẹkwa o yi nọ gbukemẹ. 30Idẹnmizi ya lẹ ikẹnnyẹ ẹbụọ nọ kumẹ oku. Ikẹnnyẹ ẹbụọ hụ wụ Mozizi lẹ Ẹlaịja; 31wẹ gi ọghọ elu-igwee pụha, e ku oku ọnwụn Jizọsị hụn o sikọ d'a nwụn imẹ Jerusalẹm gi mẹzu uche Osolobuẹ.
32Ụran te gi Pita lẹ ibe ẹ ya lẹ wẹ wị, kanị ogẹn o gi fọn wẹ ẹnya kẹ wẹ gi hụn ọghọ Jizọsị lẹ ikẹnnyẹ ẹbụọ ahụn turuyenin'ẹ. 33Ogẹn ikẹnnyẹ ẹbụọ hụ gi gha ebe Jesu rị pụkọ, Pita nọ sị Jesu, “Di-nwọnni-ẹnyi, ọ rịka mma nị ẹnyi nọdịchanrịn ebeni! Nị ẹnyi tụn ọdụ ẹtọ: nke i wụ ohu, nke Mozizi wụ ohu, nke Ẹlaịja wụ ohu.” (Pita amarịn ihiẹn o rị e ku.) 34Okuni rịkwọ Pita ọnụ kẹ orukpu pụha d'e kpumẹ wẹ. Egun tụ ndị nsọnmazụụn ẹtọ hụ ogẹn orukpu hụ gi rị e kpumẹ wẹ. 35Olu nọ gha imẹ orukpu hụ sị, “Ọnwan wụ Nwa m, Onyẹ hụn m họrị, gọnn'ẹ ntịn!” 36Ogẹn olu hụ gi kugụ, Jesu sụọ kẹ wẹ hụnzị.
Ndị nsọnmazụụn a ẹtọ hụ ekupụhanị ihiẹnni wẹ hụn ogẹn hụ wẹ gi hụn a; onwọnni onyẹ wẹ gwa ihiẹn wẹ hụn.
Jesu A Zụọ Nwata Eje-mmọn Rị Imẹ Ẹ
(Mat 17.14-21; Mak 9.14-29)
37Eki e fọn, ogẹn Jesu lẹ ndị nsọnmazụụn a ẹtọ ahụn gi gha elu ugu hụ hidan, igunrun hi-ogbe nọ bịa d'e kunrun Jesu. 38Okẹnnyẹ ohu nọ gha imẹ igunrun hụ yi, “Onyẹ-nkuzi! Dodo, lee nwa m! Ịya sụọ kẹ m mụ! 39O nwọn eje-mmọn e kwọndọnn'ẹ. O kwọndọn ẹ, ọ dọbepụ oro, ụfọfọ a gbọma a ọnụ; a ra yen'ẹ efe; ẹhụ ẹhụ k'ọ rụsọnmẹ ẹ! 40A rịọlẹ m ndị nsọnmazụụn ị nị wẹ chụpụ a, asanị wẹ ẹka.” 41Jesu nọ, sị, “Eje-agbọ nwọnlẹni okukwe! Elebe mmẹ lẹ ụnụ k'a nọru?! Elebe kẹ m k'e dinruni ụnụ ndidin?!” Ya ọ nọ sị okẹnnyẹ hụ, “Wẹhẹ nwa ị ebeni.” 42Ogẹn nwata-okẹnnyẹ ahụn gi pụla, eje-mmọn hụ nọ we ẹ gbe alị, dọma a. Kanị Jesu nọ jụgbọ eje-mmọn hụ, zụọ nwata hụ, we ẹ ye nẹdi ẹ. 43Ogẹn ndị ahụn gi hụn ikẹn Osolobuẹ, ọ tụ wẹ ẹnya ọda-ọda.
Jizọsị E Kudọnzi Oku Ọnwụn A
(Mat 17.22-23; Mak 9.30-32)
Hụn ahụn ihiẹn ile Jesu rị e mẹ rịkwọ a tụ ịhịan ile ẹnya, ọ nọ sị ndị nsọnmazụụn a, 44“Azọkwọlẹ ni ihiẹnni m jẹnkọ d'a gwa ụnụ kikẹnni: Wẹ sikọ d'e re Nwa nke Ịhịan ye wẹ.” 45Kanị ndị nsọnmazụụn a aghọtanị oku hụ. Wẹ zuemẹni wẹ ya, amamgbe w'a ghọta a, kanị egun anịnị wẹ jụ a ihiẹn o gi ẹ ku.
Onyẹ Kachanrịn Ibe Ẹ
46Onwọn ogẹn ndị nsọnmazụụn Jesu gi rị a dọ onyẹ kachanrịnnị imẹ wẹ. 47Jizọsị a marịngụọ ihiẹn wẹ rị e ro imẹ obi wẹ, ya kẹ ọ nọ wezụhan nwa-ndu ohu ebe ọ rị, 48ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”
Onyẹ Ghalẹni A Nọkin Ụnụ Ụzọ Rị Azụụn Nke Ụnụ
(Mak 9.38-40)
49Ya kẹ Jọnụ nọ sị Jizọsị, “Di-nwọnni-ẹnyi, ẹnyi hụn okẹnnyẹ ohu rị e gi ẹfan ị a chụpụ eje-mmọn, ẹnyi nọ sị a kụsị a, makẹni ara sọn ẹnyi.” 50Kanị Jesu nọ sị wẹ, “Akụsịlẹ n'a, makẹni onyẹ ghalẹni a nọkin ụnụ ụzọ rị azụụn nke ụnụ.”
Obodo Jụ Jesu
51O rumẹ ogẹn wẹ e gi we Jizọsị shi elu-igwee, ọ nọ buchanrịn ihun zinmẹ Jerusalẹm, o leni ẹnya azụụn. 52Ọ nọ zi ndị o zi burun'ẹ ụzọ. Wẹ nọ banye obodo ohu rị Sameria d'a kwademẹn'ẹ ihiẹn. 53Kanị ekwerini wẹ n'ọ banhan makẹni Jerusalẹm kẹ ẹnya a rị. 54Ogẹn ndị nsọnmazụụn a wụ Jemisi lẹ Jọnụ gi hụn ihiẹnni, wẹ nọ sị, “Di-nwọnni-ẹnyi, y'a chọghọ nị ẹnyi gha elu-igwee kpọtu ọkụn n'o ripụ wẹ [kẹ Ẹlaịja dọn mẹ]?” 55Kanị Jesu nọ gbehutọ, jụgbọ wẹ, sị, [“Ụnụ amarịn ụdị obi ụnụ nwọn.” 56Mmẹ wụ Nwa nke Ịhịan abịanị d'e gbu ịhịan, kama, m bịa d'a zụọpụha wẹ.] Ya lẹ wẹ nọ shi alị ọzọ mẹ ẹkẹrẹ.
Ndị Hụn Chọ Nị Wẹ Sọnmẹ Jizọsị
(Mat 8.19-22)
57Ogẹn wẹ gi jẹnkọ, okẹnnyẹ ohu nọ sị Jesu, “M k'e sọn i ebe ọwụlẹ i jẹnkọ.” 58Jesu nọ sị a, “Ufu nwọn okporo; nnụnụ nwọnzikwọ ẹkụụ; kanị mmẹ wụ Nwa nke Ịhịan enwọn ebe m'e buche isi.”
59Jesu sị okẹnnyẹ ọzọ, “Sọnmẹ m.” Kanị okẹnnyẹ hụ nọ sị, “Diọkpa, nị m d'e ligụ nẹdi m.” 60Ya Jesu nọ sị, “Hapụ ndị nwụnhụnnị nị wẹ li ndị nke wẹ nwụnhụnnị. Ịyụ nwẹn, jẹnmẹ d'e zi ozi Alị-eze Osolobuẹ.”
61Onyẹ ọzọ sịzị, “Diọkpa, m jẹnkọ d'e sọn i, kalẹ, nị m d'a gwagụ ezi-lẹ-ụlọ m, ‘Nọdị nị ọhụnma.’ ” 62Kanị Jizọsị nọ sị a, “Onyẹ hụn e bu ẹka e che ọrụn e lee ẹnya azụụn efuruni Alị-eze Osolobuẹ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.