Jénésis 30
30
1Nké Ríchel o*da/fwon Jekôp nang wǎn obónge* ne orêm o-kpet ǎ echi ne Lyâ mú wǎn-boné emen, o-raa ne Jekôp o/fu, kye mě wǎn, â kyi*fí éné* m-kpú u.
2Kafâ ka-bírî Jekôp, ne o-raa ne Ríchel o/fu, me mm*man ekúng kyikit ńkyí Osówo*. Nyǐ nké o/fu, wo a*dafwon*.
3Ne Ríchel o-raa ne Jekôp o/fu, kúng Byíla mú ósóng ejí mún a-rí ne nyǐ eringe nyí odafwon wǎn o-kye mě. Kyi-fím ányi, me n/chi n-firi boné-bwǎn ké bubwô emen. 4Ne o-kúng Byíla o-kye otyép emen o-rí ne nyǐ. 5Byíla o-koo dyifít, o-fwon Jekôp wǎn-onyinchéng. 6Ríchel o-fé ǎ dyizîn, Dǎn, o-raa o/fu, Osówo oo/két mpan o-nwa mě. Oo/jwo nshwam ejí o-kye mě wǎn-onyinchéng. 7Byíla o-chîkoo dyifít, o-fwon Jekôp wǎn-onyinchéng. 8Ríchel o-fé ǎ dyizîn, Nafatályi, o-raa o/fu, nn/nwa kiimbâng-bunwa ne wǎn-boné ejí, nké me nké m/kpógê.
9Ńdyí Lyâ o/nyît o/fu, nyǐ o*fí to o-fwon n* o/kúng ósóng emen Zípa o-kye Jekôp wǎ onyi emen. 10Ne Zípa o-fwon Jekôp wǎn-onyinchéng. 11Lyâ o-fé ǎ dyizîn, Gât, o-raa o/fu, dyishí dyi/nwa mě.
12Zípa o-chîfwon Jekôp wǎn-onyinchéng okíri, 13ne Lyâ o-fé wǎn ámu dyizîn, Ásha, o-raa o/fu, me n/firi ké bunyîn-dyityém kanong kanong. Kántîk, banyinyi ba-kû ng mě ekó ba/fu, onyinyi mú mu ké bunyîn-dyityém.
14Ké nkéré mú mbe ba-fuu ng byiryíng, Rúben o-dim ké byifát o-da-ri boǒsín-kyichí ńkyí badakó mándarak, ńkyí kyidakye bufwon, o-zú o-ba-kye Lyâ mú boné emen. Ríchel o-sét Lyâ o/fu, kamgbe, fîm mě kyicê-mándarak mú wǎn eyên.
15Lyâ o-faa ǎ o/fu, kyi*da ǒ ekwárê ńkyí a/koo mě otyép*? A-chî ng ekoo to mándarak mú wǎn ejí o/kye mě?
Ríchel o-sét ǎ o/fu, â a/kye mě mándarak mú wǎn eyên o/kye ǒ, Jekôp o-rí i oshê eyên kurún.
16Ńdyí Jekôp o/fyi ké dyikán nenkurúku, Lyâ o/dim o-kâm ǎ, o-sét ǎ o/fu, a-rí i ne me kurún, ké nǎ, nn/ré ǒ ké bamánderek ḿbé wǎn ejí o/mû o/kye mě. Ne Jekôp o-rí ne Lyâ ké buchú ámbu.
17Osówo o-jwo nshwam mú Lyâ, ne o-koo dyifít, o-fwon Jekôp wǎn-onyinchéng ké ashí atánge. 18Lyâ o-fé ǎ dyizîn, Ézaka, o-raa o/fu, Osówo oo/yárê mě, ké nǎ, n/kúng ósóng ejí n-kye otyép ejí. 19Lyâ o-chîkoo dyifít, o-fwon Jekôp wǎn-onyinchéng ké ashí nyâchât, 20Lyâ o-fé ǎ dyizîn, Zébélon, o-raa o/fu, Osówo oo/kye mě eyáré nyí enong. Otyép ejí o/chi o-koo mě kántîk, ké nǎ, nn/fwon ǎ bwǎn-banyinchéng ashí nyâchât. 21O-bwa o-fwon wǎn-onyinyi mú o/fé ǎ dyizîn, Dyímina.
22Ne Osówo o-zîim kâng Ríchel, o-jwo nshwam emen, o-chi ǎ o-kpet efwon. 23O-koo dyifít o-fwon wǎn-onyinchéng, o-fé ǎ dyizîn, Josêf, o-raa o/fu, Osówo oo/kye mě wǎn-onyinchéng o-fîm mě éshwân ejí. 24Kyi/bát Óburúkpâbí okye mě wǎn-onyinchéng okíri.
Jekôp ne Lában ba/tóbê Byěm ne Barî
25Ńdyí ba/fwon Josêf, Jekôp o/sét Lában o/fu, mîng mě m-bwa esim dyijê. 26Kye mě banyi ejí ne bwǎn ejí ḿbé nn/já ké bǎmkpóngé ḿbé nn/chi ǒ, ne n/chi n-dim. Wo amu a-nyît ng eringe nyí nn/kyú ḿgbán eyên mú onong.
27Lában o-sét ǎ o/fu, mîng mě n-sét ǒ ńkyín n/fu, Óburúkpâbí oo/sét mě ké dyímám o/fu, nyǐ oo/jware mě ké bubwô eyên. 28Sét ocím-akpuga-otukáku mú nda ǒ ekye, n-kye ǒ.
29Jekôp o-sét ǎ o/fu, wo amu a-nyît ng eringe nyí me nn/chi ǒ bǎmkpóngé ne eringe nyí byitú eyên bii/jê ké buman etún ḿbú me mu n-tún n kámbyí. 30Kaǎnyín ńké a/mû ne nké ne me m-bâ kaa/kán ka-jê chwóó, ne Óburúkpâbí oo/jware ǒ [nang nyá mú n/ce.] Kántîk, nkéré oo/fyi mú ndatún kyi-kim ne mpún mú ejí.
31Lában o-bí ǎ o/fu, n-kyâ ǒ nǎ.
Jekôp o-faa o/fu, n*fí n-ryuu ng akpuga*. Me n-kû ng etún byitú eyên n-ca kashú â kyi/nyîn ǒ. 32Mîng mě n-ca ké burwám-byitú eyên kurún n-da-fîm [kiimpyimpyam-wǎn-etám-ebû nang kyirá] ne kyisu-ebúbǔu nang kyirá ńkyí nkyi ne biimpyimpyam-byibît ké byiko. Ńkyí me mu n-ryuu ng éné. 33Ké nkéré mú ké kashú, wo a-man n enyît a/fu, me n*da ǒ ejii byitú*. Nkéré mú a/chi a-bâ mpún ejí eri, â a/ri ebúbǔu nang erá nyí e*fí ne kyibît* ne etám-ebû nang erá nyí e*fí e-jîi ng pyampyam* a/chi a-nyît a/fu, me n/jii ojǐng.
34Lában o-faa o/fu, me m/bángê. Byi-chi i eringe nyí wo a/sét. 35Nké ké dyicí ándyi, Lában o/fîm kángkáng etúbû ne bama-ebû ḿbé ba/mû ne byibît ké byiko ne kángkáng biimpyimpyam-etám-ebû, o-kye bwǎn emen, 36ne o-dim ne ebû ányi o-mîng Jekôp ké esim, o-cen ne nyǐ ké ací jangjang achât. Jekôp o-kúng kyicê-ebû nyí Lában nyí e/waa o-kpet etún.
37Ne Jekôp o-két byichí ḿbyí badakó pópala ne ámon ne pálan o-cén kámbyí byi-firi byibît byibît. 38O-kúng kámbyí o-bi ké bushú-byikit ḿbyí ebû nyi e-jwáp ng omu. Nyǐ o/tî kámbyí ányi, ké nǎ, ebû e-fwam m erí ne barî ké nkéré edabê omu ejwáp. 39Â ebû e/rí ne barî éné ké bushú-byichí ámbyi, e-fwon n bwǎn ne byibît ké byiko.
40Jekôp o/tî ebúbǔu ne etám-ebû cát, o-yip etám-ebû o-tî kányí e-bírî kashú ké kyicê ńkyí biimpyimpyam-ebû ḿbyí Lában byi/mû. O/chi něen ne o-já byitú ḿbyí emen ḿbyí o/kúng kámbyí o-tî cát ne ḿbyí Lában.
41Â ebû nyí enong enong e-kú e-rí i ne barî, Jekôp o-yip byichí-byibît ámbyi o-bi kányí ké bushú, ké kyikit ńkyí nyi e-jwáp ng omu, eringe nyí edarí ne barî ké bushú-byichí ámbyi. 42Nké â boǒbyîbî-ebû bu-kú bu-rí i ne barî, oo*tî byichí ámbyi*. Ké kaǎnyín-nkéré, ebû nyí Lában e/firi boǒbyîbî bóóbyibi, nyí Jekôp e-firi nyí enong enong. 43Jekôp o/chi éné ne o-firi nfang-onet. O-firi ne ebû ne básóng ne boonyam-atû chwóó.
Currently Selected:
Jénésis 30: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 30
30
1Nké Ríchel o*da/fwon Jekôp nang wǎn obónge* ne orêm o-kpet ǎ echi ne Lyâ mú wǎn-boné emen, o-raa ne Jekôp o/fu, kye mě wǎn, â kyi*fí éné* m-kpú u.
2Kafâ ka-bírî Jekôp, ne o-raa ne Ríchel o/fu, me mm*man ekúng kyikit ńkyí Osówo*. Nyǐ nké o/fu, wo a*dafwon*.
3Ne Ríchel o-raa ne Jekôp o/fu, kúng Byíla mú ósóng ejí mún a-rí ne nyǐ eringe nyí odafwon wǎn o-kye mě. Kyi-fím ányi, me n/chi n-firi boné-bwǎn ké bubwô emen. 4Ne o-kúng Byíla o-kye otyép emen o-rí ne nyǐ. 5Byíla o-koo dyifít, o-fwon Jekôp wǎn-onyinchéng. 6Ríchel o-fé ǎ dyizîn, Dǎn, o-raa o/fu, Osówo oo/két mpan o-nwa mě. Oo/jwo nshwam ejí o-kye mě wǎn-onyinchéng. 7Byíla o-chîkoo dyifít, o-fwon Jekôp wǎn-onyinchéng. 8Ríchel o-fé ǎ dyizîn, Nafatályi, o-raa o/fu, nn/nwa kiimbâng-bunwa ne wǎn-boné ejí, nké me nké m/kpógê.
9Ńdyí Lyâ o/nyît o/fu, nyǐ o*fí to o-fwon n* o/kúng ósóng emen Zípa o-kye Jekôp wǎ onyi emen. 10Ne Zípa o-fwon Jekôp wǎn-onyinchéng. 11Lyâ o-fé ǎ dyizîn, Gât, o-raa o/fu, dyishí dyi/nwa mě.
12Zípa o-chîfwon Jekôp wǎn-onyinchéng okíri, 13ne Lyâ o-fé wǎn ámu dyizîn, Ásha, o-raa o/fu, me n/firi ké bunyîn-dyityém kanong kanong. Kántîk, banyinyi ba-kû ng mě ekó ba/fu, onyinyi mú mu ké bunyîn-dyityém.
14Ké nkéré mú mbe ba-fuu ng byiryíng, Rúben o-dim ké byifát o-da-ri boǒsín-kyichí ńkyí badakó mándarak, ńkyí kyidakye bufwon, o-zú o-ba-kye Lyâ mú boné emen. Ríchel o-sét Lyâ o/fu, kamgbe, fîm mě kyicê-mándarak mú wǎn eyên.
15Lyâ o-faa ǎ o/fu, kyi*da ǒ ekwárê ńkyí a/koo mě otyép*? A-chî ng ekoo to mándarak mú wǎn ejí o/kye mě?
Ríchel o-sét ǎ o/fu, â a/kye mě mándarak mú wǎn eyên o/kye ǒ, Jekôp o-rí i oshê eyên kurún.
16Ńdyí Jekôp o/fyi ké dyikán nenkurúku, Lyâ o/dim o-kâm ǎ, o-sét ǎ o/fu, a-rí i ne me kurún, ké nǎ, nn/ré ǒ ké bamánderek ḿbé wǎn ejí o/mû o/kye mě. Ne Jekôp o-rí ne Lyâ ké buchú ámbu.
17Osówo o-jwo nshwam mú Lyâ, ne o-koo dyifít, o-fwon Jekôp wǎn-onyinchéng ké ashí atánge. 18Lyâ o-fé ǎ dyizîn, Ézaka, o-raa o/fu, Osówo oo/yárê mě, ké nǎ, n/kúng ósóng ejí n-kye otyép ejí. 19Lyâ o-chîkoo dyifít, o-fwon Jekôp wǎn-onyinchéng ké ashí nyâchât, 20Lyâ o-fé ǎ dyizîn, Zébélon, o-raa o/fu, Osówo oo/kye mě eyáré nyí enong. Otyép ejí o/chi o-koo mě kántîk, ké nǎ, nn/fwon ǎ bwǎn-banyinchéng ashí nyâchât. 21O-bwa o-fwon wǎn-onyinyi mú o/fé ǎ dyizîn, Dyímina.
22Ne Osówo o-zîim kâng Ríchel, o-jwo nshwam emen, o-chi ǎ o-kpet efwon. 23O-koo dyifít o-fwon wǎn-onyinchéng, o-fé ǎ dyizîn, Josêf, o-raa o/fu, Osówo oo/kye mě wǎn-onyinchéng o-fîm mě éshwân ejí. 24Kyi/bát Óburúkpâbí okye mě wǎn-onyinchéng okíri.
Jekôp ne Lában ba/tóbê Byěm ne Barî
25Ńdyí ba/fwon Josêf, Jekôp o/sét Lában o/fu, mîng mě m-bwa esim dyijê. 26Kye mě banyi ejí ne bwǎn ejí ḿbé nn/já ké bǎmkpóngé ḿbé nn/chi ǒ, ne n/chi n-dim. Wo amu a-nyît ng eringe nyí nn/kyú ḿgbán eyên mú onong.
27Lában o-sét ǎ o/fu, mîng mě n-sét ǒ ńkyín n/fu, Óburúkpâbí oo/sét mě ké dyímám o/fu, nyǐ oo/jware mě ké bubwô eyên. 28Sét ocím-akpuga-otukáku mú nda ǒ ekye, n-kye ǒ.
29Jekôp o-sét ǎ o/fu, wo amu a-nyît ng eringe nyí me nn/chi ǒ bǎmkpóngé ne eringe nyí byitú eyên bii/jê ké buman etún ḿbú me mu n-tún n kámbyí. 30Kaǎnyín ńké a/mû ne nké ne me m-bâ kaa/kán ka-jê chwóó, ne Óburúkpâbí oo/jware ǒ [nang nyá mú n/ce.] Kántîk, nkéré oo/fyi mú ndatún kyi-kim ne mpún mú ejí.
31Lában o-bí ǎ o/fu, n-kyâ ǒ nǎ.
Jekôp o-faa o/fu, n*fí n-ryuu ng akpuga*. Me n-kû ng etún byitú eyên n-ca kashú â kyi/nyîn ǒ. 32Mîng mě n-ca ké burwám-byitú eyên kurún n-da-fîm [kiimpyimpyam-wǎn-etám-ebû nang kyirá] ne kyisu-ebúbǔu nang kyirá ńkyí nkyi ne biimpyimpyam-byibît ké byiko. Ńkyí me mu n-ryuu ng éné. 33Ké nkéré mú ké kashú, wo a-man n enyît a/fu, me n*da ǒ ejii byitú*. Nkéré mú a/chi a-bâ mpún ejí eri, â a/ri ebúbǔu nang erá nyí e*fí ne kyibît* ne etám-ebû nang erá nyí e*fí e-jîi ng pyampyam* a/chi a-nyît a/fu, me n/jii ojǐng.
34Lában o-faa o/fu, me m/bángê. Byi-chi i eringe nyí wo a/sét. 35Nké ké dyicí ándyi, Lában o/fîm kángkáng etúbû ne bama-ebû ḿbé ba/mû ne byibît ké byiko ne kángkáng biimpyimpyam-etám-ebû, o-kye bwǎn emen, 36ne o-dim ne ebû ányi o-mîng Jekôp ké esim, o-cen ne nyǐ ké ací jangjang achât. Jekôp o-kúng kyicê-ebû nyí Lában nyí e/waa o-kpet etún.
37Ne Jekôp o-két byichí ḿbyí badakó pópala ne ámon ne pálan o-cén kámbyí byi-firi byibît byibît. 38O-kúng kámbyí o-bi ké bushú-byikit ḿbyí ebû nyi e-jwáp ng omu. Nyǐ o/tî kámbyí ányi, ké nǎ, ebû e-fwam m erí ne barî ké nkéré edabê omu ejwáp. 39Â ebû e/rí ne barî éné ké bushú-byichí ámbyi, e-fwon n bwǎn ne byibît ké byiko.
40Jekôp o/tî ebúbǔu ne etám-ebû cát, o-yip etám-ebû o-tî kányí e-bírî kashú ké kyicê ńkyí biimpyimpyam-ebû ḿbyí Lában byi/mû. O/chi něen ne o-já byitú ḿbyí emen ḿbyí o/kúng kámbyí o-tî cát ne ḿbyí Lában.
41Â ebû nyí enong enong e-kú e-rí i ne barî, Jekôp o-yip byichí-byibît ámbyi o-bi kányí ké bushú, ké kyikit ńkyí nyi e-jwáp ng omu, eringe nyí edarí ne barî ké bushú-byichí ámbyi. 42Nké â boǒbyîbî-ebû bu-kú bu-rí i ne barî, oo*tî byichí ámbyi*. Ké kaǎnyín-nkéré, ebû nyí Lában e/firi boǒbyîbî bóóbyibi, nyí Jekôp e-firi nyí enong enong. 43Jekôp o/chi éné ne o-firi nfang-onet. O-firi ne ebû ne básóng ne boonyam-atû chwóó.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985