Jénésis 31
31
Jekôp o/chêe o-mîng Lában
1Jekôp o/jwo ba/fu, bwǎn-Lában mbe ba-raa ng ba/fu, Jekôp oo/koo kángkáng byěm ḿbyí bonchí eten. Efang emen kángkáng e/fím ké byěm ḿbyí bonchí eten o/mû ne mbyí. 2Jekôp o/ri to o/fu, Lában o*fí to o-tî ng ǎ kanong kanong wǎ nkéré mú kashú*. 3Ne Óburúkpâbí o-raa ne Jekôp o/fu, bwa esim ké esí nyí banchí eyên a-kâm bwǎn-bané eyên. Me n/chi n-kyú ne wo.
4Ne Jekôp o-twóm kyitwóm kyi-kâm Ríchel ne Lyâ o/fu, bakâm ǎ ké kyifát ńkyí byitú emen byi/mû. 5O-sét kámbé o/fu, bonchí enen o*fí to kanong ne me wǎ nkéré o/mû ké kashú*. Nké Osówo mú bonchí ejí mu ne me ké kyikû. 6Ben ashí amúmú bamu ba-nyît ng ba/fu, me nn/chi bonchí enen bǎmkpóngé ne busa ejí kángkáng. 7Nké nyǐ oo/ryí mě mpún, o-yángê akpuga-otukáku nyí o/mû o/chi o-kye mě kampén diǐkpú. Nké Osówo o*da ǎ ebángê o-némê mě*. 8Nang nkéré orá nké Lában o/fu, ebû nyí nyi ne biimpyimpyam-byibît e/chi e-kyú nyí eyên, kángkáng ebû e-fwon n bwǎn ne biimpyimpyam-byibît. Â o/raa o/fu, ebû nyí nyi ne biimpyimpyam-basáng ké byiko e/chi e-firi nyí eyên, kángkáng ebû e-fwon n bwǎn ne biimpyimpyam-basáng ké byiko. 9Osówo oo/koo byitú ké abwô nyí bonchí enen o-kye mě.
10Ké nkéré mú ebû nyi e-fwon n, me n/ri burê n-ri n/fu, etúbû nyí e/mû e-rí i ne bama e/mû ne biimpyimpyam-byibît ne basáng ké byiko. 11Orím mú onong mú Osówo o/kó mě ké burê ámbu o/fu, Jekôp. Me m-bángê. 12Ne o-sét mě o/fu, kan achi a-ri a/fu, kángkáng etúbû nyí nyi e-rí i ne bama nyi ne biimpyimpyam-basáng ne byibît ké byiko. Me mu n-chi i ńkyín kyi-chi éné, ké nǎ, me nn/ri kángkáng byěm ḿbyí Lában mu o-chi i ǒ. 13Me n-chi i Osówo mú o/byí o-kâm ǒ ké Bétel, ké kyikit ńkyí a/pwó bakút-ólif ké buká, a-sháng kámbú ké ozîm ne ké kyikit ńkyí a/ryí mě ocím. Kpá byiko kántîk a-bwa esim ké esí nyí ba/fwon ǒ.
14Ríchel ne Lyâ ba-faa Jekôp ba/fu, chwǒm kyi*fí to ńkyí be byidaryí bukyû ḿbú bonchí eten*. 15O-kú o-tî ng bě wǎ bacinbánet. O/kúng bě o-shee, ne oo/bên kángkáng akpuga nyí o/táng bě. 16Kángkáng efang ńnyín nyí Osówo oo/koo ké abwô nyí bonchí eten e/já bě ne bwǎn eten. Chi nang ebóng chwǒm ńkyí Osówo oo/sét ǒ.
17-18Ne Jekôp o-kpá byiko kâng ḿbyí odabwa esim o-kâm bonchí emen ké esí nyí Kínan. O-yip bwǎn emen ne banyi emen o-twôom ké boonyam-atû, o-kúng kángkáng byitú emen byi-câ ǎ kashú, nyǐ o-bâ kámbyí ké kyikû, cibicibi ne kángkáng byěm ḿbyí nyǐ o/já ké Mesopotémya. 19Lában o/mû oo/dim ebû emen eríp epwát, ne ńdyí o*fí ké kyise* Ríchel o/jii erím-bakye nyí bonchí emen. 20Jekôp o/nîm Lában o*da ǎ echi o-nyît o/fu, nyǐ o-kú o-jâ*. 21O/kúng kángkáng byěm ḿbyí o/mû ne mbyí o-dim ochéé óchee. O-nyáng kace ńké badakó Yuférétyis, ne o-dim ḿbú esí-eku éku nyí Gyílet.
Lában o/rim ne Jekôp ké Kyikû
22Ńdyí ací aa/shwôm achât, ba/sét Lában ba/fu, Jekôp oo/chêe. 23Lában o-kúng banet emen o-rim ne Jekôp ké kyikû ké ací káchâtkányi tete o-da-kâm ǎ ké esí-eku éku nyí Gyílet. 24Ké buchú ámbu, Osówo o/sét Lában ké burê o/fu, bám byiko eyên, *dachi a-raa ne Jekôp ké bukwóp nang burá*. 25Jekôp o/mû o/bi bampyep emen kyíbóng-kaku, Lában o-bi ḿbé emen ne banet emen ké esí-eku éku nyí Gyílet.
26Lában o-raa ne Jekôp o/fu, ebóng a/nîm mě a-yip bwǎn ejí a-dim ne mbé wǎ banyinyi ḿbé ba/kám kámbé ké byití. 27Ebóng a/nîm mě a-dim a*da mě esét*. Â a/mû a/sét mě, m/mû n/chi n-sí ǒ ké bunyîn-dyityém ne ekwan ne ane ekim. 28A*da mě ebángê nang obánge óbange n-rwâm bwǎn ejí ne bwǎn ebe n/fu, ca n̂g kanong*. Wo a/chi chwǒm wǎ enyam-onet. 29Me mu ne busa ḿbú nda ǒ echi kyibî, nké ké buchú ḿbú bu/shwôm nyín, Osówo mú bonchí eyên o/kuri mě ekó o/fu, me n*dachi n-raa ne wo nang kaǎnyín*. 30Me mu n-nyît ng n/fu, wo a/dim, ké nǎ, amu a-jang ng eryuu a/fu, wo a-bwa ng esim dyijê, nké ebóng kyi/chi ne a-jii mě erím-bakye.
31Jekôp o-faa o/fu, me m/mû mu n-shî ng n/fu, a/chi a-bam bwǎn eyên a-koo. 32Nké â a/ri a/fu, onet nang obónge ké burwám-banet ejí mu ne erím-bakye eyên, n-ju ng onet ámu. Banet eten babwom bě ntûesé a-tún kángkáng byěm ḿbyí byi/já ǒ a-kúng a-dim ne mbyí. Jekôp o*da/nyît o/fu, Ríchel o/jii erím-bakye o-dim ne nyǐ*.
33Lában o-dim o-da-kyé ké mpyep mú Jekôp ne mú Lyâ ne mú básóng-banyinyi ashí afee, nké o*da/ri erím-bakye emen*. Ne o-dim ké mpyep mú Ríchel. 34Ríchel o/mû oo/yip erím-bakye ányi o-fé ké kiimbam ńkyí badatwôom kaanyam-atû ké esim o-kyú me ké nyǐ. Lában o-kyé ké mpyep omúmú o*da/ri kányí*. 35Ríchel o-raa ne bonchí emen o/fu, bonchí, *dachi a-sa kafâ ne mě* n*fí m-man n ebûu nensang ké bushú eyên* ké nǎ, mu ké bunyinyi. Lában o-kyé o*da/ri erím-bakye emen*.
36Ne kafâ ka-bírî Jekôp, ne o-bí o/fu, ebóng kyibî ńkyí me n/chi. Ebóng kyije ńkyí m/bên ńkyí kyi/chi ǒ amu a-bâ ne me ké kyikû. 37Kántîk mú aa/tún kángkáng byěm ejí, wo aa/ri ebóng ńkyí nkyi ńkyí eyên. Bâ ne nkyí nyín banet eyên ne ḿbé ejí ba-ri, ba-két bě mpan. 38Me nn/kyú ne wo ké aje bujam. Ebû eyên e*da/mîng efwon nang kabónge* ne n*da/ryí otyítǎm eyên nang obónge*. 39Nang nkéré orá mú enyam e/kám ebû eyên, me nké nkyi kyi-rím m mě. N*da/kúng kányí m-ba-tông ǒ n/fu, me nké n/chi ne e-kám*. Wo a/sét mě a/fu, me ncít dyikíp ké nang ebóng chwǒm ńkyí ba/jii ne buchú nang ne esû. 40Me n/jwo bubân-esû ne dyibyi kampén chwóó, n*da/man erê burê*. 41Kyi/mû éné ké aje bujam nyí n/kyú ne wo. Me n/chi bǎmkpóngé ké aje diǐkpú ne anyii ké dyishí-bwǎn eyên ne aje nyâchât ké bubwô-byitú eyên. Nang ké kyi/mû éné, a/yángê akpuga-otukáku nyí a/mû a-kyâ mě kampén diǐkpú. 42Â [Osówo mú banchí ejí, Osówo mú Ébarahâm ne Ázik,] o/mû o*fí ne me* něen a/mû aa/ró mě n-dim dyijê abwô ábwo. Nké Osówo oo/ri busông ejí ne bǎmkpóngé ḿbé n/chi, ne ké buchú ḿbú bu/shwôm nyín o/két mpan ámu.
Ocím mú Jekôp ne Lában ba/ryí ne Barî
43Lában o-faa Jekôp o/fu, bwǎn-banyinyi ḿbén ba-chi i bwǎn ejí. Bwǎn ebe ḿbé ejí, ne byitú ḿbyín byi/já mě. Ké ntûntû, kángkáng byěm ḿbyí amu a-ri ng něen ḿbyí ejí. Nké ké nǎ, me mm*ba/chi m-man ekoo bwǎn ejí ne bwǎn ebe n-tî* me mm/kpá byiko ḿbyí ndaryí ocím ne wo. 44Byitî dyizu-aká ńdyí dyi/chi dyi-kû bě ezîim kyi-kim ne ocím eryí mún.
45Ne Jekôp o-yip buká o-tî kámbú wǎ dyizǐm. 46O-sét banet emen o/fu, babwóp aká ba-cít kámbú. Ne ba-kyú ké bukô-dyizu-aká ándyi ba-ryí byiryíng. 47Lában o-fé dyizu-aká ándyi dyizîn, Jéga-Sahadúta, Jekôp o-fé to kándyí dyizîn, Gályit. 48Lában o-sét Jekôp o/fu, dyizu-aká ńdyín dyi/chi dyi-kû bě ezîim be ashí amúmú. Nkyí nké mbe ba-kó ng kyikit ánkyi Gályit. 49Lában o-raa to o/fu, kyi/bát Óburúkpâbí okû bě etún ké nkéré mú bii/pap barî. Ba/fé to kyikit ánkyi dyizîn, Myízipa. 50Lában o-raa o-ca kashú o/fu, â a*da/tî bwǎn ejí kanong* a-bé banyi bakíri, nang me n*da/nyît* nyît a/fu, Osówo mu o-ri ng bě. 51Nyín dyizu-aká ńdyí me nn/zû ne buká ḿbú nn/tî dyizǐm. 52Dyizu-aká ńdyín ne buká-dyizǐm ḿbún byi/chi byi-kû bě ezîim. Me mm*man n-nyáng dyizu-aká ńdyín m-ba-kye ǒ bunwa* ne wo aa*man a-nyáng kándyí a-ba-kye mě bunwa*. 53Osówo mú Ébarahâm ne Osówo mú Náho o/chi o-bwom bě ké otyém. Jekôp o-ryí ocím kâng ké dyizîn ńdyí Osówo mú Ázik, mú bonchí emen mu o-fâ, o/fu, nyǐ o-tî ng ocím mún mú nyǐ o/ryí. 54O-ju enyam o-chi kyifen kyíbóng-kaku o-kó banet emen ba-ba-ryí byiryíng-kyifen ánkyi. Ké nkéré mú baa/ryí, ba/rí ányi kyíbóng-kaku. 55Pirípirí ké orî-dyicí, Lában o-rwâm bwǎn ḿbé bwǎn emen ne bwǎn emen, o-sét kámbé o/fu, baca kanong, ne o-bwa esim dyijê.
Currently Selected:
Jénésis 31: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 31
31
Jekôp o/chêe o-mîng Lában
1Jekôp o/jwo ba/fu, bwǎn-Lában mbe ba-raa ng ba/fu, Jekôp oo/koo kángkáng byěm ḿbyí bonchí eten. Efang emen kángkáng e/fím ké byěm ḿbyí bonchí eten o/mû ne mbyí. 2Jekôp o/ri to o/fu, Lában o*fí to o-tî ng ǎ kanong kanong wǎ nkéré mú kashú*. 3Ne Óburúkpâbí o-raa ne Jekôp o/fu, bwa esim ké esí nyí banchí eyên a-kâm bwǎn-bané eyên. Me n/chi n-kyú ne wo.
4Ne Jekôp o-twóm kyitwóm kyi-kâm Ríchel ne Lyâ o/fu, bakâm ǎ ké kyifát ńkyí byitú emen byi/mû. 5O-sét kámbé o/fu, bonchí enen o*fí to kanong ne me wǎ nkéré o/mû ké kashú*. Nké Osówo mú bonchí ejí mu ne me ké kyikû. 6Ben ashí amúmú bamu ba-nyît ng ba/fu, me nn/chi bonchí enen bǎmkpóngé ne busa ejí kángkáng. 7Nké nyǐ oo/ryí mě mpún, o-yángê akpuga-otukáku nyí o/mû o/chi o-kye mě kampén diǐkpú. Nké Osówo o*da ǎ ebángê o-némê mě*. 8Nang nkéré orá nké Lában o/fu, ebû nyí nyi ne biimpyimpyam-byibît e/chi e-kyú nyí eyên, kángkáng ebû e-fwon n bwǎn ne biimpyimpyam-byibît. Â o/raa o/fu, ebû nyí nyi ne biimpyimpyam-basáng ké byiko e/chi e-firi nyí eyên, kángkáng ebû e-fwon n bwǎn ne biimpyimpyam-basáng ké byiko. 9Osówo oo/koo byitú ké abwô nyí bonchí enen o-kye mě.
10Ké nkéré mú ebû nyi e-fwon n, me n/ri burê n-ri n/fu, etúbû nyí e/mû e-rí i ne bama e/mû ne biimpyimpyam-byibît ne basáng ké byiko. 11Orím mú onong mú Osówo o/kó mě ké burê ámbu o/fu, Jekôp. Me m-bángê. 12Ne o-sét mě o/fu, kan achi a-ri a/fu, kángkáng etúbû nyí nyi e-rí i ne bama nyi ne biimpyimpyam-basáng ne byibît ké byiko. Me mu n-chi i ńkyín kyi-chi éné, ké nǎ, me nn/ri kángkáng byěm ḿbyí Lában mu o-chi i ǒ. 13Me n-chi i Osówo mú o/byí o-kâm ǒ ké Bétel, ké kyikit ńkyí a/pwó bakút-ólif ké buká, a-sháng kámbú ké ozîm ne ké kyikit ńkyí a/ryí mě ocím. Kpá byiko kántîk a-bwa esim ké esí nyí ba/fwon ǒ.
14Ríchel ne Lyâ ba-faa Jekôp ba/fu, chwǒm kyi*fí to ńkyí be byidaryí bukyû ḿbú bonchí eten*. 15O-kú o-tî ng bě wǎ bacinbánet. O/kúng bě o-shee, ne oo/bên kángkáng akpuga nyí o/táng bě. 16Kángkáng efang ńnyín nyí Osówo oo/koo ké abwô nyí bonchí eten e/já bě ne bwǎn eten. Chi nang ebóng chwǒm ńkyí Osówo oo/sét ǒ.
17-18Ne Jekôp o-kpá byiko kâng ḿbyí odabwa esim o-kâm bonchí emen ké esí nyí Kínan. O-yip bwǎn emen ne banyi emen o-twôom ké boonyam-atû, o-kúng kángkáng byitú emen byi-câ ǎ kashú, nyǐ o-bâ kámbyí ké kyikû, cibicibi ne kángkáng byěm ḿbyí nyǐ o/já ké Mesopotémya. 19Lában o/mû oo/dim ebû emen eríp epwát, ne ńdyí o*fí ké kyise* Ríchel o/jii erím-bakye nyí bonchí emen. 20Jekôp o/nîm Lában o*da ǎ echi o-nyît o/fu, nyǐ o-kú o-jâ*. 21O/kúng kángkáng byěm ḿbyí o/mû ne mbyí o-dim ochéé óchee. O-nyáng kace ńké badakó Yuférétyis, ne o-dim ḿbú esí-eku éku nyí Gyílet.
Lában o/rim ne Jekôp ké Kyikû
22Ńdyí ací aa/shwôm achât, ba/sét Lában ba/fu, Jekôp oo/chêe. 23Lában o-kúng banet emen o-rim ne Jekôp ké kyikû ké ací káchâtkányi tete o-da-kâm ǎ ké esí-eku éku nyí Gyílet. 24Ké buchú ámbu, Osówo o/sét Lában ké burê o/fu, bám byiko eyên, *dachi a-raa ne Jekôp ké bukwóp nang burá*. 25Jekôp o/mû o/bi bampyep emen kyíbóng-kaku, Lában o-bi ḿbé emen ne banet emen ké esí-eku éku nyí Gyílet.
26Lában o-raa ne Jekôp o/fu, ebóng a/nîm mě a-yip bwǎn ejí a-dim ne mbé wǎ banyinyi ḿbé ba/kám kámbé ké byití. 27Ebóng a/nîm mě a-dim a*da mě esét*. Â a/mû a/sét mě, m/mû n/chi n-sí ǒ ké bunyîn-dyityém ne ekwan ne ane ekim. 28A*da mě ebángê nang obánge óbange n-rwâm bwǎn ejí ne bwǎn ebe n/fu, ca n̂g kanong*. Wo a/chi chwǒm wǎ enyam-onet. 29Me mu ne busa ḿbú nda ǒ echi kyibî, nké ké buchú ḿbú bu/shwôm nyín, Osówo mú bonchí eyên o/kuri mě ekó o/fu, me n*dachi n-raa ne wo nang kaǎnyín*. 30Me mu n-nyît ng n/fu, wo a/dim, ké nǎ, amu a-jang ng eryuu a/fu, wo a-bwa ng esim dyijê, nké ebóng kyi/chi ne a-jii mě erím-bakye.
31Jekôp o-faa o/fu, me m/mû mu n-shî ng n/fu, a/chi a-bam bwǎn eyên a-koo. 32Nké â a/ri a/fu, onet nang obónge ké burwám-banet ejí mu ne erím-bakye eyên, n-ju ng onet ámu. Banet eten babwom bě ntûesé a-tún kángkáng byěm ḿbyí byi/já ǒ a-kúng a-dim ne mbyí. Jekôp o*da/nyît o/fu, Ríchel o/jii erím-bakye o-dim ne nyǐ*.
33Lában o-dim o-da-kyé ké mpyep mú Jekôp ne mú Lyâ ne mú básóng-banyinyi ashí afee, nké o*da/ri erím-bakye emen*. Ne o-dim ké mpyep mú Ríchel. 34Ríchel o/mû oo/yip erím-bakye ányi o-fé ké kiimbam ńkyí badatwôom kaanyam-atû ké esim o-kyú me ké nyǐ. Lában o-kyé ké mpyep omúmú o*da/ri kányí*. 35Ríchel o-raa ne bonchí emen o/fu, bonchí, *dachi a-sa kafâ ne mě* n*fí m-man n ebûu nensang ké bushú eyên* ké nǎ, mu ké bunyinyi. Lában o-kyé o*da/ri erím-bakye emen*.
36Ne kafâ ka-bírî Jekôp, ne o-bí o/fu, ebóng kyibî ńkyí me n/chi. Ebóng kyije ńkyí m/bên ńkyí kyi/chi ǒ amu a-bâ ne me ké kyikû. 37Kántîk mú aa/tún kángkáng byěm ejí, wo aa/ri ebóng ńkyí nkyi ńkyí eyên. Bâ ne nkyí nyín banet eyên ne ḿbé ejí ba-ri, ba-két bě mpan. 38Me nn/kyú ne wo ké aje bujam. Ebû eyên e*da/mîng efwon nang kabónge* ne n*da/ryí otyítǎm eyên nang obónge*. 39Nang nkéré orá mú enyam e/kám ebû eyên, me nké nkyi kyi-rím m mě. N*da/kúng kányí m-ba-tông ǒ n/fu, me nké n/chi ne e-kám*. Wo a/sét mě a/fu, me ncít dyikíp ké nang ebóng chwǒm ńkyí ba/jii ne buchú nang ne esû. 40Me n/jwo bubân-esû ne dyibyi kampén chwóó, n*da/man erê burê*. 41Kyi/mû éné ké aje bujam nyí n/kyú ne wo. Me n/chi bǎmkpóngé ké aje diǐkpú ne anyii ké dyishí-bwǎn eyên ne aje nyâchât ké bubwô-byitú eyên. Nang ké kyi/mû éné, a/yángê akpuga-otukáku nyí a/mû a-kyâ mě kampén diǐkpú. 42Â [Osówo mú banchí ejí, Osówo mú Ébarahâm ne Ázik,] o/mû o*fí ne me* něen a/mû aa/ró mě n-dim dyijê abwô ábwo. Nké Osówo oo/ri busông ejí ne bǎmkpóngé ḿbé n/chi, ne ké buchú ḿbú bu/shwôm nyín o/két mpan ámu.
Ocím mú Jekôp ne Lában ba/ryí ne Barî
43Lában o-faa Jekôp o/fu, bwǎn-banyinyi ḿbén ba-chi i bwǎn ejí. Bwǎn ebe ḿbé ejí, ne byitú ḿbyín byi/já mě. Ké ntûntû, kángkáng byěm ḿbyí amu a-ri ng něen ḿbyí ejí. Nké ké nǎ, me mm*ba/chi m-man ekoo bwǎn ejí ne bwǎn ebe n-tî* me mm/kpá byiko ḿbyí ndaryí ocím ne wo. 44Byitî dyizu-aká ńdyí dyi/chi dyi-kû bě ezîim kyi-kim ne ocím eryí mún.
45Ne Jekôp o-yip buká o-tî kámbú wǎ dyizǐm. 46O-sét banet emen o/fu, babwóp aká ba-cít kámbú. Ne ba-kyú ké bukô-dyizu-aká ándyi ba-ryí byiryíng. 47Lában o-fé dyizu-aká ándyi dyizîn, Jéga-Sahadúta, Jekôp o-fé to kándyí dyizîn, Gályit. 48Lában o-sét Jekôp o/fu, dyizu-aká ńdyín dyi/chi dyi-kû bě ezîim be ashí amúmú. Nkyí nké mbe ba-kó ng kyikit ánkyi Gályit. 49Lában o-raa to o/fu, kyi/bát Óburúkpâbí okû bě etún ké nkéré mú bii/pap barî. Ba/fé to kyikit ánkyi dyizîn, Myízipa. 50Lában o-raa o-ca kashú o/fu, â a*da/tî bwǎn ejí kanong* a-bé banyi bakíri, nang me n*da/nyît* nyît a/fu, Osówo mu o-ri ng bě. 51Nyín dyizu-aká ńdyí me nn/zû ne buká ḿbú nn/tî dyizǐm. 52Dyizu-aká ńdyín ne buká-dyizǐm ḿbún byi/chi byi-kû bě ezîim. Me mm*man n-nyáng dyizu-aká ńdyín m-ba-kye ǒ bunwa* ne wo aa*man a-nyáng kándyí a-ba-kye mě bunwa*. 53Osówo mú Ébarahâm ne Osówo mú Náho o/chi o-bwom bě ké otyém. Jekôp o-ryí ocím kâng ké dyizîn ńdyí Osówo mú Ázik, mú bonchí emen mu o-fâ, o/fu, nyǐ o-tî ng ocím mún mú nyǐ o/ryí. 54O-ju enyam o-chi kyifen kyíbóng-kaku o-kó banet emen ba-ba-ryí byiryíng-kyifen ánkyi. Ké nkéré mú baa/ryí, ba/rí ányi kyíbóng-kaku. 55Pirípirí ké orî-dyicí, Lában o-rwâm bwǎn ḿbé bwǎn emen ne bwǎn emen, o-sét kámbé o/fu, baca kanong, ne o-bwa esim dyijê.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985