Jénésis 32
32
Jekôp o/kpá Byiko ḿbyí odakâm Éso
1Ńdyí Jekôp o/wâa kashú ne bucen emen, barím ḿbé banong ba/dim ba-kâm ǎ. 2Ké nkéré mú Jekôp o/ri kámbé, o/raa o/fu, nyín kyikit ńkyí Osówo o/bi boompyep emen, ne o-fé kyikit ánkyi dyizîn, Mahánam.
3Jekôp o-twóm banet-kyitwóm ba-kâm Éso mú wǎn-boné emen ké Édom. 4O/fu, basét ǎ ba/fu, me Jekôp mú ḿgbán eyên mú mu o-chi i ńkyí amu a-sét ng o/bê ǒ ebasét wo Éso mú bonchí emen, o/fu, me m/mû n-kyú u ne Lában, ne m/mû n/chi n-fyi nyáá! ne kyi-ribi kántîk. 5Me mu ne bampong ne boonyam-atû ne ebû ne básóng. Me mu n-twóm m ǒ ejá ńnyín, ǎ bonchí, eringe nyí a/chi a-kyú ké bunyîn-dyityém ne me.
6Ńdyí banet-kyitwóm ámbe ba/bwa esim ba-kâm Jekôp, ba/sét ǎ ba/fu, be byi/ce byi-kâm Éso mú wǎn-boné eyên, ne o/firi ké bukwóp ḿbú odabakwárê ne wo. Mu ne égot-banet efee ne nyǐ ké kyikû. 7Jekôp o-kpet eshî, ofong o-kédê ng ǎ. O-kyii banet emen ké byikit byifee cibicibi ne byitú emen, 8o-kabe o/fu, â Éso o/bakye dyizu ńdyí mbwôp kashú bunwa, ńdyí nnyinyěng dyi/chi dyi-man efem.
9Ne Jekôp o-fé nshwam o/fu, Osówo mú Ébarahâm mú bonchí ejí, ne mú Ázik mú bonchí ejí, jwo mě. Wo a/sét mě, ǎ Óburúkpâbí, a/fu, me mbwa esim ké esí ejí, n-kâm bwǎn-bané ejí, wo a/chi a-chi byěm byi-kyú kanong ne me. 10Me m/mû n*da/kwárê mú ada mě etông kángkáng dyityém ecángê ne dyityém efé ńdyí wo aa/tông mě* me mú ḿgbán eyên*. Me n/nyáng kace ńké Jódan abwô ábwo ne ochí-bucen nké nke, ne kántîk mm/bwa esim ne azu-banet ne nyí byitú ńnyín afee. 11Me mu n-fâ nshwam n-kyâ ǒ n/fu, nyii mě ké abwô nyí Éso mú wǎn-boné ejí. Me mu n-shî ng n/fu, nyǐ mu o-bâ bě bunwa ekye o-ju bě kángkáng, cibicibi ne ḿbé banyinyi ne ḿbé bwǎsíng. 12Zîim a/fu, wo a/ryí mě ocím a/fu, wo a-chi i byěm byi-kyú kanong ne me, a-chî mě ekye to bwǎn bakíri chwóó ḿbé badajê jangjang ne éshíshě nyí nyi ké bukô-kace, ḿbé onet oo*man epan*.
13-15Ńdyí o/rí ké kyikit ánkyi dyi-cé, Jekôp o/cá byitú ḿbyí o/chi o-yárê Éso mú wǎn-boné emen. Égot-bama-ebúbǔu ebónge ne etúbû bujam ne égot-bama-etám-ebû ne etyítǎm bujam ne boonyam-atû ḿbú budakye abî-mpong bujam esim diǐkpú ne bwǎn ebe ne bajam-bama-bampong bafee ne batyép diǐkpú ne bama-boonyam-atû bujam ne batyép diǐkpú. 16O-kyii kámbyí ké abóng, dyibóng ne dyibóng o-tî ḿgbán. O-sét bǎmgbán emen ámbe o/fu, bwóp n̂g kashú ba-cen n ba-câ ncat ńcat. 17O-sét mbwôp kashú-ḿgbán o/fu, â Éso mú wǎn-boné ejí o/kâm ǒ, o/bí o/fu, yeě mu bonchí eyên. Wo amu a-wâa ng nyá. Yeě mu ne byitú ḿbyí mbyi byi-câ ǒ něen ké kashú. 18Wo sét ǎ a/fu, ḿbyí Jekôp mú ḿgbán eyên. O/twóm kámbyí wǎ eyáré o/fu, me mba-kye Éso mú bonchí emen. Jekôp oyén mu o-bâ ké esim. 19O-sét nnyinyěng-ḿgbán dyizong-ejá ányi ebónge ne nnyinyěng ne kángkáng bǎmgbán ḿbé áku, ḿbé o/kye kámbé byitú o/fu, ńkyín nké ba/chi ba-sét Éso â ba/kâm ǎ. 20Ba-man ba-sét ǎ ba/fu, Jekôp mú ḿgbán eyên mu o-bâ bě nyín jwángjwáng ké esim. Jekôp o/kabe ké dyityém emen o/fu, n/chi n-chi kafâ ka-nyîn ǎ ne eyáré ńnyín, ne â n/kâm ǎ, katô o/chi o-pwoo mě. 21O-twóm eyáré ányi e-bwóp kashú, nyǐ oyén o-waa ányi o-rí.
Jekôp o/nwa Kyising ké Pényel
22Ké buchú ámbu, Jekôp o/bûu nensang, o-kpî banyi emen ḿbé kashú ashí afee ne banyi emen ḿbé bwǎsíng ashí afee ne bwǎn emen ashí diǐkpú ne din, o-nyáng kace ńké Jábok. 23Ńdyí banet emen ámbe baa/nyáng kace, o/twóm to kángkáng byěm ḿbyí mu ne mbyí byi-nyáng kace, 24nké nyǐ oyén o/waa esim-kace nyí áku kǎnchí.
Ne onyinchéng obónge o-byí o-ba-nwa kyising ne nyǐ tete wǎ dyicófóróng dyi-câ. 25Ńdyí onyinchéng ámu o/nyît o/fu, nyǐ o*fí o-man n etyem Jekôp* o-kíbî Jekôp ké kyikpút, kyi-byíryî. 26Mú onyinchéng ámu o-sét ǎ o/fu, mîng mě n-dim, dyicófóróng dyi-kú dyi-câ.
Jekôp o-sét ǎ o/fu, mm*bángê ǒ a-dim* tete a-jware mě.
27Onyinchéng ámu o-bí ǎ o/fu, wo a-bángê e nǎ.
Jekôp o-sét ǎ o/fu, me m-bángê e Jekôp.
28Onyinchéng ámu o-sét ǎ o/fu, wo aa*ba/chi a-chîbángê Jekôp*. Wo aa/nwa kyising ne Osówo ne ne banet a-kpógê. Ké bubwô ámbu, wo a/chi a-kûbángê Ézerel.
29Jekôp o-bí ǎ o/fu, sét mě kâng dyizîn eyên.
Nké nyǐ o/faa ǎ o/fu, ebóng amu a-ryuu ng a/fu, a-nyît ng dyizîn ejí. Ne o-jware Jekôp.
30Jekôp o-raa o/fu, me nn/yip achi ejí n-ri Osówo, ne n/tôong okpó. Ne o-fé kyikit ánkyi dyizîn, Pényel. 31Jekôp o/dim ké Pényel ńdyí esû ee/byí, ne o/mû mu o-cú ng ké kyikpút emen ńkyí kyi/byíryî. 32Tete kurún, kyikû-banet ńkyí Ézerel baa*ryí busín-enyam* ké nǎ, ányi nké ba/díp Jekôp.
Currently Selected:
Jénésis 32: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 32
32
Jekôp o/kpá Byiko ḿbyí odakâm Éso
1Ńdyí Jekôp o/wâa kashú ne bucen emen, barím ḿbé banong ba/dim ba-kâm ǎ. 2Ké nkéré mú Jekôp o/ri kámbé, o/raa o/fu, nyín kyikit ńkyí Osówo o/bi boompyep emen, ne o-fé kyikit ánkyi dyizîn, Mahánam.
3Jekôp o-twóm banet-kyitwóm ba-kâm Éso mú wǎn-boné emen ké Édom. 4O/fu, basét ǎ ba/fu, me Jekôp mú ḿgbán eyên mú mu o-chi i ńkyí amu a-sét ng o/bê ǒ ebasét wo Éso mú bonchí emen, o/fu, me m/mû n-kyú u ne Lában, ne m/mû n/chi n-fyi nyáá! ne kyi-ribi kántîk. 5Me mu ne bampong ne boonyam-atû ne ebû ne básóng. Me mu n-twóm m ǒ ejá ńnyín, ǎ bonchí, eringe nyí a/chi a-kyú ké bunyîn-dyityém ne me.
6Ńdyí banet-kyitwóm ámbe ba/bwa esim ba-kâm Jekôp, ba/sét ǎ ba/fu, be byi/ce byi-kâm Éso mú wǎn-boné eyên, ne o/firi ké bukwóp ḿbú odabakwárê ne wo. Mu ne égot-banet efee ne nyǐ ké kyikû. 7Jekôp o-kpet eshî, ofong o-kédê ng ǎ. O-kyii banet emen ké byikit byifee cibicibi ne byitú emen, 8o-kabe o/fu, â Éso o/bakye dyizu ńdyí mbwôp kashú bunwa, ńdyí nnyinyěng dyi/chi dyi-man efem.
9Ne Jekôp o-fé nshwam o/fu, Osówo mú Ébarahâm mú bonchí ejí, ne mú Ázik mú bonchí ejí, jwo mě. Wo a/sét mě, ǎ Óburúkpâbí, a/fu, me mbwa esim ké esí ejí, n-kâm bwǎn-bané ejí, wo a/chi a-chi byěm byi-kyú kanong ne me. 10Me m/mû n*da/kwárê mú ada mě etông kángkáng dyityém ecángê ne dyityém efé ńdyí wo aa/tông mě* me mú ḿgbán eyên*. Me n/nyáng kace ńké Jódan abwô ábwo ne ochí-bucen nké nke, ne kántîk mm/bwa esim ne azu-banet ne nyí byitú ńnyín afee. 11Me mu n-fâ nshwam n-kyâ ǒ n/fu, nyii mě ké abwô nyí Éso mú wǎn-boné ejí. Me mu n-shî ng n/fu, nyǐ mu o-bâ bě bunwa ekye o-ju bě kángkáng, cibicibi ne ḿbé banyinyi ne ḿbé bwǎsíng. 12Zîim a/fu, wo a/ryí mě ocím a/fu, wo a-chi i byěm byi-kyú kanong ne me, a-chî mě ekye to bwǎn bakíri chwóó ḿbé badajê jangjang ne éshíshě nyí nyi ké bukô-kace, ḿbé onet oo*man epan*.
13-15Ńdyí o/rí ké kyikit ánkyi dyi-cé, Jekôp o/cá byitú ḿbyí o/chi o-yárê Éso mú wǎn-boné emen. Égot-bama-ebúbǔu ebónge ne etúbû bujam ne égot-bama-etám-ebû ne etyítǎm bujam ne boonyam-atû ḿbú budakye abî-mpong bujam esim diǐkpú ne bwǎn ebe ne bajam-bama-bampong bafee ne batyép diǐkpú ne bama-boonyam-atû bujam ne batyép diǐkpú. 16O-kyii kámbyí ké abóng, dyibóng ne dyibóng o-tî ḿgbán. O-sét bǎmgbán emen ámbe o/fu, bwóp n̂g kashú ba-cen n ba-câ ncat ńcat. 17O-sét mbwôp kashú-ḿgbán o/fu, â Éso mú wǎn-boné ejí o/kâm ǒ, o/bí o/fu, yeě mu bonchí eyên. Wo amu a-wâa ng nyá. Yeě mu ne byitú ḿbyí mbyi byi-câ ǒ něen ké kashú. 18Wo sét ǎ a/fu, ḿbyí Jekôp mú ḿgbán eyên. O/twóm kámbyí wǎ eyáré o/fu, me mba-kye Éso mú bonchí emen. Jekôp oyén mu o-bâ ké esim. 19O-sét nnyinyěng-ḿgbán dyizong-ejá ányi ebónge ne nnyinyěng ne kángkáng bǎmgbán ḿbé áku, ḿbé o/kye kámbé byitú o/fu, ńkyín nké ba/chi ba-sét Éso â ba/kâm ǎ. 20Ba-man ba-sét ǎ ba/fu, Jekôp mú ḿgbán eyên mu o-bâ bě nyín jwángjwáng ké esim. Jekôp o/kabe ké dyityém emen o/fu, n/chi n-chi kafâ ka-nyîn ǎ ne eyáré ńnyín, ne â n/kâm ǎ, katô o/chi o-pwoo mě. 21O-twóm eyáré ányi e-bwóp kashú, nyǐ oyén o-waa ányi o-rí.
Jekôp o/nwa Kyising ké Pényel
22Ké buchú ámbu, Jekôp o/bûu nensang, o-kpî banyi emen ḿbé kashú ashí afee ne banyi emen ḿbé bwǎsíng ashí afee ne bwǎn emen ashí diǐkpú ne din, o-nyáng kace ńké Jábok. 23Ńdyí banet emen ámbe baa/nyáng kace, o/twóm to kángkáng byěm ḿbyí mu ne mbyí byi-nyáng kace, 24nké nyǐ oyén o/waa esim-kace nyí áku kǎnchí.
Ne onyinchéng obónge o-byí o-ba-nwa kyising ne nyǐ tete wǎ dyicófóróng dyi-câ. 25Ńdyí onyinchéng ámu o/nyît o/fu, nyǐ o*fí o-man n etyem Jekôp* o-kíbî Jekôp ké kyikpút, kyi-byíryî. 26Mú onyinchéng ámu o-sét ǎ o/fu, mîng mě n-dim, dyicófóróng dyi-kú dyi-câ.
Jekôp o-sét ǎ o/fu, mm*bángê ǒ a-dim* tete a-jware mě.
27Onyinchéng ámu o-bí ǎ o/fu, wo a-bángê e nǎ.
Jekôp o-sét ǎ o/fu, me m-bángê e Jekôp.
28Onyinchéng ámu o-sét ǎ o/fu, wo aa*ba/chi a-chîbángê Jekôp*. Wo aa/nwa kyising ne Osówo ne ne banet a-kpógê. Ké bubwô ámbu, wo a/chi a-kûbángê Ézerel.
29Jekôp o-bí ǎ o/fu, sét mě kâng dyizîn eyên.
Nké nyǐ o/faa ǎ o/fu, ebóng amu a-ryuu ng a/fu, a-nyît ng dyizîn ejí. Ne o-jware Jekôp.
30Jekôp o-raa o/fu, me nn/yip achi ejí n-ri Osówo, ne n/tôong okpó. Ne o-fé kyikit ánkyi dyizîn, Pényel. 31Jekôp o/dim ké Pényel ńdyí esû ee/byí, ne o/mû mu o-cú ng ké kyikpút emen ńkyí kyi/byíryî. 32Tete kurún, kyikû-banet ńkyí Ézerel baa*ryí busín-enyam* ké nǎ, ányi nké ba/díp Jekôp.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985