Jénésis 34
34
Ba/rí ne Dyímina ké Busa
1Dyicí dyibónge, Dyímina mú wǎn-Jekôp ne Lyâ, mú onyinyi, o/dim o/fu, nyǐ o-da ng eri bacín emen ḿbé banyinyi, ḿbé Kínan. 2Ńdyí Shékem mú wǎn-Hámo, mú o/fím Hyítat, mú o/mû otu mú kyikim-esí ánkyi o/ri ǎ, o-kpî ǎ, o-bam ǎ o-rí ne nyǐ. 3Nké o/ri ké mú wǎn-onyinyi mu o-jang ng enwa, ne o-róng kyijé ne nyǐ, [o-kan o/fu, nyǐ o-chi i ba-kûjê barî.] 4O-sét Hámo mú bonchí o/fu, mu n-ryuu ng n/fu, m-bé ng wǎn-onyinyi mún.
5Jekôp o/jwo ba/fu, baa/fé wǎn emen éshwân, nké ké nǎ, ḿbé bwǎn emen ḿbé banyinchéng ba/mû ké dyikán ne byitú emen, nyǐ o*da/chi chwǒm* tete ba-fyi. 6Hámo mú bonchí-Shékem o-dim o/fu, nyǐ o-da ng epem ne Jekôp, 7ké ochíchí-nkéré mú bwǎn-Jekôp mbe ba-fyi ng ké dyikán. Ńdyí ba/jwo kyi-kim ne nkyí, byiko byi/kaa kámbé, kafâ ka-kpet esa kámbé ké ochi mú Shékem o/chi dyizong-chwǒm ándyi, ne oo/dángê banet ḿbé Ézerel ké wǎn-Jekôp mú o/bam ǎ o-rí ne nyǐ. 8Hámo o-sét Jekôp o/fu, Shékem mú wǎn ejí oo/róng kyijé ne wǎn eyên. Kamgbe, mîng ǎ o-bé ǎ. 9Bâ byi-ryí ocím byi/fu, banet eten ne ḿbé eyên ba/chi ba-kûbé barî. 10Ké bubwô ámbu, wo a-man n ekyú nyín ké oshê eten ne be. Wo a-man n ekyú nang nyá mú kyi/nyîn ǒ, a-cen kasî, a-kyú ne esí eyên.
11Ne Shékem kâng o-raa ne bonchí-Dyímina ne bwǎn-bané emen o/fu, chi n̂g mě kanong ńkén, me n/chi n-kye běn nang ebóng chwǒm ńkyí bamu ba-ryuu ng. 12Sét n̂g mě eyáré nyí bamu ba-ryuu ng. Ba-man n ekét ocím-kasî-onyi nang orá mú o/nyîn běn. Me n-kyâ běn nang ebóng ńkyí bamu ba-ryuu ng, â ba/chi ba-bángê mě m-bé ǎ.
13Ké nǎ, Shékem o/mû oo/fé Dyímina mú wǎn-boné ebe éshwân, bwǎn-Jekôp ba/faa Shékem ne Hámo mú bonchí emen ké bukwóp ḿbú cǐ, 14ba/fu, bii*man ebángê wǎn-boné eten o-bé onyinchéng mú o*da/cên ne*. Ńkyí ánkyi kyi-kyú u bě chwǒm-éshwân. 15Be byi-bángê e â ben ba/bángê ba/fu, ba-kyú u wǎ be ba-cên kángkáng banyinchéng enen. 16Â ba/chi éné, byi-bángê e byi-kûbé barî. Byi-kyú u ne ben byi-firi banet babónge. 17Nké â ben ba*da/bángê eringe nyí be byi/sét* ba-cên* be byi/chi byi-kúng ǎ byi-dim.
18Ejá nyí ba/sét něen e/nyîn Hámo ne Shékem mú wǎn emen, 19ne Shékem o*da/bên nkéré ne o-chi ńkyí ba/sét* ké nǎ, o/mû oo/róng kyijé ne wǎn-Jekôp. Shékem nké o/mû kiǐtí-onet o-shwôm ké kyikû ebe.
20Hámo ne Shékem mú wǎn emen ba/dim ba-ca ké kyikit-ncibi-oshê ba-da-pem banet-oshê ebe ba/fu, 21banet ḿbén mbe kanong. Byimîng kámbé ba-kyú ké esí eten ne be, ba-kûce kyikit ńkyí kyi/nyîn kámbé. Esí e/jê nyí e/chi e-kwárê kámbé to. Mîng n̂g byi-kûbé barî. 22Nké banet ḿbén ba/bángê ba/fu, mbé ba-kyú u ne be byi-firi banet babónge ké bukwóp něen bubónge nké nke, ba/fu, be byicên kángkáng banyinchéng eten wǎ eringe nyí mbé ba/cên. 23Ben ba/kabe ba/fu, kángkáng byitú ne kángkáng byěm ḿbyí mbe ne mbyí bii*já bě*? Mîng n̂g byi-bángê eringe nyí badakyú ne be. 24Kángkáng banet-oshê ámu ba-bángê ne Hámo ne Shékem ké ńkyí ba/sét, ne ba-cên kángkáng banyinchéng ebe.
25Ké nkéré kii/rí ací achât, ńdyí ḿbé banyinchéng ba/mû ba/tôong ne dyicên, bwǎn-Jekôp ashí afee, Syímyon ne Lyíva, mbé ba/fím boné obónge ne Dyímina, ba/kúng bushwám ebe ba-da-nung ké oshê, ba*da/chi banet ba-tî ekpu* ba-ju kángkáng banyinchéng, 26cibicibi ne Hámo ne Shékem mú wǎn emen. Ba-kpî Dyímina ké kyise ńkyí Shékem ba-dim ne nyǐ. 27Ńdyí ba/ju kámbé éné, bwǎn-Jekôp ḿbé áku ba-da-nung ké oshê ba-wuri byěm ba-só kámbé ewa nyí ba/fé wǎn-boné ebe mú onyinyi éshwân. 28Ba/kúng byitú ne kángkáng byěm byikíri ḿbyí byi/mû ké oshê ne ké byifát. 29Ba/kúng nang ebóng chwǒm ńkyí kyi/mû kanong, ba-kám kángkáng banyinyi ne bwǎsíng, ba-wuri kángkáng byěm ḿbyí byi/mû ké byise.
30Jekôp o-raa ne Syímyon ne Lyíva o/fu, baa/bê mě ne afaníkong ké byiko. Kántîk, me n/chi m-kpet esa banet ḿbé Kínan ne ḿbé Périzit ne kángkáng banet ḿbé mbe ké esí ńnyín kafâ. Me n*fí ne banet chwóó*. Â mbé ba/cibi ashí amúmú ba-kye mě bunwa, ba/chi ba-ju kyikû eten kyimúmú.
31Nké mbé ba/faa ǎ ba/fu, bii*man byi-bángê ba-kûrí ne wǎn-boné eten wǎ onet-akpara*.
Currently Selected:
Jénésis 34: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 34
34
Ba/rí ne Dyímina ké Busa
1Dyicí dyibónge, Dyímina mú wǎn-Jekôp ne Lyâ, mú onyinyi, o/dim o/fu, nyǐ o-da ng eri bacín emen ḿbé banyinyi, ḿbé Kínan. 2Ńdyí Shékem mú wǎn-Hámo, mú o/fím Hyítat, mú o/mû otu mú kyikim-esí ánkyi o/ri ǎ, o-kpî ǎ, o-bam ǎ o-rí ne nyǐ. 3Nké o/ri ké mú wǎn-onyinyi mu o-jang ng enwa, ne o-róng kyijé ne nyǐ, [o-kan o/fu, nyǐ o-chi i ba-kûjê barî.] 4O-sét Hámo mú bonchí o/fu, mu n-ryuu ng n/fu, m-bé ng wǎn-onyinyi mún.
5Jekôp o/jwo ba/fu, baa/fé wǎn emen éshwân, nké ké nǎ, ḿbé bwǎn emen ḿbé banyinchéng ba/mû ké dyikán ne byitú emen, nyǐ o*da/chi chwǒm* tete ba-fyi. 6Hámo mú bonchí-Shékem o-dim o/fu, nyǐ o-da ng epem ne Jekôp, 7ké ochíchí-nkéré mú bwǎn-Jekôp mbe ba-fyi ng ké dyikán. Ńdyí ba/jwo kyi-kim ne nkyí, byiko byi/kaa kámbé, kafâ ka-kpet esa kámbé ké ochi mú Shékem o/chi dyizong-chwǒm ándyi, ne oo/dángê banet ḿbé Ézerel ké wǎn-Jekôp mú o/bam ǎ o-rí ne nyǐ. 8Hámo o-sét Jekôp o/fu, Shékem mú wǎn ejí oo/róng kyijé ne wǎn eyên. Kamgbe, mîng ǎ o-bé ǎ. 9Bâ byi-ryí ocím byi/fu, banet eten ne ḿbé eyên ba/chi ba-kûbé barî. 10Ké bubwô ámbu, wo a-man n ekyú nyín ké oshê eten ne be. Wo a-man n ekyú nang nyá mú kyi/nyîn ǒ, a-cen kasî, a-kyú ne esí eyên.
11Ne Shékem kâng o-raa ne bonchí-Dyímina ne bwǎn-bané emen o/fu, chi n̂g mě kanong ńkén, me n/chi n-kye běn nang ebóng chwǒm ńkyí bamu ba-ryuu ng. 12Sét n̂g mě eyáré nyí bamu ba-ryuu ng. Ba-man n ekét ocím-kasî-onyi nang orá mú o/nyîn běn. Me n-kyâ běn nang ebóng ńkyí bamu ba-ryuu ng, â ba/chi ba-bángê mě m-bé ǎ.
13Ké nǎ, Shékem o/mû oo/fé Dyímina mú wǎn-boné ebe éshwân, bwǎn-Jekôp ba/faa Shékem ne Hámo mú bonchí emen ké bukwóp ḿbú cǐ, 14ba/fu, bii*man ebángê wǎn-boné eten o-bé onyinchéng mú o*da/cên ne*. Ńkyí ánkyi kyi-kyú u bě chwǒm-éshwân. 15Be byi-bángê e â ben ba/bángê ba/fu, ba-kyú u wǎ be ba-cên kángkáng banyinchéng enen. 16Â ba/chi éné, byi-bángê e byi-kûbé barî. Byi-kyú u ne ben byi-firi banet babónge. 17Nké â ben ba*da/bángê eringe nyí be byi/sét* ba-cên* be byi/chi byi-kúng ǎ byi-dim.
18Ejá nyí ba/sét něen e/nyîn Hámo ne Shékem mú wǎn emen, 19ne Shékem o*da/bên nkéré ne o-chi ńkyí ba/sét* ké nǎ, o/mû oo/róng kyijé ne wǎn-Jekôp. Shékem nké o/mû kiǐtí-onet o-shwôm ké kyikû ebe.
20Hámo ne Shékem mú wǎn emen ba/dim ba-ca ké kyikit-ncibi-oshê ba-da-pem banet-oshê ebe ba/fu, 21banet ḿbén mbe kanong. Byimîng kámbé ba-kyú ké esí eten ne be, ba-kûce kyikit ńkyí kyi/nyîn kámbé. Esí e/jê nyí e/chi e-kwárê kámbé to. Mîng n̂g byi-kûbé barî. 22Nké banet ḿbén ba/bángê ba/fu, mbé ba-kyú u ne be byi-firi banet babónge ké bukwóp něen bubónge nké nke, ba/fu, be byicên kángkáng banyinchéng eten wǎ eringe nyí mbé ba/cên. 23Ben ba/kabe ba/fu, kángkáng byitú ne kángkáng byěm ḿbyí mbe ne mbyí bii*já bě*? Mîng n̂g byi-bángê eringe nyí badakyú ne be. 24Kángkáng banet-oshê ámu ba-bángê ne Hámo ne Shékem ké ńkyí ba/sét, ne ba-cên kángkáng banyinchéng ebe.
25Ké nkéré kii/rí ací achât, ńdyí ḿbé banyinchéng ba/mû ba/tôong ne dyicên, bwǎn-Jekôp ashí afee, Syímyon ne Lyíva, mbé ba/fím boné obónge ne Dyímina, ba/kúng bushwám ebe ba-da-nung ké oshê, ba*da/chi banet ba-tî ekpu* ba-ju kángkáng banyinchéng, 26cibicibi ne Hámo ne Shékem mú wǎn emen. Ba-kpî Dyímina ké kyise ńkyí Shékem ba-dim ne nyǐ. 27Ńdyí ba/ju kámbé éné, bwǎn-Jekôp ḿbé áku ba-da-nung ké oshê ba-wuri byěm ba-só kámbé ewa nyí ba/fé wǎn-boné ebe mú onyinyi éshwân. 28Ba/kúng byitú ne kángkáng byěm byikíri ḿbyí byi/mû ké oshê ne ké byifát. 29Ba/kúng nang ebóng chwǒm ńkyí kyi/mû kanong, ba-kám kángkáng banyinyi ne bwǎsíng, ba-wuri kángkáng byěm ḿbyí byi/mû ké byise.
30Jekôp o-raa ne Syímyon ne Lyíva o/fu, baa/bê mě ne afaníkong ké byiko. Kántîk, me n/chi m-kpet esa banet ḿbé Kínan ne ḿbé Périzit ne kángkáng banet ḿbé mbe ké esí ńnyín kafâ. Me n*fí ne banet chwóó*. Â mbé ba/cibi ashí amúmú ba-kye mě bunwa, ba/chi ba-ju kyikû eten kyimúmú.
31Nké mbé ba/faa ǎ ba/fu, bii*man byi-bángê ba-kûrí ne wǎn-boné eten wǎ onet-akpara*.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985