Luka 13
13
1Pilatu Galilajalōni koẓẓetari kassa evari pūzanga tulle athesi inzihi ē kāḍata embaa manni koẓẓekatari ē sangati Jesu tulle westeri.
2evasi evari tulle īle iẓẓesi:— ī Galilajatari īleti dondonga pātaki evari Galilajatari bahēti lōni pāpunga inzihi mīmbu onpi manzerikī?
3evari ăuri inzihi mī tulle wessi manzaï; mīmbu wenḍe zīwu pān’aati purre mīmbu ēle āhiĕ mlengideri.
4ōḍee Siloa tāna manni tīpri rihiwaha hāti oḍro zāna Jerushalemutā kapuromi manni bahēti kiha dohogattari inzihi onpi manzerikī?
5evari ăuri inzihi mī tulle wessi manzaï; mīmbu wenḍe zīwu pān’aati purre mīmbu bahee ēle āhiĕ mlengideri.
6ōḍee evasi evari tulle ī pāḍa westesi:— ro mānēiti draksha‐tōtata tōja‐mrānu rondi nēja maẓẓe. evasi ēdāni patka parrali wātati, ēnaa pān’aatesi.
7lakka evasi:— īdikō tīni barsati nānu ī tōja mrāta patka parri maï samma ēnaawa pān’aatee; īdāni tunha tuh’mu, īdani bakkiti ī bhūmi ēnaataki uzzee hazzali inzihi draksha‐tōta māli tulle westesi.
8ātihe evasi:— ābā, nānu ēdāni suttu kārhiwaha gatta wākh’ni pateka ī barsataki manpe.
9ēdi kampitihe nehee, aātihe tunha tuh’mu inzihi evani tulle westesi.
10zōmini nēẓuta evasi ro sunagōguta bōdha kīhi mannati
11oḍro barsati dahikīni pēnu asti ro īja embaa maẓẓe. ēdāni teddeli duduwa āhiwaha enta mātromi nehi āhi niẓẓalāḍaate.
12Jesu ēdāni messiwaha, wāmu inzihi ārhiwaha:— ījā! nī dahuti pītowi pāta manzi inzihi ēdāni tulle wessihi
13ēdāni muhe keska ittaliĕ, ēdi nehiahi niẓẓiwaha Paramushreenaï zohorkihi wēkhe.
14Jesu zōmini nēẓuta oth’aki ē sunagoguti mugulu hiẓẓu āhiwaha zana samuhomiti hēnḍiwaha:— kamma kīni sō dina mannu lakka ē nēẓungañee wāhiwaha othnani pā’du; zōmini nēẓuta wāadu inzihi westesi.
15ēdānaki prabhu:— wēshomi gattateri! mī lōni wālatasiwa zōmini nēẓuta tani kōḍiti ātiwa gāḍideti ātiwa munda tānati rikhiwaha perha ōhiwaha ēju ūth’nesi.
16īdikō oḍro barsati saitanu dospiti Abrahamu mānga āti ī īja, zōmini nēẓuta ī dosputi rikhali pāḍa ăekī? inzihi evani tulle westesi.
17evasi ī hāḍanga westaki evanaï shikhari hallehe lazza āteri. ātihe zana samuhomi hallehe evasi kēpiti nehi kammanga waẓẓe messiwaha rāha āteri.
18evasi:— Paramushreeni rāziomi imbinanaki bōla manne, imbinani tulle ēdāni pōlhii?
19ro mānēi ōhi hazziwaha tani tōtata uhiti rāipādēi bōla manne. ēdi zānzihi mrānu āte; hāguti pottanga ēdāni kommangaña basa kittu iẓẓesi.
20ōḍee evasi:— Paramushreeni rāziomi imbinani tulle pōlhii?
21bahē pulla urni pateka ro īja tīni gotta māña gundata musti pulla gunda bōla manne inzihi westesi.
22evasi Jerushalemu tāna hōẓa hazzihi bōdha kīhihi gāḍangañee nāskañee rēzi maẓẓesi.
23roosi:— prabhutī! rakshana pā’nari koẓẓetarikī? inzihi evanaï wenzaliĕ
24evasi evaraï messiwaha:— danza duwerita hōdhali wahu ādu, hāra zāna rēẓali meh’neri samma evari hāte ăe inzihi mī tulle wessi manzaï.
25izzoti kazzasi ningiwaha dāra tunditi ḍāju mīmbu pangata niẓẓiwaha dāra tuẓẓiwaha:— ābā, mange dāra de’mu inzihi wessali māthati,
26evasi:— mīmbu imbitateriā, mimmaa nānu punnoo inzihi utromi mī tulle weh’nesi, ēdānaki mīmbu:— nī bahata māmbu tinziwaha uttomiĕ, nīnu mā sahaḍangaña bōdha kitti inzihi wessali māth’deri.
27embatiĕ evasi:— mīmbu imbitateriā, mimmaa punnoo inzihi mī tulle wessi manzaï. doho kīni mīmbu bahē nā tānati guẓẓa hazzu inzihi weh’nesi.
28Abrahamu, Isaaku, Jakobue, wālati gūrkee Paramushreeni rāziomita mannaniĕ, mīmbu pangataki nabga tustaniĕ mīmbu meh’nati mīmbu lihihi patka hōkh’deri.
29ōḍee, lōku wēḍa hō’ni bakkitiĕ, wēḍa klū’ni bakkitiĕ, īrī adeï ka bakkitiĕ wāhiwaha Paramushreeni rāziomita kuggineri.
30īdikō ḍājutari lōni koẓẓekatari dakkitari āneri, dakkitari lōni koẓẓekatari ḍājutari āneri inzihi westesi.
31ē wēḍata koẓẓeka parisajunga wāhiwaha:— nīnu imbati hōẓiwaha hallamu; Herodu ninnaa hāje paijali māndanesi inzihi evani tulle wessaliĕ
32evasi evaraï messiwaha:— mīmbu hazziwaha ē nakka tulle īle inzihi weh’du:— īdikō nīnzuĕ wīeĕ nānu pēnkani hōpha tusihi, (rōgingani) othihi tīni dinata nenza pāna pā’nini.
33ātihe nīnzu, wīe maa nā zījuta nānu tākali maïni, gūrū Jerushalemutaki pangata mlekhnai mliĕ.
34Jerushalemutī! Jerushalemutī gūrkani hāje paihihi nī tāna panḍitaraï walka tulle irhi mannatī! kōju tani hīpangani tani māranga lōki ēni kīhi zōngineā ēle āhiĕ eẓẓora bēḍe nānu nī pōdipōdati dūkha koddali inzihi maẓẓee samma mīmbu kūteri.
35idikō mī illu paju lehe pistai āne — prabhu dōrnti wānasi lakwitasi āpesiko inzihi mīmbu weh’ni pateka mīmbu nannaa meh’uderi inzihi mī tulle wessi manzaï iẓẓesi.
Currently Selected:
Luka 13: KUVI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1916.
