Luka 16
16
1Ōḍee evasi tani shishunga tulle īle iẓẓesi:— ro hommu gattani tāna ro illu krōzitasi maẓẓesi. evasi evani āstiti rāphi mannesi inzihi evani tāna evani muhe nēromi gēthai ajaliĕ
2evasi evanaï hāti kīhiwaha:— nī bakkiti wenzi manni hāḍa ēnai? nī krōziti ezzi herpamu; iẓẓetiĕ nīnu krōzitati mannai ăe inzihi evani tulle westesi.
3ē krōzitasi tani lōni tānu:— nā kazzasi ī illu krōzuti nannaa rezza tustanesi lakka nānu ēnaa kīini? kārhalāḍoo, rīspali lazza nange hōẓi manzane.
4nānu ī illu krōzuti perha tustati, evari nannaa tami ilkaña dūkh’ni lehe ēnaa kēpiiā nānu puï inzakoddihi
5tani kazzani bāki gattari lōni roroonaï hātiwaha:— nīnu nā kazzanaki eẓẓeka bāki manzi? inzihi dakkitanaï weẓẓesi.
6evasi:— sohe manugunga nīju inzihi wessaliĕ, evasi:— nīnu nī āku taẓi wāhiwaha tobbe kuggiwaha tīni kōḍe doso manugunga rāẓa koddamu inzihi evani tulle westesi.
7ḍaju evasi:— nīnu eẓẓeka bāki manzi? inzihi ōḍe roonaï wenzaliĕ evasi:— sohe gōni gohonga inzihi westati evani tulle:— nīnu nī āku taẓi wāhiwaha sāri kōḍe gōni inzihi rāẓamu inzihi westesi.
8aniājomi bīja āti ē krōzitasi shējanati kēpa kodditesi inzihi evani kazzasi evanaï mezẓitesi. uzeḍi bōsutari kiha ī lōkomi bōsutari tami kūḍa bakki messiwaha shējana gattari āba manneri.
9pāpu sīriti minge tōneskani mēḍikiha koddadu; ēnaataki iẓẓihe, ē sīri mimmaa pistati evari nitti mankingaña mimmaa dūkha koddineri inzihi mī tulle wessi manzaï.
10hāra īẓani tāna nammakominga mannasi hāreka tāna zakke nammakomininga mannesi; hāra īẓani tāna aniājomiti mannasi hāreka tāna zakke aniājomiti mannesi.
11lakka mīmbu ī pāpu sīri bakkiti nammakomininga aātihe nitti bhāgiomi imbaasi mīpoti kījanesi?
12mīmbu tēḍitari hommu bakkiti nammakomininga aātihe mī koshtetani minge imbaasi hījanesi?
13imbini sēbagattasiwa rīari kazzaraki sēba kījalāḍuusi, evasi roonaï zīwu nōusi, roonaï zīwu nōnesi, aātihe roonaï māndinesi roonaï mānduusi; mīmbu Paramushreenaïĕ sīritiĕ sēba kījalāḍuuderi inzihi westesi.
14hommu āsha gatti parisājunga ī haḍānga hallehe wenziwaha evanaï gēnkrowi kihi manzaliĕ
15evasi:— mīmbu mānēi nōkita nītigattatomi inzihi inpikihi koddinateri samma Paramushreela mī hījati punnesi. mānēi nōkita ghanomi iẓẓai Paramushreeni nōkita kiẓẓi kiẓẓa.
16Johanu wēḍa pateka dharmashāstrungee gūrkee maẓẓeri. ē wēḍati Paramushreeni rāziomi suwārta wēkhnai āhi manne; wālatasi ē rāziomita balmi hōdhi mannesi.
17dharmashāstromita ro tāta ātiwa hannani kiha hāguĕ bhūmiĕ hannai sulkanee.
18tani āḍini pissiwaha ōḍe rondani penḍili kīha koddini wālatasi ranku kīnesi; dockaraï pistani penḍili kīha koddinasi ranku kīnesi.
19hommugattasi roosi maẓẓesi. evasi kamba gunda wānagatti himborkee sannomi gūña sāḍingee huẓẓiwaha wālati nēẓu hāree sukhomiti bīja āha maẓẓesi.
20Lāzaru inni ro kākuli gattasi maẓẓesi; evasi kūrkati nenzitasi āhi ē hommugattani izzoti angenita riha manziwaha
21evani pāta muheti torgiti ganḍranga tulle hakki halwi kījali mānditesi; eẓẓekee āanaha neska wāhiwaha evani kūrkani nākwi maẓẓu.
22ē kākuli gattasi hāhiwaha dharmu‐dūtanga walla Abrahamu rānguta (gēnthali) ōtasi ātesi. hommu gattasi zakke hāhiwaha mustasi ātesi.
23embatiĕ evasi nāgalōkomita kākuli āhihi, kanka perhihi hĕoti Abrahamutiĕ evani rānguta gēnthi manni Lazarutiĕ messihi:—
24tanzi āti Abrahamutī! nā muhe karma āhi, tani wanzuti kossa ējuta toẓẓiwaha nā wenḍori ăïkījali Lazaruti panḍamu. nānu ī hiẓẓu guduwata dondo pāti maï inzihi killeḍi kīhihi westesi.
25ēdānaki Abrahamu:— mrīenatī! nīnu nī nīḍini kālomita ninge ishtomi āti leheti sukhomi pāti; ēle āhiĕ Lazaru kākuli pātesi inzihi onpa koddamu; niĕ iẓẓihe evasi imbaa sukhomi pāti mannesi, nīnu kākuli pāti manzi.
26iẓẓekee āanaha imbati mī tānataki tēwali māndinari tēwinanaki āḍaa lehee, embatari mā tānataki tēwinanaki āḍaa lehee, mangee mingee maddi hāree kazza ghaḍaha ittitai āha manne inzihi westesi.
27embatiĕ evasi:— ābā! ēle ātihe nange pāsa zāna taiïnga ōḍe manneri.
28evari zakke ī wehu‐tājutaki wāaretu evaraki sāki wessali nā tanzi izzo evanaï panḍamu inzihi ninnaa lākwi manzaï iẓẓesi.
29ēdānaki Abrahamu:— evari tāna Mosee gūrkee manneri, evari zōkoḍi wenzali walle inzihi evani tulle wessaliĕ,
30evasi:— tanzi āti Abrahamutī! ēle kīhi kahi; hātari tānati roosi evari tāna haẓẓihe evari wenḍe‐zīwu pā’neri inzihi westesi.
31ēdānaki evasi:— Mosee gūrkee westi hāḍanga evari wennaatihe hātari tānati roosi ningitiwa evari nammali nammuuri inzihi evani tulle westesi iẓẓesi.
Currently Selected:
Luka 16: KUVI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1916.
