توریت شریف: پَیدایش 11
11
1شروع وِچ ساریاں لوکاں نی اِک ہی زبان سی۔ 2لوکاں کی مشرق آلے پاسے جاݨیاں جاݨیاں سِنعار نے مُلخے وِچ اِک میدان نظر آیا تے اُنہاں اُتھے اپݨا ڈیرا لایا۔
3فِر اُنہاں آپے وِچ آخیا، ”اچھو، اساں اِٹاں بݨاں، تے اگی وِچ چنگی طرح پکاں۔“ اُنہاں بٹے نی جغہ اِٹاں، تے مصالحے نی جغہ تارکول استعمال کِیتا۔ 4فِر او آخݨ لغے، ”اچھو، اساں اپݨے واسطے شہر بݨاں، جس وِچ اِیئے جیا مینار ہووے جیہڑا آسمان تک پہنچی جائے۔ فِر اساں نا ناں قائم ہوئی جاسی، تے اساں ساری دُنیا اپر بِکھرنے تُوں بچی جاساں.“
5پر رب اُس شہر تے مِنار کی تکی کے 6آخیا، ”تکو، اے لوک جیہڑے سارے اِک اݨ تے اِنہاں نی زبان وی اِک ہی اَے، ہُݨ اے کم کرݨ لغے اݨ. اِس واسطے جو کُج کرنا چاݨے اݨ، اے اِنہاں واسطے اوکھا نی۔ 7میں اِنہاں نی بولی درہم برہم کری شوڑساں، تانکہ او اِک دُوئے نی گل ناں سمجھی سکݨ۔“
8بس اِس واسطے رب اُنہاں کی اُتھوں ساری زِیمی اپر بِکھیری شوڑیا، تے او شہر بناݨے تُوں رُکی گئے. 9اِس واسطے شہر نا ناں بابل، مطلب پلیکھیا ہویا، رخیا گیا، کِیئانکہ رب اُتھے دُنیا نیاں ساریاں لوکاں نی زبان کی درہم برہم کری کے اُنہاں کی اُتھوں ساری زِیمی اپر بِکھیری شوڑیا.
10اے سام نا شجرہ نسب اے.
جدوں او اِک سو سالاں نا ہویا سی، اُس نا پُتر ارفکسد جمیا. اے سیلابے کولوں دو سال بعد ہویا۔ 11تے ارفکسد نے جمݨے تُوں بعد سام 500 سال ہور زندہ رہیا، تے اُس نے ہور تیہاں تے پُتر جمݨے رہے۔
12جس ویلے ارفکسد 35 سالاں نا سی اُس نا پتر شلح جمیا۔ 13تے شلح نے جمݨے تُوں بعد ارفکسد 403 سال ہور زندہ رہیا، تے اُس نے ہور تیہاں تے پُتر جمݨے رہے۔
14شلح جس ویلے ترِیئاں سالاں نا سی اُس نا پُتر عَبر جمیا۔ 15تے عَبر نے جمݨے تُوں بعد شلح 403 سال ہور زندہ رہیا، تے اُس نے ہور تیہاں تے پتر جمݨے رہے۔
16جس ویلے عَبر 34 سالاں نا سی اُس نا پُتر فلج جمیا۔ 17تے فلج نے جمݨے تُوں بعد عَبر 430 سال ہور زندہ رہیا، تے اُس نے ہور تیہاں تے پتر جمݨے رہے۔
18جدوں فلج ترِیئاں سالاں نا سی اُس نا پُتر رعُو جمیا۔ 19تے رعُو نے جمݨے تُوں بعد فلج 209 سال ہور زندہ رہیا، تے اُس نے ہور تیہاں تے پُتر جمݨے رہے۔
20جدوں رعُو بَتیآں سالاں نا سی اُس نا پتر سرُوج جمیا۔ 21تے سرُوج نے جمݨے تُوں بعد رعو 207 سال ہور زندہ رہیا، تے اُس نے ہور تیہاں تے پتر جمݨے رہے۔
22جدوں سرُوج ترِیئاں سالاں نا سی اُس نا پتر نحُور جمیا۔ 23تے نحُور نے جمݨے تُوں بعد سرُوج 200 سال ہور زندہ رہیا، تے اُس نے ہور تیہاں تے پتر جمݨے رہے۔
24جدُوں نحُور اُنَتیاں سالاں نا سی اُس نا پتر تارح جمیا۔ 25تے تارح نے جمݨے تُوں بعد نحُور 119 سال ہور زندہ رہیا، تے اُس نے ہور تیہاں تے پتر جمݨے رہے۔ 26جدوں تارح 70 سالاں نا ہوئی گیا اُس تُوں بعد اُس نے ترے پتر حضرت ابرام، نحُور تے حاران جمے۔
27اے تارح نا شجرہ نسب اَے.
تارح نے پُتر حضرت ابرام، نحُور تے خاران جمے. تے جناب حاران نے پتر حضرت لوط جمے۔ 28اپݨے باپ تارح نی زندگی وِچ ہی حاران کسدیاں نے اُور شہر وِچ مری گیا، جِتھے او پیدا وی ہویا سی. 29تے حضرت ابرام تے نحُور دوآں اپݨا اپݨا بیاہ کری کِہندا. حضرت ابرام نی کہرے آلی نا ناں بی بی ساری، تے نحُور نی کہرے آلی نا ناں بی بی ملکہ سی. او ہی ہاران نی تِیہی سی، تے اُس نی پہیݨوں نا ناں بی بی اِسکہ سی۔ 30تے بی بی ساری بانجھ سی، اِس واسطے اُس نے بچے نی سݨ.
31تارح اپݨے پُترے حضرت ابرام کی، تے اپݨے پوترے حضرت لُوط کی جیہڑے جناب ہاران نے پُتر سݨ، تے اپݨی نُوں بی بی ساری کی جیہڑی اُنہاں نے پُترے حضرت ابرام نی کہرے آلی سی، نال کِہندا، تے اے سارے کلدانیاں نے شہر اُر وِچوں نکلی کے مُلخ کَنعان در ٹُری گئے. جِسلے او شہر ہاران تک پُہچے، تے اُتھے رہݨ لغی پئے۔ 32تارح دو سو پنج سالاں نی عمر نے ہوئی کے شہر ہاران وِچ مری گئے۔
Currently Selected:
توریت شریف: پَیدایش 11: phr
Highlight
Share
Copy
Want to have your highlights saved across all your devices? Sign up or sign in
Text (c) 2021 Noor-e-Kashmir
Audio (p) 2021 Noor-e-Kashmir
توریت شریف: پَیدایش 11
11
1شروع وِچ ساریاں لوکاں نی اِک ہی زبان سی۔ 2لوکاں کی مشرق آلے پاسے جاݨیاں جاݨیاں سِنعار نے مُلخے وِچ اِک میدان نظر آیا تے اُنہاں اُتھے اپݨا ڈیرا لایا۔
3فِر اُنہاں آپے وِچ آخیا، ”اچھو، اساں اِٹاں بݨاں، تے اگی وِچ چنگی طرح پکاں۔“ اُنہاں بٹے نی جغہ اِٹاں، تے مصالحے نی جغہ تارکول استعمال کِیتا۔ 4فِر او آخݨ لغے، ”اچھو، اساں اپݨے واسطے شہر بݨاں، جس وِچ اِیئے جیا مینار ہووے جیہڑا آسمان تک پہنچی جائے۔ فِر اساں نا ناں قائم ہوئی جاسی، تے اساں ساری دُنیا اپر بِکھرنے تُوں بچی جاساں.“
5پر رب اُس شہر تے مِنار کی تکی کے 6آخیا، ”تکو، اے لوک جیہڑے سارے اِک اݨ تے اِنہاں نی زبان وی اِک ہی اَے، ہُݨ اے کم کرݨ لغے اݨ. اِس واسطے جو کُج کرنا چاݨے اݨ، اے اِنہاں واسطے اوکھا نی۔ 7میں اِنہاں نی بولی درہم برہم کری شوڑساں، تانکہ او اِک دُوئے نی گل ناں سمجھی سکݨ۔“
8بس اِس واسطے رب اُنہاں کی اُتھوں ساری زِیمی اپر بِکھیری شوڑیا، تے او شہر بناݨے تُوں رُکی گئے. 9اِس واسطے شہر نا ناں بابل، مطلب پلیکھیا ہویا، رخیا گیا، کِیئانکہ رب اُتھے دُنیا نیاں ساریاں لوکاں نی زبان کی درہم برہم کری کے اُنہاں کی اُتھوں ساری زِیمی اپر بِکھیری شوڑیا.
10اے سام نا شجرہ نسب اے.
جدوں او اِک سو سالاں نا ہویا سی، اُس نا پُتر ارفکسد جمیا. اے سیلابے کولوں دو سال بعد ہویا۔ 11تے ارفکسد نے جمݨے تُوں بعد سام 500 سال ہور زندہ رہیا، تے اُس نے ہور تیہاں تے پُتر جمݨے رہے۔
12جس ویلے ارفکسد 35 سالاں نا سی اُس نا پتر شلح جمیا۔ 13تے شلح نے جمݨے تُوں بعد ارفکسد 403 سال ہور زندہ رہیا، تے اُس نے ہور تیہاں تے پُتر جمݨے رہے۔
14شلح جس ویلے ترِیئاں سالاں نا سی اُس نا پُتر عَبر جمیا۔ 15تے عَبر نے جمݨے تُوں بعد شلح 403 سال ہور زندہ رہیا، تے اُس نے ہور تیہاں تے پتر جمݨے رہے۔
16جس ویلے عَبر 34 سالاں نا سی اُس نا پُتر فلج جمیا۔ 17تے فلج نے جمݨے تُوں بعد عَبر 430 سال ہور زندہ رہیا، تے اُس نے ہور تیہاں تے پتر جمݨے رہے۔
18جدوں فلج ترِیئاں سالاں نا سی اُس نا پُتر رعُو جمیا۔ 19تے رعُو نے جمݨے تُوں بعد فلج 209 سال ہور زندہ رہیا، تے اُس نے ہور تیہاں تے پُتر جمݨے رہے۔
20جدوں رعُو بَتیآں سالاں نا سی اُس نا پتر سرُوج جمیا۔ 21تے سرُوج نے جمݨے تُوں بعد رعو 207 سال ہور زندہ رہیا، تے اُس نے ہور تیہاں تے پتر جمݨے رہے۔
22جدوں سرُوج ترِیئاں سالاں نا سی اُس نا پتر نحُور جمیا۔ 23تے نحُور نے جمݨے تُوں بعد سرُوج 200 سال ہور زندہ رہیا، تے اُس نے ہور تیہاں تے پتر جمݨے رہے۔
24جدُوں نحُور اُنَتیاں سالاں نا سی اُس نا پتر تارح جمیا۔ 25تے تارح نے جمݨے تُوں بعد نحُور 119 سال ہور زندہ رہیا، تے اُس نے ہور تیہاں تے پتر جمݨے رہے۔ 26جدوں تارح 70 سالاں نا ہوئی گیا اُس تُوں بعد اُس نے ترے پتر حضرت ابرام، نحُور تے حاران جمے۔
27اے تارح نا شجرہ نسب اَے.
تارح نے پُتر حضرت ابرام، نحُور تے خاران جمے. تے جناب حاران نے پتر حضرت لوط جمے۔ 28اپݨے باپ تارح نی زندگی وِچ ہی حاران کسدیاں نے اُور شہر وِچ مری گیا، جِتھے او پیدا وی ہویا سی. 29تے حضرت ابرام تے نحُور دوآں اپݨا اپݨا بیاہ کری کِہندا. حضرت ابرام نی کہرے آلی نا ناں بی بی ساری، تے نحُور نی کہرے آلی نا ناں بی بی ملکہ سی. او ہی ہاران نی تِیہی سی، تے اُس نی پہیݨوں نا ناں بی بی اِسکہ سی۔ 30تے بی بی ساری بانجھ سی، اِس واسطے اُس نے بچے نی سݨ.
31تارح اپݨے پُترے حضرت ابرام کی، تے اپݨے پوترے حضرت لُوط کی جیہڑے جناب ہاران نے پُتر سݨ، تے اپݨی نُوں بی بی ساری کی جیہڑی اُنہاں نے پُترے حضرت ابرام نی کہرے آلی سی، نال کِہندا، تے اے سارے کلدانیاں نے شہر اُر وِچوں نکلی کے مُلخ کَنعان در ٹُری گئے. جِسلے او شہر ہاران تک پُہچے، تے اُتھے رہݨ لغی پئے۔ 32تارح دو سو پنج سالاں نی عمر نے ہوئی کے شہر ہاران وِچ مری گئے۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
Text (c) 2021 Noor-e-Kashmir
Audio (p) 2021 Noor-e-Kashmir