توریت شریف: پَیدایش 33
33
1حضرت یعقُوب اُپر تکیا کہ حضرت اِیسَو چار سو بندے نال کہنی کے اچھݨے پئے. تاں فِر اُنہاں بچّیاں کی بی بی لیاہ، بی بی راخِل تے دوآں لُونڈیاں وِچ بَنڈی شوڑیا. 2اُنہاں لُونڈیاں تے اُنہاں نے بچّیاں کی ساریاں کولوں اگے، تے بی بی لیاہ تے اُنہاں نے بچّیاں کی اُنہاں نے پِچھے، تے فِر بی بی راخِل تے حضرت یُوسف کی ساریاں کولوں پِچھے رخیا۔ 3تے او آپوں اِنہاں نے اگے اگے ٹُرے، تے اپݨے پہراؤ کول پُہچݨے تک ست واری زِیمی اپر چُہکے۔
4پر حضرت اِیسَو اُنہاں کی مِلݨے واسطے دوڑے، تے اُنہاں کی گلے نال لائی پیار دِتا. تے دوئے روݨ لغی پئے۔ 5فِر حضرت اِیسَو زناݨیاں تے بَچیاں کی تکیا، تے پُچھیا، ”اے تہاڑے نال کُݨ اݨ؟“
اُنہاں آخیا، ”اے او بچّے اݨ جیہڑے اللّٰہ تعالیٰ تہاڑے اِس خادم کی بخشے اݨ۔“
6فِر لُونڈیاں تے اِنہاں نے بچّے نیڑے آئے، تے اپݨے سِراں کی تھلے کِیتا. 7فِر بی بی لیاہ اپݨے بچّیاں سمیت نیڑے آئی، تے اُنہاں وی اپݨے سِر تھلے کِیتے. اخر کار بی بی راخِل تے حضرت یُوسف وی کول آئے، تے اُنہاں وی اپݨے سِر تھلے کِیتے۔
8حضرت اِیسَو آخیا، ”اِنہاں ساریاں اجڑاں نا، جیہڑے تُوں مِکی دِتے، کَے مطلب اے؟“
حضرت یعقُوب جواب دِتا، ”تاںکہ میں تُساں نی نظراں وِچ مقبول ہوواں، مہاڑے مالک۔“
9حضرت اِیسَو جواب دِتا، ”مہاڑیا پہراوا، مہاڑے کول بہُوں کُج اے. جیہڑا تُہاڑا اے، او اپݨے کول ہی رخ۔“
10حضرت یعقُوب آخیا، ”جے مہاڑے پر نظرِ کرم کرو، تے مہاڑا نذرانہ قبول کرو. میں تے تُساں نا مُونہ اِس طرح تکیا اے کہ جِس طرح کوئی اللّٰہ تعالیٰ نا مُونہ تکݨا، کِیئانکہ تُساں مہاڑے نال راضی ہوئے او۔ 11مہربانی کری کے اے نذرانہ جیہڑا میں تُساں کی دیݨا آں اِس کی قبول کرو، کِیئانکہ اللّٰہ تعالیٰ مہاڑے پر بہُوں کرم کِیتا اے، تے مہاڑے کول سارا کُج اے.“ حضرت یعقُوب مجبور کِیتا، تے تاں حضرت اِیسَو نذرانہ قبول کیتا۔
12حضرت اِیسَو آخیا، ”ہُݨ اَساں اِتھوں ٹری جاں، تے میں تہاڑے اَگے اَگے ہوساں۔“
13پر حضرت یعقُوب اِس کی جواب دِتا، ”مہاڑے آقا، تُساں کی پتہ اے کہ مہاڑے نال نِکے بچّے تے نِکیاں دُدھ پلاݨے آلیاں پہڈاں بکریاں تے گاںئیاں اݨ. جے اُنہاں کی اِک دیہاڑے توں ذرا زیادہ ٹوریا، تے سارا مال ڈنگر مری جاسی۔ 14مہاڑے آقا، تُساں مہاڑے کولوں پہلے ہی ٹُری جائو، تے میں ڈنگراں تے بچّیاں نے ٹرنے نے مطابق ہولیاں ہولیاں ٹُری کے تُساں کول سعیر وِچ اچھی پُہنچساں۔“
15فِر حضرت اِیسَو آخیا، ”جے تُہاڑی مرضی ہووے تے میں اپݨے لوکاں وِچوں جیہڑے مہاڑے نال اݨ، کُج تہاڑے نال چھوڑاں۔“
پر حضرت یعقُوب آخیا، ”اِس نی کے ضرورت اے؟ تُساں نی رحم نی نظر مہاڑے واسطے بہُوں اے۔“
16فِر حضرت اِیسَو اُس دیہاڑے تُوں ہی سعِیر آلے پاسے مُڑی کے ٹُرݨ لغی پئے۔ 17پر حضرت یعقُوب سفر کرنیاں کرنیاں گراں سُکات وِچ آئے، تے اُنہاں اپݨے واسطے اِک کہار بݨایا تے اپݨے ڈنگراں واسطے جہوپڑے بݨائے. اِسے واسطے اُس جغہ نا ناں ”سُکات“ مطلب ”جہوپڑے“ ہوئی گیا ۔
18آخرکار حضرت یعقُوب ٹُرݨے ٹُرݨے سلامتی نال مُلکِ کَنعان نے شہر سِکم وِچ پُہنچے، تے اُنہاں اپݨے تمبو شہر نے سامݨے لائے۔ اِس طرح اُنہاں نا فدان آرام تُوں کَنعان تک نا سفر پُورا ہویا۔ 19زِیمی نے جس حِصے پر اُنہاں اپݨا تمبو لایا سی، اُس جغہ کی اُنہاں حمور نے پُتر سِکم تے اُس نیاں پہراواں کولوں چاندی نے سو سکیاں نے مُل چاہی کِہندا۔ 20اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل اِلہ اسرائیل“ رخیا، یعنیٰ ”خُدا اسرائیل نا خُدا“۔
Currently Selected:
توریت شریف: پَیدایش 33: phr
Highlight
Share
Copy
Want to have your highlights saved across all your devices? Sign up or sign in
Text (c) 2021 Noor-e-Kashmir
Audio (p) 2021 Noor-e-Kashmir
توریت شریف: پَیدایش 33
33
1حضرت یعقُوب اُپر تکیا کہ حضرت اِیسَو چار سو بندے نال کہنی کے اچھݨے پئے. تاں فِر اُنہاں بچّیاں کی بی بی لیاہ، بی بی راخِل تے دوآں لُونڈیاں وِچ بَنڈی شوڑیا. 2اُنہاں لُونڈیاں تے اُنہاں نے بچّیاں کی ساریاں کولوں اگے، تے بی بی لیاہ تے اُنہاں نے بچّیاں کی اُنہاں نے پِچھے، تے فِر بی بی راخِل تے حضرت یُوسف کی ساریاں کولوں پِچھے رخیا۔ 3تے او آپوں اِنہاں نے اگے اگے ٹُرے، تے اپݨے پہراؤ کول پُہچݨے تک ست واری زِیمی اپر چُہکے۔
4پر حضرت اِیسَو اُنہاں کی مِلݨے واسطے دوڑے، تے اُنہاں کی گلے نال لائی پیار دِتا. تے دوئے روݨ لغی پئے۔ 5فِر حضرت اِیسَو زناݨیاں تے بَچیاں کی تکیا، تے پُچھیا، ”اے تہاڑے نال کُݨ اݨ؟“
اُنہاں آخیا، ”اے او بچّے اݨ جیہڑے اللّٰہ تعالیٰ تہاڑے اِس خادم کی بخشے اݨ۔“
6فِر لُونڈیاں تے اِنہاں نے بچّے نیڑے آئے، تے اپݨے سِراں کی تھلے کِیتا. 7فِر بی بی لیاہ اپݨے بچّیاں سمیت نیڑے آئی، تے اُنہاں وی اپݨے سِر تھلے کِیتے. اخر کار بی بی راخِل تے حضرت یُوسف وی کول آئے، تے اُنہاں وی اپݨے سِر تھلے کِیتے۔
8حضرت اِیسَو آخیا، ”اِنہاں ساریاں اجڑاں نا، جیہڑے تُوں مِکی دِتے، کَے مطلب اے؟“
حضرت یعقُوب جواب دِتا، ”تاںکہ میں تُساں نی نظراں وِچ مقبول ہوواں، مہاڑے مالک۔“
9حضرت اِیسَو جواب دِتا، ”مہاڑیا پہراوا، مہاڑے کول بہُوں کُج اے. جیہڑا تُہاڑا اے، او اپݨے کول ہی رخ۔“
10حضرت یعقُوب آخیا، ”جے مہاڑے پر نظرِ کرم کرو، تے مہاڑا نذرانہ قبول کرو. میں تے تُساں نا مُونہ اِس طرح تکیا اے کہ جِس طرح کوئی اللّٰہ تعالیٰ نا مُونہ تکݨا، کِیئانکہ تُساں مہاڑے نال راضی ہوئے او۔ 11مہربانی کری کے اے نذرانہ جیہڑا میں تُساں کی دیݨا آں اِس کی قبول کرو، کِیئانکہ اللّٰہ تعالیٰ مہاڑے پر بہُوں کرم کِیتا اے، تے مہاڑے کول سارا کُج اے.“ حضرت یعقُوب مجبور کِیتا، تے تاں حضرت اِیسَو نذرانہ قبول کیتا۔
12حضرت اِیسَو آخیا، ”ہُݨ اَساں اِتھوں ٹری جاں، تے میں تہاڑے اَگے اَگے ہوساں۔“
13پر حضرت یعقُوب اِس کی جواب دِتا، ”مہاڑے آقا، تُساں کی پتہ اے کہ مہاڑے نال نِکے بچّے تے نِکیاں دُدھ پلاݨے آلیاں پہڈاں بکریاں تے گاںئیاں اݨ. جے اُنہاں کی اِک دیہاڑے توں ذرا زیادہ ٹوریا، تے سارا مال ڈنگر مری جاسی۔ 14مہاڑے آقا، تُساں مہاڑے کولوں پہلے ہی ٹُری جائو، تے میں ڈنگراں تے بچّیاں نے ٹرنے نے مطابق ہولیاں ہولیاں ٹُری کے تُساں کول سعیر وِچ اچھی پُہنچساں۔“
15فِر حضرت اِیسَو آخیا، ”جے تُہاڑی مرضی ہووے تے میں اپݨے لوکاں وِچوں جیہڑے مہاڑے نال اݨ، کُج تہاڑے نال چھوڑاں۔“
پر حضرت یعقُوب آخیا، ”اِس نی کے ضرورت اے؟ تُساں نی رحم نی نظر مہاڑے واسطے بہُوں اے۔“
16فِر حضرت اِیسَو اُس دیہاڑے تُوں ہی سعِیر آلے پاسے مُڑی کے ٹُرݨ لغی پئے۔ 17پر حضرت یعقُوب سفر کرنیاں کرنیاں گراں سُکات وِچ آئے، تے اُنہاں اپݨے واسطے اِک کہار بݨایا تے اپݨے ڈنگراں واسطے جہوپڑے بݨائے. اِسے واسطے اُس جغہ نا ناں ”سُکات“ مطلب ”جہوپڑے“ ہوئی گیا ۔
18آخرکار حضرت یعقُوب ٹُرݨے ٹُرݨے سلامتی نال مُلکِ کَنعان نے شہر سِکم وِچ پُہنچے، تے اُنہاں اپݨے تمبو شہر نے سامݨے لائے۔ اِس طرح اُنہاں نا فدان آرام تُوں کَنعان تک نا سفر پُورا ہویا۔ 19زِیمی نے جس حِصے پر اُنہاں اپݨا تمبو لایا سی، اُس جغہ کی اُنہاں حمور نے پُتر سِکم تے اُس نیاں پہراواں کولوں چاندی نے سو سکیاں نے مُل چاہی کِہندا۔ 20اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل اِلہ اسرائیل“ رخیا، یعنیٰ ”خُدا اسرائیل نا خُدا“۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
Text (c) 2021 Noor-e-Kashmir
Audio (p) 2021 Noor-e-Kashmir