توریت شریف: پَیدایش 35
35
1فِر اللّٰہ تعالیٰ حضرت یعقُوب کی آخیا، ”تُوں ہُݨ ہی بیت ایل در جا، تے اُتھَے جائی کے بس. تے اُتھَے مہاڑے واسطے اِک قربانی دیݨے آلی جغہ بݨا، میں جیہڑا اُس ویلے تہاڑے پر ظاہر ہویا ساں جدوں تُوں اپݨے پہراؤ اِیسَو کولوں نسݨا پیا سیں۔“
2تاں حضرت یعقُوب اپݨے کہرے آلیاں تے اپݨیاں ساتھیاں کی آخیا، ”بُت جیہڑے تُساں کول اݨ اُنہاں کی دُور کرو، تے پاک صاف ہوئی کے اپݨے کپڑے بدلاؤ! 3اچھو، فِر اَساں بیت ایل در جاں. میں اُتھے اللّٰہ تعالیٰ واسطے قربانی دیݨے آلی اِک جغہ بݨاں، جس مہاڑی تنگی نے دیہاڑیاں وِچ مہاڑی دُعا قبول کیتی سی، تے جِدھر وی میں گیا آں، او مہاڑے نال ہی رہیا.“ 4فِر اُنہاں سارے بُت جیہڑے اُنہاں کول سݨ تے بالیاں جیہڑیاں اُنہاں نے کناں وِچ سݨ کڈی کے حضرت یعقُوب کی دِتیاں، تے حضرت یعقُوب اُنہاں کی اُس بڑے بوٹے تھلے جیہڑا شہر سِکم نے نیڑے سی دبی شوڑیا۔ 5فِر او اُتھوں ٹُری گئے، تے آسے پاسے نے شہراں نے لوکاں پر اِتنا زیادہ رُعب پئی گیا کہ اُنہاں حضرت یعقُوب نیاں پُتراں نا پِچھا نی کِیتا۔
6ٹُرنے ٹُرنے حضرت یعقُوب اُنہاں ساریاں لوکاں سمیت جیہڑے اُنہاں نال سݨ لُوز پُہنچے، جیہڑا کَنعان ملک وِچ سی۔ اج لُوز نا ناں بیت ایل اے. 7اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل بیت ایل“ مطلب ”بیت ایل نا خُدا“ رخیا، کِیئانکہ جس ویلے او اپݨے پہراؤ کولوں نسݨے پئے سݨ تے اللّٰہ تعالیٰ اُتھے ہی اُنہاں پر ظاہر ہویا سی۔
8فِر بی بی ربقؑہ نی دائی دَبُورہ مری گئی، تے او بیت ایل نی وادی وِچ شاہ بلوط نے بڑے بوٹے نے تھلے دَبی گئی. اُس جغہ نا ناں ”الون بکوت“ مطلب ”روݨے نا بوٹا“ رخیا گیا۔
9حضرت یعقُوب نے فدان آرام توں اچھݨے تُوں بعد اللّٰہ تعالیٰ اُنہاں پر فِر ظاہر ہویا تے برکت دِتی۔ 10اُس اُنہاں کی آخیا، ”تُہاڑا ناں یعقُوب اے. پر تُکی ہُݨ یعقُوب نے نائیں نال نی بُلایا جاݨ لغا، بلکہ ہُݨ تُہاڑا ناں اسرائیل ہوسی.“ اِس طرح خُدا اُنہاں نا نوا ناں اِسرائیل رخیا.
11اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ. 12اے مُلخ جیہڑا میں اِبراہِیم تے اسحاق کی دِتا، اے تُکی وی دیساں تے تہاڑے تُوں بعد نیاں نسلاں کی وی دیساں۔“ 13فِر اللّٰہ تعالیٰ اُنہاں کولوں اُتھوں آسمانے پر ٹُری گیا.
14فِر حضرت یعقُوب اُس جغہ جتھے اللّٰہ تعالیٰ اُنہاں نال ہم کلام ہویا سی یاداشت واسطے اِک بٹہ کھلائی کے اِک تھم بݨایا، تے اُس پر مَے تے زیتون نا تیل بائی کے اللّٰہ تعالیٰ واسطے مُقدس چھوڑیا. 15حضرت یعقُوب اُس جغہ نا ناں جتھے اللّٰہ تعالیٰ اُنہاں نال گلاں کیتیاں سݨ، ”بیت ایل“ یعنی ”اللّٰہ تعالیٰ نا کہر“ رخیا۔
16فِر او اپݨے کہار آلیاں سمیت بیت ایل تُوں ٹُرے، تے اِفراتہ تھوڑے فاصلے پر ہی رہی گیا سی کہ بی بی راخِل کی درد شروع ہوئی گیا تے سخت تکلیف ہوئی۔ 17او سخت دردے وِچ سی تے دائی اُنہاں کی آخیا، ”ڈرو ناں. تُساں نا اِک ہور پُتر ہویا.“ 18اِس طرح ہویا کہ بی بی راخِل مرنیاں مرنیاں اُس پُترے نا ناں ”بن اونی“ یعنیٰ ”تکلیف نا پُتر“ رخیا، فِر آپوں مری گئی. پر حضرت یعقُوبؑ اُس نا ناں ”بن یامِین“ مطلب ”برکت آلا پُتر“ رخیا۔
19اِس طرح بی بی راخِل مری گئے، تے افراتہ یعنیٰ بیت لحم نے راہے وِچ اِنہاں کی دفنایا گیا. 20حضرت یعقُوب اُنہاں نی قبرے پر بٹے نا اِک تَھم کھَلایا تے ہالے تک اے تَھم بی بی راخِل نی قبرے پر لغا وا اے۔ 21فِر حضرت یعقُوب اگے ٹُرے، تے عِدر نے مِینار نے پرلے پاسے تمبو لایا۔ 22اُنہاں نے اُس مُلخے وِچ رہݨیاں ہویاں اِس طرح ہویا کہ روبن جائی کے اپݨی متریری ماؤ بِلہاہ نال غلط کم کِیتا۔ تے حضرت یعقُوب کی اِس گل نا پتا لغی گیا.
اُس ویلے حضرت یعقُوب نے بارہ پُتر اے سݨ:
23بی بی لیاہ نے پُتر روبن، جیہڑا حضرت یعقُوب نا بڑا پُتر سی، فِر شمعون، لاوی، یہوداہ، اِشکار تے زَبُولُون سݨ۔
24بی بی راخِل نے پُتر حضرت یُوسف تے حضرت بن یامِین سݨ.
25بی بی راخِل نی لونڈی بِلہاہ نے پُتر دان تے نَفتالی سݨ۔
26تے بی بی لیاہ نی لونڈی زِلفہ نے پُتر جد تے اَشر سݨ.
اے سارے حضرت یعقُوب نے پُتر سݨ جیہڑے فدان آرام وِچ جمے۔
27فِر حضرت یعقُوب اپݨے پیؤ حضرت اسحاق کول پہنچی گئے، جیہڑے حَبرون نے کول ممرے وِچ رہݨے سݨ. (اُس ویلے حَبرون نا ناں قِریَت اَربع سی)۔ اُتھے حضرت اسحاق تے اُنہاں تُوں پہلے حضرت ابراہیم اجنبی نی حیثیت نال رہݨے ہوݨے سݨ. 28اُس ویلے حضرت اسحاق اِک سو اَسی سالاں نے سݨ، 29تاں او فوت ہوئی گئے. او چنگے بُڈھے تے پوری عمر نے ہوئی کے اپݨے رشتہ داراں نال دوئے جہان وِچ جائی مِلے. تے اُنہاں نیاں پُتراں حضرت اِیسَو تے حضرت یعقُوب اُنہاں کی دَبی شوڑیا۔
Currently Selected:
توریت شریف: پَیدایش 35: phr
Highlight
Share
Copy
Want to have your highlights saved across all your devices? Sign up or sign in
Text (c) 2021 Noor-e-Kashmir
Audio (p) 2021 Noor-e-Kashmir
توریت شریف: پَیدایش 35
35
1فِر اللّٰہ تعالیٰ حضرت یعقُوب کی آخیا، ”تُوں ہُݨ ہی بیت ایل در جا، تے اُتھَے جائی کے بس. تے اُتھَے مہاڑے واسطے اِک قربانی دیݨے آلی جغہ بݨا، میں جیہڑا اُس ویلے تہاڑے پر ظاہر ہویا ساں جدوں تُوں اپݨے پہراؤ اِیسَو کولوں نسݨا پیا سیں۔“
2تاں حضرت یعقُوب اپݨے کہرے آلیاں تے اپݨیاں ساتھیاں کی آخیا، ”بُت جیہڑے تُساں کول اݨ اُنہاں کی دُور کرو، تے پاک صاف ہوئی کے اپݨے کپڑے بدلاؤ! 3اچھو، فِر اَساں بیت ایل در جاں. میں اُتھے اللّٰہ تعالیٰ واسطے قربانی دیݨے آلی اِک جغہ بݨاں، جس مہاڑی تنگی نے دیہاڑیاں وِچ مہاڑی دُعا قبول کیتی سی، تے جِدھر وی میں گیا آں، او مہاڑے نال ہی رہیا.“ 4فِر اُنہاں سارے بُت جیہڑے اُنہاں کول سݨ تے بالیاں جیہڑیاں اُنہاں نے کناں وِچ سݨ کڈی کے حضرت یعقُوب کی دِتیاں، تے حضرت یعقُوب اُنہاں کی اُس بڑے بوٹے تھلے جیہڑا شہر سِکم نے نیڑے سی دبی شوڑیا۔ 5فِر او اُتھوں ٹُری گئے، تے آسے پاسے نے شہراں نے لوکاں پر اِتنا زیادہ رُعب پئی گیا کہ اُنہاں حضرت یعقُوب نیاں پُتراں نا پِچھا نی کِیتا۔
6ٹُرنے ٹُرنے حضرت یعقُوب اُنہاں ساریاں لوکاں سمیت جیہڑے اُنہاں نال سݨ لُوز پُہنچے، جیہڑا کَنعان ملک وِچ سی۔ اج لُوز نا ناں بیت ایل اے. 7اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل بیت ایل“ مطلب ”بیت ایل نا خُدا“ رخیا، کِیئانکہ جس ویلے او اپݨے پہراؤ کولوں نسݨے پئے سݨ تے اللّٰہ تعالیٰ اُتھے ہی اُنہاں پر ظاہر ہویا سی۔
8فِر بی بی ربقؑہ نی دائی دَبُورہ مری گئی، تے او بیت ایل نی وادی وِچ شاہ بلوط نے بڑے بوٹے نے تھلے دَبی گئی. اُس جغہ نا ناں ”الون بکوت“ مطلب ”روݨے نا بوٹا“ رخیا گیا۔
9حضرت یعقُوب نے فدان آرام توں اچھݨے تُوں بعد اللّٰہ تعالیٰ اُنہاں پر فِر ظاہر ہویا تے برکت دِتی۔ 10اُس اُنہاں کی آخیا، ”تُہاڑا ناں یعقُوب اے. پر تُکی ہُݨ یعقُوب نے نائیں نال نی بُلایا جاݨ لغا، بلکہ ہُݨ تُہاڑا ناں اسرائیل ہوسی.“ اِس طرح خُدا اُنہاں نا نوا ناں اِسرائیل رخیا.
11اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ. 12اے مُلخ جیہڑا میں اِبراہِیم تے اسحاق کی دِتا، اے تُکی وی دیساں تے تہاڑے تُوں بعد نیاں نسلاں کی وی دیساں۔“ 13فِر اللّٰہ تعالیٰ اُنہاں کولوں اُتھوں آسمانے پر ٹُری گیا.
14فِر حضرت یعقُوب اُس جغہ جتھے اللّٰہ تعالیٰ اُنہاں نال ہم کلام ہویا سی یاداشت واسطے اِک بٹہ کھلائی کے اِک تھم بݨایا، تے اُس پر مَے تے زیتون نا تیل بائی کے اللّٰہ تعالیٰ واسطے مُقدس چھوڑیا. 15حضرت یعقُوب اُس جغہ نا ناں جتھے اللّٰہ تعالیٰ اُنہاں نال گلاں کیتیاں سݨ، ”بیت ایل“ یعنی ”اللّٰہ تعالیٰ نا کہر“ رخیا۔
16فِر او اپݨے کہار آلیاں سمیت بیت ایل تُوں ٹُرے، تے اِفراتہ تھوڑے فاصلے پر ہی رہی گیا سی کہ بی بی راخِل کی درد شروع ہوئی گیا تے سخت تکلیف ہوئی۔ 17او سخت دردے وِچ سی تے دائی اُنہاں کی آخیا، ”ڈرو ناں. تُساں نا اِک ہور پُتر ہویا.“ 18اِس طرح ہویا کہ بی بی راخِل مرنیاں مرنیاں اُس پُترے نا ناں ”بن اونی“ یعنیٰ ”تکلیف نا پُتر“ رخیا، فِر آپوں مری گئی. پر حضرت یعقُوبؑ اُس نا ناں ”بن یامِین“ مطلب ”برکت آلا پُتر“ رخیا۔
19اِس طرح بی بی راخِل مری گئے، تے افراتہ یعنیٰ بیت لحم نے راہے وِچ اِنہاں کی دفنایا گیا. 20حضرت یعقُوب اُنہاں نی قبرے پر بٹے نا اِک تَھم کھَلایا تے ہالے تک اے تَھم بی بی راخِل نی قبرے پر لغا وا اے۔ 21فِر حضرت یعقُوب اگے ٹُرے، تے عِدر نے مِینار نے پرلے پاسے تمبو لایا۔ 22اُنہاں نے اُس مُلخے وِچ رہݨیاں ہویاں اِس طرح ہویا کہ روبن جائی کے اپݨی متریری ماؤ بِلہاہ نال غلط کم کِیتا۔ تے حضرت یعقُوب کی اِس گل نا پتا لغی گیا.
اُس ویلے حضرت یعقُوب نے بارہ پُتر اے سݨ:
23بی بی لیاہ نے پُتر روبن، جیہڑا حضرت یعقُوب نا بڑا پُتر سی، فِر شمعون، لاوی، یہوداہ، اِشکار تے زَبُولُون سݨ۔
24بی بی راخِل نے پُتر حضرت یُوسف تے حضرت بن یامِین سݨ.
25بی بی راخِل نی لونڈی بِلہاہ نے پُتر دان تے نَفتالی سݨ۔
26تے بی بی لیاہ نی لونڈی زِلفہ نے پُتر جد تے اَشر سݨ.
اے سارے حضرت یعقُوب نے پُتر سݨ جیہڑے فدان آرام وِچ جمے۔
27فِر حضرت یعقُوب اپݨے پیؤ حضرت اسحاق کول پہنچی گئے، جیہڑے حَبرون نے کول ممرے وِچ رہݨے سݨ. (اُس ویلے حَبرون نا ناں قِریَت اَربع سی)۔ اُتھے حضرت اسحاق تے اُنہاں تُوں پہلے حضرت ابراہیم اجنبی نی حیثیت نال رہݨے ہوݨے سݨ. 28اُس ویلے حضرت اسحاق اِک سو اَسی سالاں نے سݨ، 29تاں او فوت ہوئی گئے. او چنگے بُڈھے تے پوری عمر نے ہوئی کے اپݨے رشتہ داراں نال دوئے جہان وِچ جائی مِلے. تے اُنہاں نیاں پُتراں حضرت اِیسَو تے حضرت یعقُوب اُنہاں کی دَبی شوڑیا۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
Text (c) 2021 Noor-e-Kashmir
Audio (p) 2021 Noor-e-Kashmir