1 TIMƆTI 3
3
Sↄsi gbɛ̃nsinↄ
1Yã kɛ̀kii nɛ́ yãpuraamɛ: Tó gbɛ̃ yezi à kɛ gbɛ̃nsi ũ, èe zĩ maaa nii dɛɛ. 2Gbɛ̃nsi gↄ̃ kuu taari sai, nↄmɛndodee ũ, làakaridee ũ. Àgↄ̃ a zĩnda kũna dↄ̃ gbɛ̃ dↄ̀rↄdee ũ, nibↄfↄ̃ri ũ, gbɛ̃ kɛ̀ eé fↄ̃ à yã dańnɛ ũ. 3Àtongↄ̃ dɛ wɛ̃dɛri ke gbɛ̃ pãsĩ ũro. Àgↄ̃ dɛ nↄ̀sɛdode yãketesaidee ũ. Ɔↄ tón dↄnɛ aɛro. 4Àgↄ̃ a ua kũna dↄ̃, à nɛ́nↄ gae mì siɛnɛ, aↄ̃gae à ↄdↄkii gwa. 5Zaakɛ tó gbɛ̃ a ua kũna dↄ̃ro, eé kɛ dia à fↄ̃ à Luda sↄsi gbɛ̃nↄ gwaa? 6Àtongↄ̃ dɛ Yesude dufu ũro, lɛ àton ĩa dã, à a zĩnda da yãn lán Ibilisi bàro yãnzi. 7Àgↄ̃ tↄ́ nnaa vĩ Yesusaideenↄ kiia dↄ, lɛ wàton à tↄ́ zaaa sí, à gɛ̃ Ibilisi takutɛɛnlo yãnzi.
Sↄsi dↄnlɛrinↄ
8Lɛmɛ dↄ dↄnlɛrinↄ gↄ̃ dɛ gbɛ̃ bɛ̀ɛdeenↄ ũ. Aↄ̃tongↄ̃ dɛ lɛ́plaadeenↄ ũro. Wɛ̃ yã tón dↄńnɛ aɛro. Aↄ̃tongↄ̃ dɛ ↄↄzaawɛtɛrinↄ ũro. 9Aↄ̃gↄ̃ Yesu yã asiinↄ kũna kↄ̃n nↄ̀sɛpuraao. 10Wà ń yã gwa gĩa, tó wèe yãke eḿmaro, gbasa wà ń diɛ dↄnlɛrinↄ ũ. 11Lɛmɛ dↄ ń nↄↄnↄ gↄ̃ dɛ nↄgbɛ̃ bɛ̀ɛdeenↄ ũ, làakarideenↄ ũ, aↄ̃gↄ̃ náanɛ vĩ yã píngi guu. Aↄ̃tongↄ̃ dɛ kↄmↄtↄdeenↄ ũro. 12Dↄnlɛri gↄ̃ dɛ nↄmɛndodee ũ, àgↄ̃ a ua kↄ̃n a nɛ́nↄ kũna dↄ̃. 13Gbɛ̃ kɛ̀ aↄ̃ ń zĩi kɛ̀ a zɛ́anↄ gwena égↄ̃ maaa, ń làakari égↄ̃ kpaɛna ń Kirisi Yesu náanɛkɛna guu maamaa.
Wa dↄnzizɛ asii bíta
14Baa kɛ̀ mɛ́ɛ yã kɛ̀nↄ oonnɛ, má dìɛ mɛ́ mↄ́ n gwa saa. 15Tó ma mↄna gà à gì kɛ̀, má yezi ǹgↄ̃ dↄ̃ lán à kↄ̃ sìo wàgↄ̃ kuu Luda uadeenↄ ũ nà. Wámbe Luda Wɛ̃̀ndide sↄsi gbɛ̃nↄ ũ, yãpurapɛɛkii ũ kↄ̃n à gbãa'ekiio. 16Wa dↄnzizɛ asii kɛ̀ bↄ̀ gupuraaa bíta yãpuramɛ:
À bↄ̀ à mↄ̀ gbɛ̃ntee ũ,
Luda Nini yãpuraa kpàa,
malaikanↄ à è.
Wà à yã waazi kɛ̀ boriinↄ tɛ́,
wà à náanɛ kɛ̀ anduna guu,
Luda à sɛ̀ à tào gakui guu.
Currently Selected:
1 TIMƆTI 3: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.