Vilinga 18
18
Paulu hakupwa kuKolinde
1Kufuma aha, Paulu afumine kuAtene nakuya kuKolinde.
2Kaha awanyineko kaYuleya umwe lijina lyenyi Akwila, asemukilile kuPondu, apwile mukufuma kuItalya napwevo lyenyi Pilishila. Mwomwo Kesale Kolochiu ahanyine lushimbi ngwenyi, VaYuleya vosena vafume muLoma, kaha Paulu ashikilile kuli vakiko.
3Kaha hakupwa azachilenga milimo yoyimwe navakiko, shikaho atwaminenga navo nakuzata, mwomwo milimo yavo yapwile yakutonga jimbalaka.
4 HaSambata hiSambata, alijingishilenga navaYuleya navaHelase musunangonga#18:4 Tala ha6:9. nakweseka kuvakunyula.
5Jino omu vejile vaShilase naChimoteu kufuma kuMasetonya, Paulu alihanyine chikuma kumulimo wakwambulula mazu kaha avambulilile vaYuleya nakuvalumbunwina unjiho ngwenyi, Yesu Ikiye vene Kulishitu vashikile.
6Oloze omu vakanyinenga nakumusaula, atotomwene uvwalo wenyi nakuvamba ngwenyi, mulonga wamanyinga enu upwenga hamitwe yenu, ami ngunatomo. Kufuma kulelo nanguya kuli vaka-mafuchi.
7Kaha afumine kuze, engilile muzuvo yamutu umwe lijina lyenyi Chichiyu Yushitu, apwile muka-kukomoka Kalunga, zuvo yenyi yalihachile nasunangonga.
8Kaha mukulwane wasunangonga Kulishipu afwelelele Mwata, navaze vakuzuvo yenyi vosena. Navaka-Kolinde vavavulu nawa omu vamwivwililile vafwelelele kaha vavajimikile.
9Kaha Mwata ahanjikile naPaulu muchimweneso naufuku ngwenyi, Kanda wivwa womako, oloze hanjikanga, kanda uholako.
10Mwomwo Ami nguli nayove, kaha naumwe wauchi mwakuhamukila nakukukolesa, mwomwo nguli navatu vavavulu mulimbo lino lyakembwe.
11Kaha atwaminenga navo mwaka wosena natukweji vatanu naumwe nakunangula mazu aKalunga.
12Oloze haze Ngaliyu apwile muhato wanguvulu kuAkaya, vaYuleya vakatukilile Paulu namuchima umwe nakumutwala kulitanda lyakusopela,
13vambile ngwavo, Ou eji kukunyulanga vatu valifukule kuli Kalunga mwakulisepasana najishimbi.
14Oloze omu Paulu asakile kuhanjika, Ngaliyu avambile vaYuleya ngwenyi, Enu vaYuleya, nge chapwanga chihande chavilinga vyakuhenga chipwe chamulonga waupi, kachi chinawahe ami kumivwilila.
15Oloze hakupwa hichihande chahamazu nahamajina nahaJishimbi jenu, chitalenu enu vavene, ami kangute kusopa vyangana.
16Kaha avahangile muze mwakusopela.
17 Vatu vosena vakwachile twamina yasunangonga Sosetene, nakumuvetela kuze kulutwe lwalitanda lyakusopela, oloze Ngaliyu kachihakile muchimako.
Paulu mwakinduluka kuAndeyoka.
18Shikaho Paulu atwamine kuze makumbi amavulu, kaha asele vandumbwenyi, ayile muwato ku Sulya navaPilishila naAkwila, oho nateula lyehi kawewe kuKenekeleya, hakukuma chalushingo lwenyi kumeso aKalunga.
19Vahetele kuEfwesu kaha asezele vakwavo ikiye ayile nakwingila musunangonga nakulijingisa navaYuleya hamazu.
20Omu vamulembelelele ngwavo ashimbule kuze, ketavileko,
21oloze avasalishile nakwamba ngwenyi, Nge Kalunga netava, nangukakinduluka kuli enu. Kaha vasunwine wato nakufuma kuEfwesu.
22Omu vasulikile kuKesaliya, akandukile kuYelusalema, nakumeneka liuka, kaha ashikumukile kuAndeyoka.
23Omu ashimbwile kuze, afumineko, ahichile mulimbo hilimbo mungalila yaNgalesha naFwiluja nakuzamikisa tumbaji#18:23 Nge ngwavo vaka-kufwelela, mwomwo vosena vapwa tumbaji twaMwata. vosena.
Apolo mwambulula mazu nakumika kuEfwesu
24Kaha kaYuleya umwe, lijina lyenyi Apolo, wakusemukila kuAlekesandelya, ejile kuEfwesu. Apwile lunga wakunanguka, wakuzama chikuma muMazu-vasoneka-ajila.
25Ikiye vamunangwile mwaya jila yaMwata, kaha hakwivwa hyangu mushipilitu yenyi ahanjikilenga nakunangula kanawa vyakuvuluka Yesu, oloze atachikijile kaha lujimiko lwaYowano.
26Ikiye aputukile kuhanjika nakumika musunangonga. Oloze omu vamwivwile vaPilishila naAkwila vamutwalile kumahyavo, kaha vamulumbunwinyine jila yaKalunga mwakwoloka.
27Kaha omu Apolo asakile kuzauka nakuya kuAkaya, vandumbwenyi vamuzamikishile, kaha vasonekelele tumbaji#18:27 Nge ngwavo vaka-kufwelela, mwomwo vosena vapwa tumbaji twaMwata. vamutambule. Omu ahetele kuze, avakafwile chikuma vaze vafwelelele chahalikoji lyaKalunga.
28Mwomwo apwilenga nakukunyula vaYuleya nangolo nakuvalumbunwina hatoma shindakanyi haMazu-vasoneka-ajila ngwenyi, Yesu Ikiye vene Kulishitu vashikile.
Currently Selected:
Vilinga 18: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 18
18
Paulu hakupwa kuKolinde
1Kufuma aha, Paulu afumine kuAtene nakuya kuKolinde.
2Kaha awanyineko kaYuleya umwe lijina lyenyi Akwila, asemukilile kuPondu, apwile mukufuma kuItalya napwevo lyenyi Pilishila. Mwomwo Kesale Kolochiu ahanyine lushimbi ngwenyi, VaYuleya vosena vafume muLoma, kaha Paulu ashikilile kuli vakiko.
3Kaha hakupwa azachilenga milimo yoyimwe navakiko, shikaho atwaminenga navo nakuzata, mwomwo milimo yavo yapwile yakutonga jimbalaka.
4 HaSambata hiSambata, alijingishilenga navaYuleya navaHelase musunangonga#18:4 Tala ha6:9. nakweseka kuvakunyula.
5Jino omu vejile vaShilase naChimoteu kufuma kuMasetonya, Paulu alihanyine chikuma kumulimo wakwambulula mazu kaha avambulilile vaYuleya nakuvalumbunwina unjiho ngwenyi, Yesu Ikiye vene Kulishitu vashikile.
6Oloze omu vakanyinenga nakumusaula, atotomwene uvwalo wenyi nakuvamba ngwenyi, mulonga wamanyinga enu upwenga hamitwe yenu, ami ngunatomo. Kufuma kulelo nanguya kuli vaka-mafuchi.
7Kaha afumine kuze, engilile muzuvo yamutu umwe lijina lyenyi Chichiyu Yushitu, apwile muka-kukomoka Kalunga, zuvo yenyi yalihachile nasunangonga.
8Kaha mukulwane wasunangonga Kulishipu afwelelele Mwata, navaze vakuzuvo yenyi vosena. Navaka-Kolinde vavavulu nawa omu vamwivwililile vafwelelele kaha vavajimikile.
9Kaha Mwata ahanjikile naPaulu muchimweneso naufuku ngwenyi, Kanda wivwa womako, oloze hanjikanga, kanda uholako.
10Mwomwo Ami nguli nayove, kaha naumwe wauchi mwakuhamukila nakukukolesa, mwomwo nguli navatu vavavulu mulimbo lino lyakembwe.
11Kaha atwaminenga navo mwaka wosena natukweji vatanu naumwe nakunangula mazu aKalunga.
12Oloze haze Ngaliyu apwile muhato wanguvulu kuAkaya, vaYuleya vakatukilile Paulu namuchima umwe nakumutwala kulitanda lyakusopela,
13vambile ngwavo, Ou eji kukunyulanga vatu valifukule kuli Kalunga mwakulisepasana najishimbi.
14Oloze omu Paulu asakile kuhanjika, Ngaliyu avambile vaYuleya ngwenyi, Enu vaYuleya, nge chapwanga chihande chavilinga vyakuhenga chipwe chamulonga waupi, kachi chinawahe ami kumivwilila.
15Oloze hakupwa hichihande chahamazu nahamajina nahaJishimbi jenu, chitalenu enu vavene, ami kangute kusopa vyangana.
16Kaha avahangile muze mwakusopela.
17 Vatu vosena vakwachile twamina yasunangonga Sosetene, nakumuvetela kuze kulutwe lwalitanda lyakusopela, oloze Ngaliyu kachihakile muchimako.
Paulu mwakinduluka kuAndeyoka.
18Shikaho Paulu atwamine kuze makumbi amavulu, kaha asele vandumbwenyi, ayile muwato ku Sulya navaPilishila naAkwila, oho nateula lyehi kawewe kuKenekeleya, hakukuma chalushingo lwenyi kumeso aKalunga.
19Vahetele kuEfwesu kaha asezele vakwavo ikiye ayile nakwingila musunangonga nakulijingisa navaYuleya hamazu.
20Omu vamulembelelele ngwavo ashimbule kuze, ketavileko,
21oloze avasalishile nakwamba ngwenyi, Nge Kalunga netava, nangukakinduluka kuli enu. Kaha vasunwine wato nakufuma kuEfwesu.
22Omu vasulikile kuKesaliya, akandukile kuYelusalema, nakumeneka liuka, kaha ashikumukile kuAndeyoka.
23Omu ashimbwile kuze, afumineko, ahichile mulimbo hilimbo mungalila yaNgalesha naFwiluja nakuzamikisa tumbaji#18:23 Nge ngwavo vaka-kufwelela, mwomwo vosena vapwa tumbaji twaMwata. vosena.
Apolo mwambulula mazu nakumika kuEfwesu
24Kaha kaYuleya umwe, lijina lyenyi Apolo, wakusemukila kuAlekesandelya, ejile kuEfwesu. Apwile lunga wakunanguka, wakuzama chikuma muMazu-vasoneka-ajila.
25Ikiye vamunangwile mwaya jila yaMwata, kaha hakwivwa hyangu mushipilitu yenyi ahanjikilenga nakunangula kanawa vyakuvuluka Yesu, oloze atachikijile kaha lujimiko lwaYowano.
26Ikiye aputukile kuhanjika nakumika musunangonga. Oloze omu vamwivwile vaPilishila naAkwila vamutwalile kumahyavo, kaha vamulumbunwinyine jila yaKalunga mwakwoloka.
27Kaha omu Apolo asakile kuzauka nakuya kuAkaya, vandumbwenyi vamuzamikishile, kaha vasonekelele tumbaji#18:27 Nge ngwavo vaka-kufwelela, mwomwo vosena vapwa tumbaji twaMwata. vamutambule. Omu ahetele kuze, avakafwile chikuma vaze vafwelelele chahalikoji lyaKalunga.
28Mwomwo apwilenga nakukunyula vaYuleya nangolo nakuvalumbunwina hatoma shindakanyi haMazu-vasoneka-ajila ngwenyi, Yesu Ikiye vene Kulishitu vashikile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia