Vilinga 19
19
Paulu hakupwa kuEfwesu
1Jino omu Apolo apwile kuKolinde, Paulu apulasanyine mukachi kalifuchi lyaAja nakushikumuka kuEfwesu, kuze, awanyineko tumbaji#19:1 Nge ngwavo vaka-kufwelela, mwomwo vosena vapwa tumbaji twaMwata. vamwe.
2Kaha avahulishile ngwenyi, Mwatambwile Shipilitu Wajila omu mwafwelelele tahi? Vakiko vamukumbulwile ngwavo, Nduma, etu chipwe kwivwa ngwavo, kwatwama Shipilitu Wajila, chiku.
3Avahulishile ngwenyi, Nyi vamijimikile mulujimiko muka? Vakumbulwile ngwavo, Mulujimiko lwaYowano.
4Paulu ambile ngwenyi, Yowano ajimikilenga nalujimiko lwahakukunyuka hashili nakwalumuka mumuchima, alwezelenga vatu ngwenyi vafwelele Ou apwile nakwiza munyima yenyi, Ivene Yesu.
5Vakiko hakwivwa ngocho, vavajimikile mulijina lyaMwata Yesu.
6Kaha omu Paulu avanangikile mavoko, Shipilitu Wajila ejile hali vakiko kaha vahanjikile malimi eka nakupolofweta.
7Jino vosena vapwile kafwe malunga likumi navavali (12).
8Kaha engilile musunangonga#19:8 Tala ha6:9., ahanjikilenga nakumika mutukweji vatatu, alijingishilenga navo nakuvakunyula hamazu awangana waKalunga.
9Oloze omu vamwe vakaluhwishile michima nakulikanga nakuhanjika mwamupi haJila eyi kumeso avaze vakungulukile, avasezele, ahandunwineko tumbaji#19:9 Nge ngwavo vaka-kufwelela, mwomwo vosena vapwa tumbaji twaMwata. nakuya navo mushikola yaTulanu, kaha alijingishilenga muze navatu hamazu hakumbi hakumbi.
10Echi achilingilenga mumyaka yivali, ngocho vosena vaze vatwaminenga kuAja vevwilenga mazu aMwata, navaYuleya navaHelase.
11Kalunga alingilenga vilinga vyangolo vyakukomwesa namavoko aPaulu,
12ngocho chasolokelenga chipwe miswala#19:12 Muswala wapwa lihina lyakuhunjisa kumazulu. chipwe mapúnu#19:12 Lipunu lyapwa uvwalo wahelu wakuzachisa milimo., vize azachishilenga kumujimba wenyi, vavitwalililenga vaveji, kaha misongo yavafuminenga navashipilitu vavapi nawa vavalovokelenga.
13Jino vaYuleya vamwe vakimbwojokelenga nakweseka kulovola vandemone natufuta, vavulukilenga lijina lyaMwata Yesu hali vaze vapwile navashipilitu vavapi ngwavo, Tunamishingi Yesu, Ou eji kwambululanga Paulu, lovokenu!
14Jino vana vamalunga vatanu navavali vaSeva — kapilishitu umwe wamulemu wavaYuleya — valingilenga ngocho.
15Kaha uze shipilitu wamupi avakumbulwile ngwenyi, Yesu ngwamutachikiza, Paulu nawa ngwamwijiva, oloze enu yenu veya?
16Kaha mutu uze apwile nashipilitu wamupi avazombokelele, avafungulwile vosena nakuvahupula, ngocho vachinyine muze muzuvo uselesele najimbandu.
17Chuma kana chevwakanyine nakuli vaYuleya nakuli vaHelase vosena vaze vatwaminenga kuEfwesu. Woma wavakwachile vosena, kaha lijina lyaMwata Yesu valitohweselenga.
18Kaha nawa vavavulu hakufwelela vejilenga nakulitavila vilinga vyavo vyavipi hatoma nakuvisolola.
19Kaha vavavulu vapwilenga nakulinga tufuta nakupanda, vakungulwile mikanda yavo hamwe, nakuyocha kumeso avatu vosena. Hakufutula ndando yayo yahetele mujimbongo japalata#19:19 Lumbongo lwapalata lumwe lwapwile fweto yamuka-kuzata hakuzata halikumbi lyosena. Shikaho jimbongo josena vawanyine japwile nge fweto yavatu likulukaji namakumi atanu (150) hakuzata mwaka wamuundu! makombakaji makumi atanu (50,000).
20Ngocho mazu aMwata atanjile nakukwata ngolo.
21Omu vyakumine vyosena evi, Paulu ajinyine mukutwaminyina chaShipilitu kuya kuYelusalema hakupulasana muMasetonya namuAkaya, kaha ngwenyi nge ngunahete kuze, kuvanga ngukamone nakuLoma nawa.
22Kaha omu atumine vaka-kumukafwa vavali, Chimoteu naElasatu kuMasetonya, ikiye ashimbwile tando yayindende kuAja.
Pindangano yakuEfwesu
23Hamakumbi aze pindangano yalovokele haJila eyi, kayapwile nge yayindendeko.
24Mwomwo fuli umwe wapalata, lijina lyenyi Ndemetelyu, fuli yatutembele twaAlitemese#19:24 Mulilimi lyavaLoma ngwavo, Ndeyana (likombelo lyavo válemesele). Apwile kalunga wapwevo wakuhumikiza, wakuneha lusemo. twapalata, anehelelenga vafuli vakwavo milimo yakuwanyinaho chikuma.
25Akungulwile vaze naveka nawa vazachilenga milimo nge yize, avambile ngwenyi,
Enu malunga, munatachikiza ngwenu kumilimo eyi kukiko vene tunawanyina luheto lwetu.
26Kaha muli nakumona nakwivwa ngwavo keshi nge kuno kuEfwesu kahako, oloze kafwe nakuAja kwosena nawa, ou Paulu nakunyula vatu vavavulu nakuvahungumwisa hakwamba ngwenyi ava vakutenga kumavoko avatu kaveshi tulungako.
27Kaha kuli ukalu waunene, keshi nge eyi milimo yetu kaha yikiko navafwefululako, oloze natembele yakalunga wamunene wapwevo Alitemese#19:27 Mulilimi lyavaLoma ngwavo, Ndeyana. Tala 19:24. nawa, ou vakomoka kuAja kwosena nahakaye hosena navayihumbula, kaha naunene wenyi nawa navasaka kuunongesa.
28Vakiko omu vachivwile vapihililile chikuma, kaha vatambakanyine ngwavo, Alitemese#19:28 Mulilimi lyavaLoma ngwavo, Ndeyana. Tala 19:24. yavaka-Efwesu ikiye wamunene!
29Muze munganda mwosena mwapwile pindangano. Kaha lizavu lyanyemukile namuchima umwe nakuya kuchivaza chakuhemena, vakokangijile Ngayu naAlishitaku, vaka-Masetonya vaze vatambukilenga naPaulu.
30Kaha omu Paulu asakile kwingila muze mulizavu lyavatu, tumbaji#19:30 Nge ngwavo vaka-kufwelela, mwomwo vosena vapwa tumbaji twaMwata. kavamwitavishileko.
31Kaha masepa jenyi vamwe váyulilenga muAja, vamutuminyine lizu nakumulembelela ngwavo kanda eseka kwingila muze muchivaza chakuhemenako.
32Kaha vamwe vatambakanyine namwavo, vakwavo nawa namwavo, mwomwo lize lizavu lyavatu lyapwile nakupindasana, kaha vavavulu kavatachikijile ocho vakungulukilileko.
33Vamwe muze mulizavu valwezele Alekesande uze vemikile vaYuleya kulutwe lwalizavu, alihakwile — Alekesande avaholesele nalivoko, hakusaka kulihakwila kulize lizavu lyakungulukile.
34Oloze vakiko hakutachikiza ngwavo ikiye kaYuleya, vosena vatambakanyine nalizu limwe kafwe hajilwola jivali ngwavo, Alitemese#19:34 Mulilimi lyavaLoma ngwavo, Ndeyana. Tala 19:24. yavaka-Efwesu ikiye wamunene!
35Kaha omu muka-kusoneka wanganda yize aholesele lize lizavu, ambile ngwenyi,
Enu malunga vaka-Efwesu, mutu muka azeneka kutachikiza ngwenyi nganda yavaka-Efwesu yikiko yalama tembele yaAlitemese wamunene, nalilolwa lyenyi lyajila lize lyaholokele mwilu?
36Jino hakupwa vyuma evi kavyeshi vyakulingululako, holenu kulu, kanda namulusukako.
37Mwomwo ava malunga munanehe kuno, kaveshi vaka-kupupa mujitembeleko, chipwe vaka-kusaula kalunga ketu wapwevoko.
38Shikaho nge Ndemetelyu navafuli vakwavo vali nachihande naumwe, zango kuyili namihato javanguvulu nawa kuvali, vayenga vakalihishileko.
39Oloze nge munasake kutachikiza vyuma vikwavo, navakamilumbunwinavyo muzango mwaya jishimbi.
40Shikaho lelo tuli muukalu wakutuwanyina mulonga wakuneha pindangano, mwomwo katweshi nechi natulumbununa chinanehe eyi pindanganoko.
41Kaha omu ahanjikile ngocho, asuwile lize lizavu.
Currently Selected:
Vilinga 19: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 19
19
Paulu hakupwa kuEfwesu
1Jino omu Apolo apwile kuKolinde, Paulu apulasanyine mukachi kalifuchi lyaAja nakushikumuka kuEfwesu, kuze, awanyineko tumbaji#19:1 Nge ngwavo vaka-kufwelela, mwomwo vosena vapwa tumbaji twaMwata. vamwe.
2Kaha avahulishile ngwenyi, Mwatambwile Shipilitu Wajila omu mwafwelelele tahi? Vakiko vamukumbulwile ngwavo, Nduma, etu chipwe kwivwa ngwavo, kwatwama Shipilitu Wajila, chiku.
3Avahulishile ngwenyi, Nyi vamijimikile mulujimiko muka? Vakumbulwile ngwavo, Mulujimiko lwaYowano.
4Paulu ambile ngwenyi, Yowano ajimikilenga nalujimiko lwahakukunyuka hashili nakwalumuka mumuchima, alwezelenga vatu ngwenyi vafwelele Ou apwile nakwiza munyima yenyi, Ivene Yesu.
5Vakiko hakwivwa ngocho, vavajimikile mulijina lyaMwata Yesu.
6Kaha omu Paulu avanangikile mavoko, Shipilitu Wajila ejile hali vakiko kaha vahanjikile malimi eka nakupolofweta.
7Jino vosena vapwile kafwe malunga likumi navavali (12).
8Kaha engilile musunangonga#19:8 Tala ha6:9., ahanjikilenga nakumika mutukweji vatatu, alijingishilenga navo nakuvakunyula hamazu awangana waKalunga.
9Oloze omu vamwe vakaluhwishile michima nakulikanga nakuhanjika mwamupi haJila eyi kumeso avaze vakungulukile, avasezele, ahandunwineko tumbaji#19:9 Nge ngwavo vaka-kufwelela, mwomwo vosena vapwa tumbaji twaMwata. nakuya navo mushikola yaTulanu, kaha alijingishilenga muze navatu hamazu hakumbi hakumbi.
10Echi achilingilenga mumyaka yivali, ngocho vosena vaze vatwaminenga kuAja vevwilenga mazu aMwata, navaYuleya navaHelase.
11Kalunga alingilenga vilinga vyangolo vyakukomwesa namavoko aPaulu,
12ngocho chasolokelenga chipwe miswala#19:12 Muswala wapwa lihina lyakuhunjisa kumazulu. chipwe mapúnu#19:12 Lipunu lyapwa uvwalo wahelu wakuzachisa milimo., vize azachishilenga kumujimba wenyi, vavitwalililenga vaveji, kaha misongo yavafuminenga navashipilitu vavapi nawa vavalovokelenga.
13Jino vaYuleya vamwe vakimbwojokelenga nakweseka kulovola vandemone natufuta, vavulukilenga lijina lyaMwata Yesu hali vaze vapwile navashipilitu vavapi ngwavo, Tunamishingi Yesu, Ou eji kwambululanga Paulu, lovokenu!
14Jino vana vamalunga vatanu navavali vaSeva — kapilishitu umwe wamulemu wavaYuleya — valingilenga ngocho.
15Kaha uze shipilitu wamupi avakumbulwile ngwenyi, Yesu ngwamutachikiza, Paulu nawa ngwamwijiva, oloze enu yenu veya?
16Kaha mutu uze apwile nashipilitu wamupi avazombokelele, avafungulwile vosena nakuvahupula, ngocho vachinyine muze muzuvo uselesele najimbandu.
17Chuma kana chevwakanyine nakuli vaYuleya nakuli vaHelase vosena vaze vatwaminenga kuEfwesu. Woma wavakwachile vosena, kaha lijina lyaMwata Yesu valitohweselenga.
18Kaha nawa vavavulu hakufwelela vejilenga nakulitavila vilinga vyavo vyavipi hatoma nakuvisolola.
19Kaha vavavulu vapwilenga nakulinga tufuta nakupanda, vakungulwile mikanda yavo hamwe, nakuyocha kumeso avatu vosena. Hakufutula ndando yayo yahetele mujimbongo japalata#19:19 Lumbongo lwapalata lumwe lwapwile fweto yamuka-kuzata hakuzata halikumbi lyosena. Shikaho jimbongo josena vawanyine japwile nge fweto yavatu likulukaji namakumi atanu (150) hakuzata mwaka wamuundu! makombakaji makumi atanu (50,000).
20Ngocho mazu aMwata atanjile nakukwata ngolo.
21Omu vyakumine vyosena evi, Paulu ajinyine mukutwaminyina chaShipilitu kuya kuYelusalema hakupulasana muMasetonya namuAkaya, kaha ngwenyi nge ngunahete kuze, kuvanga ngukamone nakuLoma nawa.
22Kaha omu atumine vaka-kumukafwa vavali, Chimoteu naElasatu kuMasetonya, ikiye ashimbwile tando yayindende kuAja.
Pindangano yakuEfwesu
23Hamakumbi aze pindangano yalovokele haJila eyi, kayapwile nge yayindendeko.
24Mwomwo fuli umwe wapalata, lijina lyenyi Ndemetelyu, fuli yatutembele twaAlitemese#19:24 Mulilimi lyavaLoma ngwavo, Ndeyana (likombelo lyavo válemesele). Apwile kalunga wapwevo wakuhumikiza, wakuneha lusemo. twapalata, anehelelenga vafuli vakwavo milimo yakuwanyinaho chikuma.
25Akungulwile vaze naveka nawa vazachilenga milimo nge yize, avambile ngwenyi,
Enu malunga, munatachikiza ngwenu kumilimo eyi kukiko vene tunawanyina luheto lwetu.
26Kaha muli nakumona nakwivwa ngwavo keshi nge kuno kuEfwesu kahako, oloze kafwe nakuAja kwosena nawa, ou Paulu nakunyula vatu vavavulu nakuvahungumwisa hakwamba ngwenyi ava vakutenga kumavoko avatu kaveshi tulungako.
27Kaha kuli ukalu waunene, keshi nge eyi milimo yetu kaha yikiko navafwefululako, oloze natembele yakalunga wamunene wapwevo Alitemese#19:27 Mulilimi lyavaLoma ngwavo, Ndeyana. Tala 19:24. nawa, ou vakomoka kuAja kwosena nahakaye hosena navayihumbula, kaha naunene wenyi nawa navasaka kuunongesa.
28Vakiko omu vachivwile vapihililile chikuma, kaha vatambakanyine ngwavo, Alitemese#19:28 Mulilimi lyavaLoma ngwavo, Ndeyana. Tala 19:24. yavaka-Efwesu ikiye wamunene!
29Muze munganda mwosena mwapwile pindangano. Kaha lizavu lyanyemukile namuchima umwe nakuya kuchivaza chakuhemena, vakokangijile Ngayu naAlishitaku, vaka-Masetonya vaze vatambukilenga naPaulu.
30Kaha omu Paulu asakile kwingila muze mulizavu lyavatu, tumbaji#19:30 Nge ngwavo vaka-kufwelela, mwomwo vosena vapwa tumbaji twaMwata. kavamwitavishileko.
31Kaha masepa jenyi vamwe váyulilenga muAja, vamutuminyine lizu nakumulembelela ngwavo kanda eseka kwingila muze muchivaza chakuhemenako.
32Kaha vamwe vatambakanyine namwavo, vakwavo nawa namwavo, mwomwo lize lizavu lyavatu lyapwile nakupindasana, kaha vavavulu kavatachikijile ocho vakungulukilileko.
33Vamwe muze mulizavu valwezele Alekesande uze vemikile vaYuleya kulutwe lwalizavu, alihakwile — Alekesande avaholesele nalivoko, hakusaka kulihakwila kulize lizavu lyakungulukile.
34Oloze vakiko hakutachikiza ngwavo ikiye kaYuleya, vosena vatambakanyine nalizu limwe kafwe hajilwola jivali ngwavo, Alitemese#19:34 Mulilimi lyavaLoma ngwavo, Ndeyana. Tala 19:24. yavaka-Efwesu ikiye wamunene!
35Kaha omu muka-kusoneka wanganda yize aholesele lize lizavu, ambile ngwenyi,
Enu malunga vaka-Efwesu, mutu muka azeneka kutachikiza ngwenyi nganda yavaka-Efwesu yikiko yalama tembele yaAlitemese wamunene, nalilolwa lyenyi lyajila lize lyaholokele mwilu?
36Jino hakupwa vyuma evi kavyeshi vyakulingululako, holenu kulu, kanda namulusukako.
37Mwomwo ava malunga munanehe kuno, kaveshi vaka-kupupa mujitembeleko, chipwe vaka-kusaula kalunga ketu wapwevoko.
38Shikaho nge Ndemetelyu navafuli vakwavo vali nachihande naumwe, zango kuyili namihato javanguvulu nawa kuvali, vayenga vakalihishileko.
39Oloze nge munasake kutachikiza vyuma vikwavo, navakamilumbunwinavyo muzango mwaya jishimbi.
40Shikaho lelo tuli muukalu wakutuwanyina mulonga wakuneha pindangano, mwomwo katweshi nechi natulumbununa chinanehe eyi pindanganoko.
41Kaha omu ahanjikile ngocho, asuwile lize lizavu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia