Vilinga 2
2
Kwiza chaShipilitu Wajila
1Jino omu lyahetele likumbi #Levi 23:15-16lyaPendekoseta#2:1 Lizu lyaPendekoseta lyalumbunuka nge ngwavo, likumbi lyakuhetesa mumakumi atanu (50) kufuma kuchiwanyino chaKuzomboka., vosena vapwile mumwe.
2Kaha kukasumuka, lushindo lwakufuma mwilu nge lwanyamanganda naluzalisa zuvo yosena muze vatwamine.
3Kwavasolokelele malimi akufwana nge milangi kaha alipangile nakutwama hali mutu himutu.
4Kaha vosena #4:8, 31; 6:3, 5; 7:55; 9:17; 13:9, 52vazalile naShipilitu Wajila, kaha vaputukile #Mako 16:17; 1 Koli 12:10-11; 14:21kuhanjika malimi eka, kutesa nomu Shipilitu avahanyinyine kuhanjika.
5Jino muYelusalema, mwapwile vaYuleya, malunga vakuzakama Kalunga, vakumafuchi osena ahano hamavu#2:5 MuchiHelase ngwavo, vakumafuchi osena ali mwishi yautangatanga..
6Jino omu vevwile luze lushindo, liyongomena lyavatu lyakungulukile kaha vatatasanyine#2:6 Nge ngwavo, chavakomwesele kaha vahonene mwakushinganyekela. mwomwo mutu himutu apwile nakwivwako mulilimi lyenyi vize vapwile nakuhanjika tumbaji.
7Kaha valikomokelele, vafwile chishima nakwamba ngwavo, Kumana vosena ava váli nakuhanjika, kaveshi vaka-Ngalileyako numba?
8Kaha chinapu ngachilihi numba mutu himutu evwengako mulilimi lyachisemwa chenyi? —
9vaPalachiya navaMete navaElame naava vatwama kuMesopotamya nakuYuleya nakuKapotosha nakuPondu nakuAja,
10nakuFwiluja nakuPamafulya nakuEjipitu nakumitamba yaLiviya kwakamwihi naKulene, navangeji vakufuma kuLoma,
11navaYuleya naava válumuka kupwa vaYuleya#2:11 Nge ngwavo, vaka-mafuchi valumukile kupwa vaYuleya hakuvajihana., navaKelete navaAlavya — tuli nakwivwako mumalimi etu omu vali nakwambulula vilinga vyaKalunga vyangolo.
12Kaha vosena valikomokelele, vatatasanyine nakulihwojola ngwavo, Chuma kana chinayi mulihi?
13Oloze veka vavafwefulwile ngwavo, Vanapende vinyo yayihya.
Petulu mwambulula mazu haPendekoseta
14Oloze Petulu omu emanyine hamwe #1:26navaze likumi naumwe, atambakanyine nakuvalweza ngwenyi, Enu malunga vaYuleya, nayenu mwatwama muYelusalema muvosena — tachikizenu chuma echi, ivwililenu mazu ami.
15Chipwe munashinganyeka ngocho, avanyi kavapendeleko, mwomwo kuchili chimene lwola lwamuchitatu#2:15 Nge ngwavo, ha09.00. kaha.
16Mwomwo, chuma echi vachivulukile muli kapolofweto Yowele ngwavo,
17 #
2:17-21; Yowe 2:28-32 Kalunga nambe ngwenyi,
Hamakumbi akukuminyina nachikapwa ngana:
Nangukahingunwina vatu vosena Shipilitu yami,
Kaha vana venu vamalunga naava vamapwevo navakapolofweta,
Vakweze jenu vamalunga navakamona vimweneso,
Vakulwane jenu vamalunga navakalota vilota.
18Hamakumbi aze, nangukahingunwina vandungo jami vamalunga naava vamapwevo Shipilitu yami
Kaha navakapolofweta.
19Kaha nangukalinga vyakukomwesa hautangatanga,
Navinjikizo hamavu —
Nakukapwa manyinga nakakahya, nakufwindasana chawishi.
20Likumbi navakalilavisa,
Kakweji mwakapwa nge manyinga,
Shimbu kanda Likumbi lyaMWATA lyalilemu lyaupahu lizenga.
21Kaha nachikasoloka, #Loma 10:13weshowo mwakasanyika MWATA halijina lyenyi navakamulwila.
22Enu malunga, enu vaIsalele, ivwililenu mazu awa. #3:6; 4:10; 10:38Yesu wakuNazaleta, #Yowa 3:2lunga vamilumbunwinyine kuli Kalunga kupwa wakutamo havilinga vyangolo navyakukomwesa navinjikizo álingilenga Kalunga muli Ikiye mukachi kenu, ngana omu munatachikiza enu vavene,
23Ou Yesu, váhanyine kumavoko avaka-kole ngana omu mwaya #3:18; 4:28; Luka 22:22; 1 Pet 1:20kutongola chapunga yaKalunga nomu atachikiza vyuma vichili kanda visoloke, #3:13; Luka 24:20enu mwamupapalishile hakulusu nakumujiha kumavoko avaka-mafuchi vazeneka jishimbi.
24Ikiye, Kalunga amusangula nakumujitula muvikola vyakufwa, mwomwo kufwa #Yowa 20:9kachahashile kumulinjililako.
25Mwomwo hakumuvuluka, Ndavichi ambile ngwenyi,
#
2:25-28; Samu 16:8-11 Ngwamwenenga MWATA kumeso ami makumbi osena,
Mwomwo ali kulivoko lyami lyachilyo mangana vazenekenga kungunyikisa.
26Shikaho muchima wami wawahilililenga, kaha lilimi lyami lyawahilililenga chikuma,
Namujimba wami nawa nautwamanga mulutalililo,
27Mwomwo kaweshi kuseza mwono wami muHeteseko#2:27 Mwaya vafu.,
#
13:35
Chipwe kwecha Ou wove ájila apoleko.
28Unangujimbwila jijila jachiyoyelo chakutamo,
Naukanguzalisa nakuwahilila hakupwa kumeso ove.
29Enu malunga, enu vandumbwami, ngunahase kuhanjika nakumika hali kakuluka yetu Ndavichi, ngwami afwile, vamufunjile, kaha chimbumbe chenyi tuli nacho nakulelo lino.
30Shikaho hakupwa #Mat 22:43kapolofweto, kaha hakutachikiza nomu #2 Samw 7:12-13; Samu 89:3-11; 132:11Kalunga
Alishingile nakumushika ngwenyi,
Umwe wavaze navakasemuka kumitanda yenyi,
Nangukamuhaka halitanda lyenyi lyawangana —
31 Ndavichi avangilengaho lyehi kuchimona, himwavuluka kusanguka chaKulishitu ngwenyi,
Kavamusezele muHeteseko,
Kaha mujimba wenyi nawa kawapoleleko.
32Ou Yesu, Kalunga amusangula, kaha etu tuvosena #1:8tuvinjiho.
33Shikaho hakupwa vamuzezwila #Mako 16:19kulivoko lyaKalunga lyachilyo, kaha nomu navatambwila lyehi Shipilitu Wajila #1:4; Ngal 3:14; Yowa 7:39áshikile kuvahana wakuli Ise, hakiko #2:17; 10:45nahingununa echi muli nakumona nakwivwa.
34Mwomwo, Ndavichi kengilile mwiluko, oloze ikiye ambile ngwenyi,
#
Samu 110:1; Mat 22:44 MWATA ambile Mwata wami ngwenyi,
Twamanga kulivoko lyami lyachilyo
35Palanga nomu nangukalingisa vaka-kole jove kupwa chitwamo chamahinji ove.
36Shikaho, tanga yaIsalele yosena yitachikize chakuzeneka kukakasana — Ou Yesu #2:23mwapapalilile hakulusu, Kalunga namulingisa kupwa Ikiye Mwata, Ikiye Kulishitu.
37Kaha omu vachivwile, #5:33; 7:54chavachokele kumichima yavo, kaha vambile Petulu navaze vakwavo vaposetolo ngwavo, Enu malunga, enu vandumbwetu, tulinge muka?
38Petulu avambile ngwenyi, #3:19; 5:3; 20:21; Luka 24:47Kunyukenu hashili nakwalumuka mumuchima #8:12, 16; 22:16vamijimike, mutu himutu, mulijina lyaYesu Kulishitu mangana vamikonekele milonga yenu yashili, kaha namutambula wana waShipilitu Wajila.
39Mwomwo, #Loma 9:4; Isa 44:3; 54:13; 57:19lushiko lwapwa lwayenu navana venu #Efwe 2:12-13, 17navosena vaze vatwama kwakusuku, #Yowe 2:32veshovo MWATA Kalunga ketu mwasanyika veze kuli Ikiye.
40Kaha avalumbunwinyine unjiho namazu akwavo amavulu nawa, nakutwalililaho kuvalembelela ngwenyi, Pululukenu #Fwili 2:14kuchisemunwino chino chakuhenga.
41Shikaho vaze vatambwile mazu enyi vavajimikile, kaha halikumbi vene lize vahakilileko vatu kafwe makombakaji atatu (3,000).
42Kaha vakakachililenga kukunangula chavaposetolo nakukulikata #20:7; 1 Koli 10:16nakukupuzula mbolo nakukulomba.
Omu vatwaminenga vaka-Kulishitu
43Jino mutu himutu alihomokelele nakulemesa Kalunga, kaha vyakukomwesa navinjikizo vyavivulu vyalingiwilenga muli vaposetolo.
44Vaze vosena váfwelelele vatwaminenga hamwe, kaha #4:32, 37vyavo vyosena vyapwilenga vyavuwa#2:44 Nge ngwavo, kufutula vyavo hamwe nakulila hamwe..
45 #
4:34
Valanjishilenga luheto lwavo navikumba vyavo, kaha vize vawanyine valipangililengavyo vosena kutesa nakukalikiza chamutu himutu.
46Kaha hakumbi hakumbi vakakachililenga kukukunguluka muTembele namuchima umwe, nakulyangana kuzuvo hizuvo, valipangililenga kulya chavo nakuwahilila namuchima wamwenemwene,
47vapwile nakwalisa Kalunga #5:13nakuwana uselewa kuli vatu vosena. Kaha #1 Koli 1:18vaze ápwilenga nakulwila hakumbi hakumbi Mwata #2:41; 5:14; 6:1, 7; 11:24; 4:4; 9:31, 35, 42; 11:21; 14:1, 21; 16:5; 17:12avahakililengako kukuvula chavaka-kufwelela.
Currently Selected:
Vilinga 2: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
