Vilinga 25
25
Paulu mwemana kumeso aFwesetu
1Jino omu mwahichile makumbi atatu kufuma haze ahetele Fwesetu mungalila yize, akandukile kuYelusalema kufuma kuKesaliya.
2Kaha vapilishitu vavalemu namalunga vavalemu vavaYuleya vamulwezele chihande chaPaulu, kaha vamulembelelele
3nakumulomba avalingile mwalikoji, asuule Paulu vamunehe kuYelusalema, ohonyi vanakwate lyehi punga yakumuswaminyina vamulukuke hajila nakumujihilaho.
4Oloze Fwesetu avakumbulwile ngwenyi, Paulu vali nakumulamina kuKesaliya, kaha nayami nawa linwomu nguyengako.
5Shikaho avambile ngwenyi, Malunga vamwe vatwamina mukachi kenu vashikumuke hamwe nayami, mangana nge muli lunga ou muli kuhenga, vakachambulule kuze.
6Kaha omu atwamine mukachi kavo kafwe makumbi atanu naatatu nyi pamo likumi ngana, ashikumukile kuKesaliya. Omu kwachele, atwamine halitanda lyakusopela, kaha avalwezele vanehe Paulu.
7Omu ejile Paulu, vaYuleya vaze vashikumukile kufuma kuYelusalema vamujingilikile chelele ndo nakumutwika milonga yayivulu yayikalu chikuma, oloze kavahashile kusolola unjihoko.
8Paulu alihakwilile ngwenyi, Ami kangwahokwele Jishimbi javaYuleyako, kangwajilulwile Tembeleko, kangwavulumwine Kesaleko.
9Oloze Fwesetu hakusaka kulingila vaYuleya mwalikoji, ahulishile Paulu ngwenyi, Nawitavila kukanduka kuYelusalema vakakusopeseleko, kumeso ami havihande evi tahi?
10Oloze Paulu ambile ngwenyi, Ami ngunemana kulitanda lyaKesale lyakusopela, oku vatela kungusopesela. Kangwahengesele mumwe kuli vaYuleyako, nge omu unatachikiza kanawa nayove nawa.
11Shikaho nge ngunahengesa chipwe ngunalingi chuma chakutela kungujihilaho, kachi kangwakanyine kufwako. Oloze nge vali nakunguvangijikila, naumwe mwahasa kunguhana kumavoko avo wauchi. Ngunalombo ivene Kesale akavatule chihande!
12Haze vene Fwesetu omu ashimutwilile nazango yenyi, ambile ngwenyi, Unambe ngwove Kesale akavatule chihande nyi! — kuli Kesale vene kukiko nauya.
Fwesetu mwalweza Angalipa chihande chaPaulu
13Jino omu mwahichile makumbi amwe, mwangana Angalipa naMbelenyise vahetele kuKesaliya nakumeneka Fwesetu.
14Omu atwamine kuze makumbi amavulu, Fwesetu ahichilililemo mwangana Angalipa chihande chaPaulu ngwenyi,
Kuno kuli lunga vasele muufunge kuli Fwelise.
15Omu ngwapwile kuYelusalema vapilishitu vavalemu navakulwane javaYuleya vanguhichilililemo chihande chenyi, kaha vangulombele ngwavo ngumutwike mulonga wakumujihilaho.
16Oloze ngwavakumbulwile ngwami, Mwaya chiyulo chavaLoma kaveshi kuhana mutu kumavoko avaka-kumujihako, kuvanga ou vánatwiki mulonga nalimono meso nameso navaka-kumutwika mulonga, mangana ahase kulihakwila hamulonga vanamutwiki.
17Shikaho, omu vejile vosena hamwe kuno — omu kwachele kangwazezamineko, ngwatwamine halitanda lyakusopela, kaha ngwalwezele maswalale vanehe uze lunga.
18Omu venya-chihande vemanyine, nakuhanjika kavamuhanyine mulongako nge muze ngwashinganyekele.
19Oloze valipulile nenyi jipami havize vetavila vaYuleya nahachihande chaUmwe vavuluka ngwavo Yesu, Uze afwa, oloze Paulu amuvulukilenga nakukolesa ngwenyi wamutonyi.
20Ami hakuhona kuwana mwakulingila hachihande kana, ngwamuhulishile nge mwasaka kuya kuYelusalema vakamusopeleko.
21Oloze omu Paulu alombele mangana vamulame nakukuvatula chihande chenyi kuli Kesale#25:21 Kesale, keshi lijinako, oloze chihela chamuka-kuyula wamulemu wakuyula kaye kosena muchiyulo chavaLoma hamakumbi aze., ngwalwezele maswalale vamulame palanga nomu nangukamutuma kuli Kesale.
22Jino Angalipa ambile Fwesetu ngwenyi, Nayami nawa ngunasake ngumwivwe. Fwesetu amukumbulwile ngwenyi, Naukamwivwa hamene.
Paulu mwemana kumeso aAngalipa
23Kaha omu kwachele, Angalipa naMbelenyise vejile naukelenga waunene, kaha vengilile hamwe muze mwakusopela navakulwane vamaswalale namalunga vavalemu vamunganda yize. Fwesetu alwezele maswalale vamunehe Paulu.
24Fwesetu ambile ngwenyi,
Ove mwangana Angalipa, nayenu muvosena muli nayetu muno, munamono ou lunga, hali ikiye hakiko vene ángushinjilile mayongomena avaYuleya osena, nakuYelusalema nakuno nawa, hakutambakana nakungulweza ngwavo, Katela kuyoyako.
25Oloze, ami ngwamwene ngwami kalingile chuma chakutela kumujihilahoko. Kaha omu ivene asakile ngwenyi chihande chenyi vakachivatule kuli Kesale, ngwajinyine kumutuma kuli ikiye.
26Oloze kangweshi nomu mwakulumbunuka mwatela kumusonekela mwata wamiko. Shikaho ngunamunehe kumeso enu, chakuhambakananyi kumeso ove, ove mwangana Angalipa, mangana hakumwihwojola kanawa, numba ngumone mwakusonekela.
27Mwomwo kutuma funge chakuzeneka kulumbununa mulonga vanamutwiki, kacheshi chamanganako.
Currently Selected:
Vilinga 25: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
