Vilinga 26
26
Paulu mwalihakwila kumeso aAngalipa
1Angalipa ambile Paulu ngwenyi, Ngunakwitavisa ulihakwile.
Paulu olwele livoko nakulihakwila ngwenyi,
2Ove mwangana Angalipa, ngunamono ngwami ngunatokwa hakupwa kumeso ove lelo mangana ngulihakwile havyosena vánanguvulukila vaYuleya.
3Chinahambakana kuwaha, mwomwo ove watachikiza kanawa mwaya vilika vyavaYuleya vyosena nomu vyaya vihande vyavo vyosena nawa. Shikaho, ngunakulembelela, ungwivwilile kanawa.
4Kutwama chami kufuma kuunyike wami, mukachi kavaka-muyachi wami namuYelusalema nawa, vaYuleya vosena vachitachikiza.
5Nge navetava kuhana unjiho hali ami — vanangutachikiza myaka yayivulu ngwavo ngunayoyela muuFwaliseu, mukana wavaze válinjilila chikuma vize vetavila vaYuleya.
6Jino ngunemana kuno nakungusopesela halutalililo lwami lwahalushiko luze áshikile Kalunga vakakuluka jetu.
7 Lushiko kana lukiko vatalilila vaka-miyachi yetu yosena likumi nayivali ngwavo vakaheteko, hakiko veji kuzachilanga Kalunga namichima yavo yosena namusana naufuku. Ove mwangana, halutalililo kana, hakiko vanangutwikila mulonga vaYuleya.
8Mwomwo ika kamwahasa kufwelela ngwenu Kalunga ahasa kusangula vafuko?
Mwavalweza omu ayanjishilenga vaka-Kulishitu
9Jino ami ivene ngwashinganyekele ngwami ngwatela kulinga vyaukenya vyavivulu hakwimanyina lijina lyaYesu wakuNazaleta.
10Kaha mukiko ngwalingilenga muYelusalema. Omu vanguhanyine ngolo kuli vapilishitu vavalemu kangwakuminyinyine hakusokelela vaka-kujila vavavulu mukamengako, oloze omu vavajihilenga, nayami nawa ngwalikundwijilenga navaka-kuvajiha.
11Kaha ngwavazangamishilenga kujisunangonga#26:11 Tala ha6:9. josena, ngwavashinjililenga ngwami vasaule Kulishitu. Kaha hakuvakindamina chikuma, ngwavakavangijilenga nakuvayanjisa nakumembo ajikembwe akumafuchi eka nawa.
Mwavalweza omu afwelelele
(Vili 9:1-19; 22:6-16)
12Hakulinga ngocho, omu ngwapwile nakuya kuNdamashiku nawata nangolo josena jakuli vapilishitu vavalemu,
13hamulungu walikumbi, ove mwangana, omu ngwayilenga mujila, ngwamwene kumunyika chakufuma mwilu chahambakana kumunyika chalikumbi, chinangujingilika navaze vayilenga nayami chelele ndo.
14Kaha omu twaholokele tuvosena hamavu#26:14 MuchiHelase lizu linalumbunuka ngwavo vaholokele kufuma helu. Shikaho vapwile hatuvalu., ngwevwile lizu nalihanjika kuli ami muchiHepeleu ngwenyi, Ove Saulu, ove Saulu uli nakunguyanjishila ika? Chachikalu ove kwasa lihinji kumyumba.
15Kaha ami ngwamuhulishile ngwami, Ove Mwata, yove iya? Mwata angukumbulwile ngwenyi, Yami vene Yesu uli nakuyanjisa.
16Oloze katuka wimane, mwomwo ngunalisolola kuli ove hachuma echi, ngunakutongola kupwa umuka-kuzata, uchinjiho havyevi unamono navize nángukakusolwela.
17 Nangukakuyovola kuli vaka-muyachi wove, nakuli vaka-mafuchi nawa kuze nangukakutuma,
18mangana ukavatonese vakalumuke kufuma mumilima, nakwalumukila kumusana; vakafume kungolo jaSatana nakwalumukila kuli Kalunga, mangana vakavakonekele milonga yavo yashili nakutambula chazano chavo muli vaze vajilika hakungufwelela.
19Shikaho, ove mwangana Angalipa, kangwalikangile kuchimweneso chakufuma mwiluko.
20Oloze ngwavangilile kwambulila vaze vakuNdamashiku nakuYelusalema nakujingalila jalifuchi lyaYuleya josena nakuli vaka-mafuchi nawa ngwami vakunyuke hashili nakwalumuka mumuchima, valumukile kuli Kalunga, vazatenga vilinga vyakuta nakukunyuka hashili nakwalumuka mumuchima.
21Hakiko vene vangukwachililile vaYuleya muTembele kaha hasalile hahandende nakungujiha.
22Shikaho hakumona kukafwa chaKalunga palanga nakulikumbi lyalelo, hakiko ngunemanyina nakuhana unjiho wami kuli vakehelamo naava vavalemu ngwami — kangwahanjikilenga vyekako, shina vize vavulukilenga vapolofweto naMose ngwavo naviza kusoloka, chize vene vambile ngwavo —
23 Kulishitu kuvanga akayande chakutwala kukufwa kaha hakupwa watete kusanguka muvafu, numba akahase kuvilika musana kuli vaIsalele navaka-mafuchi —
Mwasaka kukunyula Angalipa afwelele
24Omu Paulu apwile nakulihakwila ngocho, Fwesetu atambakanyine ngwenyi, Ove Paulu, unazaluka! Ocho kunanguka chove chachinene chinakunehela kuzaluka.
25Oloze Paulu amwambile ngwenyi,
Ove Fwesetu walema chikuma, kangwazalukileko, oloze nguli nakuhanjika mazu amuchano amangana.
26Mwomwo mwangana natachikiza vyuma evi, kaha nguli nakuhanjika kuli ikiye nakumika, mwomwo ngunatachikiza ngwami, kuvyosena evi nachimwe nazeneka kutachikiza chauchi, mwomwo kachalingiwile kupengeko.
27Ove mwangana Angalipa, mazu avapolofweto waafwelela tahi? Ngunatachikiza ngwami, waafwelela vene.
28Angalipa ambile Paulu ngwenyi, Unasake kungukunyula kupwa ngumuka-Kulishitu hatando yayindende kaha tahi#26:28 Chipwe ngwavo, Kwasalanga hahandende kaha kachi unangukunyula.?
29Paulu amwambile ngwenyi,
Chipwe hatando yayindende chipwe yayinene, ngunalombo Kalunga ngwami keshi ove kahako, oloze kachi navosena váli nakungwivwilila lelo, vapwenga ngana omu ngwapwa ami, oloze chakuzeneka awa malenge.
30Kaha mwangana akatukile, nanguvulu naMbelenyise navaze vatwamine navo.
31Omu vapwile nakuya valihanjikishile ngwavo, Ou mutu keshi nakulinga chuma chakutela kufwa chipwe chakumukashilako.
32Kaha Angalipa ambile Fwesetu ngwenyi, Ou mutu, nge kalombanga kuvatwila chihande chenyi kuli Kesaleko, kachi chinahase kumwecha tuhu.
Currently Selected:
Vilinga 26: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 26
26
Paulu mwalihakwila kumeso aAngalipa
1Angalipa ambile Paulu ngwenyi, Ngunakwitavisa ulihakwile.
Paulu olwele livoko nakulihakwila ngwenyi,
2Ove mwangana Angalipa, ngunamono ngwami ngunatokwa hakupwa kumeso ove lelo mangana ngulihakwile havyosena vánanguvulukila vaYuleya.
3Chinahambakana kuwaha, mwomwo ove watachikiza kanawa mwaya vilika vyavaYuleya vyosena nomu vyaya vihande vyavo vyosena nawa. Shikaho, ngunakulembelela, ungwivwilile kanawa.
4Kutwama chami kufuma kuunyike wami, mukachi kavaka-muyachi wami namuYelusalema nawa, vaYuleya vosena vachitachikiza.
5Nge navetava kuhana unjiho hali ami — vanangutachikiza myaka yayivulu ngwavo ngunayoyela muuFwaliseu, mukana wavaze válinjilila chikuma vize vetavila vaYuleya.
6Jino ngunemana kuno nakungusopesela halutalililo lwami lwahalushiko luze áshikile Kalunga vakakuluka jetu.
7 Lushiko kana lukiko vatalilila vaka-miyachi yetu yosena likumi nayivali ngwavo vakaheteko, hakiko veji kuzachilanga Kalunga namichima yavo yosena namusana naufuku. Ove mwangana, halutalililo kana, hakiko vanangutwikila mulonga vaYuleya.
8Mwomwo ika kamwahasa kufwelela ngwenu Kalunga ahasa kusangula vafuko?
Mwavalweza omu ayanjishilenga vaka-Kulishitu
9Jino ami ivene ngwashinganyekele ngwami ngwatela kulinga vyaukenya vyavivulu hakwimanyina lijina lyaYesu wakuNazaleta.
10Kaha mukiko ngwalingilenga muYelusalema. Omu vanguhanyine ngolo kuli vapilishitu vavalemu kangwakuminyinyine hakusokelela vaka-kujila vavavulu mukamengako, oloze omu vavajihilenga, nayami nawa ngwalikundwijilenga navaka-kuvajiha.
11Kaha ngwavazangamishilenga kujisunangonga#26:11 Tala ha6:9. josena, ngwavashinjililenga ngwami vasaule Kulishitu. Kaha hakuvakindamina chikuma, ngwavakavangijilenga nakuvayanjisa nakumembo ajikembwe akumafuchi eka nawa.
Mwavalweza omu afwelelele
(Vili 9:1-19; 22:6-16)
12Hakulinga ngocho, omu ngwapwile nakuya kuNdamashiku nawata nangolo josena jakuli vapilishitu vavalemu,
13hamulungu walikumbi, ove mwangana, omu ngwayilenga mujila, ngwamwene kumunyika chakufuma mwilu chahambakana kumunyika chalikumbi, chinangujingilika navaze vayilenga nayami chelele ndo.
14Kaha omu twaholokele tuvosena hamavu#26:14 MuchiHelase lizu linalumbunuka ngwavo vaholokele kufuma helu. Shikaho vapwile hatuvalu., ngwevwile lizu nalihanjika kuli ami muchiHepeleu ngwenyi, Ove Saulu, ove Saulu uli nakunguyanjishila ika? Chachikalu ove kwasa lihinji kumyumba.
15Kaha ami ngwamuhulishile ngwami, Ove Mwata, yove iya? Mwata angukumbulwile ngwenyi, Yami vene Yesu uli nakuyanjisa.
16Oloze katuka wimane, mwomwo ngunalisolola kuli ove hachuma echi, ngunakutongola kupwa umuka-kuzata, uchinjiho havyevi unamono navize nángukakusolwela.
17 Nangukakuyovola kuli vaka-muyachi wove, nakuli vaka-mafuchi nawa kuze nangukakutuma,
18mangana ukavatonese vakalumuke kufuma mumilima, nakwalumukila kumusana; vakafume kungolo jaSatana nakwalumukila kuli Kalunga, mangana vakavakonekele milonga yavo yashili nakutambula chazano chavo muli vaze vajilika hakungufwelela.
19Shikaho, ove mwangana Angalipa, kangwalikangile kuchimweneso chakufuma mwiluko.
20Oloze ngwavangilile kwambulila vaze vakuNdamashiku nakuYelusalema nakujingalila jalifuchi lyaYuleya josena nakuli vaka-mafuchi nawa ngwami vakunyuke hashili nakwalumuka mumuchima, valumukile kuli Kalunga, vazatenga vilinga vyakuta nakukunyuka hashili nakwalumuka mumuchima.
21Hakiko vene vangukwachililile vaYuleya muTembele kaha hasalile hahandende nakungujiha.
22Shikaho hakumona kukafwa chaKalunga palanga nakulikumbi lyalelo, hakiko ngunemanyina nakuhana unjiho wami kuli vakehelamo naava vavalemu ngwami — kangwahanjikilenga vyekako, shina vize vavulukilenga vapolofweto naMose ngwavo naviza kusoloka, chize vene vambile ngwavo —
23 Kulishitu kuvanga akayande chakutwala kukufwa kaha hakupwa watete kusanguka muvafu, numba akahase kuvilika musana kuli vaIsalele navaka-mafuchi —
Mwasaka kukunyula Angalipa afwelele
24Omu Paulu apwile nakulihakwila ngocho, Fwesetu atambakanyine ngwenyi, Ove Paulu, unazaluka! Ocho kunanguka chove chachinene chinakunehela kuzaluka.
25Oloze Paulu amwambile ngwenyi,
Ove Fwesetu walema chikuma, kangwazalukileko, oloze nguli nakuhanjika mazu amuchano amangana.
26Mwomwo mwangana natachikiza vyuma evi, kaha nguli nakuhanjika kuli ikiye nakumika, mwomwo ngunatachikiza ngwami, kuvyosena evi nachimwe nazeneka kutachikiza chauchi, mwomwo kachalingiwile kupengeko.
27Ove mwangana Angalipa, mazu avapolofweto waafwelela tahi? Ngunatachikiza ngwami, waafwelela vene.
28Angalipa ambile Paulu ngwenyi, Unasake kungukunyula kupwa ngumuka-Kulishitu hatando yayindende kaha tahi#26:28 Chipwe ngwavo, Kwasalanga hahandende kaha kachi unangukunyula.?
29Paulu amwambile ngwenyi,
Chipwe hatando yayindende chipwe yayinene, ngunalombo Kalunga ngwami keshi ove kahako, oloze kachi navosena váli nakungwivwilila lelo, vapwenga ngana omu ngwapwa ami, oloze chakuzeneka awa malenge.
30Kaha mwangana akatukile, nanguvulu naMbelenyise navaze vatwamine navo.
31Omu vapwile nakuya valihanjikishile ngwavo, Ou mutu keshi nakulinga chuma chakutela kufwa chipwe chakumukashilako.
32Kaha Angalipa ambile Fwesetu ngwenyi, Ou mutu, nge kalombanga kuvatwila chihande chenyi kuli Kesaleko, kachi chinahase kumwecha tuhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia