Vilinga 27
27
Paulu navamutwala kuLoma
1Omu valikashile ngwavo tuye muwato kuItalya, Paulu navakwavo vafunge vamwe vavahanyine kumavoko akapitau#27:1 MuchiHelase chinalumbunuka ngwavo apwa kapitau wakutwaminyina maswalale likulukaji (100). kamaswalale umwe, lijina lyenyi Yulyu, wakumukana waAngusutu.
2Twengilile muwato wafumine kuAndalamuchiu, wapwile hakamwihi nakusunuka, ukulise kalungalwiji nakuya kumembo akuAja. Twapwile naAlishitaku, wakuTesolonyika mungalila yaMasetonya. Vasunwine wato,
3kaha omu kwachele twasulikile kuShitone, kaha Yulyu atetelele Paulu, amwitavishile ayenga kuli masepa jenyi vakamuzumbule nakumukafwako.
4Kaha omu twafumine kuze, twakondolokele litungu lyaKupulusu kumuyapeho, mwomwo kuze twapwile nakuya kwapwile kumwizapeho.
5Omu twazaukile kalungalwiji kwakamwihi naShilisha naPamafulya, twahetele kuMule, limbo lyamungalila yaLusha.
6Uze kapitau kamaswalale awanyine wato weka kuze wakuAlekesandelya wapwile nakuya kuItalya, kaha atwingishilemo.
7Twayilenga muwato chikoki chikoki makumbi amavulu nakupindasana chikuma napeho, twahetele kwakulitalasana naKinyitu. Hakupwa peho yatukikile, twakondolokele nakuhichila kumuyapeho yalitungu lyaKelete kuze kakwapwile peho chikumako, kufuma hausunga naSalamone.
8Kaha twapindasanyine chikuma hakukulisa nakuheta kuze vavuluka ngwavo Chihukula chamwaza, kwakamwihi nalimbo lyakembwe lyaLaseya.
9Mwomwo lwola lwapwile lunahichi lyehi chikuma nakupindasana, kaha kuya lika muwato nachineha ponde, namakumbi achiwanyino chakuFwika Shili anahichi lyehi#27:9 Kutambuka muwato chapwile ponde mwomwo kusali yamakumbi achiwanyino chakuFwika Shili, yapwile ngonde yakuhuhwa chapeho yayinene., shikaho Paulu avahuhumwine ngwenyi,
10Enu malunga, ngunamono ngwami jila kana nayenyeka nakujimbalisa vyavivulu, keshi nge viteli nawato kahako, oloze namyono yetu nawa.
11Oloze kapitau evwililile mazu amuka-kupingulula wato namwenya-wato, keshi mazu áhanjikile Pauluko.
12Jino hakupwa chihukula chize kachawahile kulaminamo wato hangonde yachishikako, vavavulu valikashile ngwavo vasunune wato vayenga, pamo navakaheta kuFwenyise mangana vakatwame kuze hangonde yize. Fwenyise, limbo likwavo lyamuKelete, lyapwile nachihukula chamwaza chakulamina mato, chatalisa kumututuko.
Nyamanganda mwapekumuna wato
13Omu peho yakufuma kumutamba wakuchilyo chakumututuko yahuhwile chindende hakushinganyeka ngwavo pamo nakupwa nge muze vashinganyekele, vakokele chilimbikiso chakwimikisa wato, vayile nakukulisa Kelete.
14Oloze shimbu yayindende kaha, kwakatukile nyamanganda#27:14 MuchiHelase ngwavo, Peho yayinene chikuma vavuluka ngwavo, Yulakwilo. wamunene wakufuma mukachi kamutamba wachimoswe chamututuko namututuko apulasanyine halitungu nakutupekumwina kukachi kakalungalwiji.
15Omu alivetele hawato, wato kawahashile kutalisa kumwiza pehoko, shikaho twawechele, kaha peho yatupekumwine.
16 Twapingulwile wato nakukulisa litungu lyalindende vavuluka ngwavo, Kauta, kuze kwapwile peho yayindende, twapindasanyine chikuma hakuzundula wato ukwavo waundende twapwile nawo nakuukashila hawato waunene.
17Kaha omu vakumishile kuzundula wato waundende nakuuhaka hawato waunene, wato waunene vaukashile nakuukòlesa namikole yakuselwisa mulitanda. Hakwivwa woma wakukakachila hamwava wakuSulute, vazezumwine chilimbikiso chachilelu mangana wato uyenga chikoki chikoki, kaha twapekumukilenga napeho.
18Kaha omu makimba apwile nakutumbila noku noku, omu kwachele vaputukile kumbila viteli mumeya.
19Kaha halikumbi lyamuchitatu vimwe vyakutambukisa wato nawa vavimbilile mumeya.
20Omu likumbi navatanganyika vyazenekele kusoloka hamakumbi amavulu, oku nawa nyamanganda wangolo ali nakuhuhwa, lufwelelo lwakuyovoka muli etu lwakumine chikupu.
21Omu vatwamine makumbi amavulu chakuzeneka kulya, Paulu emanyine mukachi kavo, nakwamba ngwenyi, Enu malunga, nge mwangwivwililile nakuzeneka kufuma kuKelete, kachi echi kulyenyeka nakujimbalisa kana chauchi.
22Kaha jino, nangumilweza ngwami, Likolezezenu, mwomwo nayou mwafwa wauchi, shina wato kaha ukiko naulyenyeka.
23Mwomwo, ufuku únachi ngana kuli ami kwemananga kangelo kaKalunga, Ou ánguheta, Ou ngwázachila,
24angwambanga ngwenyi, Ove Paulu, kanda wivwa womako. Kuvanga ukemane kumeso aKesale. Kaha tala, Kalunga nakuhane vosena ava uli nakuya navo vayovoke hali ove.
25Shikaho enu malunga, likolezezenu, mwomwo ngunafwelela Kalunga ngwami, nachipwa ngana omu nángulweze.
26Oloze kuvanga tukakachile hamwava walitungu limwe.
27Omu wahetele ufuku wamulikumi nauwana, omu vapwile nakutupekumuna kupeho mukalungalwiji Andalya, kafwe mukachi kaufuku vaka-kutambukisa wato vevwile nge vali nakupandama kwakamwihi natunda.
28Vapimine kukunama chameya, vawanyine kafwe jimita makumi awana (40)#27:28 MuchiHelase vanavuluka kupima chau hamavoko mapapa makumi avali (20).. Kaha hakushimbula katando kakandende vapimine cheka, vawanyine kafwe jimita makumi atatu (30)#27:28 MuchiHelase vanavuluka kupima chau hamavoko mapapa likumi nakatanu..
29Kaha hakwivwa woma ngwetu navatumbila hamalolwa, vazezumwine vilimbikiso viwana kutongo yakunyima nakulomba mangana likumbi litutuke washi.
30Jino omu vaka-kutambukisa wato vasakile kufuma muwato nakuchina, oku vanazezumwina lyehi wato waundende hakalungalwiji hakulyongela kusaka kuya nakuzezumwina vilimbikiso vyakutongo yakulutwe mumeya,
31Paulu alwezele kapitau kamaswalale namaswalale nawa ngwenyi, Kuvanga ava vatwame muno muwato waunene, mokomoko enu kamweshi kuhasa kuyovokako.
32Haze vene vaze maswalale vatetele yize mikole vázezumwishile wato waundende mangana uhungumuke.
33Kaha hakutwala kwakamwihi nakucha, Paulu avalembelelele vosena valyenga hakwamba ngwenyi, Lelo likumbi lyamulikumi naawana (14), munatwame nakulizuzukila chakuzeneka chipepa chakulya. Kamwalile nachimweko!
34Shikaho ngunamilembelela, lyenuko vyakulya mwomwo nachimikafwako. Kakweshi kujimbala lukambu kumutwe waumwe wenuko.
35Omu ahanjikile ngocho, anonele mbolo#27:35 Nge ngwavo, kulya chakuyoyelaho., asakwililile Kalunga kumeso avosena, ayipuzwile, alile.
36Kaha vosena valikolezezele, kaha valile.
37Tuvosena twapwile muwato twahetele makulukaji avali namakumi atanu naavali navatu vatanu naumwe (276).
38Omu valile nakwikuta, vambilile tiliku mukalungalwiji, kaha wato walelukile.
Wato naupazwojoka
39Jino omu kwachele, yize ngalila kavayitachikijileko, oloze vamwene chihukula chimwe chapwile nausekeseke. Shikaho valikashile kusulika wato vene kuze, nge nachihashiwa.
40Kaha vajitwile mikole yavilimbikiso vyawato nakuviseza mumeya. Halwola lwolumwe vajitwile namikole yavilapo vyakupingulwisa, kaha lihina lyakulutwe valizundwile namikole mangana likwate peho nakushinjika wato, kaha vapingulwile wato nakuutalisa kutunda kuze kuchisekeseke.
41Oloze omu vahetele haliwanyinyine mita, hapwile mwava kaha wato walivetele hausekeseke nakushita, tongo yakulutwe yakakachilile ngo, oloze tongo yakunyima yapwile nakupazwojoka namakimba.
42Maswalale vakwachile punga ngwavo vajihe vafunge kuchina vamwe navahala nakuchina.
43Oloze kapitau kamaswalale hakusaka kulwila Paulu, avakanjile kulinga muze vajinyine. Alwezele vosena vapwile muwato ngwenyi vaze vanahase kuhala valivange kulimbila hameya nakuya kutunda,
44kaha ava vanasaleho vayenga kutunda hamapulanga chipwe havihanda vyawato. Hakulinga ngocho, vosena vayovokele nakuheta kutunda!
Currently Selected:
Vilinga 27: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 27
27
Paulu navamutwala kuLoma
1Omu valikashile ngwavo tuye muwato kuItalya, Paulu navakwavo vafunge vamwe vavahanyine kumavoko akapitau#27:1 MuchiHelase chinalumbunuka ngwavo apwa kapitau wakutwaminyina maswalale likulukaji (100). kamaswalale umwe, lijina lyenyi Yulyu, wakumukana waAngusutu.
2Twengilile muwato wafumine kuAndalamuchiu, wapwile hakamwihi nakusunuka, ukulise kalungalwiji nakuya kumembo akuAja. Twapwile naAlishitaku, wakuTesolonyika mungalila yaMasetonya. Vasunwine wato,
3kaha omu kwachele twasulikile kuShitone, kaha Yulyu atetelele Paulu, amwitavishile ayenga kuli masepa jenyi vakamuzumbule nakumukafwako.
4Kaha omu twafumine kuze, twakondolokele litungu lyaKupulusu kumuyapeho, mwomwo kuze twapwile nakuya kwapwile kumwizapeho.
5Omu twazaukile kalungalwiji kwakamwihi naShilisha naPamafulya, twahetele kuMule, limbo lyamungalila yaLusha.
6Uze kapitau kamaswalale awanyine wato weka kuze wakuAlekesandelya wapwile nakuya kuItalya, kaha atwingishilemo.
7Twayilenga muwato chikoki chikoki makumbi amavulu nakupindasana chikuma napeho, twahetele kwakulitalasana naKinyitu. Hakupwa peho yatukikile, twakondolokele nakuhichila kumuyapeho yalitungu lyaKelete kuze kakwapwile peho chikumako, kufuma hausunga naSalamone.
8Kaha twapindasanyine chikuma hakukulisa nakuheta kuze vavuluka ngwavo Chihukula chamwaza, kwakamwihi nalimbo lyakembwe lyaLaseya.
9Mwomwo lwola lwapwile lunahichi lyehi chikuma nakupindasana, kaha kuya lika muwato nachineha ponde, namakumbi achiwanyino chakuFwika Shili anahichi lyehi#27:9 Kutambuka muwato chapwile ponde mwomwo kusali yamakumbi achiwanyino chakuFwika Shili, yapwile ngonde yakuhuhwa chapeho yayinene., shikaho Paulu avahuhumwine ngwenyi,
10Enu malunga, ngunamono ngwami jila kana nayenyeka nakujimbalisa vyavivulu, keshi nge viteli nawato kahako, oloze namyono yetu nawa.
11Oloze kapitau evwililile mazu amuka-kupingulula wato namwenya-wato, keshi mazu áhanjikile Pauluko.
12Jino hakupwa chihukula chize kachawahile kulaminamo wato hangonde yachishikako, vavavulu valikashile ngwavo vasunune wato vayenga, pamo navakaheta kuFwenyise mangana vakatwame kuze hangonde yize. Fwenyise, limbo likwavo lyamuKelete, lyapwile nachihukula chamwaza chakulamina mato, chatalisa kumututuko.
Nyamanganda mwapekumuna wato
13Omu peho yakufuma kumutamba wakuchilyo chakumututuko yahuhwile chindende hakushinganyeka ngwavo pamo nakupwa nge muze vashinganyekele, vakokele chilimbikiso chakwimikisa wato, vayile nakukulisa Kelete.
14Oloze shimbu yayindende kaha, kwakatukile nyamanganda#27:14 MuchiHelase ngwavo, Peho yayinene chikuma vavuluka ngwavo, Yulakwilo. wamunene wakufuma mukachi kamutamba wachimoswe chamututuko namututuko apulasanyine halitungu nakutupekumwina kukachi kakalungalwiji.
15Omu alivetele hawato, wato kawahashile kutalisa kumwiza pehoko, shikaho twawechele, kaha peho yatupekumwine.
16 Twapingulwile wato nakukulisa litungu lyalindende vavuluka ngwavo, Kauta, kuze kwapwile peho yayindende, twapindasanyine chikuma hakuzundula wato ukwavo waundende twapwile nawo nakuukashila hawato waunene.
17Kaha omu vakumishile kuzundula wato waundende nakuuhaka hawato waunene, wato waunene vaukashile nakuukòlesa namikole yakuselwisa mulitanda. Hakwivwa woma wakukakachila hamwava wakuSulute, vazezumwine chilimbikiso chachilelu mangana wato uyenga chikoki chikoki, kaha twapekumukilenga napeho.
18Kaha omu makimba apwile nakutumbila noku noku, omu kwachele vaputukile kumbila viteli mumeya.
19Kaha halikumbi lyamuchitatu vimwe vyakutambukisa wato nawa vavimbilile mumeya.
20Omu likumbi navatanganyika vyazenekele kusoloka hamakumbi amavulu, oku nawa nyamanganda wangolo ali nakuhuhwa, lufwelelo lwakuyovoka muli etu lwakumine chikupu.
21Omu vatwamine makumbi amavulu chakuzeneka kulya, Paulu emanyine mukachi kavo, nakwamba ngwenyi, Enu malunga, nge mwangwivwililile nakuzeneka kufuma kuKelete, kachi echi kulyenyeka nakujimbalisa kana chauchi.
22Kaha jino, nangumilweza ngwami, Likolezezenu, mwomwo nayou mwafwa wauchi, shina wato kaha ukiko naulyenyeka.
23Mwomwo, ufuku únachi ngana kuli ami kwemananga kangelo kaKalunga, Ou ánguheta, Ou ngwázachila,
24angwambanga ngwenyi, Ove Paulu, kanda wivwa womako. Kuvanga ukemane kumeso aKesale. Kaha tala, Kalunga nakuhane vosena ava uli nakuya navo vayovoke hali ove.
25Shikaho enu malunga, likolezezenu, mwomwo ngunafwelela Kalunga ngwami, nachipwa ngana omu nángulweze.
26Oloze kuvanga tukakachile hamwava walitungu limwe.
27Omu wahetele ufuku wamulikumi nauwana, omu vapwile nakutupekumuna kupeho mukalungalwiji Andalya, kafwe mukachi kaufuku vaka-kutambukisa wato vevwile nge vali nakupandama kwakamwihi natunda.
28Vapimine kukunama chameya, vawanyine kafwe jimita makumi awana (40)#27:28 MuchiHelase vanavuluka kupima chau hamavoko mapapa makumi avali (20).. Kaha hakushimbula katando kakandende vapimine cheka, vawanyine kafwe jimita makumi atatu (30)#27:28 MuchiHelase vanavuluka kupima chau hamavoko mapapa likumi nakatanu..
29Kaha hakwivwa woma ngwetu navatumbila hamalolwa, vazezumwine vilimbikiso viwana kutongo yakunyima nakulomba mangana likumbi litutuke washi.
30Jino omu vaka-kutambukisa wato vasakile kufuma muwato nakuchina, oku vanazezumwina lyehi wato waundende hakalungalwiji hakulyongela kusaka kuya nakuzezumwina vilimbikiso vyakutongo yakulutwe mumeya,
31Paulu alwezele kapitau kamaswalale namaswalale nawa ngwenyi, Kuvanga ava vatwame muno muwato waunene, mokomoko enu kamweshi kuhasa kuyovokako.
32Haze vene vaze maswalale vatetele yize mikole vázezumwishile wato waundende mangana uhungumuke.
33Kaha hakutwala kwakamwihi nakucha, Paulu avalembelelele vosena valyenga hakwamba ngwenyi, Lelo likumbi lyamulikumi naawana (14), munatwame nakulizuzukila chakuzeneka chipepa chakulya. Kamwalile nachimweko!
34Shikaho ngunamilembelela, lyenuko vyakulya mwomwo nachimikafwako. Kakweshi kujimbala lukambu kumutwe waumwe wenuko.
35Omu ahanjikile ngocho, anonele mbolo#27:35 Nge ngwavo, kulya chakuyoyelaho., asakwililile Kalunga kumeso avosena, ayipuzwile, alile.
36Kaha vosena valikolezezele, kaha valile.
37Tuvosena twapwile muwato twahetele makulukaji avali namakumi atanu naavali navatu vatanu naumwe (276).
38Omu valile nakwikuta, vambilile tiliku mukalungalwiji, kaha wato walelukile.
Wato naupazwojoka
39Jino omu kwachele, yize ngalila kavayitachikijileko, oloze vamwene chihukula chimwe chapwile nausekeseke. Shikaho valikashile kusulika wato vene kuze, nge nachihashiwa.
40Kaha vajitwile mikole yavilimbikiso vyawato nakuviseza mumeya. Halwola lwolumwe vajitwile namikole yavilapo vyakupingulwisa, kaha lihina lyakulutwe valizundwile namikole mangana likwate peho nakushinjika wato, kaha vapingulwile wato nakuutalisa kutunda kuze kuchisekeseke.
41Oloze omu vahetele haliwanyinyine mita, hapwile mwava kaha wato walivetele hausekeseke nakushita, tongo yakulutwe yakakachilile ngo, oloze tongo yakunyima yapwile nakupazwojoka namakimba.
42Maswalale vakwachile punga ngwavo vajihe vafunge kuchina vamwe navahala nakuchina.
43Oloze kapitau kamaswalale hakusaka kulwila Paulu, avakanjile kulinga muze vajinyine. Alwezele vosena vapwile muwato ngwenyi vaze vanahase kuhala valivange kulimbila hameya nakuya kutunda,
44kaha ava vanasaleho vayenga kutunda hamapulanga chipwe havihanda vyawato. Hakulinga ngocho, vosena vayovokele nakuheta kutunda!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia