Yowano 21

Yesu mwalisolola kuli tumbaji twenyi kuchijiva chaChivelya

1Kufuma haze, Yesu alisolwele cheka kuli tumbaji twenyi kuchijiva chaChivelya#21:1 Chijiva chaChivelya, chikiko chijiva chaNgalileya.. Chasolokele ngana —

2omu vapwile hamwe, Shimona Petulu #11:16naTomase, uze pasa, #1:45naNatanyele wakuKana limbo lyamuNgalileya, #Luka 5:10navana vaZevete, natumbaji twenyi vakwavo vavali —

3Shimona Petulu avambile ngwenyi, Nanguya nakuta ishi. Vakwavo vamwambile ngwavo, Nayetu nawa natuya nove. Vayile, kaha vengilile muwato; oloze ufuku uze kavakwachile chipwe ishi umweko.

4Jino muze zwalala, Yesu emanyine kungenge, oloze tumbaji twenyi #20:14kavatachikijile ngwavo Ikiye Yesuko.

5Kaha Yesu avahulishile ngwenyi, Enu vana vavandende, Kamwakwachile ishiko tahi? Vamukumbulwile ngwavo, Nduma!

6Avambile ngwenyi, #Luka 5:4-6Fuchilenu kusali yawato yachilyo kaha namukwata. Shikaho vafuchile, kaha hakuvula chavaishi kavahashile kukokalyoji ko.

7Kaha uze #13:23; 19:26; 20:2; 21:20kambaji vazangile kuli Yesu himwalweza Petulu ngwenyi, Uzé Mwata! Omu Shimona Petulu amwivwile ngwenyi, Uzé Mwata, avwalile uvwalo wahelu (mwomwo auzulile hakufuta) kaha alimbilile muchijiva.

8Vaze vakwavo tumbaji vejile muwato oku vali nakukoka lyoji lyambe lyavaishi (mwomwo kavapwile kwakusuku natundako, oloze kafwe jimita likulukaji (100) kaha#21:8 MuchiHelase ngwavo, Jikuvite makulukaji avali (200).).

9Kaha omu vakandukile hatunda, vamwene makala akakahya vananangikaho ishi nambolo.

10Yesu avambile ngwenyi, Nehenuko vaishi vamwe munakwate oholili.

11Shikaho Shimona Petulu engilile muwato nakukokela lyoji kutunda, lyazalile lyambe navaishi vavanene likulukaji namakumi atanu navaishi vatatu (153). Kaha chipwe tuhu vavulile chikuma, oloze lyoji kalyapulikileko.

12Yesu avambile ngwenyi, Twayenu mulyaule. Oloze hakachi katumbaji twenyi naumwe wauchi ahasukile kumuhulisa ngwenyi, Ove yoveya? Mwomwo vatachikijile ngwavo, Ikiye Mwata.

13Yesu ejile, anonele yize mbolo nakuvahana, nauze ishi nawa.

14Aka kakiko jino #20:19, 26kamuchitatu Yesu alisolwele kuli tumbaji twenyi, kufuma haze vamusangwile muvafu.

Lisanga mikoko jami

15Omu vakumishile kulyaula, Yesu ahulishile Shimona Petulu ngwenyi, Ove #1:42Shimona mwanaYowano, #13:37; Mat 26:33; Mako 14:29-31wanguzanga chikuma kuhambakana ava tahi? Amukumbulwile ngwenyi, Eyo Mwata, Ove watachikiza ngwove ngwakuzanga. Amwambile ngwenyi, Lisanga vana vamikoko jami.

16Amuhulishile cheka kamuchivali ngwenyi, Ove Shimona mwanaYowano, wanguzanga chikuma tahi? Amwambile ngwenyi, Eyo Mwata, Ove watachikiza ngwove ngwakuzanga. Amwambile ngwenyi, #Mat 2:6; Vili 20:28; 1 Pet 5:2Funganga mikoko jami.

17Amuhulishile kamuchitatu ngwenyi, Ove Shimona mwanaYowano, wanguzanga tahi? Petulu alinyengele hakumuhulisa #13:38kamuchitatu ngwenyi, Wanguzanga tahi? Kaha amukumbulwile ngwenyi, Ove Mwata, Ove watachikiza kanawa, Ove watachikiza ngwove ngwakuzanga. Yesu amwambile ngwenyi, Lisanga mikoko jami.

18Mwamuchano vene nangukulweza ngwami, Omu wapwile ukanyike, walivwikilenga ove ivene, watambukilenga nakuya kweshokwo wasakilenga. Oloze omu naukapwa ukashinakaji, naukolola mavoko ove, kaha weka mwakakuvwika nakukutwala kuze kawasakílé kuyako.

19Ahanjikile ngocho nakusolola munachikapwa #2 Pet 1:14kufwa chize mwakafwa Petulu chakusolwelaho upahu waKalunga. Ikiye hakuhanjika ngocho, amwambile ngwenyi, #Mat 8:22; 16:24Ngukavangizenga.

Kambaji uze vazangile kuli Yesu

20Petulu omu alumukile amwene kambaji uze vazangile kuli Yesu ali nakuvakava, #13:25uze vene ásetulukilile kuli Yesu hakulya chiwanyino chaKuzomboka uze amuhulishile ngwenyi, Ove Mwata, iya mwakuhana kumavoko avaka-kole?

21Kaha Petulu omu amumwene ahulishile Yesu ngwenyi, Ove Mwata, nyi ngachilihi ou?

22Yesu amwambile ngwenyi, Nge ngunasake ngwami atwamenga #1 Koli 4:5; 11:26; Yako 5:7; Kuso 2:25palanga nomu nangukeza, chinakupandama numba?! Ove ngukavangizenga kaha.

23Shikaho, mazu kana awa atanjile muli vandumbwavo ngwavo uze kambaji keshi kukafwako. Oloze Yesu kambile ngwenyi mwakazeneka kufwako, oloze ngwenyi, Nge ngunasake ngwami atwamenga palanga nomu nangukeza, chinakupandama numba?

24Ou ikiye kambaji #15:27nahane unjiho havyuma evi, ikiye vene nasoneka vyuma evi, kaha #19:35; 3 Yowa 1:12tunatachikiza ngwetu unjiho wenyi wapwa wamuchano.

25Kaha #20:30kuli nawa vikwavo vyavivulu alingile Yesu. Nge vyosena navavisoneka hachuma hachuma, ami ngwami, kachi mikanda kana návasoneka, kachi kaye nakahona naha hakuyitumbika.

Currently Selected:

Yowano 21: LUE

Highlight

Copy