Luka 10
10
Yesu mwatuma tumbaji 72
1Jino kufuma aha, #7:13Mwata atongwele #9:1-2, 51-52veka nawa makumi atanu naavali navavali (72) nakuvatuma #Mako 6:7vavali vavali valivange mulimbo hilimbo lyakembwe namungalila hingalila muze ambile kuya.
2Kaha avalwezele ngwenyi, #Mat 9:37-38; Yowa 4:35Mbuto jakwaha jinavulu, oloze vaka-kwaha vanakehe. Shikaho lembelelenu Mwenyawande atume vaka-kwaha vayenga nakumwahila.
3 #
10:3-12; 9:3-5; 22:35-36; Mat 10:7-16; Mako 6:8-11 Yenu, oloze ivwililenu, nguli nakumituma nge muvana vamikoko mukachi katungunge.
4Kanda namulimbachila chikwamako, chipwe chola, chipwe mendelo, kaha kanda namumeneka naumwe mujilako.
5Kaha mweshomwo muzuvo namukengila, kavangilenu kwamba ngwenu, #1 Samw 25:6Kuunda chipwenga kuzuvo yino.
6Kaha nge kuli muka-kuunda, kuunda chenu nachipwa naikiye. Nge wauchiko, nachihiluka kuli enu.
7Kaha katwamenunga vene muze nakulya nakunwa ovyo navakamihana, mwomwo #Mat 10:10; 1 Koli 9:14; 1 Chim 5:18muka-kuzata atela vene fweto yenyi. Kanda namukanungwojoka kuzuvo hizuvoko.
8Kaha mweshomwo mulimbo-lyakembwe namukengila, nge navakamitambula, kalyenu ovyo navakamihana.
9Kahindulenu vaveji valimo nakuvalweza ngwenu, Wangana waKalunga uli hakamwihi nayenu.
10Oloze heshoho namukengila mulimbo-lyakembwe kaha vakiko navakazeneka kumitambula, kayenu mumikwakwa yalize limbo nakwamba ngwenu,
11 #
9:5
Nálukungu lwahembo lyenu lúnatukakachila kumahinji tunamitotomwenalwo ngwetu, Ojo jenu. Oloze tachikizenu ngwenu, Wangana waKalunga uneza hakamwihi.
12Nangumilweza ngwami, #Mat 11:24Halikumbi lize lyakuvatula milonga, #Kupu 19:24-25; Yuta 1:7vihuli vyaSotome navikakuminamo, kwesekesa navize vyalimbo-lyakembwe lize.
Luvinda lwamembo akulikanga
(Mat 11:20-24)
13Luvinda lwove ove Kolajine! Luvinda lwove ove Mbetesaita! Mwomwo vilinga vyangolo vize vanalingi muli enu nge vavilingilile muTule namuShitone, kachi vakunyukile hashili nakwalumuka mumuchima #Kuso 11:3nakuvwala vikelei#10:13 Vatu vamakumbi aze vavwalilenga uvwalo waungona wavapembe mangana vasolole kulishona chavo. nakutwama muuto.
14Oloze hakuvatula milonga, vihuli vyaTule naShitone navikakuminamo, kwesekesa nevi vyayenu.
15Nyi ove Kapelenau, navakakuzezwila mwilu tahi? Chiku! Navakakushikumwisa mbwe namuHetese#10:15 Kwaya vafu vanahisa..
16 #
9:48; Mat 10:40; Mako 9:37; Yowa 13:20 Ou mwevwilila enu, nevwilila Ami, #Yowa 12:48; 1 Teso 4:8kaha ou mwaleununa enu, naleununa Ami, kaha ou mwaleununa Ami, naleununa Uze angutuma.
Kukinduluka chavaze makumi atanu naavali navavali (72)
17Kaha vaze makumi atanu naavali navavali (72) vakindulukile nakuwahilila, nakwamba ngwavo, Ove Mwata, chipwe vandemone vali nakuliluula kuli etu halijina lyove.
18Kaha avalwezele ngwenyi, #Kuso 12:9; Yowa 12:31Ngwamwene Satana mwaholoka nge muveso kufuma mwilu.
19Ivwenu, ngunamihane #Mako 16:18wata wakulyata manoka natuvwanda, nakuhonesa ngolo jamuka-kole josena, kaha nachimwe nachikamilemeka chauchi.
20Chipwe ngocho, kanda namuwahilila ngwenu vashipilitu vali nakuluuka kuli enuko, oloze wahililenu ngwenu #Kulo 32:32; Samu 69:28; Isa 4:3; Ndan 12:1; Fwili 4:3; Hepe 12:23; Kuso 3:5; 13:8; 21:27majina enu vanawasoneka mwilu.
Anatokwa meso áli nakumona
(Mat 11:25-27; 13:16-17)
21Halwola vene luze Yesu awahililile muli Shipilitu Wajila, kaha ambile ngwenyi, Ove Tata, Mwenya-lilu namavu, ngunakwalisa, hakuvaswekavyo vihande evi vaka-mangana navaka-kunangakana, nakuvasolwelavyo vana vavandende. Mukiko Tata, wachimwene kuwaha.
22 #
Mat 28:18; Yowa 3:35; 13:3 Vyosena vanangusuwilavyo kuli Tata, kaha naumwe wauchi #Yowa 10:15; 17:25atachikiza omu ngwapwa Ami Mwanenyi, shina Tata kaha. Kaha nawa, naumwe wauchi atachikiza omu apwa Tata, shina Ami Mwanenyi kaha, naweshowo nangusaka Ami Mwanenyi kumusolwelayo.
23 #
10:23-24; Mat 13:16-17 Kaha omu alumukilile kuli tumbaji twenyi, ahanjikile navakiko kaha, ngwenyi, Anatokwa meso áli nakumona evi muli nakumona.
24Mwomwo nangumilweza ngwami #Yowa 8:56; Hepe 11:13; 1 Pet 1:10-12vapolofweto navamyangana vavavulu vasakile kumona evi muli nakumona, oloze kavavimweneko, vasakile kwivwa evi muli nakwivwa, oloze kavavivwileko.
Muka-Samaliya wakeke
25 #
10:25-28; Mat 22:34-40; Mako 12:28-31 Kaha #Mat 22:35umwe, kúluwa muJishimbi, emanyine amute namazu ngwenyi, #18:18; Mako 10:17; Mat 19:16Ove Muka-kunangula, nangulinga muka numba nguswane#10:25 Apwile nakumweseka nge chapundu vene Mwata Yesu natachikiza mwakutambwila mwono wázeneka kukuma. mwono wázeneka kukuma?
26Kaha Yesu amuhulishile ngwenyi, Nyi muJishimbi vasonekamo ngwavo ika? Watangamo ngwavo ika?
27Kaha akumbulwile ngwenyi,
#
Lush 6:5; Levi 19:18; Loma 13:9; Ngal 5:14; Yako 2:8 Zanganga MWATA Kalunga kove
Namuchima wove wosena
Namwono wove wosena
Nangolo jove josena
Namangana ove osena.
Kaha nawa zanganga mukwenu ngana omu walizanga ove ivene.
28Kaha amwambile ngwenyi, Unakumbulula mwakwoloka. #Levi 18:5; Mat 19:17Lingangamo kaha nauyoya.
29Oloze hakusaka kulisambisa, ahulishile Yesu ngwenyi, Kaha mukwetu iya?
30Yesu amukumbulwile ngwenyi, Mutu umwe apwile nakushikumuka kufuma kuYelusalema nakuya kuYeliko. Kaha alitulukile navihwanga. Vamuzulile nakumuveta, vamusezele ali kukamwihi nakufwa.
31Jino chasolokele, kapilishitu umwe hakushikumuka mujila yize, amumwene, kaha amukondolokele.
32Mwomumwe, nakaLevi nawa omu aheteleho, hakumumona amukondolokele.
33Oloze #9:51-56; 17:11-19; Yowa 4:4-42kaSamaliya umwe ápwile haungeji wenyi, omu amumwene amwivwilile keke.
34Kaha apandamineko nakumujinga havito vyenyi, oku ali nakuhingunwinaho maji navinyo, himwamunyinyisa hachimbulu chenyi nakumutwala kuzuvo yavangeji akamulamineko.
35Omu kwachele, ambachile jindenali #10:35 Tala ha7:41. jivali nakuhana mwenya yize zuvo, nakumulweza ngwenyi, Mulame — kaha jeshojo náulunjikaho, ami nangukakuhilwishilajo hakukinduluka.
36Mukushinganyeka chove, umwe ulihi hali vaze vatatu asolokele kupwa mukwavo wamwenemwene kuli uze alitulukile navihwanga?
37Kaha akumbulwile ngwenyi, Uze amutetelele. Kaha Yesu amwambile ngwenyi, Yakonga, kalinge mwomumwe.
Mwata kuzuvo yaMalita naMaliya
38Jino omu vapwile nakuya mujila yavo, Yesu engilile mulimbo limwe. Kaha pwevo umwe, lijina lyenyi #Yowa 11:1, 5, 19-27, 30, 39; 12:2Malita, amutambwile muzuvo yenyi.
39Kaha uze pwevo apwile nandumbwenyi wapwevo, lijina lyenyi Maliya. Ikiye atwamine kumahinji aMwata nakwivwilila mazu enyi.
40Oloze Malita ahungukilile kukuzumbula, kaha ayile kuli Mwata nakwamba ngwenyi, Ove Mwata, kumana kawachihakile kumuchimako omu ndumbwami nangwechelela uka wami ngumizumbule? Muhanjikile angukafweko.
41 #
7:13
Mwata amukumbulwile ngwenyi, Ove Malita, ove Malita, unalizakamina nakuliyanjisa havyuma vyavivulu.
42 #
Yowa 6:27; Samu 27:4 Oloze chuma chimwe kaha chinasakiwa. Maliya nasakula chazano kana chamwenemwene, kaha kaveshi kumutambulachoko.
Currently Selected:
Luka 10: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Luka 10
10
Yesu mwatuma tumbaji 72
1Jino kufuma aha, #7:13Mwata atongwele #9:1-2, 51-52veka nawa makumi atanu naavali navavali (72) nakuvatuma #Mako 6:7vavali vavali valivange mulimbo hilimbo lyakembwe namungalila hingalila muze ambile kuya.
2Kaha avalwezele ngwenyi, #Mat 9:37-38; Yowa 4:35Mbuto jakwaha jinavulu, oloze vaka-kwaha vanakehe. Shikaho lembelelenu Mwenyawande atume vaka-kwaha vayenga nakumwahila.
3 #
10:3-12; 9:3-5; 22:35-36; Mat 10:7-16; Mako 6:8-11 Yenu, oloze ivwililenu, nguli nakumituma nge muvana vamikoko mukachi katungunge.
4Kanda namulimbachila chikwamako, chipwe chola, chipwe mendelo, kaha kanda namumeneka naumwe mujilako.
5Kaha mweshomwo muzuvo namukengila, kavangilenu kwamba ngwenu, #1 Samw 25:6Kuunda chipwenga kuzuvo yino.
6Kaha nge kuli muka-kuunda, kuunda chenu nachipwa naikiye. Nge wauchiko, nachihiluka kuli enu.
7Kaha katwamenunga vene muze nakulya nakunwa ovyo navakamihana, mwomwo #Mat 10:10; 1 Koli 9:14; 1 Chim 5:18muka-kuzata atela vene fweto yenyi. Kanda namukanungwojoka kuzuvo hizuvoko.
8Kaha mweshomwo mulimbo-lyakembwe namukengila, nge navakamitambula, kalyenu ovyo navakamihana.
9Kahindulenu vaveji valimo nakuvalweza ngwenu, Wangana waKalunga uli hakamwihi nayenu.
10Oloze heshoho namukengila mulimbo-lyakembwe kaha vakiko navakazeneka kumitambula, kayenu mumikwakwa yalize limbo nakwamba ngwenu,
11 #
9:5
Nálukungu lwahembo lyenu lúnatukakachila kumahinji tunamitotomwenalwo ngwetu, Ojo jenu. Oloze tachikizenu ngwenu, Wangana waKalunga uneza hakamwihi.
12Nangumilweza ngwami, #Mat 11:24Halikumbi lize lyakuvatula milonga, #Kupu 19:24-25; Yuta 1:7vihuli vyaSotome navikakuminamo, kwesekesa navize vyalimbo-lyakembwe lize.
Luvinda lwamembo akulikanga
(Mat 11:20-24)
13Luvinda lwove ove Kolajine! Luvinda lwove ove Mbetesaita! Mwomwo vilinga vyangolo vize vanalingi muli enu nge vavilingilile muTule namuShitone, kachi vakunyukile hashili nakwalumuka mumuchima #Kuso 11:3nakuvwala vikelei#10:13 Vatu vamakumbi aze vavwalilenga uvwalo waungona wavapembe mangana vasolole kulishona chavo. nakutwama muuto.
14Oloze hakuvatula milonga, vihuli vyaTule naShitone navikakuminamo, kwesekesa nevi vyayenu.
15Nyi ove Kapelenau, navakakuzezwila mwilu tahi? Chiku! Navakakushikumwisa mbwe namuHetese#10:15 Kwaya vafu vanahisa..
16 #
9:48; Mat 10:40; Mako 9:37; Yowa 13:20 Ou mwevwilila enu, nevwilila Ami, #Yowa 12:48; 1 Teso 4:8kaha ou mwaleununa enu, naleununa Ami, kaha ou mwaleununa Ami, naleununa Uze angutuma.
Kukinduluka chavaze makumi atanu naavali navavali (72)
17Kaha vaze makumi atanu naavali navavali (72) vakindulukile nakuwahilila, nakwamba ngwavo, Ove Mwata, chipwe vandemone vali nakuliluula kuli etu halijina lyove.
18Kaha avalwezele ngwenyi, #Kuso 12:9; Yowa 12:31Ngwamwene Satana mwaholoka nge muveso kufuma mwilu.
19Ivwenu, ngunamihane #Mako 16:18wata wakulyata manoka natuvwanda, nakuhonesa ngolo jamuka-kole josena, kaha nachimwe nachikamilemeka chauchi.
20Chipwe ngocho, kanda namuwahilila ngwenu vashipilitu vali nakuluuka kuli enuko, oloze wahililenu ngwenu #Kulo 32:32; Samu 69:28; Isa 4:3; Ndan 12:1; Fwili 4:3; Hepe 12:23; Kuso 3:5; 13:8; 21:27majina enu vanawasoneka mwilu.
Anatokwa meso áli nakumona
(Mat 11:25-27; 13:16-17)
21Halwola vene luze Yesu awahililile muli Shipilitu Wajila, kaha ambile ngwenyi, Ove Tata, Mwenya-lilu namavu, ngunakwalisa, hakuvaswekavyo vihande evi vaka-mangana navaka-kunangakana, nakuvasolwelavyo vana vavandende. Mukiko Tata, wachimwene kuwaha.
22 #
Mat 28:18; Yowa 3:35; 13:3 Vyosena vanangusuwilavyo kuli Tata, kaha naumwe wauchi #Yowa 10:15; 17:25atachikiza omu ngwapwa Ami Mwanenyi, shina Tata kaha. Kaha nawa, naumwe wauchi atachikiza omu apwa Tata, shina Ami Mwanenyi kaha, naweshowo nangusaka Ami Mwanenyi kumusolwelayo.
23 #
10:23-24; Mat 13:16-17 Kaha omu alumukilile kuli tumbaji twenyi, ahanjikile navakiko kaha, ngwenyi, Anatokwa meso áli nakumona evi muli nakumona.
24Mwomwo nangumilweza ngwami #Yowa 8:56; Hepe 11:13; 1 Pet 1:10-12vapolofweto navamyangana vavavulu vasakile kumona evi muli nakumona, oloze kavavimweneko, vasakile kwivwa evi muli nakwivwa, oloze kavavivwileko.
Muka-Samaliya wakeke
25 #
10:25-28; Mat 22:34-40; Mako 12:28-31 Kaha #Mat 22:35umwe, kúluwa muJishimbi, emanyine amute namazu ngwenyi, #18:18; Mako 10:17; Mat 19:16Ove Muka-kunangula, nangulinga muka numba nguswane#10:25 Apwile nakumweseka nge chapundu vene Mwata Yesu natachikiza mwakutambwila mwono wázeneka kukuma. mwono wázeneka kukuma?
26Kaha Yesu amuhulishile ngwenyi, Nyi muJishimbi vasonekamo ngwavo ika? Watangamo ngwavo ika?
27Kaha akumbulwile ngwenyi,
#
Lush 6:5; Levi 19:18; Loma 13:9; Ngal 5:14; Yako 2:8 Zanganga MWATA Kalunga kove
Namuchima wove wosena
Namwono wove wosena
Nangolo jove josena
Namangana ove osena.
Kaha nawa zanganga mukwenu ngana omu walizanga ove ivene.
28Kaha amwambile ngwenyi, Unakumbulula mwakwoloka. #Levi 18:5; Mat 19:17Lingangamo kaha nauyoya.
29Oloze hakusaka kulisambisa, ahulishile Yesu ngwenyi, Kaha mukwetu iya?
30Yesu amukumbulwile ngwenyi, Mutu umwe apwile nakushikumuka kufuma kuYelusalema nakuya kuYeliko. Kaha alitulukile navihwanga. Vamuzulile nakumuveta, vamusezele ali kukamwihi nakufwa.
31Jino chasolokele, kapilishitu umwe hakushikumuka mujila yize, amumwene, kaha amukondolokele.
32Mwomumwe, nakaLevi nawa omu aheteleho, hakumumona amukondolokele.
33Oloze #9:51-56; 17:11-19; Yowa 4:4-42kaSamaliya umwe ápwile haungeji wenyi, omu amumwene amwivwilile keke.
34Kaha apandamineko nakumujinga havito vyenyi, oku ali nakuhingunwinaho maji navinyo, himwamunyinyisa hachimbulu chenyi nakumutwala kuzuvo yavangeji akamulamineko.
35Omu kwachele, ambachile jindenali #10:35 Tala ha7:41. jivali nakuhana mwenya yize zuvo, nakumulweza ngwenyi, Mulame — kaha jeshojo náulunjikaho, ami nangukakuhilwishilajo hakukinduluka.
36Mukushinganyeka chove, umwe ulihi hali vaze vatatu asolokele kupwa mukwavo wamwenemwene kuli uze alitulukile navihwanga?
37Kaha akumbulwile ngwenyi, Uze amutetelele. Kaha Yesu amwambile ngwenyi, Yakonga, kalinge mwomumwe.
Mwata kuzuvo yaMalita naMaliya
38Jino omu vapwile nakuya mujila yavo, Yesu engilile mulimbo limwe. Kaha pwevo umwe, lijina lyenyi #Yowa 11:1, 5, 19-27, 30, 39; 12:2Malita, amutambwile muzuvo yenyi.
39Kaha uze pwevo apwile nandumbwenyi wapwevo, lijina lyenyi Maliya. Ikiye atwamine kumahinji aMwata nakwivwilila mazu enyi.
40Oloze Malita ahungukilile kukuzumbula, kaha ayile kuli Mwata nakwamba ngwenyi, Ove Mwata, kumana kawachihakile kumuchimako omu ndumbwami nangwechelela uka wami ngumizumbule? Muhanjikile angukafweko.
41 #
7:13
Mwata amukumbulwile ngwenyi, Ove Malita, ove Malita, unalizakamina nakuliyanjisa havyuma vyavivulu.
42 #
Yowa 6:27; Samu 27:4 Oloze chuma chimwe kaha chinasakiwa. Maliya nasakula chazano kana chamwenemwene, kaha kaveshi kumutambulachoko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia