Luka 11
11
Yesu mwanangula mwakulombela
(Mat 6:9-15; 7:7-11)
1Kaha chasolokele omu apwile kuchihela chimwe #3:21; 5:16; 6:12; 9:18, 28; Mako 1:35nakulomba, hakukumisa, umwe wavaze tumbaji twenyi amwambile ngwenyi, Ove Mwata, tunangule mwakulombela ngana muze Yowano anangwile #5:33; 7:18tumbaji twenyi.
2Kaha Yesu avambile ngwenyi, Omu namulomba, ambenu ngwenu,
Ove Setu, lijina lyove valijililenga.
Wangana wove wizenga.
3Kulya chetu chakutamo chahalikumbi, tuhanengacho hakumbi hakumbi.
4Tukonekele #Mako 11:25; Mat 18:35milonga yetu yashili,
Mwomwo nayetu nawa tweji kukonekelanga weshowo ali namukuli nayetu.
Kaha kanda ututwala mwakutweseka chakuvulumwisako.
5Kaha avambile ngwenyi, nge mukachi kenu mwapwanga umwe ali nasepa lyenyi, kaha himwayako mukachi kaufuku nakumwamba ngwenyi, Ove sepa, ngukongweseko mbolo jitatu,
6mwomwo sepa lyami áli haungeji wenyi neza, kaha kangweshi navyakumuzumbulako.
7Kaha uze áli mukachi himwakumbulula ngwenyi, Kanda unguyanjisako, kuchikolo vanasokoko lyehi, kaha nguli lyehi mukahela navana vami, kangweshi kuhasa kuhinduka nakukuhanako.
8Nangumilweza ngwami, chipwe keshi kuhinduka nakumuhanyina hausepako, oloze mwomwo #18:1-6halukakachila lwenyi, hakiko mwahindukila nakumuhana jeshojo nasake.
9Kaha nangumilweza ngwami, #Mat 18:19; 21:22; Mako 11:24; Yako 1:5-8; 1 Yowa 5:14-15; Yowa 15:7; 16:23-24Lombenunga, kaha navamihana; tonda-tondenunga, kaha namuwana; ngongomwezenunga, kaha navamisokolwelako.
10Mwomwo weshowo eji kulombanga eji kutambulanga, kaha ou eji kutonda-tondanga eji kuwananga, kaha ou eji kungongomwezanga navamusokolwelako.
11Nyi mukachi kenu, chisemi muka walunga nge mwanenyi mwamulomba ishi, kaha ikiye mwamuhana linoka?
12Chipwe nge mwamulomba lisanga, kaha mwamuhana kavwanda?
13Nge enu vavapi mwatachikiza mwakuhanyina vana venu mawana amwenemwene, Senu wamwilu mwahambakananyi chikuma kuhana vyaShipilitu Wajila vaze navamulomba!
Tanga yakulihandununa nayilimwanga
(Mat 12:22-30; Mako 3:19-27)
14Kaha apwile nakulovola ndemone wauveveve. Kaha chasolokele, omu uze ndemone alovokele, uze kaveveve ahanjikile, kaha aze mazavu alikomokelele.
15Oloze vamwe vambile ngwavo, Eji kulovolanga #Mat 10:25vandemone mungolo jaMbelezembule, mwangana wavandemone.
16Veka nawa vamwesekele ngwavo #Mat 12:38; 16:1; Mako 8:11; Yowa 2:18; 6:30avasolwele chinjikizo chakufuma mwilu.
17Oloze Ikiye hakutachikiza vishinganyeka vyavo, avambile ngwenyi, Wangana hiwangana náulimanyina nakole nakulihandununa uvene, naunonga, kaha tanga hitanga náyilimanyina nakole nakulihandununa yivene, nayilimwanga.
18Kaha nge Satana nawa mwalimanyina ivene nakole nakulihandununa, kaha wangana wenyi nauzama ngachilihi? Mwomwo enu munambe ngwenu Ami ngweji kulovolanga vandemone nangolo jaMbelezembule.
19Oloze nge Ami ngweji kulovolanga vandemone nangolo jaMbelezembule, kaha vana venu veji kuvalovolanga nangolo jeya? Shikaho vakiko navapwa vaka-kumihisa.
20Oloze nge Ami ngweji kulovolanga vandemone #Kulo 8:19namunwe waKalunga, kaha wangana waKalunga unahete kuli enu.
21Omu chindume mwalipakachisa vitwa nakulama lilapa lyazuvo yenyi, vikumba vyenyi navipwa vyalambwe.
22Oloze omu navamulukuka kuli uze amuhambakana ngolo nakumufungulula, mwamunyanga vitwa vyenyi azaminyinanga, nakupangila vize namupukula.
23 #
9:50
Weshowo keshi kumwe nayAmiko, ali nakole nayAmi, kaha weshowo keshi kukungululanga hamwe nayAmiko, eji kumwanganga.
Kuhiluka chashipilitu waunyengwe
(Mat 12:43-45)
24Omu shipilitu waunyengwe mwalovoka muli mutu, eji kuhitangananga muze mwakuzeneka meya nakutonda kwakunokela, kaha omu mwahona kuwana kumwe, kaha himwamba ngwenyi, Nanguhiluka muzuvo muze ngwalovokele.
25Kaha omu mweza mwawana mwakukomba mwakulongesa kanawa,
26himwaya nakusaka vashipilitu veka vatanu navavali vamuhambakana kupihya. Kaha hinavengila nakutwamangamo. #Mat 12:45; 2 Pet 2:20Kaha kupwa chauze mutu chakukuminyina nachipihya kuhambakana chakavanga.
Kutokwa chakuhambakana
27Kaha shimbu apwile nakuhanjika vyuma evi, pwevo umwe muze mulizavu atambakanyine ngwenyi, #1:42; 23:29Lyatokwa lijimo lyakwimichile, namavele aze wamwineko.
28Oloze Ikiye ambile ngwenyi, Nduma, #8:21; Yowa 15:4vatokwa ava veji kwivwililanga nakulinga mwaya mazu aKalunga.
Chisemunwino chachipi nachisaka chinjikizo
(Mat 12:38-42)
29Omu aze mazavu apwile nakuvula, Yesu aputukile kuhanjika ngwenyi, #Mat 16:4; Mako 8:12Chisemunwino chino chinapu chisemunwino chachipi. #11:16Vanasake chinjikizo, oloze kaveshi kuvasolwela chinjikizoko, shina chinjikizo #Yona 3:4-5chaYona kaha.
30Mwomwo ngana muze apwile Yona chinjikizo kuli vaka-Nyinyive, mukiko nawa mwakapwa naMwanamutu kuchisemunwino chino.
31Uze mwangana wapwevo wakulifuchi lyachilyo chamututuko #1 Vamy 10:1-10; 2 Miji 9:1-12mwakemana namalunga vachisemunwino chino hakuvatula milonga nakuhana unjiho wakuvahisa, mwomwo afumine kujisongo jamavu nakwivwilila mangana aSolomone. Kaha talenu, Ou áhambakana Solomone ali hano.
32Malunga vaka-Nyinyive navakemana nachisemunwino chino hakuvatula milonga nakuhana unjiho wakuvahisa, mwomwo vakunyukile hashili nakwalumuka mumuchima haluvila lwaYona. Kaha talenu, #Mat 12:6Ou áhambakana Yona ali hano.
Linongo lyamujimba
(Mat 6:22-23)
33 #
8:16; Mat 5:15; Mako 4:21 Naumwe wauchi mwawika linongo nakulihaka mwakuswamana, chipwe kulifwikila mumbángo, oloze mwalihaka hachitumbikilo chalyo, mangana vaze navengila vamone zwalala.
34Liso lyove likiko linongo lyamujimba wove. Shikaho nge liso lyove lyalikangule, kaha namumujimba wove mwosena namumunyika kanawa. Oloze nge lyaviza, kaha namumujimba wove mwosena namupwa milima.
35Shikaho nyingilila kuchina kumunyika chili muli ove nachipwa milima.
36Shikaho, nge mumujimba wove wosena muli kumunyika kanawa, chakuzeneka chilyo chimwe kupwa milima, kaha mujimba wosena naupwa kumunyika kaha, ngana muze lyeji kukumunyikilanga linongo.
Yesu mwahanjikila vaFwaliseu navakúluwa mujishimbi
(Mat 23:1-36; Mako 12:38-40; Luka 20:45-47)
37Jino omu Yesu apwile nakuhanjika, #7:36; 14:1kaFwaliseu umwe amusanyikile ayenga nakulya nenyi. Kaha engilile nakusendavala kumesa.
38Kaha uze kaFwaliseu #Mako 7:1-5alikomokelele hakumona Yesu #Mat 15:2mwalya chakuzeneka kulivanga kusana kumavoko nge mwaya vize vavaselelele vakakuluka javo.
39Oloze #7:13Mwata amwambile ngwenyi, Jino enu vaFwaliseu mweji kutomesanga kuweluka walupasa nalilonga, oloze mujitulo jenu mwazala uhwanga naupapwoki.
40 #
12:20; 1 Koli 15:36 Enu vileya! Kumana Ou atengele kuweluka wamujimba, keshi Ikiye nawa atengele namukachiko numba?
41Oloze hanenu vaka-kukalikiza vize vyakufuma kumichima yitoma, kaha #Chitu 1:15; Mako 7:19vyenu vyosena navitoma.
42 #
Mat 23:23-24
Oloze luvinda lwenu, enu vaFwaliseu! Mwomwo mweji kuhananga #18:12; Levi 27:30chimbwa chimwe chamuvimbwa likumi kuvimbuto vyamavumba#11:42 MuchiHelase ngwavo, Minde (chimbuto nge lwenyi) napenganone, vimbuto vyamavumba amwaza, veji kutelekesanga nakuzachisa kuvitumbo. amwaza nakuvisakwola, oloze #Mika 6:8mwaliula chiyulo nazangi yaKalunga. Mwatelele kuvangila kulinga mwaya chiyulo nazangi, nakuzeneka nawa kuliula kuhana vize vyamulikumi.
43Luvinda lwenu, enu vaFwaliseu! Mwomwo #14:7; 20:46; Mat 23:6-7; Mako 12:38-39mwazanga chitwamo chaulemu mujisunangonga, nakumimenejeka nakalemesa kuvilanjilo!
44 #
Mat 23:27
Luvinda lwenu! Mwomwo mwapwa nge vimbumbe vyakuzeneka tutachikijilo, kaha vatu veji kuhitaho chakuzeneka kutachikiza.
45Jino umwe #Mat 22:35wavakúluwa muJishimbi javaYuleya amukumbulwile ngwenyi, Ove Muka-kunangula, hakuhanjika ngocho, unatusawila kumwe nayetu.
46Oloze avambile ngwenyi, Luvinda lwenu nayenu nawa vakúluwa muJishimbi! #Mat 23:4Mwomwo mweji kutwikanga vatu viteli vyavilemu vyavikalu kumbata, oloze enu kamweshi kunangikaho chipwe munwe wenuko.
47 #
11:47-48; Vili 7:51-53 Luvinda lwenu! Mwomwo mweji kutunganga malolwa akwimika nakwolaho, akwanukilaho vapolofweto vaze vajihile kuli vakakuluka jenu.
48Shikaho muvinjiho hakulikundwiza navilinga vyavakakuluka jenu. Mwomwo vakiko vavajihile, kaha enu mweji kutunganga vimbumbe vyavo.
49Shikaho Kalunga nawa #1 Koli 1:24; Kolo 2:3mumangana enyi ambile ngwenyi, Nangukavatumina vapolofweto navaposetolo. Vamwe navakavajiha, vakwavo navakavayanjisa,
50mangana manyinga avapolofweto vosena aze vámwanga, #Mat 25:34kufuma kukwala chihela chakaye, akavatelelenga vaka-chisemunwino chino#11:50 Nge ngwavo, chitela namulonga vipwenga hachisemunwino chino.,
51kuputukila kumanyinga #Kupu 4:8aAvele nakuheta kumanyinga #2 Miji 24:20-21; Zeka 1:1aZekaliya, uze ánongelele mukachi, oku lijiko lyakulumbila oku Tembele yaKalunga. Mukiko vene, nangumilweza ngwami, naavatelela vaka-chisemunwino chino.
52 #
Mat 23:13
Luvinda lwenu enu vakúluwa muJishimbi! Mwomwo munafumisa sapi yakusokolwesa kuchinyingi, enu vavene kamwengilamoko, kaha munahonesa vaze navasaka kwingilamo.
53Kaha omu Yesu apwile nakufumako, vaka-kusoneka navaFwaliseu vaputukile kumushinjisa nakumusowangiza ahanjike vyavivulu —
54chapwile #20:20; Mako 3:2kumuleleveka mangana #Mako 12:13vamukwachile havize mwahanjika.
Currently Selected:
Luka 11: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Luka 11
11
Yesu mwanangula mwakulombela
(Mat 6:9-15; 7:7-11)
1Kaha chasolokele omu apwile kuchihela chimwe #3:21; 5:16; 6:12; 9:18, 28; Mako 1:35nakulomba, hakukumisa, umwe wavaze tumbaji twenyi amwambile ngwenyi, Ove Mwata, tunangule mwakulombela ngana muze Yowano anangwile #5:33; 7:18tumbaji twenyi.
2Kaha Yesu avambile ngwenyi, Omu namulomba, ambenu ngwenu,
Ove Setu, lijina lyove valijililenga.
Wangana wove wizenga.
3Kulya chetu chakutamo chahalikumbi, tuhanengacho hakumbi hakumbi.
4Tukonekele #Mako 11:25; Mat 18:35milonga yetu yashili,
Mwomwo nayetu nawa tweji kukonekelanga weshowo ali namukuli nayetu.
Kaha kanda ututwala mwakutweseka chakuvulumwisako.
5Kaha avambile ngwenyi, nge mukachi kenu mwapwanga umwe ali nasepa lyenyi, kaha himwayako mukachi kaufuku nakumwamba ngwenyi, Ove sepa, ngukongweseko mbolo jitatu,
6mwomwo sepa lyami áli haungeji wenyi neza, kaha kangweshi navyakumuzumbulako.
7Kaha uze áli mukachi himwakumbulula ngwenyi, Kanda unguyanjisako, kuchikolo vanasokoko lyehi, kaha nguli lyehi mukahela navana vami, kangweshi kuhasa kuhinduka nakukuhanako.
8Nangumilweza ngwami, chipwe keshi kuhinduka nakumuhanyina hausepako, oloze mwomwo #18:1-6halukakachila lwenyi, hakiko mwahindukila nakumuhana jeshojo nasake.
9Kaha nangumilweza ngwami, #Mat 18:19; 21:22; Mako 11:24; Yako 1:5-8; 1 Yowa 5:14-15; Yowa 15:7; 16:23-24Lombenunga, kaha navamihana; tonda-tondenunga, kaha namuwana; ngongomwezenunga, kaha navamisokolwelako.
10Mwomwo weshowo eji kulombanga eji kutambulanga, kaha ou eji kutonda-tondanga eji kuwananga, kaha ou eji kungongomwezanga navamusokolwelako.
11Nyi mukachi kenu, chisemi muka walunga nge mwanenyi mwamulomba ishi, kaha ikiye mwamuhana linoka?
12Chipwe nge mwamulomba lisanga, kaha mwamuhana kavwanda?
13Nge enu vavapi mwatachikiza mwakuhanyina vana venu mawana amwenemwene, Senu wamwilu mwahambakananyi chikuma kuhana vyaShipilitu Wajila vaze navamulomba!
Tanga yakulihandununa nayilimwanga
(Mat 12:22-30; Mako 3:19-27)
14Kaha apwile nakulovola ndemone wauveveve. Kaha chasolokele, omu uze ndemone alovokele, uze kaveveve ahanjikile, kaha aze mazavu alikomokelele.
15Oloze vamwe vambile ngwavo, Eji kulovolanga #Mat 10:25vandemone mungolo jaMbelezembule, mwangana wavandemone.
16Veka nawa vamwesekele ngwavo #Mat 12:38; 16:1; Mako 8:11; Yowa 2:18; 6:30avasolwele chinjikizo chakufuma mwilu.
17Oloze Ikiye hakutachikiza vishinganyeka vyavo, avambile ngwenyi, Wangana hiwangana náulimanyina nakole nakulihandununa uvene, naunonga, kaha tanga hitanga náyilimanyina nakole nakulihandununa yivene, nayilimwanga.
18Kaha nge Satana nawa mwalimanyina ivene nakole nakulihandununa, kaha wangana wenyi nauzama ngachilihi? Mwomwo enu munambe ngwenu Ami ngweji kulovolanga vandemone nangolo jaMbelezembule.
19Oloze nge Ami ngweji kulovolanga vandemone nangolo jaMbelezembule, kaha vana venu veji kuvalovolanga nangolo jeya? Shikaho vakiko navapwa vaka-kumihisa.
20Oloze nge Ami ngweji kulovolanga vandemone #Kulo 8:19namunwe waKalunga, kaha wangana waKalunga unahete kuli enu.
21Omu chindume mwalipakachisa vitwa nakulama lilapa lyazuvo yenyi, vikumba vyenyi navipwa vyalambwe.
22Oloze omu navamulukuka kuli uze amuhambakana ngolo nakumufungulula, mwamunyanga vitwa vyenyi azaminyinanga, nakupangila vize namupukula.
23 #
9:50
Weshowo keshi kumwe nayAmiko, ali nakole nayAmi, kaha weshowo keshi kukungululanga hamwe nayAmiko, eji kumwanganga.
Kuhiluka chashipilitu waunyengwe
(Mat 12:43-45)
24Omu shipilitu waunyengwe mwalovoka muli mutu, eji kuhitangananga muze mwakuzeneka meya nakutonda kwakunokela, kaha omu mwahona kuwana kumwe, kaha himwamba ngwenyi, Nanguhiluka muzuvo muze ngwalovokele.
25Kaha omu mweza mwawana mwakukomba mwakulongesa kanawa,
26himwaya nakusaka vashipilitu veka vatanu navavali vamuhambakana kupihya. Kaha hinavengila nakutwamangamo. #Mat 12:45; 2 Pet 2:20Kaha kupwa chauze mutu chakukuminyina nachipihya kuhambakana chakavanga.
Kutokwa chakuhambakana
27Kaha shimbu apwile nakuhanjika vyuma evi, pwevo umwe muze mulizavu atambakanyine ngwenyi, #1:42; 23:29Lyatokwa lijimo lyakwimichile, namavele aze wamwineko.
28Oloze Ikiye ambile ngwenyi, Nduma, #8:21; Yowa 15:4vatokwa ava veji kwivwililanga nakulinga mwaya mazu aKalunga.
Chisemunwino chachipi nachisaka chinjikizo
(Mat 12:38-42)
29Omu aze mazavu apwile nakuvula, Yesu aputukile kuhanjika ngwenyi, #Mat 16:4; Mako 8:12Chisemunwino chino chinapu chisemunwino chachipi. #11:16Vanasake chinjikizo, oloze kaveshi kuvasolwela chinjikizoko, shina chinjikizo #Yona 3:4-5chaYona kaha.
30Mwomwo ngana muze apwile Yona chinjikizo kuli vaka-Nyinyive, mukiko nawa mwakapwa naMwanamutu kuchisemunwino chino.
31Uze mwangana wapwevo wakulifuchi lyachilyo chamututuko #1 Vamy 10:1-10; 2 Miji 9:1-12mwakemana namalunga vachisemunwino chino hakuvatula milonga nakuhana unjiho wakuvahisa, mwomwo afumine kujisongo jamavu nakwivwilila mangana aSolomone. Kaha talenu, Ou áhambakana Solomone ali hano.
32Malunga vaka-Nyinyive navakemana nachisemunwino chino hakuvatula milonga nakuhana unjiho wakuvahisa, mwomwo vakunyukile hashili nakwalumuka mumuchima haluvila lwaYona. Kaha talenu, #Mat 12:6Ou áhambakana Yona ali hano.
Linongo lyamujimba
(Mat 6:22-23)
33 #
8:16; Mat 5:15; Mako 4:21 Naumwe wauchi mwawika linongo nakulihaka mwakuswamana, chipwe kulifwikila mumbángo, oloze mwalihaka hachitumbikilo chalyo, mangana vaze navengila vamone zwalala.
34Liso lyove likiko linongo lyamujimba wove. Shikaho nge liso lyove lyalikangule, kaha namumujimba wove mwosena namumunyika kanawa. Oloze nge lyaviza, kaha namumujimba wove mwosena namupwa milima.
35Shikaho nyingilila kuchina kumunyika chili muli ove nachipwa milima.
36Shikaho, nge mumujimba wove wosena muli kumunyika kanawa, chakuzeneka chilyo chimwe kupwa milima, kaha mujimba wosena naupwa kumunyika kaha, ngana muze lyeji kukumunyikilanga linongo.
Yesu mwahanjikila vaFwaliseu navakúluwa mujishimbi
(Mat 23:1-36; Mako 12:38-40; Luka 20:45-47)
37Jino omu Yesu apwile nakuhanjika, #7:36; 14:1kaFwaliseu umwe amusanyikile ayenga nakulya nenyi. Kaha engilile nakusendavala kumesa.
38Kaha uze kaFwaliseu #Mako 7:1-5alikomokelele hakumona Yesu #Mat 15:2mwalya chakuzeneka kulivanga kusana kumavoko nge mwaya vize vavaselelele vakakuluka javo.
39Oloze #7:13Mwata amwambile ngwenyi, Jino enu vaFwaliseu mweji kutomesanga kuweluka walupasa nalilonga, oloze mujitulo jenu mwazala uhwanga naupapwoki.
40 #
12:20; 1 Koli 15:36 Enu vileya! Kumana Ou atengele kuweluka wamujimba, keshi Ikiye nawa atengele namukachiko numba?
41Oloze hanenu vaka-kukalikiza vize vyakufuma kumichima yitoma, kaha #Chitu 1:15; Mako 7:19vyenu vyosena navitoma.
42 #
Mat 23:23-24
Oloze luvinda lwenu, enu vaFwaliseu! Mwomwo mweji kuhananga #18:12; Levi 27:30chimbwa chimwe chamuvimbwa likumi kuvimbuto vyamavumba#11:42 MuchiHelase ngwavo, Minde (chimbuto nge lwenyi) napenganone, vimbuto vyamavumba amwaza, veji kutelekesanga nakuzachisa kuvitumbo. amwaza nakuvisakwola, oloze #Mika 6:8mwaliula chiyulo nazangi yaKalunga. Mwatelele kuvangila kulinga mwaya chiyulo nazangi, nakuzeneka nawa kuliula kuhana vize vyamulikumi.
43Luvinda lwenu, enu vaFwaliseu! Mwomwo #14:7; 20:46; Mat 23:6-7; Mako 12:38-39mwazanga chitwamo chaulemu mujisunangonga, nakumimenejeka nakalemesa kuvilanjilo!
44 #
Mat 23:27
Luvinda lwenu! Mwomwo mwapwa nge vimbumbe vyakuzeneka tutachikijilo, kaha vatu veji kuhitaho chakuzeneka kutachikiza.
45Jino umwe #Mat 22:35wavakúluwa muJishimbi javaYuleya amukumbulwile ngwenyi, Ove Muka-kunangula, hakuhanjika ngocho, unatusawila kumwe nayetu.
46Oloze avambile ngwenyi, Luvinda lwenu nayenu nawa vakúluwa muJishimbi! #Mat 23:4Mwomwo mweji kutwikanga vatu viteli vyavilemu vyavikalu kumbata, oloze enu kamweshi kunangikaho chipwe munwe wenuko.
47 #
11:47-48; Vili 7:51-53 Luvinda lwenu! Mwomwo mweji kutunganga malolwa akwimika nakwolaho, akwanukilaho vapolofweto vaze vajihile kuli vakakuluka jenu.
48Shikaho muvinjiho hakulikundwiza navilinga vyavakakuluka jenu. Mwomwo vakiko vavajihile, kaha enu mweji kutunganga vimbumbe vyavo.
49Shikaho Kalunga nawa #1 Koli 1:24; Kolo 2:3mumangana enyi ambile ngwenyi, Nangukavatumina vapolofweto navaposetolo. Vamwe navakavajiha, vakwavo navakavayanjisa,
50mangana manyinga avapolofweto vosena aze vámwanga, #Mat 25:34kufuma kukwala chihela chakaye, akavatelelenga vaka-chisemunwino chino#11:50 Nge ngwavo, chitela namulonga vipwenga hachisemunwino chino.,
51kuputukila kumanyinga #Kupu 4:8aAvele nakuheta kumanyinga #2 Miji 24:20-21; Zeka 1:1aZekaliya, uze ánongelele mukachi, oku lijiko lyakulumbila oku Tembele yaKalunga. Mukiko vene, nangumilweza ngwami, naavatelela vaka-chisemunwino chino.
52 #
Mat 23:13
Luvinda lwenu enu vakúluwa muJishimbi! Mwomwo munafumisa sapi yakusokolwesa kuchinyingi, enu vavene kamwengilamoko, kaha munahonesa vaze navasaka kwingilamo.
53Kaha omu Yesu apwile nakufumako, vaka-kusoneka navaFwaliseu vaputukile kumushinjisa nakumusowangiza ahanjike vyavivulu —
54chapwile #20:20; Mako 3:2kumuleleveka mangana #Mako 12:13vamukwachile havize mwahanjika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia