Luka Kujimbula mukanda
Kujimbula mukanda
Ásonekele mukanda
Ou asonekele mukanda wamujimbu wamwaza uno ikiye Luka. Apwile ndotolo wakuAndeyoka.
Mwaka wakuusoneka
Luka ausonekele mukachi kamwaka wa63 nakutwala ku68 kufuma kukusemuka chaMwata Yesu Kulishitu, (A.D. 63-68).
Vihande vili mumukanda
Mukanda waLuka wasolola Ou apwa Mutu Ikiye Kalunga wamwilu — ngana omu Yowano amusolola kupwa MwanaKalunga wamwilu Ikiye Mutu. Lizu lyátumbunuka mumukanda ou eli lyakwamba ngwavo, Mwanamutu. Mazu amalemu chikuma ali ha19:10, akiko akwamba ngwavo, Mwomwo Mwanamutu eza nakutonda chize chajimbala nakuchilwila.
Luka najimbula omu Mwata Yesu apwa Mutu vene. Chisemunwino chenyi vachikavasana kuheta nakuli Alama, kaha vashindakana chikuma hali naye, haukemba wenyi, nahaunyike wenyi.
Vishimo asoneka Luka vyemana hali mutu ali nakutonda-tonda vyenyi vinajimbala. Oloze akinga nawa uKalunga naWangana waYesu Kulishitu, Luka 1:32-35. Mukanda waLuka wajimbula Kulishitu kupwa Mutu Uze apwa Mutango (Zeka 6:12).
Vihanda vili mumukanda
1. Kujimbula vihande vili mumukanda, (1:1-4).
2. Wenyembo waYesu navatu, (1:5—2:52).
3. Vihanda vikwavo, (3:1—4:13).
a. Kujimika chaYesu, (3:1-22).
b. Vakakuluka jenyi, (3:23-38).
c. Yesu navamweseka kuli liyavolo, (4:1-13).
4. Milimo yaMwanamutu yakupwa Kapolofweto vashikile, (4:14—9:50).
5. Milimo yaMwanamutu hakutambuka kuYelusalema, (9:51—19:44).
a. Mwata Yesu navamukana kuli vavavulu hakuya kuYelusalema, (9:51—11:54).
b. Mwanangula tumbaji twenyi mwakumuzachila, (12:1—19:27).
6. Vihanda vikwavo, (19:28—23:56).
a. Mwengila muYelusalema mwaMwangana Ikiye Meshiya, (19:28-44).
b. Kusolola Mwanamutu chamakumishilo kuli vaIsalele kupwa Mwangana, (19:45—21:38).
c. Navamukana nakumupapalila hakulusu, (22:1—23:56).
7. Vihanda vikwavo, (24:1-53).
a. Kusanguka chenyi, (24:1-12).
b. Milimo yenyi ázachile kufuma hakusanguka, (24:13-49).
c. Kuya chaMwanamutu mwilu, (24:50-53).
Currently Selected:
Luka Kujimbula mukanda: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia