Mateu 12
12
Yesu Ikiye Mwata waSambata
(Mako 2:23-28; Luka 6:1-5)
1Halwola luze omu Yesu apwile nakupulasana mumande atiliku haSambata, tumbaji twenyi vevwile zala, kaha #Lush 23:25vaputukile kuhelako mitwe yatiliku nakulya.
2Oloze omu vachimwene vaFwaliseu vamwambile ngwavo, Tala, tumbaji twove vali nakulinga echi vajilika kulinga haSambata.
3Oloze Ikiye avambile ngwenyi, Kumana kamwatanga #1 Samw 21:1-6muze alingile Ndavichi, omu evwile zala navaze apwile navoko, tahi,
4omu engilile muzuvo yaKalunga nakulya jize mbolo jakumeso aKalunga — echi mwaya Jishimbi kavetavisa kujilya ikiyeko, chipwe vaze apwile navo, #Levi 24:9shina vapilishitu kaha — kamwachivwako tahi?
5Nyi kamwatangile mumukanda waJishimbiko tahi, omu haSambata vapilishitu #Kula 28:9-10veji kujilululanga Sambata muTembele chakuzeneka kuvahana mulonga?
6Oloze nangumilweza ngwami, #12:41-42; Luka 11:31-32Ou ahambakana Tembele ali hano.
7Kaha nge mwatachikizanga mwaya mazu vasoneka ngwavo,
#
9:13; Hoze 6:6 Ngwasaka kutetela,
Kangwasaka kunguvatwila vimunako,
kachi ava vazeneka mulonga kamwavahanyine mulongako.
8Mwomwo #Yowa 5:1-18; 7:19-24; 9:1-41Mwanamutu apwa Mwata waSambata.
Yesu mwahindula mutu wakusoseka livoko
(Mako 3:1-6; Luka 6:6-10)
9Kaha omu afumine kuze, engilile musunangonga#12:9 Tala ha4:23. yavo.
10Kaha mwapwile mutu wakusoseka livoko. Vamuhulishile ngwavo, Mwaya Jishimbi choloka kuhindula mutu haSambata tahi? — mangana vamuwanyine mulonga.
11Ikiye avahulishile ngwenyi, #Luka 14:5Mutu muka hali enu nge ali namukoko naholokela muwina haSambata, mwazeneka kumukwata nakumufumisamo?
12 Shinganyekenu omu mutu alema kuhambakana mukoko! Shikaho choloka kulinga mwamwaza haSambata.
13Kaha alwezele uze mutu ngwenyi, Olola livoko lyove. Alyolwele, kaha lyapwile cheka lyalambwe nge likwavo.
14Oloze vaFwaliseu valovokele, vayile #26:4; Mako 14:1; Yowa 7:30; 8:59; 10:39; 11:53nakumutwama punga vawane mwakumunongesela.
Ngamba vásakula kuli Kalunga
15 #
12:15-16; Mako 3:7-12; Luka 6:17-19 Yesu hakuchitachikiza, afumine kuze. Mazavu amavulu amukavile kaha avahindwile vosena.
16Kaha avakanjile mangana vazeneke kumwivwakanyisa,
17mangana mazu ahanjikile Kalunga muli kapolofweto Isaya atesemo ngwenyi,
18 #
12:18-21; Isa 42:1-4 Tala, Ngamba yami ngwasakula,
#
3:17; 17:5 Wami ngwazanga,
Ou ásuulwisa mwono wami.
#
Luka 4:18; Yowa 3:34 Nangumuhaka Shipilitu yami,
Kaha mwakavambulilanga vaka-mafuchi chiyulo.
19Keshi kukakokojola, chipwe kuhanjika nalizu lyakukangukako,
Lizu lyenyi naumwe wauchi mwakalivwa kumikwakwa.
20Lihongo lyakufunyuka keshi kukalipundulako,
Muhya walinongo wakufwinda wishi keshi kukaujimako,
Palanga nomu mwakaneha chiyulo chakuvahasa vaka-kole.
21Kaha #Loma 15:12mulijina lyenyi mukiko navakawanyina vaka-mafuchi lutalililo.
Zuvo yakulihandununa kayeshi kwimanako
(Mako 3:19-30; Luka 11:14-23)
22Haze vene vamunehelele #9:32-33muka-ndemone waupuputa nauveveve. Kaha amuhindwile, ngocho uze apwile kaveveve ahanjikile nakumona.
23Mazavu osena alikomokelele, vambile ngwavo, Ou kumana keshi Ikiye #9:27MwanaNdavichiko?
24 #
9:34; 10:25; Yowa 7:20; 8:52; 10:20 Oloze vaFwaliseu hakuchivwa vambile ngwavo, Ou keshi kulovola tuhu vandemoneko, shina kaha mungolo jaMbelezembule, mwangana wavandemone.
25 Yesu #9:4hakutachikiza vishinganyeka vyavo, avambile ngwenyi, Wangana hiwangana naulimanyina nakole nakulihandununa uvene, naunonga. Kaha limbo hilimbo lyakembwe chipwe tanga hitanga nayilimanyina nakole nakulihandununa yivene, kayeshi kwimana mbeko.
26Kaha nge Satana mwalovola Satana, nalimanyina ivene nakole nakulihandununa, kaha wangana wenyi nauzama ngachilihi?
27Kaha nge Ami ngweji kulovolanga vandemone nangolo jaMbelezembule, kaha vana venu veji kuvalovolanga nangolo jeya? Shikaho vakiko navapwa vaka-kumihisa.
28Oloze nge Ami ngweji kulovolanga vandemone muli Shipilitu yaKalunga, kaha wangana waKalunga unahete kuli enu.
29Nyi mutu mwahasa ngachilihi kwingila muzuvo yachindume nakupupa vikumba vyenyi? Shina avangile kukasa uze chindume, numbanyi apupe zuvo yenyi.
30 #
Luka 11:23; Mako 9:40; Luka 9:50 Weshowo keshi kumwe nayAmiko, ali nakole nayAmi, kaha weshowo keshi kukungulwilanga hamwe nayAmiko, eji kumwanganga.
Kuzamukila Shipilitu Wajila
31 #
12:31-32; Mako 3:28-30; Luka 12:10 Shikaho nangumilweza ngwami, Milonga yashili yosena nakusaula Kalunga chosena, navahasa kuvakonekelacho vatu. Oloze kusaula Shipilitu kaveshi kuhasa kuvakonekelako.
32Kaha weshowo mwahanjika lizu lyakufulilila Mwanamutu, navahasa kumukonekela. Oloze weshowo mwasaula Shipilitu Wajila kaveshi kuhasa kumukonekelako, chipwe ngonde yino chipwe ngonde nayikezaho.
33Wahisenu mutondo kaha mihako yawo nawa nayipwa yamwaza, chipwe #12:33-35; Luka 6:43-45; Mat 7:16-20; Yako 3:11-12; Mat 15:18pihisenu mutondo kaha mihako yawo nawa nayipwa yayipi. Mwomwo mutondo vautachikijila kumihako yawo.
34 #
3:7; 23:33 Enu tanga yavambandajila! Namuhasa ngachilihi kuhanjika vyamwenemwene shimbunyi enu muvavapi? Mwomwo ovyo vyazalilila mumuchima vikiko ahanjika mutu #15:18; Luka 6:45mukanwa kenyi.
35Mutu wamwenemwene, muchisete chenyi chamwenemwene chamuchima, mwalovolamo vyamwenemwene. Kaha mutu wamupi, muchisete chenyi chachipi chamuchima, mwalovolamo vyavipi.
36Nangumilweza ngwami, Lyesholyo lizu lyamokomoko navahanjika vatu navakalilumbununa vavene halikumbi lyakuvatula milonga.
37Mwomwo kumazu ove kukiko navakakusambishila, kaha kumazu ove nawa kukiko navakakuhishila.
Vaka-chisemunwino chachipi navasaka chinjikizo
(Luka 11:29-32)
38Haze vene vaka-kusoneka vamwe navaFwaliseu vamwe vamwambile ngwavo, Ove Muka-kunangula, #16:1; Mako 8:11-12; Luka 11:16; Yowa 2:18; 6:30; 1 Koli 1:22tunasake utusolwele chinjikizo.
39Oloze Ikiye avakumbulwile ngwenyi, #16:4Chisemunwino chachipi chaujila chinasake chinjikizo, oloze chinjikizo kaveshi kuvasolwelachoko, shina chinjikizo chakapolofweto Yona kaha.
40Mwomwo #Yona 1:17ngana muze apwile Yona mujimo lyaishi wamunene chikuma #16:21makumbi atatu, namusana naufuku, mukiko nawa mwakapwa naMwanamutu kwishi yamavu makumbi atatu, namusana naufuku.
41Malunga vaka-Nyinyive navakemana nachisemunwino chino hakuvatula milonga nakuhana unjiho wakuvahisa, mwomwo #Yona 3:5vakunyukile hashili nakwalumuka mumuchima haluvila lwaYona. Kaha talenu, #12:6Ou ahambakana Yona ali hano.
42 #
1 Vamy 10:1; 2 Miji 9:1 Uze mwangana wapwevo wakulifuchi lyachilyo chamututuko mwakemana navaka-chisemunwino chino hakuvatula milonga nakuhana unjiho wakuvahisa, mwomwo afumine kujisongo jamavu nakwivwilila mangana aSolomone. Kaha talenu, #12:6Ou áhambakana Solomone ali hano.
Kuhiluka chashipilitu wamupi muli mutu
(Luka 11:24-26)
43Omu shipilitu waunyengwe mwalovoka muli mutu, eji kuhitangananga muze mwakuzeneka meya nakutonda kwakunokela, kaha omu mwahona kuwana kumwe,
44kaha himwamba ngwenyi, Nanguhiluka muzuvo muze ngwalovokele. Kaha omu mweza mwawana mwamokomoko, mwakukomba, mwakulongesa kanawa.
45Kaha himwaya nakusaka vashipilitu veka vatanu navavali vamuhambakana kupihya, kaha hinavengila nenyi hamwe nakutwamangamo. #2 Pet 2:20Kaha kupwa chauze mutu chakukuminyina nachipihya kuhambakana chakavanga. Mukiko nachikapwa hachisemunwino chino chachipi nawa.
Yesu, navandumbwenyi nanaye
(Mako 3:31-35; Luka 8:19-21)
46Shimbu apwile nakuhanjika kuli aze mazavu, #Yowa 2:1-12; 19:25-27; 7:1-10; Mako 6:3; 1 Koli 9:5; Ngal 1:19naye navandumbwenyi vamalunga vemanyine kuweluka, vasakile kuhanjika nenyi.
47[Kaha umwe amulwezele ngwenyi, Tala, noko navandumbwove vamalunga vanemana kuweluka ngwavo vahanjike nayove.]
48Oloze akumbulwile uze amulwezele ngwenyi, Mama iya? Vandumbwami veya?
49Kaha enyikile tumbaji twenyi nakwamba ngwenyi, Talenu, ava vakiko vamama navandumbwami!
50Mwomwo #Yowa 15:4ou álinga mwaya muchima waTata ali mwilu, ikiye ndumbwami walunga, ikiye ndumbwami wapwevo, ikiye mama.
Currently Selected:
Mateu 12: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
