Mateu 19

Yesu mwakanyisa kutumbika mapwevo

(Mako 10:1-12; Luka 16:18)

1 # 7:28; 11:1; 13:36; 26:1 Omu Yesu akumishile kunangula vihande evi, afumine kuNgalileya, nakuya mungalila yaYuleya, musali yaYotau.

2Mazavu amavulu avatu amukavile kuze, kaha avahindwile kumisongo yavo.

3Kaha vaFwaliseu vejile kuli Ikiye nakumweseka, kaha vamuhulishile ngwavo, Mwaya Jishimbi choloka lunga kulukulula pwevo lyenyi hakala mulonga tahi?

4Avakumbulwile ngwenyi, Kamwatangahoko haze vamba ngwavo, Uze avatengele #Kupu 1:27; 5:2kufuma kukuputuka

Avatengele nalunga napwevo,

5kaha ambile ngwenyi,

# Kupu 2:24; Efwe 5:31; 1 Koli 6:16 Hakiko lunga mwasezela ise nanaye nakulinunga hamwe napwevo lyenyi,

Kaha ava vavali navapwanga mujimba umwe.

6Ngocho kaveshi cheka vavaliko, oloze vanapu mujimba umwe. Shikaho echi nanungu Kalunga, mutu kanda akachihandununako.

7Vakiko vamuhulishile ngwavo, Nyi mwomwo ika atulwezelele Mose ngwenyi #Lush 26:1-4vamuhane mukanda wakujiha ulo nakumulukulula?

8Avakumbulwile ngwenyi, Hakukaluhwa chamichima yenu, hakiko amitavishile Mose kulukulula mapwevo jenu. Oloze kufuma kukuputuka, kachapwile ngochoko.

9Kaha nangumilweza ngwami, #5:32; Luka 16:18; 1 Koli 7:10-13Weshowo mwalukulula pwevo lyenyi chakuzeneka uze pwevo kulinga ujila, nakumbata weka, nalingi ujila. [Kaha weshowo mwambata uze válukulula nalingi ujila.]

10Tumbaji twenyi vamwambile ngwavo, Nge chapwa ngocho hali lunga napwevo lyenyi, kumana chinahambakana kuwaha kuzeneka kumbata.

11Oloze avambile ngwenyi, Vosena kaveshi kuhasa kwitavila #1 Koli 7:7-9, 17lizu lyakutwama muujikeko, kuvanga vaze #13:11vanahanecho kaha.

12Mwomwo kuvali vaheuka kufuma kukusemuka chavo, kaha kuvali ava vaheula kuli vatu, kaha kuvali valilama nakulihana kukuzeneka kumbata hawangana wamwilu. Ou nahase kuchitavila achitavile.

Yesu mwetavila vanyike vavandende

(Mako 10:13-16; Luka 18:15-17)

13Haze vene vamunehelelenga vana vavandende mangana avanangike mavoko nakuvalombela, oloze tumbaji twenyi vavatenukilile#19:13 Nge ngwavo, tumbaji vatenukilile visemi vanehele vana vavo..

14Oloze Yesu ambile ngwenyi, Itavisenu vana vavandende vezenga kuli Ami, kanda namuvakanyisako, #18:3; 1 Koli 14:20mwomwo wangana wamwilu wapwa wavo ava vangana.

15 Avanangikile mavoko, kaha afumineko.

Mwanalunga muka-luheto

(Mako 10:17-31; Luka 18:18-30)

16Kaha kuli Ikiye kwejile mutu nakumuhulisa ngwenyi, #Luka 10:25Ove Muka-kunangula, mwamwenemwene muka nangulinga numba ngupwenga namwono wázeneka kukuma?

17 Yesu amwambile ngwenyi, Mwomwo ika unanguhulisa hakuvuluka umwenemwene? Kuli Umwe kaha apwa wamwenemwene. #Levi 18:5; Nehe 9:29; Ezek 20:21Oloze nge unasake kwingila kumwono, linganga mwaya Jishimbi.

18Amuhulishile ngwenyi, Jishimbi muka? Yesu amukumbulwile ngwenyi,

# Kulo 20:12-16; Lush 5:16-20; Loma 13:9; Yako 2:11 Kanda ukajiha mutuko,

Kanda ukalinga ujilako,

Kanda ukevako,

Kanda ukambulula unjiho wakwongako,

19 # 15:4 Vumbikanga iso nanoko, kaha

# Levi 19:18; Mat 22:39 Zanganga mukwenu ngana omu walizanga ove ivene.

20Uze mwanalunga amwambile ngwenyi, Mwaya josena ojo ngwalingamo. Chuma muka chinalihonoho?

21Yesu amwambile ngwenyi, nge unasake kukupuka mwosena, yako, #Luka 12:33; Vili 2:45; 4:34lanjisa vyosena watwama navyo nakuhana vaka-kuhutwa, kaha #6:20naupwanga naluheto mwilu. Kaha twaya, ngukavangizenga.

22Oloze uze mwanalunga hakwivwa mazu awa afumineko nakunyengetela, mwomwo apwile naluheto lwaluvulu.

23Kaha Yesu ambile tumbaji twenyi ngwenyi, Mwamuchano nangumilweza ngwami, Chachikalu kuli muka-luheto kwingila muwangana wamwilu.

24Cheka nawa nangumilweza ngwami, Ngana omu chakaluhwila ngamela kuhita muliso lyandongo, ngocho nawa chapwa chachikalu chikuma kuli muka-luheto kwingila muwangana waKalunga.

25Omu tumbaji twenyi vachivwile, valikomokelele chikumakuma. Vambile ngwavo, Kaha iya navahasa kulwila?

26Yesu avatalile kaha ambile ngwenyi, Kuli vatu kachahashiwako, oloze kuli #Kupu 18:14; Yopa 42:2; Yele 32:17Kalunga vyosena vyahashiwa.

27Haze vene Petulu amukumbulwile ngwenyi, Tala, etu tunaseze vyosena nakukukavangiza. Shikaho natukawanyinaho ika?

28Yesu avambile ngwenyi, Mwamuchano nangumilweza ngwami, mungonde yayihya, omu mwakatwama Mwanamutu halitanda lyenyi lyawangana lyaupahu, enu munangukavangiza #Luka 22:30; Mat 20:21; Kuso 3:21namukatwama nawa hamatanda awangana likumi naavali nakuyula miyachi yavaIsalele likumi nayivali.

29Kaha #6:33weshowo naseze jizuvo, chipwe vandumbwenyi vamalunga chipwe vamapwevo, chipwe ise, chipwe naye, [chipwe pwevo lyenyi,] chipwe vana venyi, chipwe mande enyi, halijina lyami, mwakatambwilaho mapapa likulukaji (100) havize naseze, nakuswana mwono wázeneka kukuma.

30Oloze vavavulu vavalemu #20:16; Mako 10:31; Luka 13:30navakapwa vakukuminamo, kaha vakukuminamo navakapwa vavalemu.

Currently Selected:

Mateu 19: LUE

Highlight

Copy