Mateu 21
21
Yesu mwengila mwamwangana muYelusalema
(Mako 11:1-11; Luka 19:28-40; Yowa 12:12-19)
1Jino omu vapandamine kuYelusalema#21:1 Kufuma kuYeliko nakukanduka kunganda yaYelusalema, kuvanga kukanduka jimita 1,200., vahetele kuMbetefwaje kupili yaMilive, Yesu atumine tumbaji twenyi vavali,
2avambile ngwenyi, Yenu kulimbo lize lili kulutwe lwenu, kaha hahaze vene namuwana chimbulu wakukasa ali nalivuvu lyenyi hamwe. Kavakasununenu nakungunehelavo.
3Kaha nge umwe mwamihulisa, mulwezenu ngwenu, Mwata nasake kuvazachisa, kaha hahaze vene mwavasuula.
4 #
21:4-9; Yowa 12:12-15 Jino echi chasolokele mangana vize vahanjikile kuli kapolofweto vavitesemo ngwenyi,
5 #
Isa 62:11
Lwezenu mwanaZeyone wapwevo ngwenu,
#
Zeka 9:9
Tala, Mwangana wove ali nakwiza kuli ove,
Ikiye wamuvwovu mumuchima, natwame hachimbulu,
Halivuvu, hali mwanachimbulu.
6Kaha vaze tumbaji twenyi vayile nakulinga ngana muze avalwezele Yesu.
7Vanehele uze chimbulu nauze livuvu, vavahakile uvwalo wavo, kaha atwamineho.
8Liyongomena lyavatu #2 Vamy 9:13lyapwile nakwala uvwalo mujila. Lyatetele mitango namafo ayo kumitondo nakuyala mujila.
9Kaha mazavu aze atetekeleleko naaze akavilenga munyima, vapwile nakutambakana ngwavo,
Hozana#21:9 Nge ngwavo, Lwila! Likiko lizu lyakulemesa Kalunga hawangana wenyi. Ove #9:27MwanaNdavichi!
#
23:39; Samu 118:26 Wakukisula Ou mweza mulijina lyaMWATA!
Hozana muze #Luka 2:14mwakulitulaho!
10Kaha omu engilile muYelusalema, nganda yosena yazungumukile, nakuhulisa ngwavo, Ou Iya?
11Kaha aze mazavu ambile ngwawo, #Yowa 6:14; 7:40; Vili 3:22; Mako 6:15; Luka 13:33Ou you Kapolofweto, Yesu wakuNazaleta kuNgalileya.
Yesu mwatomesa muTembele
(Mako 11:15-19; Luka 19:45-48; Yowa 2:13-22)
12Kaha Yesu engilile muTembele, ahangile vosena vaze vapwile nakulanjishila nakulanda muze muTembele, kaha akatumwine jimesa #Kulo 30:13javaka-kutambasana jimbongo, navitwamo vyavaka-kulanjisa #Levi 1:14; 5:7; 12:8tutela.
13Avambile ngwenyi, Vasoneka ngwavo,
#
Isa 56:7
Zuvo yami navakayivulukanga ngwavo Zuvo yakulombela.
#
Yele 7:11
Oloze enu munayalumuna kupwa
Uswamo wavihwanga.
14Kaha tupuputa navaka-kumbilikita vejile kuli Ikiye muze muTembele, kaha avahindwile.
15Oloze omu #Luka 19:39vapilishitu vavalemu navaka-kusoneka vamwene vize vyakukomwesa alingile Yesu, navanyike vapwile nakutambakana muTembele ngwavo,
#
21:9
Hozana Ove MwanaNdavichi!
vevwile kupihya chikuma.
16Kaha vamwambile ngwavo, Unevu omu vali nakuhanjika ava vanyike? Yesu avakumbulwile ngwenyi, Eyo. Kamwatangaho lyehi mazu akwamba ngwavo,
#
Samu 8:2
Mutunwa twavana vavandende navaka-kwamwa mukiko unalongesela kwalisako?
17Kaha avasezele, alovokele munganda yakembwe nakuya kuMbetane nakusavalako.
Yesu mwangula mukuyu
(Mako 11:12-14, 20-26)
18 #
21:18-22; Luka 13:6-9 Nachimene hakukinduluka kunganda, evwile zala.
19Kaha hakumona mukuyu kwakamwihi najila, ayileko, kawanyineko muhakoko shina mafo kaha. Kaha awambile ngwenyi, Kanda naukema cheka muhakoko. Kaha hahaze vene uze mukuyu womine chau.
20Kaha tumbaji hakuchimona valikomokelele, vambile ngwavo, Ou mukuyu unomu ngachilihi washi ngana?
21Kaha Yesu avakumbulwile ngwenyi, Mwamuchano nangumilweza ngwami, #17:20; Luka 17:6; 1 Koli 13:2; Yako 1:6Nge mukwechi lufwelelo lwakuzeneka kukakasana, kachi kamweshi kulinga ngana omu chinalingiwa kumukuyu kahako, oloze chipwe namwamba pili yino ngwenu, Tutuka, kalimbile mukalungalwiji, kaha nachipwa vene ngocho.
22Kaha vyeshovyo namulomba nalufwelelo, namuvitambula.
Navahulisa kwafuma ngolo jaYesu
(Mako 11:27-33; Luka 20:1-8)
23Kaha omu engilile muTembele nakunangula, vapilishitu vavalemu navakulwane javaYuleya vejile kuli Ikiye, kaha vamuhulishile ngwavo, #Yowa 2:18-22Vyuma evi uli nakuvilinga nangolo muka? Kaha ou akuhana ngolo kana iya?
24Yesu avakumbulwile ngwenyi, Ami nawa nangumihulisa lizu limwe. Nge namungulwezalyo, numba Ami nawa ngumilweze okwo kwafuma ngolo kana nguli nakulinga najo vyuma evi.
25Nyi lujimiko lwaYowano lwapwile lwakufuma kulihi? Lwakufuma mwilu tahi, nyi lwakufuma kuli vatu? Vakiko valihwojwele ngwavo, Nge natwamba ngwetu, Lwakufuma mwilu, kaha mwatwamba ngwenyi, Nyi mwakanyinyine ika kumufwelela?
26Oloze nge natwamba ngwetu, Lwakufuma kuli vatu — tunevu woma walize lizavu, mwomwo vosena vajina Yowano ngwavo #11:9; 14:5; Luka 1:76apwa kapolofweto.
27Shikaho vamukumbulwile Yesu ngwavo, Katwatachikizako. Ikiye nawa avambile ngwenyi, Nayami nawa kangweshi kumilweza ngolo kana nguli nakulinga najo vyuma eviko.
Chishimo chavana vamalunga vavali
28 Yesu avahulishile ngwenyi, Namwambaho muka? Kwapwile #Luka 5:11mutu ápwile navana venyi vamalunga vavali. Kaha ayile kuli uze wakavanga nakwamba ngwenyi, Ove mwanami, yako lelo nakuzata #20:1; 22:33muwande wamivinyo.
29Kaha ikiye amukumbulwile ngwenyi, Kangute kuyako. Oloze kutwala muze alumwine muchima wenyi nakuya.
30Kaha ayile kuli mukwavo nakumwamba mwomumwe. Kaha amukumbulwile ngwenyi, Nanguya mwane. Oloze kayileko.
31 Jino, avahulishile ngwenyi, Umwe ulihi hali vaze vavali alingile mwaya muchima waise? Vamukumbulwile ngwavo, Uze wakavanga. Yesu avambile ngwenyi, Mwamuchano nangumilweza ngwami, #Luka 7:29, 37-50Vaka-kutelesa namahule navalivanga kwingila muwangana waKalunga.
32Mwomwo Yowano ejile kuli enu nakusolola jila yakwoloka, kaha enu kamwamufweleleleko. #Luka 3:12Vaka-kutelesa namahule vamufwelelele. Oloze enu, chipwe mwachimwene, kufuma haze kamwalumwine michima yenu nakumufwelelako.
Chishimo chawande wamuvinyo
(Mako 12:1-12; Luka 20:9-19)
33Ivwenu chishimo chikwavo. Kwapwile mwenyazuvo,
#
Samu 80:8; Isa 5:1-7 Alimine #21:28wande wamivinyo,
Ashichileko lushito chelele ndo,
Afulilemo chikamwino chavinyo,
Atungilemo nawa kaposhi.
Uze wande auselele#21:33 Mwenyawande alivwasanyine navo kulipangilanga mihako hangonde yakwaha. vanjimi vaulamenga, vawanyineho nakumuhanako mihako yawo, kaha #25:14ayile kulifuchi lyeka.
34Omu ngonde yakwaha mihako yapandamine, #22:3atumine vandungo jenyi kuli vaze vanjimi mangana vakamutambwileko mihako.
35Kaha vaze vanjimi vakwachile vaze vandungo. Umwe vamuvetele, mukwavo vamujihile, kaha weka vamwashile malolwa.
36Cheka nawa #22:4atumineko vandungo vakwavo, vavavulu kuhambakana vaze vakavanga. Kaha vavalingile mwomumwe.
37Oloze hakukuminyina atumineko mwanenyi ngwenyi, Mwanaminyi navakamuvumbika.
38Oloze omu vaze vanjimi vamwene uze mwana valyambile ngwavo, Ou ikiye swana. Twayenu tumujihe mangana tutambule uswana wenyi.
39Kaha vamukwachile, vamumbilile kusali yawande wamivinyo nakumujiha.
40Shikaho omu mwenyawande mwakeza, mwakalinga muka navaze vanjimi?
41Vamukumbulwile ngwavo, Vaze vavapi mwakavanongesa ndolokoto, kaha uze wande wamivinyo #8:11-12; Vili 13:46; 18:16; 28:28mwakausela vanjimi veka vaulamenga nakuwanyinaho, vaze navakamuhanangako mihako hangonde yakwaha.
42Yesu avahulishile ngwenyi, Kumana kamwatangaho lyehi Mazu-vasoneka-ajilako? Awa akwamba ngwavo,
#
Samu 118:22-23; Vili 4:11; 1 Pet 2:7; Loma 9:33 Lilolwa eli vakanyine vaka-kutunga Tembele
Linapu Mutwe wakukashisa mbango yazuvo.
Chinafumu kuli MWATA,
Chapwa chakukomwesa kumeso etu.
43Shikaho nangumilweza ngwami, wangana waKalunga navakamitambulawo, nakuuhana muyachi weka uze naulovolanga mihako yawo.
44Kaha ou mwalimbukila halilolwa lino mwasanyuka, oloze ou nálikaholokela nalikamuchika chiki-chiki.
45Kaha vapilishitu vavalemu navaFwaliseu hakwivwa vishimo vyenyi, vatachikijile ngwavo apwile nakuvuluka vakiko.
46Kaha omu vasakile kumukwata, vevwile woma wamazavu avatu, mwomwo vatu vamujinyinenga ngwavo Kapolofweto.
Currently Selected:
Mateu 21: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
