Mateu 23

Yesu mwalweza tumbaji twenyi vavanguluke

(Mako 12:38-40; Luka 11:37-54; 20:45-47)

1Shikaho Yesu alwezele aze mazavu natumbaji twenyi ngwenyi,

2Vaka-kusoneka navaFwaliseu vatwama halitanda lyaMose —

3shikaho vyeshovyo navamilweza, ononokenunga nakulingangamo. Oloze vize valinga, kanda namukavilingako, mwomwo vahanjikamo kaha, oloze kavalingamoko.

4 # Luka 11:46; Vili 15:10 Veji kukasanga viteli vyavilemu chikuma, vyavikalu kumbata, nakuvitwika vatu havifwiji, oloze vakiko kavate chipwe kuviswenyesa namunwe.

5Vilinga vyavo vyosena valinga vyapwa #6:1, 5, 16mangana vavamone kuli vatu. Mwomwo vatohwesa #Kulo 13:9; Lush 6:8; 11:15tuvikwama twamazu aKalunga twakukashilila mujiholo javo#23:5 VaFwaliseu, hakutonda kulisolola ngwavo vazanga Mazu aKalunga, vapwile nakuhaka lipapilo lyaMazu aKalunga mutuvikwama nakutukashilila mujiholo javo. Tala Kula 15:38; Lush 6:8., nakusuhwisa #9:20jizombo jakuuvwalo wavo#23:5 VaYuleya, hakutonda kulisolola ngwavo vatachikijile Mazu aKalunga kuhambakana vakwavo, vasuhwishile jizombo javo.,

6kaha #Luka 11:43; 14:7; 20:46vazanga chihela chaulemu kuviwanyino vyakulya, navitwamo vyaulemu mujisunangonga#23:6 Tala ha4:23.,

7nakuvamenejeka nakalemesa kuvilanjilo, nakuvavuluka kuli vatu ngwavo, Ove Lapi#23:7 Nge ngwavo, Ove muka-kunangula..

8 # Yako 3:1 Oloze enu, kanda navamivuluka ngwavo, Lapiko, mwomwo mukwechi Muka-kunangula Umwe kaha, kaha enu muvosena muundumbu wenu.

9Kaha kanda namuvuluka umwe hano hamavu ngwenu senuko, mwomwo mukwechi Senu Umwe kaha, átwama mwilu.

10Chipwe kumivuluka ngwavo valongeshi, mwomwo mukwechi Mulongeshi Umwe kaha, Ikiye Kulishitu.

11 # 20:26 Kaha ou áhambakana vakwavo hakachi kenu, apwenga muka-kumizachila.

12 # 18:4; Luka 14:11; 18:14; 1 Pet 5:6 Weshowo mwalizezula navamwinyisa, kaha weshowo mwalinyisa navamuzezula.

13Oloze luvinda lwenu, enu vaka-kusoneka nayenu vaFwaliseu, enu vaka-kulyongela kwoloka! #Luka 11:52Mwomwo mweji kusokanga muwangana wamwilu kumeso avatu, enu vavene kamwengilamoko, kaha nawa kamwetavisa vaze navasaka kwingilamoko.

Yesu mwahanjikila vaka-kusoneka navaFwaliseu

14[Luvinda lwenu enu vaka-kusoneka nayenu vaFwaliseu, enu vaka-kulyongela kwoloka! Mwomwo mweji kulyanga luheto lwavatuliwe vamapwevo, kaha mweji kulyonganga kupwa vaka-kukomoka Kalunga hakulomba nakutwalililaho. Shikaho navakamiyanjisanga kuhambakana vakwenu.]

15Luvinda lwenu enu vaka-kusoneka nayenu vaFwaliseu, enu vaka-kulyongela kwoloka! Mwomwo mweji kuzaukanga kalungalwiji nakuteta jitunda mangana #Vili 2:10; 6:5; 13:43mulingise mutu umwe kupwa kaYuleya, kaha nge napu lyehi ngocho, hinamumulingisa kupwa #5:22mwanaNgehena wakumihambakana enu mapapa kavali.

16Luvinda lwenu, enu #15:14vatwamina vakufwa meso, mweji kwambanga ngwenu, #5:33-34Weshowo mwalishinga Tembele, chamokomoko tuhu, oloze weshowo mwalishinga ulu wamuTembele, nalikase.

17Enu vileya vakufwa meso! #Kulo 30:29Chimwe chilihi chahambakana? Ulu tahi, nyi Tembele oyo yajilika ulu?

18Kaha nawa ngwenu, Weshowo nalishingi lijiko lyakulumbila, chamokomoko tuhu, oloze weshowo nalishingi wana uliho, nalikase.

19Enu vakufwa meso! #Kulo 29:37Chilihi chinahambakana? Wana tahi, nyi lijiko lyakulumbila olyo lyajilika wana?

20Shikaho weshowo nalishingi lijiko lyakulumbila, nalishingi navyosena viliho.

21Kaha weshowo nalishingi Tembele, nalishingi #1 Vamy 8:13; Samu 26:8; 132:14naUze átwamamo.

22Kaha weshowo nalishingi lilu, nalishingi nalitanda lyaKalunga naUze átwamaho.

23 # Luka 11:42 Luvinda lwenu, enu vaka-kusoneka nayenu vaFwaliseu, enu vaka-kulyongela kwoloka! Mwomwo mweji kuhananga #Levi 27:30chimbwa chimwe chamuvimbwa likumi chavimbuto vyamavumba amwaza amínde nanjíle nakumíne, oloze mwaliula vize vyavilemu muJishimbi — #Mika 6:8chiyulo, kutetela, navyalufwelelo#23:23 Chipwe ngwavo, kushishika.. Mwatelele kuvangila kulinga evi, nakuzeneka nawa kuliula kuhana vize vyamulikumi.

24Enu vatwamina vakufwa meso! Enu mweji kukembulanga kangenengene nakumina ngamela!

25Luvinda lwenu, enu vaka-kusoneka nayenu vaFwaliseu, enu vaka-kulyongela kwoloka! Mwomwo #Luka 11:39-40; Mako 7:4mweji kutomesanga kuweluka walupasa nalilonga, oloze mujitulo jenu mwazala uhwanga nakuzunguma!

26Ove kaFwaliseu wakufwa meso! Vangila kutomesa mukachi yalupasa nalilonga, numbanyi kuweluka nawa kutome.

27Luvinda lwenu, enu vaka-kusoneka nayenu vaFwaliseu, enu vaka-kulyongela kwoloka! Mwomwo mwapwa nge #Vili 23:3; Samu 5:9vimbumbe vyakusendeleka vyakukwita pemba, vyasoloka kuwaha kuweluka, oloze mukachi mwazala vifuhwa vyavafu navyaunyengwe vyosena.

28Ngocho nayenu nawa kuweluka mwasoloka muvakwoloka kuli vatu, oloze mujitulo jenu mwazala kulyongela kwoloka naupapwoki.

29Luvinda lwenu, enu vaka-kusoneka nayenu vaFwaliseu, enu vaka-kulyongela kwoloka! Mwomwo mweji kutunganga vimbumbe vyakusendeleka vyavapolofweto nakwola malolwa akwimika akwanukilaho vafu vaka-kwoloka.

30Kaha mweji kwambanga ngwenu, Nge kutwapwile hamakumbi avakakuluka jetu, kachi katwalifutwilenga navo nakumwanga manyinga avapolofwetoko.

31Shikaho munasolola unjiho wakulihisa enu vavene ngwenu muvana vavaze vajihile vapolofweto.

32Kaha enu nawa, kumisenu vize vaputukile vakakuluka jenu.

33Enu manoka, #3:7; Luka 3:7enu vana vavambandajila! Kuhisa #5:22chakumitwala muNgehena namukachichina ngachilihi?

34Shikaho, Ami #2 Miji 36:15-16nangumitumina vapolofweto navaka-mangana navaka-kusoneka. Vamwe namukavajiha, vakwavo namukavapapalila hajikulusu; #10:17, 23vakwavo namukavepula vikote mujisunangonga#23:34 Tala ha4:23. jenu, veka namukavahangasana mulimbo hilimbo lyakembwe —

35mangana manyinga avaka-kwoloka osena vámwanga hamavu akapwe hamitwe yenu, kuputukila kumanyinga amuka-kwoloka #Kupu 4:8-10; Hepe 11:4Avele, nakuheta kumanyinga #Zeka 1:1; 2 Miji 24:20-21aZekaliya, mwanaMbalakiya, uze mwajihilile hakachi, oku Tembele oku lijiko lyakulumbila.

36Mwamuchano nangumilweza ngwami, Vyosena evi navikapwa hamitwe yavaka-chisemunwino chino#23:36 Mokomoko ngwenyi, Hali vaka-myaka yino..

Yesu mwalinyenga kupwa chaYelusalema

(Luka 13:34-35)

37Ove Yelusalema! Ove Yelusalema! Ove wéji kujihanga vapolofweto nakwasa malolwa vaze veji kukutuminánga! Kakavulu ngwasákilenga kukungulula vana vove ngana omu eji kukungulwilanga kasumbi vana venyi mumavava, oloze enu kamwachisakako!

38Talenu, zuvo#23:38 Hakuhanjika ngwenyi, Zuvo yenu, Mwata ali nakuvuluka Tembele nomu navakayisanda, nalimbo lyosena nawa, nalifuchi lyavo lyosena, nakuvaselalyo nge pambo kaha. yenu vanamiselayo kupwa ngundu kaha.

39Mwomwo nangumilweza ngwami, kufuma oholili kamweshi kukangumonako, palanga nomu namukamba ngwenu,

Wakukisula Ou mweza mulijina lyaMWATA!

Currently Selected:

Mateu 23: LUE

Highlight

Copy