Mateu 27

Yesu navamutwala kuli Pilatu

(Mako 15:1; Luka 23:1-2; Yowa 18:28-32)

1Jino chimenemene, vapilishitu vavalemu vosena navakulwane javaYuleya vatwamine Yesu punga mangana vawane mwakumujihila.

2Kaha vamukashile, vamutwalile nakumuhana kumavoko anguvulu, Pilatu.

Kufwa chaYuta

3 # 27:3-10; Vili 1:16-20 Kaha Yuta, uze ámuhanyine kumavoko avaka-kole, omu amwene Yesu vanamuhane mulonga ngwavo afwenga, alinyengele hachize alingile. Kaha ahilwishile #26:15jize jimbongo japalata makumi atatu (30) kuli vapilishitu vavalemu navakulwane javaYuleya nakwamba ngwenyi,

4Ngunavulumuna hakuhana mutu wakuzeneka mulonga kumavoko enu. Oloze vakiko vamwambile ngwavo, Ocho chili naka nayetu? Ojo jove!

5Kaha omu ambilile jize jimbongo japalata muTembele, afumineko, ayile nakulisukika.

6Jino vapilishitu vavalemu vanonele jize jimbongo japalata nakwamba ngwavo, Mwaya Jishimbi jaMose, kacholoka kujihaka mwakulamina luheto lwajilako mwomwo jinafwiki manyinga.

7Kaha valivwasanyine, vajilanjile mavu atengi yaunonga mangana vafundengamo vangeji.

8Shikaho aze mavu vawavuluka ngwavo Mavu-amanyinga nakulelo.

9Haze vene vateselemo muze vahanjikile muli kapolofweto Yelemiya ngwavo,

# Zeka 11:12-13 Kaha vambachile jize jimbongo japalata makumi atatu (30),

Jikiko ndando yaUze vátongwelele vana vaIsalele,

10Kaha vajilanjile mavu atengi yaunonga,

Ngana muze angulwezele MWATA.

Yesu mwemana kumeso aPilatu

(Mako 15:2-5; Luka 23:3-5; Yowa 18:33-38)

11Jino Yesu emanyine kumeso anguvulu. Kaha nguvulu amuhulishile ngwenyi, Ove yove Mwangana wavaYuleya tahi? Yesu amukumbulwile ngwenyi, #26:25Mwomwo vene unambe.

12Kaha omu vapilishitu vavalemu navakulwane javaYuleya vapwile nakwaula chihande chenyi, kakumbulwileko.

13Haze vene Pilatu amuhulishile ngwenyi, Kaweshi nakwivwa omu vali nakuhana unjiho wauvulu ngana hali oveko tahi?

14Oloze Yesu #Luka 23:9; Mat 26:62; Mako 14:60; 1 Pet 2:23kamukumbulwileko, chipwe halizu limwe, ngocho nguvulu alikomokelele chikuma.

Ngwavo, Yesu afwenga

(Mako 15:6-20; Luka 23:13-25; Yowa 18:38—19:16)

15Jino hachiwanyino chaKuzomboka, nguvulu apwilenga nakwechela lizavu lyavatu weshowo funge navasaka.

16Halwola luze vaLoma vapwile nafunge wapuho yayipi, lijina lyenyi Mbalapa#27:16 Uze chihwanga Mbalapa lijina lyenyi likwavo ikiye Yesu, mwomwo lijina kana valilukilenga kala mutu mwaya chisemwa chavaYuleya..

17Shikaho omu vakungulukile Pilatu avahulishile ngwenyi, Namusaka ngumyechele iya? Mbalapa tahi, nyi Yesu, #1:16Ou vavuluka ngwavo Kulishitu?

18Mwomwo atachikijile ngwenyi vanamuhane kumavoko enyi halisungu.

19Jino omu Pilatu atwamine halitanda lyakusopela, pwevo lyenyi amutuminyine mazu ngwenyi, Fumisaho mavoko hali #Luka 23:4Owo Mutu wakwoloka, mwomwo lelo ngunayande chikuma hali Ikiye mukulota.

20Jino vapilishitu vavalemu navakulwane vakunyukishile mazavu avatu mangana Pilatu avahane Mbalapa, anongese Yesu Kulishitu.

21Oloze nguvulu avahulishile cheka ngwenyi, Hali ava vavali, iya munasake ngumyechele? #Vili 3:13-14Vakiko ngwavo, Mbalapa.

22Pilatu avahulishile ngwenyi, Nyi ngulinge muka nayOu Yesu, Ou vavuluka ngwavo Kulishitu? Vosena vakumbulwile ngwavo, Vamupapalile hakulusu!

23Ikiye ambile ngwenyi, Mwomwo ika? Kupihya muka nalingi? Oloze vakiko vahambakanyine kutambakana ngwavo, Vamupapalile hakulusu!

24Jino omu Pilatu amwene ngwenyi nevi ali nakulinga vyauchi, shina chizungo kaha chaputukile kukatuka, ambachile meya #Lush 21:6-9; Samu 26:6nakusana kumavoko kumeso alize lizavu, nakwamba ngwenyi, Ami kangweshi namulonga wamanyinga ayOuko! Talenuko enu vavene!

25Kaha vatu vosena vambile#27:25 MuchiHelase ngwavo, vakumbulwile. ngwavo, #Vili 5:28; Yosh 2:9Manyinga enyi atutelelenga etu navana vetu!

26Haze vene Pilatu avechelele Mbalapa, oloze #27:27-36; Yowa 19:16-18amwipwishile Yesu vikote, amuhanyine kumavoko avo mangana vamupapalile hakulusu.

Yesu navamuyanjisa kuli maswalale

(Mako 15:16-20)

27Haze vene maswalale janguvulu vatwalile Yesu mulilapa vavuluka ngwavo Peletolyume#27:27 Peletolyume yapwile kembwe yanguvulu hamwe namaswalale jenyi.. Vamukungulwilile chendo chamaswalale chosena#27:27 Chendo chamaswalale chapwile kafwe namaswalale 600..

28Kaha vamuzulile nakumuvwika chikovelo chachisuku chawangana chichila.

29Kaha vavinjile muchama wamingonga nakumuvwikawo kumutwe, vamukamachishile lukosa mulivoko lyachilyo, kaha vamufukaminyine nakumuhenda ngwavo, Vulye! Ove Mwangana wavaYuleya!

30 # 26:67 Vamufwijilile maleji, kaha vamutambwile lukosa nakumuveta-vetalwo kumutwe.

31Omu vakumishile kumuhenda, vamuzulile chize chikovelo, nakumuvwika cheka uvwalo wenyi. Kaha vamutwalile, vakamupapalile hakulusu.

Navapapalila Yesu hakulusu

(Mako 15:21-41; Luka 23:26-49; Yowa 19:17-30)

32Hakulovoka munganda, #Mako 15:21; Luka 23:26; Yowa 19:17vawanyine mutu wakuKulene, lijina lyenyi Shimona. Vamukanjikijile mangana amumbachile kulusu.

33Kaha omu vahetele kuchihela vavuluka ngwavo Ngolongota, nge ngwavo, Chihela chaChikola,

34vahanyine Yesu vinyo yakufutula #Samu 69:21navitumbo vyavisasu nge nyangwa vyakukehesa kukola ngwavo anwenga. Oloze omu ayimakilile akanyine kuyinwa.

35Omu vamupapalilile hakulusu, #Samu 22:18valipangilile uvwalo wenyi hakuutahisa navitaho.

36Kaha vatwamine kuze nakumulama.

37Uze mulonga vamuhanyine vausonekele helu yamutwe wenyi ngwavo,

# Mako 15:26; Luka 23:38; Yowa 19:19 OU IKIYE YESU

MWANGANA WAVAYULEYA.

38Halwola vene luze vihwanga vavali naIkiye vavapapalilile hajikulusu, umwe kuchilyo, umwe kuchimoswe.

39Kaha vaze váhichilenga kuze #Samu 22:7-8; 109:25vamusawilenga nakupyakwojola mitwe yavo, nakwamba ngwavo,

40Ove #26:61; Yowa 2:19wamba kushiula Tembele nakuyitunga mumakumbi atatu, lilwile Ove Ivene! #4:3Nge uMwanaKalunga, suluka hakulusu!

41Chochimwe nawa vapilishitu vavalemu navaka-kusoneka navakulwane javaYuleya, vamulangulwile ngwavo,

42Nalwilinga veka, oloze Ivene kahashile kulilwilako. Ikiye ngwenyi apwa Mwangana wavaIsalele, asuluke jino hakulusu, numba tumufwelele.

43Afwelela Kalunga; Kalunga amuyovole jino, nge namusake, mwomwo ambilenga ngwenyi, NguMwanaKalunga.

44 # Luka 23:39-43 Navaze vihwanga nawa vapapalilile hajikulusu naIkiye, vamutolekele mwomumwe.

Kufwa chaYesu

(Mako 15:33-41; Luka 23:44-54; Yowa 19:28-30)

45Jino kufuma halwola lwamuchitanu nalumwe#27:45 Nge ngwavo, hamulungu ha12:00. hamavu hosena hapwile milima kokolo palanga nakulwola lwamuchitanu najiwana#27:45 Nge ngwavo, ha15:00..

46Kaha kafwe halwola lwamuchitanu najiwana Yesu atambakanyine ngwenyi,

Eli, Eli, lama savakatanyi?

Nge ngwenyi,

# Samu 22:1 Ove Kalunga kami, Ove Kalunga kami, unangusuvila ika?

47Kaha vamwe vemanyine kuze hakuchivwa vambile ngwavo, Ali nakusanyika Elija.

48Hahaze vene umwe wavo alahile nakunona mupelo#27:48 MuchiHelase ngwavo, Chiponja. Chiponja chapwile chachivwovu chakufwana nge mupelo, chamukalungalwiji., auvombekele #Samu 69:21muvinyo yingangamina#27:48 Vinyo yingangamina yapwile vinyo yayisamu, vanwinenga vatu vavavulu, yandando yayindende., automekele kuchitondo nakumuhana anwenga.

49Oloze vakwavo vambile ngwavo, Mweche! Tutale nge Elija mweza nakumulwila!

50Yesu atambakanyine cheka, kaha echele shipilitu yenyi.

51Hahaze vene, #Hepe 9:8; 10:19-20; Kulo 26:31-35lihina lyapimo#27:51 Chivatulo mukachi kamuze mwajila namuze mwajila chikuma lyapwile lihina lyapimo yayinene mangana lizeneke kupulika chipwe vatu naveseka kulipula nangolo javo josena! yayinene lyakuvatasana muTembele lyapulikile muvihanda vivali, kufuma kwilu mbwe nakwishi. #28:2Mavu andendele, kaha malolwa apulikile,

52vimbumbe vyasokolokele, kaha mijimba yavaka-kujila vavavulu, #Vili 7:60vaze vásavalile tulo, vayisangwile,

53kaha kufuma hakusanguka chaYesu, valovokele muvimbumbe, vengilile #4:5munganda yajila, kaha vasolokele kuli vavavulu.

54Kaha omu kapitau kamaswalale navaze apwile navo nakulama Yesu vamwene uze mundenda navize vyasolokele, vevwile woma chikuma, vambile ngwavo, Mwamuchano, #3:17; 17:5Ou apwanga vene MwanaKalunga.

55Kwapwile mapwevo vavavulu vakuNgalileya, vaze vakavangijilenga Yesu nakumuzachila, vemanyine hahasuku nakutala.

56Hakachi kavo hapwile #Luka 24:10naMaliya wakuMangatala, naMaliya nevo yaYakova naYose, nanevo yavana vaZevete nawa.

Navasavalika Yesu muchimbumbe

(Mako 15:42-47; Luka 23:50-56; Yowa 19:38-42)

57 # 27:57-61; Vili 13:29 Hakulembalemba chalikumbi kwejile muka-luheto wakuAlimateya, lijina lyenyi Yosefwe, naikiye nawa apwile kambaji kaYesu.

58Ayile kuli Pilatu nakulomba mujimba waYesu. Haze vene Pilatu avalwezele vamuhanewo.

59Yosefwe ambachile uze mujimba nakuujingila halihina lyalinyu lyakuzeneka majilo,

60kaha ausavalikile muchimbumbe chachihya, chize álitotelele ivene mulilolwa. Kaha ashindumwinyine lilolwa lyalinene kuchikolo chachimbumbe nakufumako.

61Maliya wakuMangatala, nauze Maliya mukwavo kuvapwile, vatwamine kwakulitalasana nachimbumbe.

Navakolesa kuchimbumbe

62Kaha jino, halikumbi lyakavile halize lyakulongesa vyaSambata, vapilishitu vavalemu navaFwaliseu vakungulukilile kuli Pilatu.

63Kaha vamwambile ngwavo, Ove mwata, tunanuka muze ambile uze muka-kuhungumwisa vatu shimbu apwanga nakuyoya ngwenyi, #16:21; 17:23; 20:19Omu namuhita makumbi atatu navangusangula.

64Shikaho valweze valame chimbumbe kuheta nakulikumbi lyamuchitatu, kuchina tumbaji twenyi navaya nakumwivamo, hinavalweza vatu ngwavo, Vanamusangula muvafu. Kaha kuhungumwisa chakukumishilako nachihambakana chize chakavanga.

65Pilatu avambile ngwenyi, Mbatenu maswalale ava, yenu mukalameko mweshomwo namuhashila.

66Ngocho vayile nakulama chimbumbe — #27:60; 28:11-15; Ndan 6:17valamikile katachikijilo halize lilolwa, nakuhakako maswalale.

Currently Selected:

Mateu 27: LUE

Highlight

Copy