Mako Kujimbula mukanda
Kujimbula mukanda
Ásonekele mukanda
Mujimbu wamwaza uno vausonekele kuli Mako Yowano, naye apwile Maliya wakuYelusalema, (Vili 12:12). Apwile nawa muhya waMbalanape, (Kolo 4:10). Alijivile navaposetolo, kaha vamuvuluka mumikanda asonekele Paulu nauze waLuka, (Vili 12:12, 25; 15:37, 39; Kolo 4:10; 2 Chim 4:11; Fwile 1:24).
Mwaka wakuusoneka
Mukanda waMako vauvuluka ngwavo vausonekele hakachi ka57 na63 kufuma haze asemukile Mwata Yesu (A.D. 57-63).
Vihande vili mumukanda
Mumukanda uno vanasolola Yesu kupwa Muka-kuzata wakukangana. Apwa Ndungo yaMWATA Uze vavuluka ngwavo Mutango (Zeka 3:8), nge muze vamuvuluka kuMateu ngwavo, Mutango waNdavichi (Yele 33:15).
Chipwe apwa MwanaKalunga, oloze alilingishile kupwa ndungo, nge vanasoneka kuMako 10:45. Kuli lizu ali nakuzachisa chikuma, eli likiko, hahaze vene. Eli lizu lyasolola omu ndungo atela kwononoka chakuzeneka jipami. Kavavulukamo chisemunwinoko, hakupwa ndungo. Kulikehesa chaKulishitu vachisolola kuFwilipi 2:6-8.
Chipwe apwile Ndungo wakulinyisa, oloze Ikiye vene Kalunga Waundume, (Isaya 9:6). Shikaho Mako asolola chikuma milimo yaMwata, kuhambakana vihande namazu akuhanjika.
Shikaho, hakufwila kulinangula mukanda waMako, chatamo kuvangila kulomba nakutanga mukanda waIsaya 42:1-21; 50:4-11; 52:13—53:12; waZekaliya 3:8; nawavaka-Fwilipi 2:5-8.
Vihanda vitanu vili mumukanda
1. Ndungo, Ou MwanaKalunga, nomu vamusolola, (1:1-11).
2. Kushishika chaNdungo, Ou MwanaKalunga, (1:12-13).
3. Ndungo, Ou MwanaKalunga ali nakuzata, (1:14—13:47).
4. Omu Ndungo, Ou MwanaKalunga apwa wakwononoka chakutwala nakukufwa, (14:1—15:47).
5. Mulimo waNdungo, Ou MwanaKalunga, kufuma hakusanguka omu vamuzezula nakupwa nawata wosena, (16:1-20).
Currently Selected:
Mako Kujimbula mukanda: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia