Genese 11
11
1Mumpata yejima yamunu mwishina mwadiŋi idimi dawu dimuhohu, mazu awu wowamu hohu. 2Cheliluwu hiyakufuma kumusela, awana nichana mwituŋa daShinari, ashakama nikusha kamaku. 3Hiyakudileja muntu namukwawu nawu, Tuyenu, twilenu matafwali, tuyochenu chachiwahi. Nanochu chabuliluwu malola hiyakukumina dakutuŋa namatafwalihohu, chabuliluwu samendi hiyakutuŋa namaseki akucha aka. 4Nawu, Tuyenu, Tutupenu mukala weneni, nikaposhi kamatafwali, insayaku yakashiki mwiwulu; twakatiyakani ijina, twakabuli kupalaŋana mwahita iseki dejima. 5Yehova wenjili mwishina nindi akatali nimukalanikaposhi kakutuŋi awu anyana kawantu. 6Yehova wahosheli nindi, Antu awa himuchidi wumu hohu, wejima wawu akweti idimi dawu dimu; talantahi chakusambishawu; ichi dinu kwosi chuma chakayilekesha kwila mwejima mwanafu ukuluwu munyichima yawu. 7Tuyenu, tusulukenu, twakaluwaŋesheluku idimi dawu, kulonda akeli iwu kutiya mwakuho shamukwawu nehi, iwu kutiya mwakuhosha mukwawu nehi. 8Yehova yoyimwaŋa kwenoku, hakuyipalapesha mwejima mwahita iseki; mukala aleka nikuwutuŋa. 9Dichi chawutenenawu ni ijina dawu nawu Babeli; nanochuchalu waŋesheliyi Yehova kwenoku idimi dawantu ejima ahamaseki; kwokweno kukwokwa yipalaŋe sheleliyi Yehova mwejima mwahita iseki.
10Tiyenu nsaŋu jaShemi; Shemi wadiŋi wanyaka nkulakaji yovwalani Arapashadi, munahiti dehi nyaka yiyedi nahamwaka wadibaji. 11Chavweliyi Shemi Arapashadi wanuŋiluku ninyaka yi kwawu makulakaji atanu, wavweli anyana amayala nawambanda.
12Arapashadi washakamini nyaka makumi asatu nanyaka yitanu, yovwala niShela; 13Arapashadi chavweliyi Shela wanuŋiluku ninyakayikwawu makulakaji awana nanyaka yisatu, wavweli anyana amayalana wambanda.
14Shela washakamini nyaka makumi asatu, yovwala niEberu; 15Shelachavweliyi Eberu wanuŋiluku nyaka yi kwawu makulakaji awana nanyakayisatu, wavweli anyana amayala nawambanda.
16Eberu washakamini nyaka makumi asatu nanyaka yiwana, yovwala niPeleŋi; 17Eberu chavweliyi Pelepi wanuŋiluku nyaka yikwawuma kulakaji awana nanyaka makumi asatu, wavweli anyana amayalana wambanda.
18Pelepi washakamini nyaka makumi asatu, yovwala niRewu; 19Pelepi chavweliyi Rewu wanuŋiluku nyaka yi kwawu makulakaji ayedi nanyakayitanu nayiwana, wavweli anyana amayala nawambanda.
20Rewu washakamini nyaka makumi asatu nanyaka yiyedi, yovwalani Serugi; 21Rewu chavweliyi Serugi wanuŋiluku nyaka yi kwawu makulakaji ayedi nanyaka yitanu nayiyedi, wavweli anyana amayala nawambanda.
22Serugi washakamini nyaka makumi asatu, yovwala niNahori; 23Serugi chavweliyi Nahori wanuŋiluku nyaka yi kwawu makulakaji ayedi, wavweli anyana amayala nawambanda.
24Nahori washakamini nyaka makumi ayedi nanyaka yitanu nayiwana, yovwala niTera; 25Nahori chavweliyi Tera wanuŋiluku nyaka yikwawunkulakaji nanyaka ikumi nayitanu nayiwana, wavweli anyana amayalana wambanda.
26Tera washakamini nyaka makumi atanu nanyaka makumi ayedi, yovwala niAbarama, niNahori, niHarana.
27Tiyenu nsaŋu jawanyana kaTera; Tera wavweli niAbarama, niNahori, niHarana; Harana wavweli Loti. 28Harana wamufwilili tata yindi Teramumesu mwituŋa davwalikililiyi, mwomu Uri wamudi aKaladeya. 29NiAbarama niNahori asumbwili ambanda; Iŋoda Amarama ijinadindi Sarayi; iŋoda Nahori ijina dindi Milika, mwana kaHarana, yowu tata yaMilika namukwawu Isika. 30Sarayi wadiŋi nshinta, hadii; i namwanaku.
31Tera watambwili mwanindi Abarama, nimwizukulu windi Lotimwana kaHarana, nimuku windi Sarayi iŋoda mwanindi Abarama, hiya kunya mukahamu muUri wamudi aKaladeya ayi muKenani; ashikani kuHarana, ashakama nikwoku. 32Mafuku aTera ashikili munyakama kulakaji ayedi nanyaka yitanu; Tera yofwa ni kufwa muHarana.
Currently Selected:
Genese 11: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
