Genese 16
16
1Ilaŋa Sarayi iŋoda Abarama hamuvweleli anyanaku; yena wadi ijina nduŋu yindi wamumbanda, kaEjipitu, ijina dindi Haga. 2Sarayi hakumwila Abarama, nindi, Tala dinu, Yehova nanlekeshi kuvwala anyana; epili mwani, mudi nduŋu yami, wamba kela nakamwena anyana kudiyena. Abarama wetejeli mwizu daSarayi. 3Dichi heliliyi Abarama nashakami dehi mwituŋa nyaka ikumi, iŋoda Abarama Sarayi hakunonanduŋu yindi kaEjipitu Haga, hakumwinka nfumwindi Abarama eli Iŋodindi. 4Yena hakwijila mudi Haga, Haga hakuba aba niivumu. Chanamoni yinindi naba abi ivumu hakudiwula nkaka yindi. 5Sarayi hakumwila abarama, nindi, Kutama kunamonami kushikeni hadeyi. Ami nakwinkelinduŋu yami muntulu yeyi; chanamoniyi nindi naba abi dehi ivumu, hanimona nawa cheŋi kulemaku; Yehova atusompeshi ninami nineyi. 6Abarama hakumwila Sarayi, nindi, Hinduŋu yeyeyi aweni, kamwili mwonsu muwunakeŋi eyi aweni. Sarayi hakumukabisha, niyena yomute mukaniku mutemuka.
7Kaŋelu kaYehova wamuweni kukaseloki kameji mwikuna, kwokukaselokikekala munjila yakuya kuShuri. 8Hakumwihula nindi, Eyi Haga, eyi nduŋu yaSarayi, wunafumi kudihi? Wudi nakuya kudihi? Yena nindi, Nidi nakutemuka nkaka yami Sarayi. 9Kaŋelu kaYehova hakumwila nindi, Funtaku kudi nkaka yeyi wakamwovwahilaŋa. 10Kapelu kaYehova hakumwila nindi, Nakavulisha nankashi anyaneyi, akakaŋanya kuyichinda, nanochu chiyakavula. 11Kaŋelu kaYehova hakumwila nindi, Eyi wudi nevumu, wakavwala mwana weyala, wakanamutumba ijina dindineyi Ishimeli, nanochu chanatiyiyi Yehova chiwunamoni yihuŋu. 12Yena mukachi kawantu wakekala neyi chadiyi chimbulu wamumpata; yena wakazuŋa nawantu ejima, niantu ejima akazuŋa nayena; wakashaka makumesu awana kwindi ejima. 13Haga wanamutumbili Yehova wahosheliyi nindi ijina, nindi yeyi Nzambi Wamonaŋa; nindi, Hela kunu hinamoniyena wanmonaŋaku, tahindi? 14Dichi chatumbiluwu ishima dina ijina, nawu Ishima daWahandaŋa Wanimonaŋa; dekala hakachi kaKadeshi naBeredi.
15Haga wamuvweleli Abarama mwana weyala; Abarama wanamutumbili mwanindi wavweliyi Haga ijina dindi, nindi Ishimeli. 16Hamwaka wamuvweleluwu Abarama Ishimeli kudi Haga, Abarama washi kili munya kamakumi atanu nasatu nanyaka yitanu nawumu.
Currently Selected:
Genese 16: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
